منتدى الأرانب للجميع
حكـــــــاوى هــــــــاوى      ـــــــــــــ   الحلقة الاولى ــــــــــ        الاستاذ عبد السلام عزت  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

حكـــــــاوى هــــــــاوى      ـــــــــــــ   الحلقة الاولى ــــــــــ        الاستاذ عبد السلام عزت  Rabbit10


منتدى الأرانب للجميع
حكـــــــاوى هــــــــاوى      ـــــــــــــ   الحلقة الاولى ــــــــــ        الاستاذ عبد السلام عزت  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

حكـــــــاوى هــــــــاوى      ـــــــــــــ   الحلقة الاولى ــــــــــ        الاستاذ عبد السلام عزت  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


حكـــــــاوى هــــــــاوى ـــــــــــــ الحلقة الاولى ــــــــــ الاستاذ عبد السلام عزت

power_settings_newقم بتسجيل الدخول للرد

11122013
حكـــــــاوى هــــــــاوى ـــــــــــــ الحلقة الاولى ــــــــــ الاستاذ عبد السلام عزت

السلام عليكم ورحمة الله وبركاته

اهلا بيكم فى الحلقة الاولى من برنامج ـــــ حكـــاوى هــــاوى ـــــ ضيفنا وضيفكم النهارده الكل يشهدله بتفوقه وتميزه فى منصبه الجديد مراقب اقسام الارانب بالاضافة الى

تعاونه مع اعضاء المنتدى الجدد والقدامى فى نشر المعلومة الصحيحة وكذلك جو المودة اللى نشره داخل المنتدى واللى كان من اهم مواضيعه نشر الصورة

الشخصية لكل عضو اللى فادت فى اننا نتعرف على بعضنا اكتر مش معرفة ورا الشاشات وبس ضيفنا وضيفكم **** الاستاذ عبد السلام عزت ***

ان شاء الله تعجبكم الحلقة متبخلوش علينا بتعليقاتكم واقتراحاتكم

وجزاكم الله خيرا



بداية اهلا بيك يا استاذ عبد السلام لو تسمحلنا نتعرف على حضرتك اكتر وعلى بداية قصة عشقك للارانب واقتراحات حضرنك لتطوير الهواية فى مصر وكذلك تطوير المنتدى من خلال الاسئلة القادمة:-



1. الاسم السن العنوان المهنة؟

الاسم/ عبدالسلام عزت عبدالسلام السن 32 سنة المهنة صاحب صيدلية بشرى

*****************************
2. كلمنا عن بدايتك مع هواية تربية الارانب؟
البداية مع تربية الارانب كانت من 17 سنة من خلال الجيران كان عندهم ارانب وكنت بشوفهم على السطح لانهم كانوا على الارض ومن ساعتها وانا حبيت اربيهم بس كانت لينا تجربة قبلها بس من فترة طويلة فى اواخر الثمانينيات بس كنت لسة صغير ايامها

******************************

3. اول مكان ربيت فيه الارانب كان بطاريات ولا كان مكان عادى ارضى ؟ ولو ارضى كلمنا عن مواصفات المكان من حيث ازاى قدرت تسيطر على نضافة العلف والمايه وخلافه من مشاكل التربية الارضية؟


اول مكان/ كان على سطح البيت من خلال بوكسات خشبية تصنيع يدوى

*******************************

4. بدات تربية بكام ارنب؟
بدات ب / انثيين وذكر انثى ركس اسمر وانثى نيوزلندى وذكر ركس اسمر

********************************

5. اول ارنبة ولدت عندك كام ؟

اول ارنبة كان الارنبتين دول وولدوا مع بعض الركس جابت 9 والنيوزلندى جابت 4 وكانوا فى يوم واحد ولحظة واحدة وايامها كنت فى ثانوى وقعدت قبلها ب 3 ايام اتابعهم عشان الولادة وولدوا وكان يوم اثنين وفرحت جدا لما ولدوا

************************************

6. اكتر ارنب اتعلقت بيه ومش ناسيه لحد دلوقت ؟
اكتر ارنب مش ناسية كان من الارانب ال ولدتهم الارنبة الركس دى وكان بوبيون فرنساوى كان ذكر وكبر عندى وخلف وزعلت جدا لما مات

*************************************

7. اول مرض واجهته فى تربية الارانب ؟ واتصرفت معاه ازاى ؟
اول مرض كان الجرب ومكنش عندى خبرة ايامها كل الكلام دة كان من 17 سنة وكان ايامها الدايزنون لسة موجود ف انا قلت اديلة الدايزينون مركز مش مخفف عشان يخف بسرعة ف الارنب لعقوة ومات وعشان كدة زعلت على الارنب دة

***************************************

8. اكتر مشكلة واجهتك فى تربية الارانب؟
اكبر مشكلة كانت العلف السيئ بس الحمد لله اتحلت بمساعدة الاصدقاء بالمنتدى

***************************************

9. فى البدايات كنت بتاكل الارانب ايه؟

فى البداية كنت بالكل علف اكسترا وبرسيم

****************************************
10. تجربتك مع الاعلاف ؟ كلنا عانينا الكتير مع الاعلاف.
الاعلاف
كنت بستعمل اكسترا ودة كان زمان ومفيش منة مشاكل
الان بقى جبت حاجة اسمها العربى ومعجبنيش غيرتة ب ايبكس ولقيت نفس المشاكل بس هو على العموم افضل من العربى

*******************************************

11. كلمنا عن اول مرة بعت فيها ارانب من انتاجك؟

اول مرة بعت فيها كان للجيران جمبى

*********************************************
12. كيف تعرفت على المنتدى؟؟
اتعرفت على المنتدى من الانترنت

**********************************************

13. ماتتمنى ان تراه فى المنتدى؟
اتمنى ان ارى فى المنتدى مزيد من التفاعل بين الاعضاء فى الخبرات العلمية والطبية والاجتماعية

*************************************************

14. اقتراحاتك لتطوير تربية الارانب فى مصر؟
اقتراحاتى
ان يكون هناك بورصة ل الارانب مثل الدواجن لتحديد السعر خاصة مع جشع التجار
اتمنى ان تكون هناك استخدمات اكتر لصناعات جلود الارانب وسمادها العضوى من اجل زيادة التشجيع على التربية
اتمنى انتشار اهمية التوعية بفائدة لحم الارانب من اجل زيادة الاقبال عليها

***************************************************

15. راى حضرتك فى تطبيق اساليب التربية الاجنبية فى مصر من حيث الرعاية والتغذية وخلافه واستيراد سلالات من الخارج؟
بالنسبة للتربية
اكيد هناك اختلاف كبير فى وسائل التربية هنا عن خارج مصر من مناخ واعلاف وطبيعة فى الاستهلاك وغيرها لكن لابد ان نواكب ما نستطيع توفيرة فى مجتمعنا المصرى والشطارة بقى ان احنا نقدر نطور المتاح ال تحت ايدنا ونخلية يبقى افضل دائما بحيث من خلالة نستطيع الحصول على افضل خدمات ونتائج يمكن تكون افضل مما فى الخارج
اما بالنسبة ل استيراد السلالات ف انا معاة من اجل تجديد الدماء وياريت لو الاستيراد يبقى فى اوقات معروفة ومحددة ومن شركات معروفة من اجل سهولة التعامل مع 9التحذير من التعامل مع الشركات النصابة ال بتدعى انها مستوردة من الخارج وهى لم تستورد شيئ

**************************************************

16. كلمة توجهها لاعضاء المنتدى؟

كلمتى ل اعضاء
نحن جميعا اخوة فى المنتدى لافرق بين اكبر الاعضاء من حيث السن او حتى من حيث المنصب الادارى الى اصغر الاعضاء كلنا اسرة واحدة ارجو منكم تجنب الخلافات والمشاكل الشخصية على صفحات المنتدى من اجل الحفاظ على الصورة العامة
يجب جميعا ان نعمل على تطوير المنتدى (علميا _ واجتماعيا -تقنيا) لا تبخلوا ب اى شئ على المنتدى واعضاؤة
اجعلوا المنتدى متخصص فى كل شيئ مش الارانب وبس كل المجالات احرصوا على جلب مزيد الاعضاء الجدد للمنتدى الذى نعتبرة بيتنا جديدا
احرصوا على التجديد فى كل شئ المعلومات الشكل النمطى والعام للمنتدى حتى الهيكل الادارى حتى ترتفع بالمنتدى لما نحبة ونرضاة
انا تحت امركم جميعا دائما فى اى وقت
******************************************************************************************************


الف شكر استاذ عبد السلام نورتنا النهارده


جزاك الرحمن خيرا



دى كانت نهاية الحلقة الاولى من برنامج حكاوى هاوى نلقاكم فى الحلقة الثانية على خير


دمتم فى حفظ الله وأمنه

تعاليق

مايكل المنياوي
موضوع شيك وممتع في القرائة شكرا علي المجهود الرائع ابو علوة
ابو علوه
مايكل المنياوي كتب:
موضوع شيك وممتع في القرائة شكرا علي المجهود الرائع ابو علوة

حبيبى يا استاذ مايكل تسلم
أبو شبل
الله ينور ياابو علوه هو دا الشغل
شكرا استاذ عبدالسلام على الحوار الجميل ده وفى انتظار نعرف اكتر عن باقى الاعضاء
ابو علوه
أبو شبل كتب:
الله ينور ياابو علوه هو دا الشغل
شكرا استاذ عبدالسلام على الحوار الجميل ده وفى انتظار نعرف اكتر عن باقى الاعضاء


تسلم يا ابو شبل ان شاء الكريم نتعرف اكتر على باقى الاعضاء
محمد-حسن
حلقة مسلية، تستعيد الماضي والذكريات الجميلة!
وبانتظار جديدكم
ابو علوه
محمد-حسن كتب:
حلقة مسلية، تستعيد الماضي والذكريات الجميلة!
وبانتظار جديدكم

ان شاء الله يكون فى جديد نورتنا بردك يا استاذ محمد
محمد-حسن
"الموضوع منور بأهله" ‏
ابو علوه
محمد-حسن كتب:
"الموضوع منور بأهله" ‏

تسلم الله يعزك
shehata2020
أيوة كده هو ده التميز بجد
شكرا لمجهودك الرائع يا أستاذ أبو علوة
جزاك الله خيرا يا أستاذ عبد السلام و أكرمك
احمد احمد سعد
ما شاء الله حلقة مميزة وشيقه
مجهود اكثر من رائع اخى الغالى ابو علوة
شكرا على ردودك المميزة اخى الغالى عبدالسلام عزت
عبدالسلام عزت
اشكر باسمكم جميعا اخونا ابو علوة علة موضوعة وفكرتة الجميلة
واشكركم جميعا اخوانى الكرام على التفاعل
وان شاء الله فى انتظار المزيد من الحلقات مع باقى الاعضاء
محمود بن نادي دويدار
ما شاء الله
والله حاجه جميلة جداً، وفوق الممتاز
جزاكم الله خيرا. أ/ أبو علوة
وأستاذنا / عبد السلام
ممكن -دا بعد إذنكم طبعا- نضيف بعض الأسئلة على الضيف، مثل:
1- ماذا صنع معك أقاربك عند بداية إنشاء مشروع التربية، كان فيه تشجيع، ولا العكس؟
2- أنت الذي تقوم بعلف الأرانبوتنظيف المكان، أم هناك من يقوم بالمساعدة، بل بالعمل كله أحياناً، ومن هو؟
3- ما هي أكبر خسارة خسرتها في الأرانب، وماذا قررت وصنعت بعدها؟
4- ماهي أكبر مكاسب حققتها، وماذا قررت وصنعت بعدها؟
وهكذا
جزاكم الله خيراً
alyousifrabbits
جميل ان نتبادل الخبرات خصوصا ان الأمر سهل ومتاح
ياريت كل عضو في المنتدى يعرفنا بكل جديد عنده من حيث الأسعار والعلف وغير ذلك

اشكركم شكرا جزيلا وخصوصا اللأستاذ يحيى السندي و الدكتور عبد السلام

Al yousif rabbits
ابو علوه
shehata2020 كتب:
أيوة كده هو ده التميز بجد
شكرا لمجهودك الرائع يا أستاذ أبو علوة
جزاك الله خيرا يا أستاذ عبد السلام و أكرمك

تسلم يا دكتور ربنا يعزك
hosamabdu
بصراحة الله ينور يا ابو علوة من أجمل ما قرأت
ابو علوه
hosamabdu كتب:
بصراحة الله ينور يا ابو علوة من أجمل ما قرأت

تسلم ياغالى ربنا يعزك
ابو علوه
احمد احمد سعد كتب:
ما شاء الله حلقة مميزة وشيقه
مجهود اكثر من رائع اخى الغالى ابو علوة
شكرا على ردودك المميزة اخى الغالى عبدالسلام عزت

نورتنا يا استاذ احمد جزاك الله خيرا على ردك الجميل
ابو علوه
عبدالسلام عزت كتب:
اشكر باسمكم جميعا اخونا ابو علوة علة موضوعة وفكرتة الجميلة
واشكركم جميعا اخوانى الكرام على التفاعل
وان شاء الله فى انتظار المزيد من الحلقات مع باقى الاعضاء

العفو استاذ عبد السلام جزاك الله خيرا
ابو علوه
محمود بن نادي دويدار كتب:
ما شاء الله
والله حاجه جميلة جداً، وفوق الممتاز
جزاكم الله خيرا. أ/ أبو علوة
وأستاذنا / عبد السلام
ممكن -دا بعد إذنكم طبعا- نضيف بعض الأسئلة على الضيف، مثل:
1- ماذا صنع معك أقاربك عند بداية إنشاء مشروع التربية، كان فيه تشجيع، ولا العكس؟
2- أنت الذي تقوم بعلف الأرانبوتنظيف المكان، أم هناك من يقوم بالمساعدة، بل بالعمل كله أحياناً، ومن هو؟
3- ما هي أكبر خسارة خسرتها في الأرانب، وماذا قررت وصنعت بعدها؟
4- ماهي أكبر مكاسب حققتها، وماذا قررت وصنعت بعدها؟
وهكذا
جزاكم الله خيراً

اقتراح جميل جزاك الله خيرا ياشيخنا
يحيى السندى
مجهود وفكرة رائعتان ربنا يرزقك مزيد من التقدم والابداع يا استاذ ابو علوه وشكرا لكلام ضيفك الرائع اخى الحبيب الاستاذ عبد السلام
عبدالسلام عزت
اشكرك جدا اخى الكريم يحى
ابو علوه
يحيى السندى كتب:
مجهود وفكرة رائعتان ربنا يرزقك مزيد من التقدم والابداع يا استاذ ابو علوه   وشكرا لكلام ضيفك الرائع اخى الحبيب الاستاذ عبد السلام

تسلم يا استاذ يحيي ربنا يرزقك الفردوس
ابو انس عبدالله الرفاعي
نورت اـ عبدالسلام
ابو انس عبدالله الرفاعي
محاور جيد ابو علوه
power_settings_newقم بتسجيل الدخول للرد
privacy_tip صلاحيات هذا المنتدى:
لاتستطيع الرد على المواضيع في هذا المنتدى