منتدى الأرانب للجميع
الصيف وتنزيل درجه الحراره - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

الصيف وتنزيل درجه الحراره - صفحة 2 Rabbit10


منتدى الأرانب للجميع
الصيف وتنزيل درجه الحراره - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

الصيف وتنزيل درجه الحراره - صفحة 2 Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

الصيف وتنزيل درجه الحراره

05032013
الصيف وتنزيل درجه الحراره

السلام عليكم ورحمه الله وبركاته

مشكله التبريد والصيف الكل شاغل نفسه بيها من الآن حتى ان بعض الناس اشترت تكييفات من دلوقت
المهم إحنا (كمربيين) طبعا لأننا مستحيل نجيب تكييفات للأرانب لأنها بصرف النظر عن تكلفتها الإقتصاديه
لا تصلح فى مجال تربيه الأرانب التكييف علشان يكون فعال ومفيد لازم يكون فى مكان مقفول ولو قفلت المكان على الأرانب ده هايزود الأمونيا
ويكون على المربى اختيار أمر من أمرين إما إن الأرانب تموت من الحر أو تموت من الأمونيا !!!!!!!!!!
وأكيد مش ده اللى مطلوب ابدا

وكنت قلت قبل كده فى أكتر من مشاركة لى إنى عرفت من واحد فنى تبريد إن تشغيل شفاط قوى فى المكان
هايكون كافى جدا تخفيض درجه الحراره حتى لو كان الجو حر فى الخارج
المهم انا نفذت الفكره من يومين كانت درجه الحراره فى الخارج 30 درجه وداخل الشقه عندى 19 درجه شغلت شفاط المطبخ وقفلت كل الشبابيك ما عدا شباك واحد وقفلت الشقه على كده ورجعلتها بعد ساعتين على أمل انى ألاقى الكلام سليم وألاقى درجه الحراره نزلت
وفوجئت إن درجه الحراره أصبحت 21 درجه على عكس ما سمعت من فنى التبريد
المهم بحثت فى الموضوع تانى ولقيت إن كلامه سليم ولكنه مشروط بشرط إن درجه الحراره داخل المكان تكون أعلى من درجه الحراره فى الخارج
يعنى مثلا تكون درجه الحراره فى المكان 35 وفى الخارج 30 درجه وتشغيل الشفاط هايجدد الهواء ويعمل استطراق لدرجه الحراره
فتنزل الحراره فى الداخل لـ 32 درجه مثلا بعد ما كانت 35 درجه والدليل اللى يأكد المسأله دى كمان هو السيارات
اللى بتعتمد فى تبريد موتورها على الهواء وليس على رادياتير المياه واشهر سياره فى مجال تبريد الهواء هى العربيه
الفولكس موديل بيتل أو الخنفسة زى ما بنسميها فى مصر تبريد محرك السياره دى بيعتمد على توربينات هواء
تدفع الهواء باستمرار فى اتحاه المحرك فتخفض درجه حراره الموتور
بعد ما طولت عليكم إحنا كده عرفنا ان تخفيض درجه الحراره فى الصيف عن طريق الهواء فقط هى فكره كويسه وبس مشروطه بإن درجه
الحراره فى الداخل تكون اكبر من درجه الحراره فى الخارج وده مش متوفر فى 90% من أيام الصيف
ومش هايكون قدامنا غير التبريد عن طريق خلايا التبريد أو ورق التبريد حتى لو رفع نسبه الرطوبه فأكيد ده هايكون افضل من الحراره الشديده
والميزه الكبيره جدا فى ورق التبريد إنه بيحتاج مدخل للهواء متركب عليه ورق التريبد ومخرج للهواء متركب علشه شفاط لسحب الهواء
علشان يمر على الورق ويخرج بارد أو لطيف ومش زى المكيفات الفريون اللى بتحتاج مكان مغلق
المهم شوفوا الفيديو ده


[ندعوك للتسجيل في المنتدى أو التعريف بنفسك لمعاينة هذا الرابط]


ده إعلان عن خلايا التبريد واستخداماتها ونماذج مصنعه جاهزه للبيع بس الفكره نفسها قابله للتنفيذ بسهوله
ورق التبريد موجود فى محلات تجهيزات المزارع وسمعت انه موجود فى السبتيه باسعار كويسه بس ماشوفتش السبتيه بعينى
والمضخات موجوده إما مضخات حوض سمك (للأحجام الصغيره ) او مضخات غسالات للأحجام الكبيره
والتقفيل أى ورشه صاج محترمه ممكن تعمل ليك التقفيل بتاعها والشاسيه تعمله انت على ايدك يكون افضل طبعا
أما خزان المياه فأى جردل كبير شويه هايوفى الغرض المطلوب
وده فيديو تانى لمنوذج مصنع بشكل يدوى

[ندعوك للتسجيل في المنتدى أو التعريف بنفسك لمعاينة هذا الرابط]

وده نموذج تانى ابسط منه

[ندعوك للتسجيل في المنتدى أو التعريف بنفسك لمعاينة هذا الرابط]

إن شاء الله انا هحاول اعمل منها نموذج صغير ولو جاب نتيجه ايجابيه إن شاء الله
هابدا فى تنفيذها على كبير
طولت عليكم بس الموضوع يستحق الكلام فيه


ان يصلح الراعى ويتقى ربه ــ تخشى الذئاب ربوعه وحماه

خبرات خاصه فى تربيه الأرانب
كيفيه التعامل مع الإناث الرافضه للتلقيح
تدريب ذكور الأرانب للحصول على ذكر مثالى للتلقيح
معرفه الأنثى العشار من اليوم الثالث للتلقيح
ليس كل تساقط مع قشور يكون جرب
سقايه الأرانب الأوتوماتيك
كلمتين فى العلف
إصنع علفتك بنفسك
01111766393
[ندعوك للتسجيل في المنتدى أو التعريف بنفسك لمعاينة هذا الرابط]









شكرا لكل من رمانى بحجر

تعاليق

احمد احمد سعد
أسامةحسن12 كتب:
ابو علوه كتب:
القرائتين كام وكام
وياريت ياريس تعرضلنا خطوات التصنيع بالتفصيل الممل بعد اذنك

القرائتين يا أخي إذا لاحظت الصور 25 درجة ثم انخفضت الي 23.2 قفي خلال 1/3 ساعة
وكنت أتمني أن يكون الجو اليوم حار قليلا لتكون التجربة أوضح ولكنني عدت
من عملي متأخرا وكان الجو معتدلا طوال اليوم
بخصوص خطوات التصنيع أستطيع وصفها ورسمها بالتفصيل الممل بإذن الله إذا أحببت



بارك الله فيك يا ا/اسامه
ممكن اعرف ده يكفى مساحه قد ايه
محمد طويله
أ/ اسامه
بعد تحيه وتقدير واحترام لحضرتك
هاستاذنك فى طلب بسيط لو سمحت لنا طبعا
وهو عمل موضوع كامل مدعم بالصور لتثبيته بإسمك فى المنتدى
وشكرا ليك
ابو علوه
انا عملت تعديل للمشاركه عشان اظهر الصور رجعت زى ماهى ايه الغلاسه دى ههههههههههههه
استاذ اسامه ياريت زى ماقال ابو هاشم كل التفاصيل والنتائج نعملهم فى موضوع يتثبت باسمك
بالنسبه حضرتك بتقول الجو معتدل مفيش مانع تجربه فى مكان غير مكان الارانب وتشغلة مدة عشان نوصل للنتايج الفعليه ونقدر نحكم عليها
avatar
أ/ أحمد
حجرة الأرانب عندي 3.5 * 3.5 منر أما المكيف ده يكفي مساحة كام بالضبط أنا معرفش بالضبط لأن الطريقة مش قياسية عشان نقدر نقول كلام قياسي لكن برضة ممكن تتحسب يس هسدخل فيها عوامل كتير زي سمك الجدران والعزل ونوع الطوب ....الخ فممفش داعي تشغل بالك بالموضوع ده أنا شخصيا همي الأساسي اني أخفف حر الصيف علي الأرانب وأتمني تبقي فيه نتايج كويسة تخليني أعمل كنترول علي درجة الحرارة .
أ/ محمد و أ/ أبو علوة إن شاء الله هاعمل كده النهارده وأتمني أن يفيد هذا الموضوع أكبر عدد من رواد المنتدي .
محمد طويله
يفيد رواد المنتدى ...!!!
كلمه يفيد دى هى أقل كلمه ممكن نوصف بيها الموضوع يا أستاذ اسامه
موضوعك ده إن شاء الله هايكون نقطة تفوق كبيره جدا لكل واحد عايز يربى أرانب
لأن المربى اللى على قد الحال زيينا مشكلته الكبيره إنه يوصل لطريقه تخليه يشتغل فى الصيف زى الشتا
ومن النادر جدا انك تلاقى شركه أو أى ورشه تصنيع بتفكر فى المربى الصغير ده
كل اللى بيفكروا فيه إنهم يعملوا أنظمه تبريد للمزارع علشان يقفشوا القرشين من صاحب المزرعه
أما اللى على قد الحال ده مايلزمهمش فى حاجه
وعلشان كده لما المربى يلاقى قدامه الفرصه الكويسه انه يصنع مبرد
هايتشجع ويستمر
فى إنتظار الموضوع
وليك رساله على الخاص
avatar
M.Tawela كتب:
يفيد رواد المنتدى ...!!!
كلمه يفيد دى هى أقل كلمه ممكن نوصف بيها الموضوع يا أستاذ اسامه
موضوعك ده إن شاء الله هايكون نقطة تفوق كبيره جدا لكل واحد عايز يربى أرانب
لأن المربى اللى على قد الحال زيينا مشكلته الكبيره إنه يوصل لطريقه تخليه يشتغل فى الصيف زى الشتا
ومن النادر جدا انك تلاقى شركه أو أى ورشه تصنيع بتفكر فى المربى الصغير ده
كل اللى بيفكروا فيه إنهم يعملوا أنظمه تبريد للمزارع علشان يقفشوا القرشين من صاحب المزرعه
أما اللى على قد الحال ده مايلزمهمش فى حاجه
وعلشان كده لما المربى يلاقى قدامه الفرصه الكويسه انه يصنع مبرد
هايتشجع ويستمر
فى إنتظار الموضوع
وليك رساله على الخاص

لو كان الموضوع مهم للدرجة دي فان شاء الله هنزل الموضوع النهارده
وهحاول بعد كده ( يومين ثلاثة ) أنزل رسومات تفصيلية لطريقة التصنيع وبدائلها .
وأرجو من الله الثواب ومنكم الدعاء .
محمد طويله
خد وقتك يا استاذ اسامه
إحنا فى انتظارك
Mostafa mohamed
مواضيع جميله بس ياريت الواحد ينفزها سؤال للخوه الافاضل اجيب مكيف صحراوى منين ولو حد عندو فكره بكام ارجو الرد وشكرا
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى