منتدى الأرانب للجميع
الجس فى الارانب - بالصور 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

الجس فى الارانب - بالصور Rabbit10


منتدى الأرانب للجميع
الجس فى الارانب - بالصور 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

الجس فى الارانب - بالصور Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

الجس فى الارانب - بالصور

02042013
الجس فى الارانب - بالصور

صباح الخير
حبيت اعمل لكم موضوع عن جس الارانب بحيث يكون شامل و يا رب يفيد كل محتار فى موضوع الجس
اول حاجة ايه اهمية عملية الجس
اهميتها اننا نعرف اذا كانت الام حامل و لا لا و فايدة ده هو توفير الوقت لان زمان شوية كانت الناس تعشر النتاية و تسيبها 30 يوم ولو ما ولدتش يعشروها تانى و هكذا و طبعا ده ما ينفعش فى تربية الارانب كمشروع اقتصادى لان اليوم واقف عليك بفلوس
تانى حاجة الجس بيكون على كام يوم : الجس بيكون على 10 ايام طب اشمعنى 10 ايام ليه مش 5 ليه مش 3 ليه مش 7 ليه مش 8 عشان نعرف الاجابة لازم نعرف الاول حاجة اسمها انغراس الاجنة فى الرحم و دى يعنى ان الجنين يبدا يثبت على الرحم عن طريق المشيمة و ده موجود حتى فى البنى ادمين و انغراس الاجنة فى الارانب بيبقى فى اليوم الثامن و هنا بيكون حجم الجنين وصل لمرحلة ان المربى يقدر يحس بوجوده عن طريق الجس انما قبل كده حجمه بيكون اصغر من ان المربى يحس بيه عن طريق الجس
طب ما دام الاتغراس بيحصل على اليوم ال 8 ليه بنجس فى اليوم 10 على اليوم العاشر حجم الجنين بيكون فى حجم حبة البسلة فنقدر نحس بوجوده فى ناس بتعرف تجس على اليوم التامن و الحمد لله انا واحد منهم بس يفضل انه يجس على اليوم العاشر و مع الخبرة الموضوع هايبقى سهل
تالت حاجة ايه الوضع اللى اجس بيه النتاية
تخلى النتاية ضهرها مفرود قدامك و تثبت راس النتاية بايدك اليمين بالراحة و ايدك الشمال تحطها فى المنطقة الاخيرة من بطن النتاية تقريبا ما بين فخاد النتاية فى المنطقة دى الرحم بيكون موجود زى ما فى الصورة دى

الجس فى الارانب - بالصور J6x91008

و انت بتجس ما تستخدمش ايدك كلها عشان ما تتسبش فى نزيف داخلى او تمزيق فى انسجة الرحم بتاع الام
استخدم 3 صوابع بس ابهام - سبابة وسطى
اللى بتغمس بيهم الفول
طيب فى ناس تبقى بتجس و مش عارفة تعرف النتيجة لازم و انت بتجس تركز كويس و تشغل خيالك شويتين
الاجنة على اليوم العاشر بتكون فى حجم حبة البسلة و انت بتجس لما تيجى تمسكها هتلاقيها عبارة عن كور صغيرة ملمسها طرى مش ناشف كل ما تيجى تمسكها هتلاقيها بتهرب من ايدك ساعتها و مش هتلاقى كورة واحدة لا هتلاقى اكتر من كورة و انت و رزقك طبعا
و دى صورة تشريحية بتبين الرحم و هو فاضى ( الصورة اللى على الشمال ) و بتبين شكل الاجنة فى اليوم العاشر اللى هو يوم الجس ( الصورة اللى على اليمين ) شوف بيبقى حجم الاجنة اد ايه

الجس فى الارانب - بالصور 0fv91205

فى بعض الناس اللى لسه بتتعلم الجس مش بيعرفوا يجسوا على اليوم العاشر و دول بانصحهم انهم يتعلموا الجس على عمر 15 يوم و فى الحالة دى الاجنة حجمها بيكون اكبر من حجم حبة البسلة فى الغالب بيكون فى حجم حبة العنبة بس اللى هى بتبقى كبيرة شوية مش الصغيرة و بيبان على النتاية على طول اذا كانت حامل و لا لا
و دى صورة تشريحية بتوضح شكل و حجم الاجنة فى الرحم على عمر 14 يوم ( الصورة اللى على الشمال ) و شكل و حجم الاجنة فى الرحم على عمر 25 يوم ( الصورة اللى على اليمين ) و خلى بالك من فرق الحجم فى الصورة بتاعة ال 10 ايام و الصورة بتاعة ال 14 يوم

الجس فى الارانب - بالصور M4891341

نصيحة لكل واحد بيطعلم الجس
بلاش تعد الاجنة فى بطن الام و مهما سمعت من فلان او علان انه بيقدر يعد الاجنة فى بطن الام لان الحركة دى ممكن تسبب اجهاض او نزيف داخلى او تهتك فى انسجة الرحم ده غير ان موضوع العد مش هايقدم و لا هياخر و كمان عدد الخلفة ده رزق من عند ربنا

ما تديش ودنك لواحد بيقولك انا باجس على عمر 7 ايام او اقل من كده لان زى ما قولنا انغراس الاجنة فى الارانب بيبقى على اليوم التامن فازاى الاخ ده هايجس على اليوم لثامن

لازم تسجل ميعاد تلقيح الام عشان تحسب عليه ميعاد الجس
لما تشترى امهات جديدة جسها اول لما تدخلها مزرعتك لانها ممكن تكون عشر و اللى باعها لك مكنش واخد باله

يا رب يكون الموضوع عجبكم و فادكم

تعاليق

محمد الصيري
فين الصور ؟؟!!
محمد الصيري
الموضوع مهم اوي برجاء رفع الروابط علشان نشوف الصور
avatar
موجودة انا شايفها انت ازاى مش شايفها
محمد الصيري
طيب استسمحك تكتب الرابط وتبعتها في تعليق
avatar
حاضر

رابط الصورة الاولى
[ندعوك للتسجيل في المنتدى أو التعريف بنفسك لمعاينة هذا الرابط]

رابط الصورة التانية
[ندعوك للتسجيل في المنتدى أو التعريف بنفسك لمعاينة هذا الرابط]

رابط الصورة التالتة
[ندعوك للتسجيل في المنتدى أو التعريف بنفسك لمعاينة هذا الرابط]
محمد الصيري
فين بقيت الصور يا هندسة بصراحة روعة تسلم ايدك
محمد الصيري
خلاص شفتها شكرا جزيلا
ام عمار ياسر
جزاك
العربي
الصور ظاهره كويس نشكرك يا اخ مينا علي المجهود الراءع
m.allii2
368
علاء عبد الرازق
الف شكر يا مينا .. موضوع مفيد جدا وتستحق التقييم ... bounce
بلال
368
avatar
يا جماعة مفيششكر و لا حاجة اهم حاجة تكونوا استفدتم و جربوا و احكوالنا عن تجاربكم
ahmad hafiz
تسلم ايدك ياغالى وانت والله اضافة للمنتدى
احمد احمد سعد
1004
Dr saad
رائع ومفيد ونشكر يا بشمهندس
hosamabdu
بصراحة انت استاذ وتسلم ايدك
عادل حميده
عرض راقي ومنظم
شكرا لك
Karim $ Tiger
الف شكر
alyas
مفيد جدا
عبدالسلام عزت
اشكرك اخ الكريم على الموضوع
lapino25
الف شكر يا مينا .. موضوع مفيد جدا
منذر
يسلم ايديك يا اخ مينا موضوعك مفيد للجميع
أحمد وفيق
شكرا علي المعلومات و الاسلوب و الشرح جميل تسلم يا غاالي
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى