فى فتره فى المنتدى ظهر بشده السؤال على كيفيه ترقيم الأرانب
لأن أدوات ترقيم الأرانب غير موجوده فى مصر
والأدوات الموجوده خاصه بالحيوانات الكبيره من الماعز فيما أكبر
وفى النهايه استقر النقاش على ترقيم القفص نفسه بدلا من ترقيم الأرنب
واللى هاعرضه النهارده مش جديد فى فكرته لأنها نفس الفكره ترقيم القفص بس إزاى ؟
بالنسبه لأسلوب الترقيم
فى مزارع بترقم على بيوت الولاده وده مشكلته إنك ممكن تغير بيت الولاده او يبوظ ويترمى
وفى ناس بترقم على العلافه ودى فيها نفس المشكله
لأن الإتنين سواء العلافه او بيت الولاده كماليات للبطاريه وعمرها الإفتراضى بينتهى قبل عمر البطاريه
الفكره هى تثبيت قطعه من الصاج فى جسم البطاريه وكتابه البيانات المطلوبه عليها
زى دى كده
وده شكلها قبل التثبيت
وده شكلها من الخلف بعد التثبيت
حاجه بسيطه وسهله ورخيصه وأى حد يعملها مش اختراع ولا حاجه
بس مميزاتها كويسه فى انها
1ـ عمليه
2ـ سهلة التنفيذ
3ـ أهم ميزه فيها إن عمرها الإفتراضى طويل بعمر البطاريه نفسها مش زى العلافه وعشه الولاده
4ـ ثابته فى مكانها مش هاتتغير زى عشه الولاده أو لو حصلها ظروف زى العلافه
يارب تعجبكم
بخصوص الموضوع ده انا بعمل حركه كويسه اوى
بجيب قطعه ورق كرتون والزقه على كل علافه بتاعت كل نتايه
والرقم بتاع النتايه دا متسجل فى مكان تانى عباره عن جدول يحمل نفس الرقم وفيه كل التفاصيل
وهكذا فى جميع الامهات
كل ام لها رقم معين على العلافه
ونفس الرقم دا متسجل فى جدول بكل البيانات الخاصه بالام
احمد المقدمالإثنين سبتمبر 24, 2012 9:51 pm