كنوع من الحرص على تقديم النصيحه والفائده بأقصى صورها على المنتدى عملنا الموضوع ده
وهو طلب بسيط بنطلبه من كل إخواتنا فى المنتدى هو المتابعه بمعنى إيه ؟!!
بمعنى إن كل واحد عنده مشكله بيكتبها فى القسم ده (إسأل ونحن نجيب)
وبمجرد ما المشكله تبدأ تتحل وتختفى من عنده بنسبه كبيره جدا بتلاقى صاحب الموضوع أهمله ولا بيبص عليه حتى
ومن النادر لما تلاقى واحد يقول اللى هو عمله فى المشكله وكيف تم علاجها
ومن القليل أن تجد من يقول ( شكرا )
حتى اللى بيقول شكرا ممكن يكون كتبها كنوع من الخجل لأنه حاسس إنه تعب الناس معاه ومفيش فايده
أو كنوع من الزهق لأنه ماوصلش لنتيجه
فالمطلوب هو فقط عند وجود مشكله وعرضها على المنتدى
إن صاحب المشكله يكتب العلاج
يقول أنا عملت كذا وكذا والأمور أصبحت تمام
من ناحيه هانفهم ونتعلم الحل إيه أو العلاج إيه
ومن ناحيه تانيه بتكون فرصه كويسه جدا لتبادل الخبرات
حتى لو مفيش حد رد عليك فى المنتدى وده تقريبا مابيحصلش
مافيهاش حاجه لما تقولنا إنك روحت لدكتور وعرفك العلاج
أو التصرف اللى اتصرفته إيه علشان نعمل زيك
يعنى الموضوع يتقفل بالكامل من اول عرض المشكله لحد عرض العلاج
ومتشكر ليكم جميعا
Hazem Mohamedالأربعاء أكتوبر 28, 2015 10:19 pm