منتدى الأرانب للجميع
عــاوزه حل ضروري للقطط بتاعتى 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

عــاوزه حل ضروري للقطط بتاعتى Rabbit10


منتدى الأرانب للجميع
عــاوزه حل ضروري للقطط بتاعتى 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

عــاوزه حل ضروري للقطط بتاعتى Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

عــاوزه حل ضروري للقطط بتاعتى

22072013
عــاوزه حل ضروري للقطط بتاعتى



الســلام عليــكم ورحمة الله وبركـاته




انا عنــدى 4 قطط اتنين كبار واتنين صغيرين لسه مولودين من حوالى شهرين او شهر ونص  بس كبروا وبياكلوا الوقتى عادى ..

اول سؤال فى واحده صحبتى عاوزه قطه منهم اديهالها عادى ولا هى لسه بترضع علشان ساعات بشوف مامتها لسه بترضعها مع انهم بياكلوا عادى ..

عندى بئه مشكلتين .. اول مشكله وهى ازاى اخليهم يروحوا التواليت زي مامتهم وباباهم لان انا تعبت خلاص تنبيه عليهم واحاول اغير نبرتى لما يعملوا حاجه غلط بس بيكرروها وانا مش بكون موجوده فى كل مره علشان اوديهم انا .. باباهم ومامتهم اتولدوا وكبروا راحو التواليت لوحدهم .. وبصراحه انا تعبت يعنى تنضيف صعب و كل شويه تطهير دا غير انهم كمان بيعملوا على الانتريه انا بفرش عليه حاجات وكل شويه اغسله وانا تعبت ..

المشكله التانيه البراغيث : يعنى انا بحميهم على طول بس بيكون فيهم بردو ممكن بعدها بيوم .. شلت السجاد وغسلته وما فرشتوش تانى وغسلت البطاطين وشلتها و بمسح كل 3 ايام بالضبط بكلور او واحيانا بحط بودرة البراغيث والحشرات فى الاركان الى مش واضحه علشان مش يجيلهم تسمم

بعدين بابا جاب من الصدليه البيطريه دوا اسمه  Debemethrin

انا لسه ما جربتوش بس الصيدلى قاله انه ربع كوب على لتر مايه ولون المايه بتكون ابيض خالص وبتفور ويقول بعدها ب 10 دقايق يتشطفوا ..

انا خايفه لان القطه الكبيره بتمسح نفسها بلسانها على طووووووووووول  يعنى وهى صغيره بسبب حاجه زي كدا جالها تسمم وانقذنها بصعوبه وماعنديش استعداد اجازف تانى ... استعمله عادى ولا يحصلها حاجه ...


شـــكــراً

تعاليق

محمد طويله
هاستاذنك فى سؤال بجد مش تريقه
طالما الموضوع عامل معاكى كل المشكلات دى
متمسكه بيه ليه ؟ أقصد تربيه القطط
(غسيل وتغيير فرش ومس أرضيات و.... و...و..)
بالنسبه للبراغيث
فى مركب بيتباع فى الصيدليات البيطرى اسمه بيوتوكس
بيتم تحليله فى الماء بموجب 1سم على لتر ماء
بعد التحليل بيكون آمن تماما تماما تماما احنا بنستعلمه مع الأرانب من غير اى قلق
هاتستعملى المحلول ده فى كل ركن فى البيت
غرقى بيه القطط وامسحى بيه الأرضيات ورشيه فى الأركان واستعمليه فى الشطفه الأخيره للسجاد
موضوع مجهد فعلا بس لو ماعملتيش كده ممكن يفلت منك برغوت أو اتنين ويكتروا تانى
أما تدريب القطط على التواليت
معنديش فكره ولكن مبدئيا (على ما يرد حد متخصص فى القطط) لى صديق بيحط طبق بلاستيك كبير فيه رمل
والقطط بطبيعتها بتحب تقضى حاجاتها بإنها تحفر وتقضى حاجتها وبعدين تردم
جربيها مش هاتخسرى حاجه
محمد طويله
نسيت اقولك نورتى المنتدى
anabaskota
بابا غصب عليا احميهم بالدوا الى هو جايبه دا .. وبعد ما خلصت حما ليهم لقيتهم بيريلو شكلهم بيموتوووو اعمل ايييييييييييييييييه Sad 

بسرعه الله يخليكم ...
محمد طويله
كده اللى يفيدك أطباء المنتدى
anabaskota
متشكره لرد حضرتك ما جاتليش الفرصه اشكرك معلشى علشان كنت خايفه ومخضوضه عليهم .. انا اديتهم حقن اتروبين واكلتهم زبادي والحمد لله هما الوقتى احسن ...ونايمين كلهم وانا دفيتهم وغطيتهم
وعاوزه اقولك انى متمسكه بيهم رغم كل دااااااااا لانى بحبهم جداااا يعنى اتولدم على ايدي وحاسه انى روحي بتروح مني لو حصلهم حاجه دا انا كنت ماشيه فى الشارع بعيط والله وانا رايحه الصيدليه اجيب الحقن .. وفى مثل بيقولك حبيبك يقرقشلك الزلط وعدوك يتمنالك الغلط .. ههههههههه

وهما حبايبى استحمل علشانهم اى حاجه ...

ميرسي جــدا لاهتمام حضرتك وحررررمت احميهم باى حاجه خلااااص لان دي تانى مره وانا مش مستحمله قلبى يقف كل شويه كدااا ..
محمد طويله
ربنا يبارك ليك فيهم
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى