منتدى الأرانب للجميع
صناعة تكييف  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

صناعة تكييف  Rabbit10


منتدى الأرانب للجميع
صناعة تكييف  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

صناعة تكييف  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

صناعة تكييف

03042013
صناعة تكييف

بسم الله الرحمن الرحيم
النهارده هعرض لحضراتكم فكرة تكييف بدائيه شويه وتعتبر مأخوذه من نفس فكرة المكيف الصحراوى ولكن مختلفه عنها

ندخل فى الموضوع

الحاجات اللى هنحتاجها فى صناعة التكييف ده هى :-
1- مروحة بوكس او شفاط
2- لفة مواسير نحاس
3- مضخة غاطسه من بتوع احواض السمك
4- خزان او كولدير مياه

الطريقة :-

هنعمل من المواسير النحاس شبكه امام المروحة واحد اطراف الماسوره هنركبه فى الغاطسه بتاعة احواض السمك والتانى هيكون الطرف الطارد للمياه وعملية الضخ والطرد هتم فى نفس الكولدير او الخزان مع اضافة الثلج للمياه كما فى التكييف الصحراوى والشكل انا حاولت الخصة فى الصورة

ايه مميزاته ؟؟؟
1- تكلفته بسيطه
2- المواسير النحاس سهلة الطى وبتنقل الحرارة والبروده بسرعه
3 الهواء الخارج من المروحة واللى هيمر عبر شبكة المواسير النحاس هيكون بارد وبالتالى هتنزل درجه حرارة المكان
4- تجديد الماء البارد باستمرار عن طريق المضخة
5- بطئ ذوبان الثلج لعدم تعرضة للهواء او الحراره
6 - سهولة وضعه فى اى مكان مش شرط يكون فى الشباك
7- عدم وجود رزاز متطاير بسبب التفاعل المباشر مع الماء

صناعة تكييف  76158089

مستنى ارائكم وتعليقاتكم وملاحظاتكم ياجماعه


لا تأسفن على غدر الزمان لطالما
رقصت على جثث الأسود كلاب
لا تحسبن برقصها تعلو على أسيادها
تبقى الأسود أسودا والكلاب كلاب
تبقى الأسود مخيفة فى أسرها
حتى وإن نبحت عليها كلاب‎

01000372168

تعاليق

بلال
فنااااااااااااااااااااااااااان من يومك يا ابوشبل
1000

1002

1004

1005

1012
ahmedgamal
فكره جميله تسلم ايدك
عبدالسلام عزت
فكرة جميلة ي ابو شبل بس ياريت تضيف صور وتصور الخطوات عشان تبقى اسهل فى الشرح والتنفيذ
عبدالسلام عزت
اقصد طبعا صور على الطبيعة
وياريت تقول المواسير النحاس دى بتاع ثلاجة ولا جبتها منين
أبو شبل
المواسير النحاس موجوده عند بتوع التكييفات
والفكره دى مازالت فى مرحلة البحث لم تنفذ على ارض الواقع
وان شاء الله هنفذها قريب جدا بس محتاج ملاحظتكم لو فى شئ غلط
بلال
تماااااااااااااااااااااااااااام يامعلم
m.allii2
368

53
avatar
هو بصراحة الاساس النظرى بتاعك جميل بيفكرنى بفكرة الردياتير

بس هو السؤال اللى عايز اسالهولك عشان يمكن اجابته تساعدك فى تطوير الفكرة هو

المروحة دى هاتضخ هوا لمسافة كام متر

و كمان الهواء الساقع هايتم ضخه لمسافة كام متر

بالتوفيق
أبو شبل
الفكره مش فى المسافه اللى هيوصل لها الهواء
المروحة هتقلب الهواء اللى موجود فى المكان ويخرج منها هواء بارد وبالتالى هتنزل درجة الحرارة
avatar
الله ينور يا أبو شبل
واسمح لي أقول لك مجموعة ملحوظات يمكن تساعد حضرتك في الحصول علي نتيجة مرضية
1 : - راعي أن يكون مصدر ماء التبريد إذا قررت وضع ثلج فيه مغلق لكي لا ترتفع درجة حرارته بسرعة .
2 : - حاول أن تزيد من طول الماسورة النحاس يعني تكون عدد لفاتها كبير .
3 :- حاول أن تكون المسافة بين كل لفة ولفة أقل ما يمكن لتحصل علي أعلي فقد ممكن في درجة حرارة الهواء.
4 :- لو ممكن تخلي المواسير أمام المروحة مش ناحية الشفط وفي أي حالة سواء خلف المروحة أو أمامها
حاول تخلي الهواء كله يمر من بين المواسير عشان تاخد أعلي كفاءة ممكنة .
وبالتوفيق يا أبو شيل وفي إنتظار صور التنفيذ ونتائج التجريب مع الأرانب .
el_ghandour1982
الله عليك يا ابو شبل
أبو شبل
أسامةحسن12 كتب:
الله ينور يا أبو شبل
واسمح لي أقول لك مجموعة ملحوظات يمكن تساعد حضرتك في الحصول علي نتيجة مرضية
1 : - راعي أن يكون مصدر ماء التبريد إذا قررت وضع ثلج فيه مغلق لكي لا ترتفع درجة حرارته بسرعة .
2 : - حاول أن تزيد من طول الماسورة النحاس يعني تكون عدد لفاتها كبير .
3 :- حاول أن تكون المسافة بين كل لفة ولفة أقل ما يمكن لتحصل علي أعلي فقد ممكن في درجة حرارة الهواء.
4 :- لو ممكن تخلي المواسير أمام المروحة مش ناحية الشفط وفي أي حالة سواء خلف المروحة أو أمامها
حاول تخلي الهواء كله يمر من بين المواسير عشان تاخد أعلي كفاءة ممكنة .
وبالتوفيق يا أبو شيل وفي إنتظار صور التنفيذ ونتائج التجريب مع الأرانب .


الله ينور عليك ياأستاذ اسامه
طبعا هاخد كلامك كله فى الحسبان
ولكن ايه الفرق لو حطينا المواسير النحاس ناحية الشفط او الطرد ؟
أبو شبل
el_ghandour1982 كتب:
الله عليك يا ابو شبل

شكرا ياغندور وتشرف بمرورك ياصديقى
محمد طويله
صدقنى يا أبو شبل لا أقصد أى إحباط ولكن !!!!!
أنا نفذت الفكره فعلا السنه اللى فاتت والنتيجه كانت محبطه
بنفس فكره مواسير النحاس اللى بتتكلم عنها
وحاولت أخلى كفائتها أعلى عن طريق استخدام مشتت حراره أو سربنتينه
لأنها عباره عن مواسير نحاس وحواليها زعانف ألومنيوم مهمتها فى الثلاجات هى
تخفيف الحرحه عن الثلاجه لأن الفريون أثناء تحوله من الصوره الغازيه للصوره السائله مره أخرى
درجه حرارته بتزيد جدا بشكر بيكون خطر على الثلاجه ومحمه المشتت (السربنتينه) هى امتصاص درجه الحراره
والمروحه المثبته بجانب السرنتينه بتطرد الحراره لخارج الثلاجه (دى وظيفه السربنتينه)
أنا استعملت الوظيفه دى مع البروده بدل الحراره
استعملت كولمان مليان ثلج ونزلت فيه مضخه حوض سمك تضخ الماء فى مواسير السربنتينه
وتخرج من الناحيه التانيه على الكولمان تانى
والنتيجه كانت أكثر من رائعه ولكن ..!!!
بعد نصف ساعه تقريبا الثلج ذاب واصبحت حراره الماء من حراره الغرفه وبالتالى النتيجه أصبحت (صفر)
ومفيش حراره هاتنزل طبعا
ده غير إن بروده جسم السربنتينه جمعت عليها الرطوبوه الموجوده فى المكان وغرقت الترابيزه ميه
دى تجربه شخصيه فى الموضع ده

avatar
أولا يا أبو شبل الفرق مش كبير بين وضع المواسير أمام المروحة أو خلفها لكن لو وضعت المواسير أمام المروحة هتتفادي تكون قطرات المياه اللي ممكن تتكثف علي المواسير نتيجة وجود الثلج في المياه .
ثانيا المحك هو هل الهواء الخارج من المروحة يمر بكامله علي ومن بين المواسير أم يتشتت علما بأن معظم الهواء الخارج من المراوح سواء بوكس أو غيره يتوزع علي الأجناب .
ويمكن حل المشكلة بعمل بوكس خشبي ولو أبلاكاج حتي لضمان مرور الهواء بكامله علي و بين المواسير وأنا رسمت رسمة مبسطة تبين إقتراحي المتواضع علي فكرتك أرجو أن تكون مفيدة .
[ندعوك للتسجيل في المنتدى أو التعريف بنفسك لمعاينة هذا الرابط]
وبالنسبة لتجربة أستاذنا محمد طويلة يمكن أختلف معاه شويه فلا يمكن الحكم عليها من مجرد عرضه للفكرة فقط وأنا رأيي المتواضع إن أبو شبل لو إتبع الخطوات اللي قلتها في ملحوظاتي ممكن يحصل علي نتيجة أحسن من وجود المروحة وحدها بشكل ملحوظ حتي بدون ثلج هذا والله أعلم .
ملحوظة أخيرة حاول يا أبو شبل يكون إتجاه المياه من أسفل الي أعلي وليس كما في رسمتك ( صحيح إن ده تأثيره مش هيبقي عالي بس هو إتساق مع مباديء التبادل الحراري بس ) .
محمد طويله
العفو ياباشمهندس إنت اللى استاذنا وبنتعلم منك كل يوم جديد
أما الحكم على التجربه حضرتك تقصد مايننفعش نحكم عليها بمجرد الروايه ولازم نجرب بنفسنا
ولا فى شئ خطأ فى التجربه ولا شئ ناقص كان لازم يتعمل وأنا معمتلوش
فى انتظار توجيهاتك
وأسعد بها دائما
avatar
M.Tawela كتب:
العفو ياباشمهندس إنت اللى استاذنا وبنتعلم منك كل يوم جديد
أما الحكم على التجربه حضرتك تقصد مايننفعش نحكم عليها بمجرد الروايه ولازم نجرب بنفسنا
ولا فى شئ خطأ فى التجربه ولا شئ ناقص كان لازم يتعمل وأنا معمتلوش
فى انتظار توجيهاتك
وأسعد بها دائما

توجيهات ؟!
يا عم محمد متدخلنيش في الجبس هههه
أنا بأقول رأيي بس وحضرتك في نظري أكبر من التوجيهات يا أستاذ محمد
ثانيا حضرتك عرضت الفكرة بدون تفاصيل فنية خصوصا في مايتعلق بالآتي : -
1- إحكام الهواء المار علي وبين المواسير
2- السربنتينة بتاعة الثلاجة سمك المواسير فيها تخين شوية لأن أعلي ضغط في دورة الثلاجة بيبقي في المكثف أو السربنتينة
فبالتالي كفائتها بالنسبة للثلاجة مناسبة للفريون لكنها قد لا تكون مناسبة للغرض اللي حضرتك إستخدمتها فيه .
3- المسافة بين المواسير كبيرة جدا أظن أكبر من 5 سم صحيح فيه شرائح لتشتيت الحرارة الموجبة لكنها في التبريد لن تكون فعالة لأن فرق درجات الحرارة ليس كبيرا بدليل النجاح في حالة وجود الثلج ( فرق حرارة كبير ) وعدم النجاح الملحوظ في حالة وجود المياه .
4- فكرة الردياتير مش عشان تبريد المحرك ولكن للحفاظ عليه ساخنا في حدود ودي مش فلسفة والله دي من الجمل التي لا أنساها لأساتذة الاحتراق الداخلي فيعني الحاجة المستخدمة في غرض صناعي أو تقني معين قد لا تصلح لغرض آخر تختلف فيه الظروف لأن التصميم الأساسي راعي متغيرات غير اللي حضرتك حسبتها إجمالا .
كل اللي أنا عايز أوصله إن النظام اللي إنت بتنشأه من الصفر يمكن التحكم فيه وزيادة أطوال وزيادة لفات مواسير أو استخدام طلمبة أكبر .....الخ
أكثر من إستخدام حاجات هي أصلا مش مصممة للغرض ده وبالتالي ممكن تنفع وممكن لا .
ثم إن الفكرة الواحدة ممكن حضرتك تنفذها بطريقة فعالة أكثر مني مثلا وخللي بالك برضه التنظير سهل لكن التنفيذ محتاج جدية وعزيمة وهواية وانت سيد العارفين يا أستاذ محمد .
وعموما زي ما قولت لأبو شبل لو فيه علبة تحكم الهواء وعدد لفات مواسير كبير ممكن يبقي فيه نتيجة ملحوظة حتي بالماء فقط دون ثلج .
محمد طويله
هههههه
طيب أنا كده أرد أقول إيه !!!!!!!!
يعنى من ناحيه ذوقك عالى جدا فى الكلام
ومن ناحيه حضرتك من أهل العلم يعنى كلامك مصدق وعارف انت رايح فين وجاى منين
غير اللى بيقعد يجرب زيى
طيب أنا هاقوم اعمل كبايه قهوه أشرب وأروق
يمكن اقدر اوصل لنتيجه


ابو علوه
بصوا بقا تتفقو تختلفو تشربو قهوة عصير
شاى
المهم تجيبم نتيجة على الاقل استخدمها انا مش الارانب هههههههههههههههههههههه
ربنا يوفقكم
أبو شبل
والله يابشمهندس كلامك جميل ومفيد جدا
واحنا كده اصبحنا 2 هنفذ الفكره ... انا والاستاذ محمد طويله
أبو شبل
ابو علوه كتب:
بصوا بقا تتفقو تختلفو تشربو قهوة عصير
شاى
المهم تجيبم نتيجة على الاقل استخدمها انا مش الارانب هههههههههههههههههههههه
ربنا يوفقكم


الفكره دى ياأبو علوه اصلا من افكار والدى وهو كان منفذها من ايام ما كان فى الجامعه فى سكن الطلبه
يعنى ان شاء الله شغاله ميه ميه
محمد طويله
لأ إتنين إيه نفذ لوحدك انت أنا هابيعك هنا
وبالمناسبه أنا جبت ورق تبريد خلاص بس لسه ماعملتش البودى بتاعه
avatar
M.Tawela كتب:
هههههه
طيب أنا كده أرد أقول إيه !!!!!!!!
يعنى من ناحيه ذوقك عالى جدا فى الكلام
ومن ناحيه حضرتك من أهل العلم يعنى كلامك مصدق وعارف انت رايح فين وجاى منين
غير اللى بيقعد يجرب زيى
طيب أنا هاقوم اعمل كبايه قهوه أشرب وأروق
يمكن اقدر اوصل لنتيجه



كلنا بنجرب يا عم محمد
وخللي بال حضرتك أنا بشربها زيادة .
avatar
أبو شبل كتب:
والله يابشمهندس كلامك جميل ومفيد جدا
واحنا كده اصبحنا 2 هنفذ الفكره ... انا والاستاذ محمد طويله

شكرا يا أخي وأتمني أن تحصل علي نتيجة مرضية .
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى