كما سبق أن قدم لنا أ يحيى فكره جديده لاستخدام فراء الأرانب
أقدم لكم اليوم فكره جديده لاستخدام فضلات الأرانب ـ الزبل
يبدأ الحديث من هذا الموضوع
[ندعوك للتسجيل في المنتدى أو التعريف بنفسك لمعاينة هذا الرابط]
حيث يشرح الموضوع لنا كيفيه استغلال المساحات القليله للزراعات البسيطه
مثل الورقيات وبعض الخضروات وحتى بعض أنواع الفاكهه
ومن المتطلبات الأساسيه لزراعات الأسطح
المحلول المغذى
وهنا يأتى دور فضلات الأرانب أو الزبل لتصنيع المحلول المغذى دون الحاجه إلى شراؤه
وعن فوائد المحلول واهميته فى زراعه الأسطح والزراعه بدون تربه
ارجع الى الرابط بالأعلى
الموضوع مكتوب لتوضيح كيفيه تصنيع المحلول المغذى بطريقه مبسطه
هات أى وعاء ( برميل ـ حله ـ صفيحه علبه جنينه قديمه ) هتلاقى شئ مناسب
املاه لحد ثلثه بالزبل وكمله للأخر ميه سيبه على الحال ده من 4 الى 7 ايام وممكن 10 ايام
هايتحلل الزبل فى الماء وهايعمل ريحه سيئه جدا فللأمان خليك مغطى الصفيحه اللى هاتصنع فيها
بعدما تروح الريحه هايبقى لونه اسود على محمر شويه صفى الزبل من الماء
كده بقى عندك محلول مغذى
لو هاتزرع بدون تربه هاتحتاجه
لو فكرت تنظف السطح وتزرع عليه هاتحتاجه
لو تعرف تسوقه لمحلات البذور والأسمده يبقى خير وبركه
لو زارع حاجه فى البلكونه عندك صبار أو ورد أو شئ من هذا القبيل
هاتحتاجه ترش بيه الزرع بتاعك وتسقى منه الزرع كمان بعد ما تخففه طبعا
هايحسن منه جدا جدا وهايفرق معاك جامد فى لون الزرع ونضوجه
الصور دى من مزرعه فى اندونيسيا
عبدالسلام عزتالجمعة فبراير 28, 2014 6:49 pm