منتدى الأرانب للجميع
كميات العلف المقدمة لكل الارانب يوميا 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

كميات العلف المقدمة لكل الارانب يوميا Rabbit10


منتدى الأرانب للجميع
كميات العلف المقدمة لكل الارانب يوميا 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

كميات العلف المقدمة لكل الارانب يوميا Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

كميات العلف المقدمة لكل الارانب يوميا

01042013
كميات العلف المقدمة لكل الارانب يوميا

صباح الخير

انا انهاردة جايب لكم موضوع الكميات المستهلكة من العلف يوميا للارانب

فى نقطة لازم نعرفها و احنا بنقدم العلف للارانب و هى اعمار الارانب و حالتها و ممكن نقسمهم كالاتى :

1- ذكور
2- امهات فاضية
3- امهات عشار
4- امهات مرضعة
5- فطام
6- سلالات

فى نقطة احب اشير ليها لان فى ناس كتيرة بتقع فيها و هى انك لو زودت علف للارنب هاياكل مش هايقولك لا بس انت لازم تحدد الكميات اليومية ليه عشان حاجتين

* اول حاجة انه ما يتخنش و يربى دهن بالبلدى يليس
* تانى حاجة عشان العلف غالى مش رخيص فلازم تلتزم بجرعات محددة يوميا

1- الذكور : فى الغالب معدل اكلها ثابت 150 جم / يوم
2- امهات فاضية : مش شغالة يعنى او معهاش خلفة و لا حامل بتاكل برده 150 جم / يوم
3- امهات عشار : 200 جم / يوم مع مراعاة انه فى اخر 5 ايام من الحمل اكلها بيقل بسبب ان الاجنة بتضغط على المعدة فبتقلل من حجم الماكول
4- امهات مرضعة : و دى بنقسمها نوعين
أ : مرضعة بس و دى بتاخد حوالى 200 جم / يوم و ممكن نزود ل 250 جم / يوم على حسب عدد الخلفات
ب : مرضعة و عشر فى نفس الوقت و دى بتاخد ما لايقل عن 300 جم / يوم و على حسب حالتها يعنى لو حسيت انها جعانة و بتدور
على العلف او مخلصة على العلف اول باول زود لها 100 جم كمان . انا كان عندى ام فلمنش جاينت كانت حامل بتاكل فى اليوم نص كيلو علف تقريبا و بعد كده لاقيتها ولدت 12 فطبعا فهمت كل العلف ده راح فين هههههههههههههه بس دى كانت حالة شاذة

فى الحالتين ( أ ) و ( ب ) فى اخر عشر ايام من فترة الرضاعة الفطام الصغيرة بيطلع بره بيت الولادة و بيزاحموا الام فى العلف فتعمل حسابك ان فى الفترة دة تزود 50 جم علف لكل ارنب صغير مع الام و ده طبعا عشان تقدر تفطمهم فى الميعاد و ما تاثرش على وزن الام

5- الفطام : الفطام بيتسمن 30 يوم من بعد ما يتفطم من على امه و بياخد 100 جم فى اليوم يعنى 3 كيلو فى الشهر و ده طبعا لو نوع العلف كويس

6- السلالات : السلالات بتتربى 5 شهور من تاريخ الولادة للاناث و 6 شهور من تاريخ الولادة للذكور و العلف بيكون كالاتى :

الشهر الاول : رضاعة
الشهر الثانى : 100 جم / يوم
الشهر الثالث : 125 جم / يوم
الشهر الرابع : 150 جم / يوم
الشهر الخامس : 150 جم / يوم
الشهر السادس : 150 جم / يوم

و طبعا ما تزودش عن كده للسلالات حتى لو كانت جعانة و بتعضعض فى السلك لانك فى الاخر عايز سلالات رشيقة جسمها متناسق و خالى من الدهون عشان يولودوا

يا ريت يا جماعة بلاش فكرة العلف المفتوح دى اللى شفتها هنا على المنتدى كتير لانها بتهدر العلف من ناحية لان الارنب بينكش فيه و لو ما نكش فيه بعد يومين بتلاقيه باظ من الرطوبة اللى فى الجو

و يا رب الموضوع يعجبكم و يفيدكم

ربنا معاكم


عدل سابقا من قبل Mina Garas في الجمعة أبريل 26, 2013 10:41 am عدل 1 مرات

تعاليق

ام عمار ياسر
1012
جزاك الله خيرا
علاء عبد الرازق
استاذ ورئيس قسم يا مينا ... شكرا جزيلا
محمد الصيري
جميل التفصيل وياترى المقصود انك تحط العلف مثلا 100 جرام في السابعة صباحا ثم لا تضع علف مرة اخري الا

في السابعة صباحا ام المقصود وجبة الصبح ووجبة ليلا بعد 12 ساعة بعبارة اخرى اليوم هنا مقصود بيه كل 24

ساعة ولا كل 12 ساعة،،،؟؟؟؟؟
avatar
علاء عبد الرازق كتب:
استاذ ورئيس قسم يا مينا ... شكرا جزيلا


يا باشا انا دايما فى الخدمة
avatar
محمد الصيري كتب:
جميل التفصيل وياترى المقصود انك تحط العلف مثلا 100 جرام في السابعة صباحا ثم لا تضع علف مرة اخري الا

في السابعة صباحا ام المقصود وجبة الصبح ووجبة ليلا بعد 12 ساعة بعبارة اخرى اليوم هنا مقصود بيه كل 24

ساعة ولا كل 12 ساعة،،،؟؟؟؟؟


من الواضح انك بتسال عن الفطام

على حسب منتا معودهم

يعنى مثلا انا كنت معودهم انى اعلف مرة واحدة فى اليوم فكنت باحط الكمية مرة واحدة و طبعا اسهلك انك تحط كل 3 ارانب فطام فى عين واحدة من بتوع الفطام

فكنت باحط 300 جم مرة واحدة فى اليوم

اما لو عايز تقسم العلف على وجبتين يبقى هاتحط 150 جم فى العلفة الاولى و 150 جم فى العلفة التانية

اهم حاجة يبقى اجمالى العلف الماكول 100 جم / يوم
عبدالسلام عزت
مشكورررررررررررررررررر جزاك الله خيرا
بلال
1000
avatar
متشكر جدا ليكم يا جماعة يا رب بس يكون الموضوع مفيد ليكم
أبو شبل
الموضوع مفيد بابشمهندس ومشكوووور جدا على مجهودك
el_ghandour1982
13
مينا دائما متألق
محمد عبدالله محمد عبدالله
[color=red] 1002
كلام حلو يا استاذ مينا
طيب انت جربت الكلام ده لفترات طويلة يمكن الاعتماد عليها كتجربة لانى باحط علف مفتوح بعد قراءة مواضيع فى المنتدى
و[size=18]دا طبعا بيهدر العلف و بيكلف كتيييييييييييييييييييير
[/size]
hasouna
الموضوع مفيد تسلم يداك
احمد احمد سعد
شكرا ليك مينا
avatar
محمد عبدالله محمد عبدالله كتب:
[color=red] 1002
كلام حلو يا استاذ مينا
طيب انت جربت الكلام ده لفترات طويلة يمكن الاعتماد عليها كتجربة لانى باحط علف مفتوح بعد قراءة مواضيع فى المنتدى
و[size=18]دا طبعا بيهدر العلف و بيكلف كتيييييييييييييييييييير
[/size]


ايوة طبعا جربته اومال انا جبته منين و ده كمان الكلام اللى هتلاقيه شغال فى معظم المزارع اللى بتخلى بالها من تكاليفها

بخصوص حتة العلف المفتوح حضرتك انا جربت قبل كده اضاعف مثلا للفطام الكمية يعنى احط له 200 جم بدل 100 جم فى اليوم بس لاقيته مش بياكل الكمية دى كلها اكل حوالى نص الكمية بس يعنى حوالى 100 جم

من ناحية تانية العلف المفتوح ممكن يكون ينفع مع الامهات اللى بترضع و حامل انما مع باقى حالات الامهات مش محبذ لانه ممكن يؤدى ان الام تليس يعنى تكون دهون على الرحم

من ناحية تانية التعليف بكميات محددة ده هايخلى الارنب ياكل فى فترة من اليوم و يصوم فترة تانية و ده مطلوب و محبب
محمد صقر
شكرا جزيلا لنقل تجربتك ليستفاد بها الاخرين واامل من جميع الاخوه كتابة تجاربهم بعد التأكد من نجاحها لان فى ناس كتير ستتبعهم وهنا تكون الامانه فى نقل التجربه لانى قرأت عن تجربه اخ اخر ان الدكر ياكل 375 جم فى اليوم ؟؟؟ اللهم اهدينا فيمن هديت وعافنا واعفوا عنا اللهم امين
avatar
375 جم ليه ؟؟؟!!! هو دكر و لا نتاية بترضع هههههههههههههههههههههه
HOUSAMMI


بارك الله فيك
el_ghandour1982
1003
محمودموافي
Mina Garas كتب:
صباح الخير

انا انهاردة جايب لكم موضوع الكميات المستهلكة من العلف يوميا للارانب

فى نقطة لازم نعرفها و احنا بنقدم العلف للارانب و هى اعمار الارانب و حالتها و ممكن نقسمهم كالاتى :

1- ذكور
2- امهات فاضية
3- امهات عشار
4- امهات مرضعة
5- فطام
6- سلالات

فى نقطة احب اشير ليها لان فى ناس كتيرة بتقع فيها و هى انك لو زودت علف للارنب هاياكل مش هايقولك لا بس انت لازم تحدد الكميات اليومية ليه عشان حاجتين

* اول حاجة انه ما يتخنش و يربى دهن بالبلدى يليس
* تانى حاجة عشان العلف غالى مش رخيص فلازم تلتزم بجرعات محددة يوميا

1- الذكور : فى الغالب معدل اكلها ثابت 150 جم / يوم
2- امهات فاضية : مش شغالة يعنى او معهاش خلفة و لا حامل بتاكل برده 150 جم / يوم
3- امهات عشار : 200 جم / يوم مع مراعاة انه فى اخر 5 ايام من الحمل اكلها بيقل بسبب ان الاجنة بتضغط على المعدة فبتقلل من حجم الماكول
4- امهات مرضعة : و دى بنقسمها نوعين
أ : مرضعة بس و دى بتاخد حوالى 200 جم / يوم و ممكن نزود ل 250 جم / يوم على حسب عدد الخلفات
ب : مرضعة و عشر فى نفس الوقت و دى بتاخد ما لايقل عن 300 جم / يوم و على حسب حالتها يعنى لو حسيت انها جعانة و بتدور
على العلف او مخلصة على العلف اول باول زود لها 100 جم كمان . انا كان عندى ام فلمنش جاينت كانت حامل بتاكل فى اليوم نص كيلو علف تقريبا و بعد كده لاقيتها ولدت 12 فطبعا فهمت كل العلف ده راح فين هههههههههههههه بس دى كانت حالة شاذة

فى الحالتين ( أ ) و ( ب ) فى اخر عشر ايام من فترة الرضاعة الفطام الصغيرة بيطلع بره بيت الولادة و بيزاحموا الام فى العلف فتعمل حسابك ان فى الفترة دة تزود 50 جم علف لكل ارنب صغير مع الام و ده طبعا عشان تقدر تفطمهم فى الميعاد و ما تاثرش على وزن الام

5- الفطام : الفطام بيتسمن 30 يوم من بعد ما يتفطم من على امه و بياخد 100 جم فى اليوم يعنى 3 كيلو فى الشهر و ده طبعا لو نوع العلف كويس

6- السلالات : السلالات بتتربى 5 شهور من تاريخ الولادة للاناث و 6 شهور من تاريخ الولادة للذكور و العلف بيكون كالاتى :

الشهر الاول : رضاعة
الشهر الثانى : 100 جم / يوم
الشهر الثالث : 125 جم / يوم
الشهر الرابع : 150 جم / يوم
الشهر الخامس : 150 جم / يوم
الشهر السادس : 150 جم / يوم

و طبعا ما تزودش عن كده للسلالات حتى لو كانت جعانة و بتعضعض فى السلك لانك فى الاخر عايز سلالات رشيقة جسمها متناسق و خالى من الدهون عشان يولودوا

يا ريت يا جماعة بلاش فكرة العلف المفتوح دى اللى شفتها هنا على المنتدى كتير لانها بتهدر العلف من ناحية لان الارنب بينكش فيه و لو ما نكش فيه بعد يومين بتلاقيه باظ من الرطوبة اللى فى الجو

و يا رب الموضوع يعجبكم و يفيدكم

ربنا معاكم
Karim $ Tiger
موضوع جميل تسلم اخي مينا
محمد صقر
جزاك الله كل خير
fawzy.fizo.5
كم سغر كيلوا علف الارانب علما انى اريدد تربية الارانب وانا حديث التربية
fawzy.fizo.5
انا قرات لك موضوغ يامينا انه ممكن كم مريى يتشاركوا وسصنعوا غلف الارانب ياليت حضرتك تتعاون معايا ونصنع العلف للارانب وعما كزرعة ارانب انا ارى انك خبرة والثقيلة عليا والحفيفة عليك
fawzy.fizo.5
انا قرات لك موضوع يامينا ان كم مربى يتشاركوا ويشتروا مكبس صغيير ويصنعوا العلف ياليتك تتعاون معايا يامينا تشاركنى والثفيلة عليا والحقيفة عليك لكن انا ارى انك خبرة وانا اتشرف لتعاونك معايا لو فبلت واشكرك
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى