منتدى الأرانب للجميع
معرفه الأرنبه العشار فى اليوم الثالث من التلقيح 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

معرفه الأرنبه العشار فى اليوم الثالث من التلقيح Rabbit10


منتدى الأرانب للجميع
معرفه الأرنبه العشار فى اليوم الثالث من التلقيح 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

معرفه الأرنبه العشار فى اليوم الثالث من التلقيح Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

معرفه الأرنبه العشار فى اليوم الثالث من التلقيح

06122012
معرفه الأرنبه العشار فى اليوم الثالث من التلقيح

besm


أعرض لحضراتكم اليوم طريقتى الشخصيه لمعرفه الإناث العشار فى اليوم الثالث من التلقيح

قبل أى شئ عايز اقول ان الطريقه دى شخصيه وخاصه بى ولم اراها فى اى مرجع علمى او كتاب
انما هى نتاج لملاحظاتى الشخصيه على الأرانب

ولكن تطبيقها يحتاج لشروط خاصه جدا فى المربى وهى
1ـ انه يكون بيحب الأرانب
يعنى الأمر بالنسبه للمربى مش مجرد تربيه لتحسين الدخل والأرانب دى مجرد ادوات انتاج
2ـ قوه الملاحظه
لازم يكون المربى بيقضى معاهم وقت كافى لملاحظه تصرفات الأرانب ومعرفه أسباب هذه التصرفات
3ـ الصبر ثم الصبر ثم الصبر
واللى معندوش الـ 3 شروط دى يبقى بلاش يقرأ الموضوع لأنه هايتصور انه كلام فارغ وملوش لزمه

ندخل فى المفيد

الأول هانتكلم عن عصبيه الأرانب لأن كل نوع من العصبيه ليها سبب وليها تصرفات ظاهره
أنا لا حظت ان الأرانب ليها أكثر من نوع من العصبيه

عصبيه الجوع
ودى من ظواهرها انها بتقعد تخربش فى السلك وفى العلافه وفى الأرض
وعصبيه الولاده
ودى بتخليها بنفس الحاله اللى فاتت مع ويزيد عليها انها بتقعد تلف فى العين او فى المكان
وتدخل وتخرج من عشه الولاده وكأنها بتدور على مكان فاضى أو بتدور على أحسن حته تولد فيها
و عصبيه التعشير (لما تكون طالبه تعشير)
ودى اللى تهمنا ـ لما تكون طالبه تعشير بيكون وضعها مختلف شويتين
وتقعد تعمل حركات كده زى إنها تقعد ترفع جسمها لفوق أو تكون أشبه انها بتنط نطات خفيفه
بس هى مش بتنط هى بترفع ايدها وراسها وتنزلهم تانى
وتقعد تحط إيديها على سلك البطاريه وتنزلها تانى بس من غير ما تخربش فى السلك
بتحط ايها على السلك زى اللى بيحط ايه على المقام علشان ياخد البركه (عافانا الله واياكم من هذا الجهل)

وسواء كانت العلامات دى واضحه للمربى او غير واضحه للمربى خلينا فى المنطقه اللى احنا بنبحث فيها

إزاى تعرف ان الأرنبه عشار فى اليوم الثالث للتلقيح

(((بعد التلقيح)))
سلوك الأرنبه بيكون هادئ تماما وبينزل من أشد العصبيه لقمه الهدوء وبتنزل للهدوء الشديد ده بشكل تدريجى
أول يوم بعد التعشير بتكون منكمشه على نفسها وراقده على بطنها ولو قربت منها تجرى تنكمش فى حته تانيه
وتانى يوم بتكون أهدأ قليلا من اليوم الأول وممكن أقرب منها وماتجريش
تالت يوم بتكون فى قمه الهدوء (والدلع) على طول نايمه على جنبها (ومش بطنها) ومره تكون رافعه راسها لفوق
ومره تكون راكنه راسها على الأرض وعينها مقفوله نص ونص كأنها بتسبل عينها

وعلشان أقرب الموضوع ليكم بشكل اكبر بتلاقي الأرنبه زى العروسه الحامل اللى أول مره تحمل
وفى الشهور الأولى وعامله نفسها مش قادره وتعبانه وتقوم من هنا تقعد هناك يعنى الأرنبه بتكون فى نفس الحاله تقريبا من الدلع

هى الأرنبه بتكون زى كده بالظبط على طول نايمه وراكنه على جنبها وحركتها بطيئه ومدلعه نفسها على الأخر

لو لاحظت الحاجات دى على الأرنبه يبقى هى ان شاء الله عشار وده بيتأكد طبعا بالجس بعد كده
ملاحظاتى على الطريقه دى
1ـ هى ممكن تكون وسيله ممتازه للمربى اللى بيقدر يتابع سلوك الأرانب ويعرف أسباب السلوك
2ـ هذه الطريقه ليست بديل كامل عن الجس لأن الجس لابد منه ومش هانستغنى عنه
على اقل تقدير الأرنبه ممكن تكون تعمل نفس التصرفات وتكون فى النهايه حملها كاذب !!!
3ـ الطريقه دى ( بالنسبه لى ) نتيجها مؤكده بما يقارب الـ 100% بالنسبه للأمهات اللى بتكون لوحدها فى العين
أو معاها خلفات لسه مابتتحركش أما المهات اللى معاها خلفات بتجرى وراها وتتحرك فى العين
لسه مش بقدر احكم عليها حكم نهائى غير بالجس

يارب اكون عرفت اوصل ملاحظاتى بشكل جيد




ان يصلح الراعى ويتقى ربه ــ تخشى الذئاب ربوعه وحماه

خبرات خاصه فى تربيه الأرانب
كيفيه التعامل مع الإناث الرافضه للتلقيح
تدريب ذكور الأرانب للحصول على ذكر مثالى للتلقيح
معرفه الأنثى العشار من اليوم الثالث للتلقيح
ليس كل تساقط مع قشور يكون جرب
سقايه الأرانب الأوتوماتيك
كلمتين فى العلف
إصنع علفتك بنفسك
01111766393
[ندعوك للتسجيل في المنتدى أو التعريف بنفسك لمعاينة هذا الرابط]









شكرا لكل من رمانى بحجر

تعاليق

ahmad shalaby
والله يا باشا انت استااااااااااااذ ورئيس قسم كمان
وملاحظاتك كلها في محلها وانا ملاحظها كلها معايا
بس بخاف اقولها لحد يتريق عليا او كنت بعتبرها حالة فرديه من كتر القعده مع الارانب فبلاحظ السلوك المختلف لهم
بجد تسلم ايدك والموضوع فعلا عاوز حد يكون متابع للارانب كويس وبيراقب تصرفاتهم في كل الاوقات
انا كنت في الاول بصراحه بخاف من الهدوء ده بعد التلقيح وبخاف يكون الدكر اذى الارنبه او اي حاجة بس مع تكراره في كل الاناث عرفت السبب

جزاك الله كل خير يا استاذ محمد
احمد احمد سعد
فعلا كلامك مضبوط يا متر انا بلاحظ الكلام ده عندى برده
ومكنتش بركز فيه عادى يعنى بس الله ينور عليك فيه
اهم حاجه فى تربية الارانب انك تكون حابب تربيتها علشان تنجح معاك
وانا ملاحظ انك بتحب تفهم طباع الارانب كويس ودى النتيجه ربنا يباركلك

جزاك
avatar
الله ينور يا أستاذ محمد
هذه ملاحظات جديرة بأن تؤخذ في الاعتبار
للتجربة بالملاحظة بارك الله فيك وفي أفكارك النيرة .
m.allii2
368
m.allii2
انا بعمل حاجه تانيه وهى انى فى ارانب انا بطبعها شقهيه وكل ما تشفنى تجرى وتتحرك وارانب هاديه واران بتخاف منى ومبتحبش انى امسكها

فبقوم فاتح العين واحط ايدى قدامه من غير ما امسكه واشوفه هيتصرف زى عادته ولا ويتغير سلوكه عن الاول

لو لقيت سلوكه متغير ابدا اتابعه عشان لوكان فيه حاجه
oso
فعلا كلامك صح
ابوعمر الفيوم
لو التكنولوجيا تخدمنا في موضوع جس الارانب ده وحد يدلنا على جهاز سونار ينفع للارانب كان وفر علينا كتير
إنسياب يراع
كلام سليم ....وبصراحه كت اتابع الاناث بعد التعشير ليومين او 3 والاحظ التغير بالسلوك واللي كان يتغير

سلوكها ..ا الاقيها نايمه بالقفص يصير عندي شكوك بحدوث التعشير و كتير من الحالات كانت تكون عشار
auf_ali
كلامك كبييييييييييير
خالد العياط
جزاك الله خيرا على المعلومة المهمة دى والله انت تستحق تكون رئيس المنتدى كلة معرفه الأرنبه العشار فى اليوم الثالث من التلقيح 871256
محمد طويله
ألف مليون شكر ليكم يا جماعه
بصراحه ماكنتش متصور ان الموضوع هايعجب ناس كتير بالشكل ده
أبو مازن
موضوع مفيد جدا وأكثر من رائع يا أستاذ جزاك الله كل خير
أبو مازن
موضوع مفيد جدا وأكثر من رائع يا أستاذ محمد جزاك الله خيراً
mido33
12 12 12 368 53 53 53
محمد طويله
ألف شكر لكم إخوانى
ابو مازن
ميدو
mido33
طيب رابع وخامس وسادس يوم ؟ ايه اللى بيحصل
محمد طويله
mido33 كتب:
طيب رابع وخامس وسادس يوم ؟ ايه اللى بيحصل



كده يبقى نسأل الأرنبه نفسها وهى تقول اللى بتحس بيه بالظبط
بمعنى ان كل ارنبه حالها بيختلف على حسب طبيعتها الصليه ومزاجها الشخصى
بتفضل الأرنبه على حالها فى اليوم التالت مع استعاده جزء كبير من طبيعتها
يعنى لوطبيعتها العصبيه بتكون (شبه عصبيه ) طبيعتها الهدوء (بتكون هادئه جدا)
وكتوضيح اكبر عندى مثلا ارنبه بعد اليوم الـ 20 من التلقيح بتفضل تنبش فى العلف وتهدره كله فى الأرض !!
وواحده تانيه بتخرج من عشه الولاده علشان تاكل فقط وترجع ليها تانى طبيعتها الشخصيه كده
اللى ذكرته فى الموضوع هى صفات بتشترك فيها اغلب الأمهات
HOUSAMMI


بسم الله

محمد انت فعلا متميز


بس الحاجات دى ماتنفعش فى المزارع الكبيرة او متوسطة الحجم

ماتنفعش الا الهاوى فقط
محمد طويله
شكرا ليك على الإطراء ده
بس فى رايى الشخصى ان مع الممارسه بتكون سهله حتى فى المزارع الكبيره
أهم شئ انك تكون انت بنفسك اللى بتتابعها علشان تقدر تحكم على الأم
إنما لو سايبها لمشرف يبقى مش هاتقدر تلاحظ إلا ملاحظات قليله
وفى كل الأحوال أنا بأكد برضه ان المقياس الحقيقى هو الجس
HOUSAMMI
M.Tawela كتب:
شكرا ليك على الإطراء ده
بس فى رايى الشخصى ان مع الممارسه بتكون سهله حتى فى المزارع الكبيره
أهم شئ انك تكون انت بنفسك اللى بتتابعها علشان تقدر تحكم على الأم
إنما لو سايبها لمشرف يبقى مش هاتقدر تلاحظ إلا ملاحظات قليله
وفى كل الأحوال أنا بأكد برضه ان المقياس الحقيقى هو الجس


بارك الله فيك

على ردك المهذب

طيب ايه رأيك فيه فكرة تانية pirat

ممكن تعرف بعد 24 ساعة ( على حد ظنى ) بواسطة دليل الحمل هو غالى طبعا بالنسبة لما تشترية من الصيدلية

لكن لو اشتريته من شركة الادوية هيقف عليك ب 2 جنية ،،،، الفكرة تحتاج الى بحث
محمد طويله
إيدى على كتفك
إيه دليل الحمل ده ؟
وبيستعمل إزاى ؟
وتقصد البشرى اللى احنا عارفينه ولا بيطرى ؟
HOUSAMMI
M.Tawela كتب:
إيدى على كتفك
إيه دليل الحمل ده ؟
وبيستعمل إزاى ؟
وتقصد البشرى اللى احنا عارفينه ولا بيطرى ؟



بسم الله الرحمن الرحيم

ايوه يامحمد انت لسة ماجوزتش ولا ايه lol! lol!

بس من الاجخانة بيبقى غالى من شركة الادويةبيبقى رخيص على شرط ان تشترى جملة


بس كما قلت الموضوع يحتاج الى بحث وليس لدى الوقت الكافى ،، مشيت شوية فى الموضوع ووقفت
محمد طويله
معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643

دليل الحمل البشرى بيحتاج إنه يتحط (أعزك الله) فى البول
هاتجمع بول الأرنبة ازاى ؟
ده غير ان فى تحليل عن طريق الدم
لو انت صاحب مزرعه كبيره عقبالنا جميعا ممكن تعمل ركن فيها
وتجيب فيه أدوات الفحص عن طريق الدم ومن تانى يوم تلقيح هاتقدر تعرف هى عشار ولا فاضيه
إنما مسأله البول دى مش عارف هاستأذنك تعرض لى التجارب اللى عملتها
لأنك بتقول مشيت فى الموضوع شويه
HOUSAMMI
M.Tawela كتب:
معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643 معرفه الأرنبه العشار فى اليوم الثالث من التلقيح 926643

دليل الحمل البشرى بيحتاج إنه يتحط (أعزك الله) فى البول
هاتجمع بول الأرنبة ازاى ؟
ده غير ان فى تحليل عن طريق الدم
لو انت صاحب مزرعه كبيره عقبالنا جميعا ممكن تعمل ركن فيها
وتجيب فيه أدوات الفحص عن طريق الدم ومن تانى يوم تلقيح هاتقدر تعرف هى عشار ولا فاضيه
إنما مسأله البول دى مش عارف هاستأذنك تعرض لى التجارب اللى عملتها
لأنك بتقول مشيت فى الموضوع شويه


ماهو تجميع البول ده من الاسباب الى وقفتنى drunken drunken

وانا مامشتش فيه الا بالقدر الذى اخبرتك عنه فقط

اما بخصوص الدم هيكون اسهل من البول يعنى نقطة دم من الودن وتحطها على ازازة 20*20 وتحط نقاطة كاشف

وتابع ،، ده تصورى والعلم عند الله اشتغل ياعم بقى lol!
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى