منتدى الأرانب للجميع
خطة لمواجهه الصيف - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

خطة لمواجهه الصيف - صفحة 2 Rabbit10


منتدى الأرانب للجميع
خطة لمواجهه الصيف - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

خطة لمواجهه الصيف - صفحة 2 Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

خطة لمواجهه الصيف

21042014
خطة لمواجهه الصيف

بسم الله الرحمن الرحيم

السلام عليكم ورحمه الله وبركاته
كلنا داخلين على صيف وجو مايعلم بيه الا ربنا سبحانه وتعالى
ربنا يجعله صيف سهل ان شاء الله
ومشكلات الصيف معروفه
إناث ترفض التلقيح
وان قبلت التلقيح تلاقيها فاضيه والتلقيح سلبى
ومع التلقيح الإيجابى تلاقيها بترضع بالعافيه لأنها مخنوقه من جو عشه الولاده الحار
ومن اجل هذا كثير من المربين يلجاون الى تخفيف الأعداد فى الصيف
واعلم منهم من يتوقف عن التربيه تماما فى الصيف
وبعد هذا الحديث هل من جديد ؟
نعم عندى جديد وتجربه اود ان اتقاسم معكم النجاح فيها
نبدأ من الطاقه الحقيقيه للتربيه
وهى عدد الأمهات الحقيقه العامله فى المزرعه وهى 75 % بحد اقص
بمعنى ان المزرعه لو 100 أم مثلا هاتكون أقصى طاقة تشغيل لها 75 أم
والسبب فى كده بعض العناصر منها
ان بعض الأمهات يكون معاها عدد خلفات كبير ويضطر المربى انه يصبر لبعد الفطام قبل تقديمها للذكر حتى لا يرهقها
بعض الأمهات بعد التلقيح تطلع فاضيه (الجس السلبى)
بعض الأمهات تعبانه وهاضطر انى اريحها لحد ما تخف
فتكون المحصله الهائيه ان طاقه المزرعه الحقيقيه 75 % هذا فى الأمور الطبيعيه
أما فى جو الصيف الحار اللى احنا مقبلين عليه الأيام دى
النسبه تقل عن ذلك بكثير لأن نسبه التلقيح السلبى بتزيد
والمربى اللى عايز يحافظ على القطيع لازم يصبر لبعد الفطام قبل تلقيح الأم مرة أخرى
يعنى التربيه مع مربى متواضع ممكن تقلب معاه بخساره وممكن يصفيها كمان
الحل اللى انا شايفه وهو امر شخصى لا افرضه على أحد
هو زياده عدد الأمهات وليس التقليل منها !!!!
يعنى لو بتربى 10 أمهات فى الشتاء تخليهم 15 وفى الصيف تخليهم 20 أم
الفكره فى كده
إنك هاتقدر تزود بسهوله عدد البطون وعدد الخلفات عندك
والنتيجه طبعا بيع ومكاسب كويسه وعشش الولاده عمرها ما تكون فاضيه ابدا
طيب يعنى لو عندى 10 امهات لهم 10 عيون بـ 10 عشش ولاده اربى 20 ام ؟!!!
ايوه طبعا
الأم فى الصيف مجهودها بيقل بسبب الحر ولا تستطيع الا انك تحافظ عليها علشان ماتخسرهاش
لما تكون الأم بترضع هاتشغل عشه الولاده لمده 30 يوم وبعد الـ 30 يوم هتفضل عشه الولاده فاضيه لمده 30 يوم كمان
لأن المربى هايلقح بعد الفطام
اما مع وجود ام بديله عشه الولاده مش هاتفضل فاضيه هايكون فى ام بتستريح وام تانيه شغاله مكانها فى نفس العين
وطبعا هلاقى سؤال مكتوب
ماهو كده الأمهات الإحتياطيه دى هتاكل وتستهلك علف بفلوس يبقى كده استفدنا ايه ؟
نحسبها مع بعض
الأم الغير مرضع بتاكل فى اليوم كام جرام علف ؟ 200 جرام تقريبا تزيد وتنقص حسب حالتها
يعنى 10 أمهات × 200 جرام علف = 2000 جرام علف (2 كيلوا) × متوسط 3 جنيه الكيلوا = 6 جنيه تغذيه فى اليوم
6 جنيه × 30 يوم = 180 جنيه فى الشهر تكلفه تغذيه
الـ 180 جنيه دول ممكن تعوضهم فى بيعه خلفات أم واحده
6 خلفات × 1.7 كيلوا = 10.2 كيلوا × 18 جنيه = 183.6 جنيه وهايفضل معاك انتاج باقى الـ 9 امهات
يعنى المسأله بإذن الله كسبانه
بس هاتحتاج توفير اقفاص انتاج زياده حتى لو رأسيه علشان العدد هايزيد ان شاء الله
وطبعا مش محتاجين انى افكركم انك هاتحتاج شفاط قوى فى المكان
اعتذر عن طول الموضوع
يارب يكون مفيد


ان يصلح الراعى ويتقى ربه ــ تخشى الذئاب ربوعه وحماه

خبرات خاصه فى تربيه الأرانب
كيفيه التعامل مع الإناث الرافضه للتلقيح
تدريب ذكور الأرانب للحصول على ذكر مثالى للتلقيح
معرفه الأنثى العشار من اليوم الثالث للتلقيح
ليس كل تساقط مع قشور يكون جرب
سقايه الأرانب الأوتوماتيك
كلمتين فى العلف
إصنع علفتك بنفسك
01111766393
[ندعوك للتسجيل في المنتدى أو التعريف بنفسك لمعاينة هذا الرابط]









شكرا لكل من رمانى بحجر

تعاليق

مروان
محمد طويله كتب:

مشكله التكييف يا مروان انه علشان يجيب نتيجه ايجابيه لازم من حاجتين
أولهم / يكون المكان مغلق
ثانيها / لازم يكون المكان معزول
ولو اغلقت المكان هاترفع نسبه الأمونيا فيه
يبقى هاتكون قدام امر من امرين
اما درجه حراره منخفضه وامونيا عاليه
أو درجه حاره عاليه وأمونيا منخفضه
هاتختار إيه ؟!!!

عموما ممكن النهارده إن شاء الله انزل طريقه لمواجهه الأمونيا فى المكان


فعلا يا باشا عندق حق لازم نقفل للتكييف
لكن انت قلت حاجه حلوة وهي هاتختار ايه - فعلا انت شايف ايه افضل للارنب ؟ يتحمل الحر وخصوصا الايام الشديدة او الامونيا
بس عموما انا كان فكرتي اني اقفل واشغل المكيف من الساعه 1 مثلا للساعة 4 وممكن مرة كمان ويكون على درجة برودة متوسطة وغير مباشر ومنها توفير استهلاك يعني اقفل العنبر ساعتين او تلاته واكون منضف قبلها يعني لو اعتبرت او قارنت المكيف بالشتاء فأنا كنت بقفل جميع النوافذ 12 ساعة تقريبا من 9 مساء ل9 صباحا واسف للاطالة برغي كتير انا عارف Very Happy
وانا عارف ان الناس بتكسل في دفع تكلفته مقدما مع ان فرق طاقة التشغيل هي اللي حتدفعه
مروان
لو كان عليا عايز اعملها لكن انا مش بنتج ولا حتى في الشتاء هههههههههه لما اتعلم الجس اصلا الاول
ابو انس عبدالله الرفاعي
مشكور على الموضوع
hm_boy11
موضوع اكثر من رائع
محمد طويله
بارك الله بكم جميعا
صلاح الهنداوى
بارك الله فيك يااستاذ محمد ده بالضبط اللى انا بعمله عشان كده بيبقى عندى انتاج كويس فى الصيف والحمد لله الصيف اللى فات انتاجه معايا كان افضل من الموسم ده وانا عندى 3 شفطاط واحد كبير صناعى و2 مطبخ بشغل الكبير ساعه الصبح وبشغل واحد صغير العصر لحد الساعه 10 وبعدها اشغل الكبير نصف ساعه وارجع اشغل الصغير اللى كان مريح يعنى شفاط واحد يعتبر اللى شغال على طول
MOHAMED MAHMOUED
استاذ محمد انت محترف تربية ارانب
شكرا وفى انتظار الافضل
محمد طويله
شكرا لكم جميعا
mido mostafa
مش عرفين نشكرك ازاى ياراجل :)
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى