منتدى الأرانب للجميع
الصيف وتنزيل درجه الحراره 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

الصيف وتنزيل درجه الحراره Rabbit10


منتدى الأرانب للجميع
الصيف وتنزيل درجه الحراره 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

الصيف وتنزيل درجه الحراره Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

الصيف وتنزيل درجه الحراره

05032013
الصيف وتنزيل درجه الحراره

السلام عليكم ورحمه الله وبركاته

مشكله التبريد والصيف الكل شاغل نفسه بيها من الآن حتى ان بعض الناس اشترت تكييفات من دلوقت
المهم إحنا (كمربيين) طبعا لأننا مستحيل نجيب تكييفات للأرانب لأنها بصرف النظر عن تكلفتها الإقتصاديه
لا تصلح فى مجال تربيه الأرانب التكييف علشان يكون فعال ومفيد لازم يكون فى مكان مقفول ولو قفلت المكان على الأرانب ده هايزود الأمونيا
ويكون على المربى اختيار أمر من أمرين إما إن الأرانب تموت من الحر أو تموت من الأمونيا !!!!!!!!!!
وأكيد مش ده اللى مطلوب ابدا

وكنت قلت قبل كده فى أكتر من مشاركة لى إنى عرفت من واحد فنى تبريد إن تشغيل شفاط قوى فى المكان
هايكون كافى جدا تخفيض درجه الحراره حتى لو كان الجو حر فى الخارج
المهم انا نفذت الفكره من يومين كانت درجه الحراره فى الخارج 30 درجه وداخل الشقه عندى 19 درجه شغلت شفاط المطبخ وقفلت كل الشبابيك ما عدا شباك واحد وقفلت الشقه على كده ورجعلتها بعد ساعتين على أمل انى ألاقى الكلام سليم وألاقى درجه الحراره نزلت
وفوجئت إن درجه الحراره أصبحت 21 درجه على عكس ما سمعت من فنى التبريد
المهم بحثت فى الموضوع تانى ولقيت إن كلامه سليم ولكنه مشروط بشرط إن درجه الحراره داخل المكان تكون أعلى من درجه الحراره فى الخارج
يعنى مثلا تكون درجه الحراره فى المكان 35 وفى الخارج 30 درجه وتشغيل الشفاط هايجدد الهواء ويعمل استطراق لدرجه الحراره
فتنزل الحراره فى الداخل لـ 32 درجه مثلا بعد ما كانت 35 درجه والدليل اللى يأكد المسأله دى كمان هو السيارات
اللى بتعتمد فى تبريد موتورها على الهواء وليس على رادياتير المياه واشهر سياره فى مجال تبريد الهواء هى العربيه
الفولكس موديل بيتل أو الخنفسة زى ما بنسميها فى مصر تبريد محرك السياره دى بيعتمد على توربينات هواء
تدفع الهواء باستمرار فى اتحاه المحرك فتخفض درجه حراره الموتور
بعد ما طولت عليكم إحنا كده عرفنا ان تخفيض درجه الحراره فى الصيف عن طريق الهواء فقط هى فكره كويسه وبس مشروطه بإن درجه
الحراره فى الداخل تكون اكبر من درجه الحراره فى الخارج وده مش متوفر فى 90% من أيام الصيف
ومش هايكون قدامنا غير التبريد عن طريق خلايا التبريد أو ورق التبريد حتى لو رفع نسبه الرطوبه فأكيد ده هايكون افضل من الحراره الشديده
والميزه الكبيره جدا فى ورق التبريد إنه بيحتاج مدخل للهواء متركب عليه ورق التريبد ومخرج للهواء متركب علشه شفاط لسحب الهواء
علشان يمر على الورق ويخرج بارد أو لطيف ومش زى المكيفات الفريون اللى بتحتاج مكان مغلق
المهم شوفوا الفيديو ده


[ندعوك للتسجيل في المنتدى أو التعريف بنفسك لمعاينة هذا الرابط]


ده إعلان عن خلايا التبريد واستخداماتها ونماذج مصنعه جاهزه للبيع بس الفكره نفسها قابله للتنفيذ بسهوله
ورق التبريد موجود فى محلات تجهيزات المزارع وسمعت انه موجود فى السبتيه باسعار كويسه بس ماشوفتش السبتيه بعينى
والمضخات موجوده إما مضخات حوض سمك (للأحجام الصغيره ) او مضخات غسالات للأحجام الكبيره
والتقفيل أى ورشه صاج محترمه ممكن تعمل ليك التقفيل بتاعها والشاسيه تعمله انت على ايدك يكون افضل طبعا
أما خزان المياه فأى جردل كبير شويه هايوفى الغرض المطلوب
وده فيديو تانى لمنوذج مصنع بشكل يدوى

[ندعوك للتسجيل في المنتدى أو التعريف بنفسك لمعاينة هذا الرابط]

وده نموذج تانى ابسط منه

[ندعوك للتسجيل في المنتدى أو التعريف بنفسك لمعاينة هذا الرابط]

إن شاء الله انا هحاول اعمل منها نموذج صغير ولو جاب نتيجه ايجابيه إن شاء الله
هابدا فى تنفيذها على كبير
طولت عليكم بس الموضوع يستحق الكلام فيه


ان يصلح الراعى ويتقى ربه ــ تخشى الذئاب ربوعه وحماه

خبرات خاصه فى تربيه الأرانب
كيفيه التعامل مع الإناث الرافضه للتلقيح
تدريب ذكور الأرانب للحصول على ذكر مثالى للتلقيح
معرفه الأنثى العشار من اليوم الثالث للتلقيح
ليس كل تساقط مع قشور يكون جرب
سقايه الأرانب الأوتوماتيك
كلمتين فى العلف
إصنع علفتك بنفسك
01111766393
[ندعوك للتسجيل في المنتدى أو التعريف بنفسك لمعاينة هذا الرابط]









شكرا لكل من رمانى بحجر

تعاليق

oso
شكرا اخي العزيز
معلومات قيمة جدا علي فكرة في حاجات جاهزة من خلايا التبريد
ايضا في مكيفات بها خاصية ازاله الرطوبة في السيستم بتاعها نظام اسمة dry
ودي شفتها في كاريير وشارب..فمفيش مشاكل رطوبة ان شاء الله
hamid20
جزاك الله خيرا يا أ/ محمد
فدائما تأتى بالجديد
ahmad hatim
افكار جميلة ياستاذ محمد واعتقد ان دية فكرة المبرد الصحراوى ,, ياريت حضرتك تقولى رايك فية وهل بيزود الرطوبة جامد فعلا لدرجة انها تؤثر بقوة على الأرانب عشان انا بفكر اجيبة ولو جبتة هركب معاة شفاط فى غرفة مساحتها 18 متر مربع ياريت حضرتك والأخوة يقولولى رايهم اية فية
محمد طويله
هى دى فعلا فكره المبرد الصحراوى
والمبرد الصحراوى علشان يكون مؤثر ونتيجته إيجابيه لازم يكون فى مكان مفتوح بيدخله هواء كتير
أو على الأقل يتم وضعه عند مدخل الهواء ويكون فى الإتجاه المعاكس شفاط يسحب الهواء من الخارج
فيمر بالهواء الخارج من المبرد ويلطف الجو فى المكان
وعلى فكره تصنيعه سهل جدا ممكن تشترى صاج وتشكله بالصوره اللى تناسب المكان عندك
فى مكان بيتسمى (التنايه) وهى المكان الخاص بتشكيل ألواح الصاج على رغبه العميل
والمراوح موجوده أو تثبت فيه شفاط يسحب الهواء من ورق التبريد وورق التبريد بيتباع جاهز
ولو تم تشغيله فى مكان مغلق هايرفع الرطوبه بشكل يصعب معاه التنفس
عن نفسى افكر جديا إنى اعمل واحد ليا

احمد احمد سعد
بارك الله فى مجهودك اخى محمد
فى فكرة ارخص شويه من السربنتينه
ممكن نحط قش رز ورا الشفاط وتنقط عليه المياه زى الفيديو تمام
منتظر رأيكم فى الفكرة وان شاء الله اجربها
محمد طويله
أنا جربت السربنتينه بس علشان كانت موجوده ومتوفره عندى
وفى فكره أحسن من القش بمليون مره بس محدش فكر فيها وهى اللوف
لو ركزت فى الليفه هتلاقيها مغزوله غزل ربانى وفيها كفاءه عاليه جدا انها تحتفظ بالماء
وفى نفس الوقت فيها ممرات عرضيه تهلى الهواء يعدى منها بسهوله جدا
يعنى نفس الفكرتين المتوفرين فى ورق التبريد
غير إن بناء جسم اللوف متوافق بدرجه عاليه جدا مع بناء ورق التبريد من حيث العناصر المكونه
احمد احمد سعد
M.Tawela كتب:
أنا جربت السربنتينه بس علشان كانت موجوده ومتوفره عندى
وفى فكره أحسن من القش بمليون مره بس محدش فكر فيها وهى اللوف
لو ركزت فى الليفه هتلاقيها مغزوله غزل ربانى وفيها كفاءه عاليه جدا انها تحتفظ بالماء
وفى نفس الوقت فيها ممرات عرضيه تهلى الهواء يعدى منها بسهوله جدا
يعنى نفس الفكرتين المتوفرين فى ورق التبريد
غير إن بناء جسم اللوف متوافق بدرجه عاليه جدا مع بناء ورق التبريد من حيث العناصر المكونه


ايوه كلامك ممتاز يابو هاشم بس اللوف عندنا فى القاهرة غالى شويه
محمد طويله
هو فى كل حته غالى
مش عندك لوحدك وعلى ما عرقت من عمرو عقبه ان فى مزارع لوف كبيره فى ابو حمص ممكن نجيب منها بسعر كويس
أو نشوف السعر ونقارن بينها وبين ورق التبريد ولو الفرق يستاهل نستعمل اللوف
لو مايستاهلش يبقى نشترى ورق تبريد
احمد احمد سعد
M.Tawela كتب:
هو فى كل حته غالى
مش عندك لوحدك وعلى ما عرقت من عمرو عقبه ان فى مزارع لوف كبيره فى ابو حمص ممكن نجيب منها بسعر كويس
أو نشوف السعر ونقارن بينها وبين ورق التبريد ولو الفرق يستاهل نستعمل اللوف
لو مايستاهلش يبقى نشترى ورق تبريد


كلامك مظبوط خليها عليك بقى واسألنا على الاتنين
هههههههههههه
محمد طويله
يا سلام عليك يا أخى
إنت بتعلقها فى رقبتى ليه
بلال
1000


1004
احمد احمد سعد
M.Tawela كتب:
يا سلام عليك يا أخى
إنت بتعلقها فى رقبتى ليه


لا يا عم ولا تزعل
انا هبقى ازرع اللوف ده عندى فى الشغل ولما يطلع هبقى اديلك شويه
فك رقبتك بقى
ههههههههههههههه
محمد طويله
هههههههههههههههههههههههه
ابو علوه
ايه رايكم فى الفيديو ده
[ندعوك للتسجيل في المنتدى أو التعريف بنفسك لمعاينة هذا الرابط]
ابو علوه
[ندعوك للتسجيل في المنتدى أو التعريف بنفسك لمعاينة هذا الرابط]
avatar
يا جماعة أنا الحمد لله نفذت المبرد ده وان شاء الله سأجربه غدا
أنا جربته تجربة مبدئية من ساعة واحدة لكن تجربته الحقيقية هتكون بالنهار
وأنا مستعد لمساعدة أي واحد عايز ينفذه بعد النتايج اللي هنشوفها بكرة ان شاء الله .
محمد طويله
ممتاااااااااااااااااااااااااااز جدا الكلام ده يا أستاذ اسامه
وهاستأذنك فى صوره للمبرد يبقى كتر خير
فى الإنتظار
avatar
والله يا أستاذ محمد أنا صورته فعلا لكن مش لاقي كابل اليو اس بي بتاع الكاميرا
لكن أوعد حضرتك اني هنزل مجموعة صور غد ان شاء الله .
لكن ممكن أقول لحضرتك أبعاده أسعار المكونات وبدائلها .
1- أبعاده 60 سم * 60 سم * 40 سم .
2- عود وثلث زاوية 2.5 سم ( 60 جنيه ) .
3- 3/4 لوح صاج مجلفن 0.5 سم ( سعر اللوح 110 جنيه ) .يمكن استبداله في رأيي بمشمع سمك 1 مم
4- شفاط قدرة 60 وات . ( 110 جنيه )
5- طلمبة غسالة فول أوتوماتيك ( 35 جنيه )
6- لوح ورق تبريد 180 سم * 60 سم ( 200 جنيه ) استخدمت ثلثيه ويمكن استبداله بقش الأرز .
7- برشام ( revit ) مش البرشام التاني ( 1 جنيه )
8- خرطوم مياه 3/4 بوصة + محبس 1/2 بوصة + 1متر ماسورة بلاستيك 1/2 بوصة ( 20 جنيه )
9- تقفيل ( قمت بها بنفسي ولا أعرف كم يمكن أن تتكلف ) .
التكلفة إجمالا حوالي 536 جنيه .
إذا استبدلنا لوح التبريد بقش الأرز ولوح الصاج بمشمع ثقيل قد تنخفض التكلفة لحوالي 350 جنيه دون المصنعية .
محمد طويله
أنا مستبشر خير فى التجربه إن شاء الله
إن شاء الله
بس سؤال
سمك ورق التبريد كام سم ؟
avatar
سمك ورق التبريد 5 سم وفيه سمك 10 سم .
بس أنا مش عارف أحمل الصور .
ممكن حد يقول لي إزاي ؟
ابو علوه
ارفع الصوره فى مركز تحميل الصور
وتعال فى مربع الرد على المشاركه
واضغط على صوره وحط فيها الرابط
avatar
تسلم يا أبو علوة
ملحوظة 1 :- التغير في درجة الحرارة بين القرائتين كان خلال 1/3 ساعة
ولاحظ عدم تغير الرطوبة .
ملحوظة 2 :- سمك الصاج المجلفن في مشاركة مكونات وأسعار المبرد هو 0.5 مم وليس 0.5 سم
وهذه هي الصور
[ندعوك للتسجيل في المنتدى أو التعريف بنفسك لمعاينة هذا الرابط]


عدل سابقا من قبل أسامةحسن12 في الأحد مارس 17, 2013 1:30 am عدل 4 مرات (السبب : اظهار الصور)
ابو علوه
القرائتين كام وكام
وياريت ياريس تعرضلنا خطوات التصنيع بالتفصيل الممل بعد اذنك
avatar
ابو علوه كتب:
القرائتين كام وكام
وياريت ياريس تعرضلنا خطوات التصنيع بالتفصيل الممل بعد اذنك

القرائتين يا أخي إذا لاحظت الصور 25 درجة ثم انخفضت الي 23.2 قفي خلال 1/3 ساعة
وكنت أتمني أن يكون الجو اليوم حار قليلا لتكون التجربة أوضح ولكنني عدت
من عملي متأخرا وكان الجو معتدلا طوال اليوم
بخصوص خطوات التصنيع أستطيع وصفها ورسمها بالتفصيل الممل بإذن الله إذا أحببت

remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى