منتدى الأرانب للجميع
طريقة غسيل الرحم  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

طريقة غسيل الرحم  Rabbit10


منتدى الأرانب للجميع
طريقة غسيل الرحم  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

طريقة غسيل الرحم  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

طريقة غسيل الرحم

20042014
طريقة غسيل الرحم

السلام عليكم ورحمة الله وبركاتة
طريقة غسيل الرحم
(الطريقة اللى هشرحها دى ان شاء الله عن تجارب شخصية وتقبل الصواب والخطأ )

حبيت اعمل موضوع التهاب الرحم وعلاجة بالغسيل نظرا لانها الطريقة الفعالة فى علاج التهاب الرحم المتعفن
طبعا بتعرف ان الانثى مصابة بالتهاب الرحم المتعفن من الصديد الذى يكون اسقل قفص الام وبيكون شبية بالجيلى فى ملمسة  الا ان لونة ابيض وينتج عنة رائحة كريهة جدا صادرة من مهبل الانثى وكمان بتعرفة من كتر تلقيح الام وتيجى تجس تلاقيها فاضية وكمان ممكن تسقط العشر ولما بتيجى تجسها بتلاقى الرحم منتفخ وشبية بصباع السجوق .
الغسيل بيتم باستعمال قسطرة نيلتون مقاس 14 او 16 وممكن تستعمل الخرطوم بتاع محلول الجليكوز البشرى على فكرة القسطرة بتتباع فى الصيدليات البشرى
- لو عاوزين نخلص من الصديد دة ونقضى علية خالص
اليوم الاول
- تقطع حوالى 5سم من القسطرة من الجههة اللى فيها البلاستكاية اللى فى الاخر مش من الجهه اللى فيها الثقب الصغير ولاحظ ان الثقب دة مش بيكون فى المقدمة بيكون على بعد حوالى 1سم من بداية القسطرة هقطع من الطرف التانى المقابل لية واركبها فى سرنجة 10 سم
- تشوف حد يمسكلك الارنبة ويكون ظهرها لتحت ويخفض راسها لتحت ايضا تدخل القسطرة بشويش خالص يعنى تسايسها لان الصديد احيانا بيكون قافل القناة التناسلية تدخلها لعند ما تستقر فى الرحم وتكون واضع فيها 5 سم بيتادين  وتضخ وتشفط لعند ما تلاقى البيتادين لونة مال للبياض تشفطة وترمية برة  وتغسل قسطرتك كويس
- تحقن الانثى 1سم جنتاميسين عضل
اليوم الثانى
تغسل الرحم بردة ب 3سم فقط بيتادين وبردة تشفط وتضخ فى الرحم لعند ما تغسلة كويس وبعدين ترمية برة وتغسل قسطرتك وتحقنها 1سم جنتاميسين
اليوم التالت
تكرر نفس اللى عملتة فى اليوم الثانى
اليوم الرابع
تستبدل البيتادين  (بالجنتاميسن 3سم وممكن تضيف الية البانتراميسين ) كمان يعنى 1.5جنتا و1.5 بان تراميسين ولو متوافر واحد بس تحط منة 3سم ولو مش متوافر الاتنين يبقى تحط 3سم بيتادين وبردة هتحقنها 1سم جنتاميسين عضل
اليوم الخامس
تكرر نفس اللى عملتة فى اليوم الرابع

طبعا من اول يوم بتنضف الجيوب بتاعة المهبل الخارجية بفرشة اسنان وتحط علية بيتادين للنظافة الخارجية ايضا
- تريح الارنبة فترة من 15 يوم إلى 20 يوم لايلمسها ذكر نهائيا حتى يتعافى الرحم
- ابحث عن كل الاناث المصابة واغسلها الرحم بنفس الطريقة
- ابحث عن الذكر مصدر نقل العدوى واغسل الجيوب الخارجية عندة بفرشة اسنان ايضا مع غسيل العضو الذكرى لة بالبيتادين واحقنة جنتميسين 5 ايام متواصلة بمقدار 1سم لكل يوم عضل .ولو عاوز تستبعده ممكن تستبعده خالص ممكن بردة
- بعد 20 يوم لقح الانثى وان شاء الله هتكون تم شفائها بأمر الله
الموضوع دة عن تجارب شخصية وبيتم الشفاء بأمر الله بنسبة 90%
الموضوع من خلال خبراتى وغير منقول عن اى شخص او مصدر وراعية انى اتكلم بلغة دارجة للتبسيط والتسهيل على اخوانى المربيين لانى عارف ان موضوع التهاب الرحم المتعفن دة ممكن يفشل موضوع التربية ويعطل القطيع عن الانجاب .
وفى النهاية اسئلكم الدعاء لى ولوالدى والمسلمين
اخوكم محمد الشبراوى


عدل سابقا من قبل محمدالشبراوى في الأحد أغسطس 24, 2014 12:51 am عدل 2 مرات

تعاليق

أبوثابت الأنصاري
موضوع قيم
جزاك الله خيرا ونفع بك
عندي ام هعمل الموضوع ده معاها ان شاء الله
محمدالشبراوى
نورت الموضوع بوجودك يا ابو ثابت
دمياطى جديد بالارانب
موضوع رائع ومجهود تستحق الشكر عليه
جزاك الله خيرا
محمدالشبراوى
جزانا واياكم
 1015  1015 
محمد طويله
بارك الله لك
ابو انس عبدالله الرفاعي
ربنا يبارك فيك
doaa kamal
جزاك الله خير
بس فيه دكاترة بيحذروا من الطريقة دي لان دخول الخرطوم اللي هتستخدمه ممكن يعمل خدوش او التهابات و المواد اللي هتستخدمها هتروح للمبيض و هتعمله التهابات و هتبقى مشكلة اكبر و الغسول مهما عملت علشان تشفطه فهيتبقى منه و ممكن يسد الانابيب
اعتقد كفاية انك تطهر المهبل و الجيوب التناسلية بقطنة زي بتاعة الاذن و مضاد حيوي لو الحالة شديدة
محمدالشبراوى
شكرا طويلة شكرا ابو انس
 dfghjk 
محمدالشبراوى
doaa kamal كتب:
جزاك الله خير
بس فيه دكاترة بيحذروا من الطريقة دي لان دخول الخرطوم اللي هتستخدمه ممكن يعمل خدوش او التهابات و المواد اللي هتستخدمها هتروح للمبيض و هتعمله التهابات و هتبقى مشكلة اكبر و الغسول مهما عملت علشان تشفطه فهيتبقى منه و ممكن يسد الانابيب
اعتقد كفاية انك تطهر المهبل و الجيوب التناسلية بقطنة زي بتاعة الاذن و مضاد حيوي لو الحالة شديدة


أولا انا مش بدخل خرطوم انا بدخل قسطرة وبيكون طرفها اسطوانى ومقفول من الامام والثقب اللى فيها بيكون فى الجنب على بعد حوالى 1سم من طرفها الامامى يعنى مش بدخل خرطوم دى قسطرة بشرى كمان
ثانيا المواد اللى انا هدخلها دى علاج مش حاجات مضرة وبعدين انا بشيل الصديد اللى اصلا كاتم الانابيب ومعطل الرحم كليا يبقى انا مش بعطل انا بعالجها والشافى طبعا هو الله
ثالثا ازاى اطهر المهبل والجيوب التناسلية من الخارج واسيب الهم والاذى اللى فى الداخل !!!!!!!!!!!!!!
رابعا انا مش بقول كلام من فراغ أنا عملت الموضوع دة اكتر من مرة وأقسم بالله أنا روحت عنبر زمان من 3 سنين عند واحد صديق كان بيشتكيلى من تلقيح الامهات ومفيش عشر بيتم رغم انة بيلقح الامهات وبعد الفحص لقيت 90% من الاناث مصابة بإلتهاب الرحم والمشروع كان اوشك على الفشل وعلى فكرة كمان الراجل كان عمل كل حاجة حتى التنضيف من الخارج زى ما حضرتك قولتى ومفيش نتيجة
وبفضل الله غسلتلة رحم الاناث المصابة مع الحقن بالجنتاميسين كمان 5 ايام متواصلة ونضفنا الذكور كمان وحقنها بردة جنتاميسين 5 ايام متواصلة بصراحة تعبنا جامد دة غير ريحة الصديد المؤذية جدا وبفضل الله بعد 15 يوم لقح الاناث وتم شفائهم بالكامل والفضل لله وحده .

والموضوع دة انا عملتة علشان شوفت شكاوى كتير من التهاب الرحم المتعفن والغرض هو مساعدة الاخوة المربين واعضاء المنتدى ومش منتظر شكر من حد
الأجر والثواب على الله
abosalma1
اطالب بنقله الى قسم المواضيع المميزه ارجو من الاداره التنفيذ لانه حقا يستحق اكثر من ذلك
محمد طويله
كلامك زى الفل يا شبراوى
بس انا فعلا سمعت من د/حسام اكثر من مره ان الإستخدام الخاطئ للقسطره قد يؤدى الى ثقب فى المثانه
لذلك الأمر يحتاج الى كثير من الحذر
انت ايدك كويسه فى الموضوع ده ربنا يبارك لك
انما فى ناس تانيه ـ وانا منهم ـ اخاف اعلمها
محمدالشبراوى
محمد طويله كتب:
كلامك زى الفل يا شبراوى
بس انا فعلا سمعت من د/حسام اكثر من مره ان الإستخدام الخاطئ للقسطره قد يؤدى الى ثقب فى المثانه
لذلك الأمر يحتاج الى كثير من الحذر
انت ايدك كويسه فى الموضوع ده ربنا يبارك لك
انما فى ناس تانيه ـ وانا منهم ـ اخاف اعلمها

خلاص خليك خايف لعند ما الارنبة المصابة تنقل العدوى عن طريق الذكور لبقية القطيع او تضطر لدبحها!!!!!
اعتبر انها عطلانة وجرب تعملها غسيل الرحم ولو فشلت ابقى ادبحها !!!!
احمد احمد سعد
بارك الله فيك موضوع ممتاز
ولو حد عنده ارنبه مريضه هى كده كده ضايعه يبقى يجرب وان شاء الله خير
محمدالشبراوى
تسلم يااستاذ احمد
محمد طويله
محمدالشبراوى كتب:
محمد طويله كتب:
كلامك زى الفل يا شبراوى
بس انا فعلا سمعت من د/حسام اكثر من مره ان الإستخدام الخاطئ للقسطره قد يؤدى الى ثقب فى المثانه
لذلك الأمر يحتاج الى كثير من الحذر
انت ايدك كويسه فى الموضوع ده ربنا يبارك لك
انما فى ناس تانيه ـ وانا منهم ـ اخاف اعلمها

خلاص خليك خايف لعند ما الارنبة المصابة تنقل العدوى عن طريق الذكور لبقية القطيع او تضطر لدبحها!!!!!
اعتبر انها عطلانة وجرب تعملها غسيل الرحم ولو فشلت ابقى ادبحها !!!!


بالراحه ياعم هو في ايه
ههههههههههه
أيوه أخاف انفذها ومش عيب انى اقول كده
وبعدين طالما طريقتى ناجحه فى العلاج يبقى اغيرها ليه ؟
وبمناسبه انا اتعلمتها من د/ابراهيم عبد اللطيف
ربنا يعافيه ويشفيه
محمدالشبراوى


والله اشتقنالك يا دكتور ابراهيم شفاك الله وعافاك
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى