منتدى الأرانب للجميع
كميات العلف المقدمة لكل الارانب يوميا - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

كميات العلف المقدمة لكل الارانب يوميا - صفحة 2 Rabbit10


منتدى الأرانب للجميع
كميات العلف المقدمة لكل الارانب يوميا - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

كميات العلف المقدمة لكل الارانب يوميا - صفحة 2 Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

كميات العلف المقدمة لكل الارانب يوميا

01042013
كميات العلف المقدمة لكل الارانب يوميا

صباح الخير

انا انهاردة جايب لكم موضوع الكميات المستهلكة من العلف يوميا للارانب

فى نقطة لازم نعرفها و احنا بنقدم العلف للارانب و هى اعمار الارانب و حالتها و ممكن نقسمهم كالاتى :

1- ذكور
2- امهات فاضية
3- امهات عشار
4- امهات مرضعة
5- فطام
6- سلالات

فى نقطة احب اشير ليها لان فى ناس كتيرة بتقع فيها و هى انك لو زودت علف للارنب هاياكل مش هايقولك لا بس انت لازم تحدد الكميات اليومية ليه عشان حاجتين

* اول حاجة انه ما يتخنش و يربى دهن بالبلدى يليس
* تانى حاجة عشان العلف غالى مش رخيص فلازم تلتزم بجرعات محددة يوميا

1- الذكور : فى الغالب معدل اكلها ثابت 150 جم / يوم
2- امهات فاضية : مش شغالة يعنى او معهاش خلفة و لا حامل بتاكل برده 150 جم / يوم
3- امهات عشار : 200 جم / يوم مع مراعاة انه فى اخر 5 ايام من الحمل اكلها بيقل بسبب ان الاجنة بتضغط على المعدة فبتقلل من حجم الماكول
4- امهات مرضعة : و دى بنقسمها نوعين
أ : مرضعة بس و دى بتاخد حوالى 200 جم / يوم و ممكن نزود ل 250 جم / يوم على حسب عدد الخلفات
ب : مرضعة و عشر فى نفس الوقت و دى بتاخد ما لايقل عن 300 جم / يوم و على حسب حالتها يعنى لو حسيت انها جعانة و بتدور
على العلف او مخلصة على العلف اول باول زود لها 100 جم كمان . انا كان عندى ام فلمنش جاينت كانت حامل بتاكل فى اليوم نص كيلو علف تقريبا و بعد كده لاقيتها ولدت 12 فطبعا فهمت كل العلف ده راح فين هههههههههههههه بس دى كانت حالة شاذة

فى الحالتين ( أ ) و ( ب ) فى اخر عشر ايام من فترة الرضاعة الفطام الصغيرة بيطلع بره بيت الولادة و بيزاحموا الام فى العلف فتعمل حسابك ان فى الفترة دة تزود 50 جم علف لكل ارنب صغير مع الام و ده طبعا عشان تقدر تفطمهم فى الميعاد و ما تاثرش على وزن الام

5- الفطام : الفطام بيتسمن 30 يوم من بعد ما يتفطم من على امه و بياخد 100 جم فى اليوم يعنى 3 كيلو فى الشهر و ده طبعا لو نوع العلف كويس

6- السلالات : السلالات بتتربى 5 شهور من تاريخ الولادة للاناث و 6 شهور من تاريخ الولادة للذكور و العلف بيكون كالاتى :

الشهر الاول : رضاعة
الشهر الثانى : 100 جم / يوم
الشهر الثالث : 125 جم / يوم
الشهر الرابع : 150 جم / يوم
الشهر الخامس : 150 جم / يوم
الشهر السادس : 150 جم / يوم

و طبعا ما تزودش عن كده للسلالات حتى لو كانت جعانة و بتعضعض فى السلك لانك فى الاخر عايز سلالات رشيقة جسمها متناسق و خالى من الدهون عشان يولودوا

يا ريت يا جماعة بلاش فكرة العلف المفتوح دى اللى شفتها هنا على المنتدى كتير لانها بتهدر العلف من ناحية لان الارنب بينكش فيه و لو ما نكش فيه بعد يومين بتلاقيه باظ من الرطوبة اللى فى الجو

و يا رب الموضوع يعجبكم و يفيدكم

ربنا معاكم


عدل سابقا من قبل Mina Garas في الجمعة أبريل 26, 2013 10:41 am عدل 1 مرات

تعاليق

أحمد وفيق
زي ما قال لحضرتك الاخ علاء عبد الرازق

استاذ ورئيس قسم

لكن لي سوال ذي ما حضرتك قلت لكل طائفة كمية معينة  ذكور اد كدة و فطام اد كدة ..........الخ

السؤال هنا بقي هو هل في علف مخصصث لكل طائفة من دول و لا لا

و اذا كان في فا يريتع لو تتكلم لنا في الموضوع دة اذا امكن

و تقبل مني وافر الشكر و التحية
الزعيم
king affraid affraid 
محمد سالم جمعه
بارك الله فيكم وبارك عليكم
خالد عبد اللطيف
الحياه مليئة بالحجارة فلا تتعثر بها بل إجمعها وابن بها سلما تصعد به نحو النجاح
ali solma
شكرا جزيلا للزميل مينا موضوع فى غايه الاهميه
احمد الحلواني
الكميات قليلة نسبيا
وبالنسبه للفطام اول 3 ايام 50 جرام ثم يفتح العلف افضل
tahertoto
يعنى لو وجبتين فى اليوم للارنب يبقى الوجبة 50 جرام
ولا 100جرام ارجو من حضراتكم الاجابة

وموضوع مميز
MOHAMED MAHMOUED
الموضوع اديم بس فعلا تسلم ايد الى كتبو استاذذ شكرا جدااا ليك لانى كنت من الاشخاص الى كنت بحسب ان السلالة لازم علف مفتوح Very Happy 
وردة الصحراء
موضوع ممتاز ومهم جدا ربنا يكرمك يارب
yousef elshamy
تسلم ايديك
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى