السلام عليكم ورحمه الله وبركاته
اسعد الله أوقاتكم بالخير جميعا
دايما بنتكلم ونقول اننا من الواجب عدم تلقيح الأرنبه أثناء الرضاعه فى الصيف
حتى لا نجمع عليها أكثر من إجهاد
بس انا فكرت فى أمر
وهو إنى القح الأرنبه فى أواخر أيام الرضاعه يعنى فى اليوم الـ 24 او 26 مثلا
على افتراض ان الحمل فى أوله بيكون خفيف ومش هايكون ليه أثر كبير فى الإجهاد
وفعلا جربت الموضوع فى ارنبتين
واحده معاها عدد خلفات بسيط والتانيه معاها عدد كبير
والحمد لله الأرنبتين ماتوا
والسبب معروف
اجهاد حرارى
ولكنه ظهر على صوره ضعف عام مع اسهال شديد
ولما اتناقشت مع د/هاله خليل فى الأمر
عرفت انه تسمم قولون مع التهاب معوى حاد
والسبب فى تسمم القولون ميكروب موجود فى الأمعاء بشكل طبيعى
ولكن ضعف الأرنبتين هو اللى اعطاه الفرصه للظهور ومهاجمه الأرنبه
قوام الإسهال / كان أشبه بالعجينه (وسط بين البراز وبين السيلان)
ولونه / مائل الى الأحمر وليس البنى او الأسود
العلاج
1 / وقف الإسهال بأى مركب من مركبات السلفا
2 / منع العلف عن الأرنبه مع تقديد أكل خفيف مثل الدريس أو الرده الخشنه
3 / رفع سبب الإجهاد ( تبنى الخلفات لو كانت بترضع ـ تخفيض درجه الحراره ـ ومحدش يسألنى اعملها ازاى دى)
4 / حقن الأرنبه مضاد حيوى معوى قوى
حفظكم الله
اوعى حد يجربها تانى
منتدى الأرانب للجميع
أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة
عبدالسلام عزتالجمعة يونيو 06, 2014 5:16 pm