بسم الله الرحمن الرحيم
السلام عليكم ورحمة الله وبركاته
حد فاكرني ولا نسيتوني كلكم؟ معاكم حق لو نسيتوني لاني قصرت اوي وبعدت عنكم بس والله غصب عنى وانتم عارفين حال الواحد لما بيخلص دراسة ويدور على شغل وميلاقيش(عادي يعني) وبعدين الدنيا تسود في وشه ويقرر يطفش وبرده ميلاقيش يطفش (الحمد لله) والدنيا بعد كدة تورينا العين الحمرا وتتفاجئ يوم فرحك بموت اغلى الناس عندك واللي بيشيل همك (والدى رحمه الله) وينقلب الفرح لجنازة والمدعوين بقوا معزين (الحمد لله) والبلد في وسط ده كله بتساعدك وبتوفرلك كل مؤهلات الحياة الكريمة (طبعا مش بلدنا دي) .
وبعد طول انتظار وبعد هجري لمجال االارانب قررت العودة وبتقلي( تصفيق حاد) وبسبب ما سبق ذكره قررت اسال اهل الخبرة والمهتمين بشان الارانب واسواقها عن
* حال سوق الارانب مشجع ولا محبط زي حاجات كتير؟
*لو نصحتوني بالعودة لمجال الارانب طبعا مش هتسيبوني الطش لوحدى عاوز اعرف اماكن اجيب منها بطاريات وسلالات باسعار اكتر من ممتازة (اخوكم تعبان)
ارجو الافادة والنصح والرد على فكرة واجب عليكم عشان انا قديم هنا.
معلش صدعتكم سامحوني و استحملوني لاني قاعدلكم
منتدى الأرانب للجميع
أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة
وأسأل الله العظيم رب العرش العظيم أن يرحم والدك
وربنا يوفقك لكل خير
أبو ياسينالثلاثاء أبريل 08, 2014 2:48 pm