منتدى الأرانب للجميع
دراسة جدوى لمشروع أرانب صغير 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

دراسة جدوى لمشروع أرانب صغير Rabbit10


منتدى الأرانب للجميع
دراسة جدوى لمشروع أرانب صغير 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

دراسة جدوى لمشروع أرانب صغير Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

دراسة جدوى لمشروع أرانب صغير

15122013
دراسة جدوى لمشروع أرانب صغير

السلام عليكم

أرجو ممن لديه فكرة أو إقتراح لدراسة جدوى

لبداية مشروع أرانب بحيث لا تتعدى التكلفة 5 الاف جنيه

مع العلم أن المكان متاح ( ملك وليس إيجار )

العمالة متاحه ( بشخصى ومساعدة أفراد من العائلة )

وايضاً لدى ذكرين و4 إناث و2 بطارية 8 عيون

أتنى محدش يبخل علينا مما علمه الله

وياريت اللى يقترح الدراسة يقولى بالتفاصيل أنواع الارانب ومنين أجيبها وأسعارها







تعاليق

shrf_el-den
مع العلم أنى ساكن فى الزقازيق
عشان لو حد عنده فكرة عن أماكن بيع الارانب من مصدر موثوق طبعا والبطاريات
أبو شبل
وعليكم السلام ورحمة الله وبركاته
السلالات والبطاريات والاعلاف اسعارها بتختلف من مكان لأخر
اكتر واحد ممكن يفيدك فى تجهيز سلالات وبطاريات واعلاف هو الاستاذ محمد طويله عندك فى الزقازيق وهو رجل محترم ومحل ثقه ونحسبه على خير بإذن الله
shrf_el-den
تمام اوى تسلم
اتمنى الاستاذ محمد يتواصل معايا فى الموضوع ويفيدنى

بس برضه حضرتك مقولتليش ممكن أبدأ بكام ارنب وانواعها والبطاريات وكل ما يلزم المشروع بصفة عامة وأسعار تقريبيبة لغاية ما الاستاذ محمد ابو طويلة يدينى الاسعار الحالية فى الزقازيق
محمد-حسن
وعليكم السلام ورحمة الله وبركاته ومغفراته
أخي شرف الدين/
قد يفيدك هذا الرابط‎ ‎
[ندعوك للتسجيل في المنتدى أو التعريف بنفسك لمعاينة هذا الرابط]
وبإذن الله، يكون حليفك التوفيق.
shrf_el-den
تسلم يا استاذ محمد ,
جزاك الله خيراً

فعلا الموضوع نفس موضوعى , لكن للأسف الاجابه مستوفتش كل اللى انا عايزة بالإضافه ان الموضوع قديم من اكتر من سنتين , يعنى اكيد الاسعار كلها تغيرت
محمد-حسن
آسف جدا،
نسيت أن الموضوع قديم ; بسبب ملاحظتي لتاريخ آخر رد
على العموم، يمكنك إرسال رسالة خاصة للأستاذ محمد طويلة أو الاتصال به هاتفيا 01002841988، وبإذن الله تجد عنده الجواب الشافي.
محمد طويله
ألف مليون شكر على الثقه الغاليه دى منكما اخوانى
ويارب اكون قدها
أ/شرف
بالنسبه لمشروع الأرانب فتكاليفه منقسه لـ 3 اقسام
الأرانب ـ البطاريات ـ العلف والأدويه
أصعب جزء فيهم هم البطاريات لأنك لازم تجيبها كلها وتجهزها كلها مره واحده
على عكس الأرانب والعلف
لأنك ممكن تجيب العلف شيكاره بشيكاره
وممكن تجيب الأرانب وتربى من خلفاتهم وهكذا
أسعار العيون آخر مره اشتريت من الزقازيق كانت العين المجلفنه واقفه بـ 50 جنيه
ولا انصحك بالإليكترو ستاتيك لأن اغلب المصنعين ان لم يكن كلهم بيصنعوه غلط
دراسه جدوى مبسطه للأمور
10 امهات × 90 جنيه = 900 جنيه
هاتحتاج ليهم 20 عين لأن فى امهات وخلفات وذكور
20 عين × 50 جنيه = 1000 جنيه
الـ 20 عين ممكن يكونوا 5 اقفاص × 4 عيون
وانصحك انك تجهز المكان كله بالبطاريات مره واحده لو معاك مقدره لكده
وبلاش تشترى ذكور طالما عندك ممن تشغلهم وتاخد من انتاجهم اللى يشتغل ويواصل معاك
كده عندنا 14 أنثى و ذكرين بيستهلكوا متوسط يومى 8 كيلوا ونص علف فى اليوم
طبعا فى البدايه الإستهلاك مش كده ابدا ممكن يكون 2 كيلوا بالكتير
بس مع الولاده والخلفات وإناث الاحلال هاتوصل معاك للرقم ده
وهاتحتاج حوالى 5 شكاير علف لحد ما تبدا تاخد منهم انتاج وممكن اقل من كده
يعنى التكلفه الإجمالى
900 سعر المهات
+1000 سعر الأقفاص
+ سعر العلف متفاوت بين 110 جنيه للشيكاره وبين 150 جنيه للشيكاره
حسب جوده العلف وكفاءته
كمتوسط عام هاتصرف حوالى 2500 ـ 3000 جنيه لحد ما تبا التشغيل
ومع بدايه الإنتاج وثبات الإستهلاك والمبيعات
الـ 10 أمهات سلالات عاديه ممكن تعمل ربح شهرى 350 جنيه تقريبا
بشرط زى ما قلت لك ثبات الإستهلاكات والمبيعات
لو هاى بلس ممكن يوصل معاك لـ 500 جنيه شهرى
الكلام ده بشكل سريع لأنى لسه شايف الموضوع دلوقت
وورايا شغل لازم أخلصه
vetaice
الـ 10 أمهات سلالات عاديه ممكن تعمل ربح شهرى 350 جنيه تقريبابشرط زى ما قلت لك ثبات الإستهلاكات والمبيعاتلو هاى بلس ممكن يوصل معاك لـ 500 جنيه شهرىالكلام ده بشكل سريع لأنى لسه شايف الموضوع دلوقتوورايا شغل لازم أخلصهالرد





ال 10 امهات يكسبوا 350 بس !!!!
ممكن توضيح النقطة دي ا / محمد طويلة
من غير طبعا ماتخصم ايجار مكان ولا عمالة ...
شكرا ليك
shrf_el-den
بداية الف شكر استاذ محمد على اهتمامك , ربنا يجعله ف ميزان حسناتك
واشكرك على التفنيدة دى

لكن انا عندى استفسار , حضرتك بتقول ال10 امهات يعملوا 350 شهرياً !! ده مش قليل ؟
خصوصاً ان فعلا زى ما قال الاستاذ vetaice ان مفيش ايجار ولا عمالة

يعنى لو فى ايجار وعمالة يبقى انا هدفع من جيبى

اعتقد فى خطأ فى الجزئية دى ولو مفيش , استأذنك توضحلى النقطة دى بالتفصيل
محمد طويله
العفو
تحت امرك دايما
شوف حضرتك الموضوع ده وممكن نتناقش فى اى شئ نقطه غير واضحه
[ندعوك للتسجيل في المنتدى أو التعريف بنفسك لمعاينة هذا الرابط]
أنا افترضت فى الموضوع ان صافى المكسب الشهرى للـ 50 ام 1695.8 جنيه

ولأن حضرتك هاتربى 10 أمهات
يكون متوسط الصافى الشهرى للـ 10 امهات 339 جنيه تقريبا
shrf_el-den
انا فعلاً قرأت الموضوع بالكامل قبل كده بالتعليقات
ولاحظت ان اعتراض المعلقين كانت على كمية العلف , للأمهات وصغارها
لكن بما انى مبتدأ وبربى كده بالبركة منغير ما احسب بياكلوا كام , للأسف مش هفهم كل الكلام ده على الاقل ف الوقت الحالى

لكن انا بطلب من حضرتك توضيح أقدر استوعبه كمبتدأ

محمد طويله
يا أستاذ شرف
من ناحيه ما تقللش من قيمه نفسك وتقول مبتدئ وغير مبتدئ
كلنا لسه بنتعلم
وبأمانه انا معنديش القدره انى اوضح أو افسر بشكل اكبر من كده
ممكن لو انت شغال بالبركه خليك فى العدد البسيط اللى معاك
لحد ما توصل بالخبره للطريقه اللى اتظبط بيها مكسبك وتربيتك
واى حاجه فى التربيه محدش فى المنتدى بيتأخر
shrf_el-den
الله يكرمك يا استاذ محمد كلك ذوق والله

بص ياباشا هى الفكرة ببساطة انى عندى المكان والامكانيات والأيدى العاملة :)

وانا اصلا غير انى عايز اعملها ربح انا من صغرى وانا بحب التربية

يعنى حالياً عندى غرفة للحمام وغرفة لطيور الزينة وغرفة للأرانب

بس مفكرتش انى استغل الهواية دى فربح

حاليا بقى وبما ان الامكانيات زى ما قولت لحضرتك متوفرة واعتقد ده هيوفر كتير يبقى ليه مستغلهاش وأهتم أكتر وتبقى زيادة ف الدخل

عشان كده انا ناويت أهتم أكتر بالأرانب تجارياً بالإضافة لباقى التربية ( طيور والزينة والحمام )

وبما ان الموضوع هيبقى ربحى , يبقى لازم احسب كل خطوة بالظبط عشان احط رجلى على الطريق الصحيح

وطبعاً مقدرش اعمل خاجة زى كده قبل ما أرجع لناس خبرة زى حضرتك
shrf_el-den
وأسف جداً على كتر إستفساراتى , سامحنى
محمد طويله
طالما انت بتحب الأرانب يبقى ان شاء الله هاتنجح في التربيه
لأن اللى بيدور على صحه الأرنب بيكسب ارنب وعليه فلوس
واللى بيدور على الجنيه بيخسر الجنيه والأرانب

بالوصف اللى انت وصفته يعنى لازم تكون موجود بشكل يومى فى المكان
ودى أهم حاجه لازم تكون متوفره فى المربى الإهتمام وعدم الإهمال

أهالينا زمان اللى كانوا بيربوا الأرانب
كانوا بيتركوها على الأرض والأكل غير مكلف لأنه عباره عن برسيم ـ دراوة وخلاص
ولأنها غير مكلفه ليهم ومصاريفها مش موجوده
فأى انتاج ولو كان ارنب واحد يبقى مكسب
ولذلك كنت تلاقى واحد يقولك أنا مجوز نفسى من الأرانب ـ انا بنيت بيت من الأرانب
هو مش كداب ولا عايش فى الوهم بس هو بيربى ببلاش وأى جنيه مهما كان متواضع فهو مكسب
خرجنا عن الموضوع
اللى عايز اوصل بيك ليه انك حاليا بتربى فعلا وعايز توسع التربيه
وأنا حاسس من كلامك انك متخوف من التوسعه
اللى اقدر اقولهولك توكل على الله وماتخافش من شئ
حتى انك ممكن تدور على بطاريات مستعمله توسع فيها التربيه لتخفيض التكاليف
وتشترى العلف شيكاره بشيكاره كل ما تحتاج تشترى
وتحافظ على الإناث وتبيع الذكور بالكيلوا
وكل ما تحتاج علف تدور على اللى عندك وتشوف فى ايه ممكن يتباع
وتبيع على قدر سعر العلف فقط وهكذا
حتى فى ناس بتعمل الحركه دى مع المربين ـ عن نفسى عملتها كتير
يبيعوا ليهم علف ويشتروا منهم انتاج بسعر اقل من السوق بجنيه او نص جنيه مثلا
يعنى يحمل تربيه المربى على التربيه بتاعته
ودى بتكون ميزه للمربى الصغير
تسويق وعلف مضمونين
لحد ما تكبر وتسغنى عن البيع لصاحب العلف وتقتصر معاملتك معاه على العلف وبس
والتاجر هو يدور عليك وعلى الكميات الكبيره اللى عندك
shrf_el-den
مظبوط كلامك يا أستاذ أحمد , حضرتك قرأت دماغى بالظبط

انا تواصلت مع زوج اختى , هو ف المجال ده أوسع منى بكتير هيبعتلى بطارية مستعملة عنده ومعاها تقريبا 4 اناث

وطلب منى ذكر ,

هشوف البطارية لو حالتها كويسة وتمشى يبقى هتوكل على الله واشتغل على ال8 اناث والذكر والبطاريتين

ولو حاجة وقفت معايا حضرتك موجود :) وأتمنى متزهقش منى :)

shrf_el-den
أسف جداً جداً جداً ,, أقصد استاذ محمد
محمد طويله
توكل على الله
ولو وقفت قدامك حاجه كلنا فى المنتدى تحت امرك
abosalma1
توكل على الله وربنا يكرمك ويطعمك خيرهم
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى