![besm](/users/3213/17/69/93/smiles/386261.gif)
قبل طرح الدراسه أحب أوضح إنى لا مهندس زراعى ولا طبيب بيطرى
أنا محامى أهوى تربيه الأرانب ولا أحب التدخل فى غير اختصاصى
ولكن هذه الدراسه كتبتها من قبيل الممارسه العمليه للتربيه
وبناء على طلب زميل لنا فى المنتدى وهو اللى طلب منى عرضها فى المنتدى
فأعتذر من زملائى فى المنتدى ان كان هناك خطأ
وأشكر أستاذتى فى المنتدى إن صححوا هذا الخطأ
التكاليف المبدئيه
الأمهات والذكور
عدد 50 أم + 10 ذكور = 60 قطعه سعر القطعه 90 جنيه ــ الإجمالى / 5600 جنيه
البطاريات
عدد / 150 عين × متوسط سعر العين 45 جنيه ــ الإجمالى / 6750
إنتاج الأمهات
متوسط إنتاج الأمهات 8 بطون فى السنه متوسط البطن 5 خلفات
فيكون اجمالى الخفات فى السنه 40 خلفه لكل أم × 50 أم = 2000 خلفه فى السنه
استهلاك العلف
متوسط الإستهلاك يتم حسابه على أساس 600 جرام لكل أم كإجمالى استهلاك للأم وخلفاتها والذكور واناث الإحلال
بمعنى لو المزرعه 50 أم يتم حساب إستهلاك العلف 600 جرام × 50 أم = 30 كيلوا علف فى اليوم
30 كيلوا × 365 يوم = 10950 كيلوا فى السنه
سعر العلف المستهلك / 10950 × 3 جنيه للكيلوا = 32850 جنيه فى السنه
المبيعات متوسط انتاج الـ 50 أم = 2000 قطعه فى السنه و متوسط وزن البيع = 1.6 كيلوا
2000 × 1.6 = 3200 كيلوا فى السنه ومتوسط سعر البيع / 18 جنيه
يكون إجمالى المبيعات فى السنه / 3200 × 18 = 57600 جنيه فى السنه
يتم خصم الآتى
32850 إستهلاك العلف
1200 جنيه كهرباء + مياه
1200 جنيه نقل العلف للمزرعه
2000 جنيه أدويه
ليكون إجمالى المصروفات = 37250 جنيه فى السنه
ويتم طرحها من اجمالى المبيعات
57600 (إجمالى المبيعات) – 37250 (إجمالى المصروفات)
= 20350 جنيه فى السنه ÷ 12 شهر
ليكون المتوسط العام 1695.8 جنيه شهريا
ملحوظه
مشروع 50 أم هو مشروع صغير لذلك تم الإعتماد على أن صاحب المشروع هو من سيقوم بنفسه بكافه الأعمال
بدون مشرف أو عامل للمزرعه
كما تم اعتبار ان مكان المزرعه ملك لصاحب المشروع لأنه ممكن يتعمل فى شقه 100 مثلا
وأى سؤال أو نقاش أرجو طرحه بدون تردد
بسم الحى الذى لا يموت
تم تعديل الدراسه وفقا لآخر أسعار معروفه حاليا
بتاريخ 16 / 12 / 2013
بداية لك ألف تحيه على الصيغه اللغويه الجميله المكتوب بيها أول سطر فى ردك
ولكن سامحنى انا مش فاهم هل المقصود أننى كتبت حاجه ضايقتك وحضرتك ماسك نفسك عن الرد
ولا دى نصيحه لى لأنك ترى أن رد فعلى غير جيد بس عموما فى الحالتين بعتذر ليك
ومن ناحيه ان إسمى المكتوب هو m وإنك مابتحبش تكتب كلمات متقاطعه فانت فعليا خاطبتنى بـ m.tawela
وسبقتها بكلمه باشمهندس ومجرد فكره انك تسبق اسمى بلقب زى ده سواء كان يخصنى او لا يخصنى
ده طبعا ذوق منك من الواجب انى اشكرك عليه ده غير إنك غير مطالب ابدا إنك تلقبنى بأى لقب اسمى وحده كافى جدا
ولأن كل اللى فات ده مش موضوعنا نتكلم فى المفيد
كلامك على راسى من فوق ولكن !!!
اللى انا شايفه أو بمعنى اصح الإستهلاك اللى موجود عندى
الأمهات العشار حوالى 200 جرام
المرضعات حتى اليوم الـ 15 من الولاده 300 جرام
المرضعات بعد اليوم الـ 15 من الولاده 450 جرام (معاها خلفات بتاكل)
الأمهات الفاضيه 120 ـ 150 جرام حسب حالتها (إحلال أو مريضه أو بتريجها من الولاده)
الذكور 120 جرام
الخلفات حتى التسويق 50 ـ 60 جرام
طيب اللى يحكم بينى وبينك إيه فى المسأله دى
اللى يحكم بينى وبينك أكتر من حاجه
مدى جوده العلف
(العلف المغذى استهلاكه اقل من العلف الغير مغذى)
نسبه الطاقه الموجوده فى العلف
(العلف ذو الطاقه العاليه استهلاكه اقل من العلف ذو القاطه المنخفضه)
نسبه تحويل العلف
( الأعلاف اللى نسبتها 3 ـ 1 إستهلاكها أقل من الأعلاف اللى نسبتها 4 ـ 1 )
درجه حراره المكان
(الإستهلاك فى الشتاء أكثر من الإستهلاك فى الصيف)
مدى كفاءه التهويه فى المكان
(لو كانت التهويه سيئه فى المكان أصبح إستهلاك العلف اقل)
مدى نظافه العلافات ونظافه المكان وبالأخص خلو المكان من الحشرات
العوامل دى بالكامل وغيرها كتير بتاثر على مدى استهلاك العلف
أنا عملت حساباتى على استهلاك العلف بتاعى
والحمد لله الدنيا ماشيه تمام بنفس النسب اللى انا كاتبها
ده غير أمر مهم جدا وإن كان مش هاباثر كتير فى كميه الإستهلاك بتاعتك
وهو انك افترضت ان متوسط الخلفات 6 خلفات مش هانقول ده كتير او قليل
ولكن هانقول أنا افترضت انهم 5 خلفات يبقى خليك معايا على الـ 5 خلفات على ما نشوف مين الصح إيه
عموما هى مش هاتأثر كتير فى الرقم المفترض للإستهلاك
محمد طويلهالأربعاء مارس 06, 2013 5:44 pm