منتدى الأرانب للجميع
مزرعتى واستراتيجيه عمل 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

مزرعتى واستراتيجيه عمل Rabbit10


منتدى الأرانب للجميع
مزرعتى واستراتيجيه عمل 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

مزرعتى واستراتيجيه عمل Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

مزرعتى واستراتيجيه عمل

25072014
مزرعتى واستراتيجيه عمل

السلام عليكم ورحمه الله وبركاته

منكم من يعلم أننى بصدد إنشاء مزرعه جديده هذه الأيام
ووددت أن اعرض عليكم استراتيجيه العمل التى اخترتها لنفسى


مزرعتى واستراتيجيه عمل


مزرعتى واستراتيجيه عمل BMkzYH

عند كل المربي سواء اللى بيربى 10 امهات او 1000 أم
نسبه الإشغال كام (فى كام عشه ولاده شغاله مع بعض ؟)
على افضل تقدير 75 %
لأن فى امهات ولدت عدد كبير وهاتستريح لحد ما تفطم
وفى امهات تعبانه
وفى امهات فوتت عشار
المحصله ان افضل تقدير هو 75 % اشغال لعشش الولاده
فى مزرعتى
(وهى تحت الإنشاء)
استخدمت اسلوب أستطيع من خلاله الحصول على نسبه اشغال 100 % على الأقل
# على الأقل ؟!!!!!!!
# أيوه ـ تابع معايا وهاتفهم
ـ فى الصوره الموضوعه يظهر اسلوب بوضوح تركيب اقفاص التربيه
ـ التركيب عن طريق حوامل حديد بزاويه (تشبه مناشر الغسيل)
ومثبته فى الحائط على دورين فوق بعض
ـ يتم تركيب 3 عشش ولاده فى الدور اللى تحت (القفص 3 عيون)
ـ يتم تسكين 6 أمهات فى الـ 6 عيون الموجوده على الجدار
ـ الـ 6 امهات لهم مهمه واحده فقط
وهى ان يخرج من الـ 3 عشش ولاده خلفات كل شهر أو كل 25 يوم
# وكيفيه حدوث ذلك ؟
يتم ذلك عن طريق تسكين الأمهات العشار التى قاربت على الولاده
فى الدور اللى تحت والأمهات اللى فاضيه
او لسه على ولادتها مده كبيره 15 ـ 20 يوم مثلا يتم تسكينها فوق
ـ بعد ولاده الأمهات اللى تحت والخلفات توصل عمر 15 يوم مثلا هايكون فى أم فى الدور اللى فوق قربت تولد
ـ يتم نقل الأم بخلفاتها لعين فى الدور اللى فوق وتجهيز مكانها لأم أخرى من فوق علشان تولد فيه
ويسير الأمر على هذا النمط
بهذه الطريقه نستطيع الحصول على خلفات من كل عشه ولاده
كل 30 يوم وهذا يحقق نسبه الإشغال 100 %
او كل 25 يوم وهذا يحقق نسبه اشغال تقريبا 120 %
ولأنى عارف ان واحد هايسأل
ماهى الأمهات اللى فاضيه دى بتاكل على حساب غيرها يعنى تكاليف زياده
ماشى ـ الأم الفاضيه هتاكل قد ايه فى اليوم ؟
تقريبا 400 جرام على اقصى تقدير
400 × 30 يوم = 12 كيلوا فى الشهر
12 كيلوا × متوسط سعر 3 جنيه للكيلوا = 36 جنيه
يعنى تقريبا سعر ارنب واحد عند البيع
ولا اعتقد ابدا انها تعتبر تكلفه فى مقابل الفايده الكبيره من الموضوع
بعد ما حسبناها ممكن واحد يتساءل
افترض ان فى 4 امهات على وش ولاده هانحلها ازاى ؟
بكل بسطه اما اننا نقل الأم لمكان تولد فيه يكون فاضى
أو ممكن نستخدم الفكره دى وأنا جربتها قبل كده


[ندعوك للتسجيل في المنتدى أو التعريف بنفسك لمعاينة هذا الرابط]

وبالمناسبه
الفكره دى ممتازه جدا لأصحاب الأماكن الضيقه
حفظكم الله


ان يصلح الراعى ويتقى ربه ــ تخشى الذئاب ربوعه وحماه

خبرات خاصه فى تربيه الأرانب
كيفيه التعامل مع الإناث الرافضه للتلقيح
تدريب ذكور الأرانب للحصول على ذكر مثالى للتلقيح
معرفه الأنثى العشار من اليوم الثالث للتلقيح
ليس كل تساقط مع قشور يكون جرب
سقايه الأرانب الأوتوماتيك
كلمتين فى العلف
إصنع علفتك بنفسك
01111766393
[ندعوك للتسجيل في المنتدى أو التعريف بنفسك لمعاينة هذا الرابط]









شكرا لكل من رمانى بحجر

تعاليق

احمد صابر
دايما انت المبدع
عبدالسلام عزت
وفقك الله يا استاذ محمد بس لى سؤال خارجى
انت هتنزل الزبل ازاى من القفص ال فوق على تحت لان المشمع ال واصل بين البطارية ال فوق والبطارية ال تحت مفرد يعنى هيقع على البطارية ال تحت ولا انت عاملها زى نظام الشيكارة مفتوحة من فوق ومن تحت ومغلقة من جميع الجوانب
ياريت تصورها للتوضيح بصورة اوضح او من جهات مختلفة لكى تظهر فكرتها
واشكرك مرة اخرى
shehata2020
فكرة ممتازة جدا وانا معجب جدا بيها لانهاهتوفر فى المساحة
لو سمحتلى بكام سؤال لو مش هايضايق حضرتك
ازاى هننضف الزبل بتاع الارانب اللى فوق
ولو اشتريت 3 صناديق ولادة ممكن استريح من موضوع نقل الامهات ده ولا علشان مش هقدر اتابع الخلفات فى الدور العلوى ؟
فى منتصف العنبر ازاى هعمل قفصين فوق بعض
اضم صوتى لصوت الاستاذ عبد السلام فى طلب الصورة وكمان صورة توضح كيفية تثبيت المشمع فى القفص نفسه
شكرا لك
محمد طويله
شكرا أ/أحمد صابر

بخصوص تنظيف الدور اللى فوق
متركب فى القفص مشمع بميل زى اللى تحت بالظبط
والصرف بتاعه بيكون على المشمع اللى فى الجنب ويسقط عل الجردل على طول زى ما هو فى الصوره
ومتركب تحت مشمع جانبى للحمايه من فضللا الدور اللى فوق

إن شاء الله بكره اصورها بوضوح أكبر وأنزلها لكم

وبخصوص تركيب 3 عشش ولاده فوق فمن ناحيه هاتكون صعبه فى متابعتها
ومن ناحيه هاتنزل بول وفضلات على العشش اللى تحتها
احمدمليحه
محمد طويله كتب:
شكرا أ/أحمد صابر



وبخصوص تركيب 3 عشش ولاده فوق فمن ناحيه هاتكون صعبه فى متابعتها
ومن ناحيه هاتنزل بول وفضلات على العشش اللى تحتها


انا عمل بطاريه فيها 8 امهات ب 8 عشش والاخرى بها 8 عيون للفطام
وبالنسبه للعشش الى فوق انا عامل تحت كل عشه مشمع يتم تنظيفه كل 3 ايام
عمادعطا
وفقك الله ياابوهاشم ودائما انت صاحب فكرمبدع
محمد طويله
شكرا أ/أحمد مليحه
شكرا أ/عماد عطا
فتحى السيد
دا نفس اللى بعمله فى بطاريات جاهزة واماكن انا اللى عاملها عند البداية فى التربيه.. الجاهز شغال ولادات واللى انا عاملها احتياطى بنقل اللى مش فى حالة للولاده فيها ولو زنقت بحطلها بيت ولادة فى الاحتياطى ما انا كنت شغال بها الاول عادى........اما بالنسبه للصورة الافضل عندى انك تصنع رجلين عند الحداد مخصوص على حسب مقاس المكان ومتثبتش فى الحائط حتى تستطيع التعديل والتغيير بسهوله بعد ذلك
محمد طويله
فتحى السيد كتب:
دا نفس اللى بعمله فى بطاريات جاهزة واماكن انا اللى عاملها عند البداية فى التربيه.. الجاهز شغال ولادات واللى انا عاملها احتياطى بنقل اللى مش فى حالة للولاده فيها ولو زنقت بحطلها بيت ولادة فى الاحتياطى ما انا كنت شغال بها الاول عادى........اما بالنسبه للصورة الافضل عندى انك تصنع رجلين عند الحداد مخصوص على حسب مقاس المكان ومتثبتش فى الحائط حتى تستطيع التعديل والتغيير بسهوله بعد ذلك



طيب يا أستاذ فتحى انا بفكر اعمل رجول من حديد التسليح واصنعها عند الحداد
على اعتبار تخفيض التكلفه تفتكر تنفع ؟
محمد طويله
الصور اللى طلبتوها
فى الصوره اللأولى يظهر شكل المشمع اللى متركب بشكل افقى من الداخل
وهو مربوط على شكل اشبه بنصف ماسورهيتلقى الفضلات لتنزل فى الجردل
مزرعتى واستراتيجيه عمل EAaXDm

فى الصوره الثانيه

يظهر مشمع انا مركبه على جانب القفص اللى تحت
لحمايه الأرانب من أى فضلات قد تسقط من فوق ولو صدفه

مزرعتى واستراتيجيه عمل 3qAvFZ
عمادعطا
ايه رأيك يااستاذ/محمدلوتم التثبيت نفس فكرتك ولكن بمسامير وخابوريعنى بدل نبش الحائط اعمل خرمين فى حديده بالطول ويتم التثبيت بالمسامير
محمد طويله
عملتها فعلا ياأستاذ عماد
ولكن الحائط عندى على الطوب الأحمر
وده طلع ضعيف والمسمار فلت منه بسهوله
يعنى مش هاتشيل وزن
غير ان الأقفاص حجمها كبير زى ما حضرتك عارف
اضف لحجم القفص وزن الأرانب
هاتبقى المسأله مش نافعه
عمادعطا
تمام ابوهاشم عموما الشغل جميل تسلم ايدك وربنا يكملك على خير
فتحى السيد
محمد طويله كتب:
فتحى السيد كتب:
دا نفس اللى بعمله فى بطاريات جاهزة واماكن انا اللى عاملها عند البداية فى التربيه.. الجاهز شغال ولادات واللى انا عاملها احتياطى بنقل اللى مش فى حالة للولاده فيها ولو زنقت بحطلها بيت ولادة فى الاحتياطى ما انا كنت شغال بها الاول عادى........اما بالنسبه للصورة الافضل عندى انك تصنع رجلين عند الحداد مخصوص على حسب مقاس المكان ومتثبتش فى الحائط حتى تستطيع التعديل والتغيير بسهوله بعد ذلك



طيب يا أستاذ فتحى انا بفكر اعمل رجول من حديد التسليح واصنعها عند الحداد
على اعتبار تخفيض التكلفه تفتكر تنفع ؟
حديد تسليح ليه دا اغلى نوع هو حديد التسليح وصعب فى شغله للحام....فيه حديد زوى جمع زاويه 4سم او 5سم بسمك 5مم او 6مم تبقى كويسه جدا وتشيل او حديد مفرغ زى اللى بيجى مع البطاريات الجاهزه بس انا شايف انه ضعيف ومينفعش يعيش لكن لو فيه سمك كويس ماشى و الزوى افضل ومش مكلف نفس فكرة البطاريه الراسى بس بمقاسات المكان وممكن تخلى اللى هيعمل البطاريه يعملك بردو على مقاسات المكان وبعدين تعمل الرجول بمقاس البطاريات لتستغل المكان كله ويكون منسق ومنظم
احمدمليحه
فى مسامير سخان كهرباء بيشيل 65 لتر بالسخان دى ممكن تشيل بالجانب واعتقد انها حلوه
وروح لاى واحد بتاع ادوات صحيه قلوا طقم مسمار 14 بالفيشر وجربه حتلاقيها جامده ولو بالطوب الاحمر
حربي
شغل رائع جزاك الله خير عليه و احب استفسر عن شئ بسيط الزوايا الحديد المستعمله اجيبها منين(شغل جاهز ولا طلب عند حداد ) وتكلفتها كام ؟
أحمد عبد العليم
تسلم ايديك يا ا/محمد طويله بجد شغل جامد
اشرف الطحان
تسلم الايادى
مصطفى2
مش برجح فكرة ان البطاريات تبقى ملتصقة بالحائط خالص وعندى عقدة منها لانى كنت منفذها زمان بمسامير فيشر .. لانى كنت بلاحظ ان بعض الارانب عند التبول بتتبول على الحائط والحائط يتشرب بالبول واحيانا يعلق بعض الزبل بين البطارية والحائط
mido mostafa
الف شكر يا غالى وربنا يكرمك
أحمد عبد العليم
ماهو ممكن يا مصطفي2 تطول الحديده اللي هتتحمل عليها البطاريه وتخلي في مسافه بين الحيطه ودهر البطاريه وبكده تكون اتفاديت موضوع التبول علي الحائط وتجمع الزبل بين الحائط والبطاريه
مصطفى2
أحمد عبد العليم كتب:
ماهو ممكن يا مصطفي2 تطول الحديده اللي هتتحمل عليها البطاريه وتخلي في مسافه بين الحيطه ودهر البطاريه وبكده تكون اتفاديت موضوع التبول علي الحائط وتجمع الزبل بين الحائط والبطاريه
تمام بس انا بتكلم يا عم احمد على الوضع اللى فى الصورة لانى لا ارجح اطلاقا ان البطارية تكون ملاصقة للحائط لانك هتلاقى بول ورائجتة متشرب بها الحائط وممكن تلاقى مشاكل تانية نتيجة لذلك .. وبعدين انا فكرت فى فكرة تانية اللى هى ممكن نعلق البطاريات فى السقف كمان
ايمى كمال
السلام عليكم
انا عامله نفس الشكل لكن بطريقه مختلفه يعنى جبت 2بطاريه واحده امهات والتانيه انتاج وحطاهم فوق بعض
بطريقة لحام الحامل مع بعض الى هو فى الجناب بس عندى سؤال لو سمحت طيب عند تنظيف المشمع الى حضرتك مركبه هتكون ازاى لانى عمله نفس الفكره بس سايبه مسافه بين المشمع والبطاريه للتنظيف اليومى بس عند حضرتك لاارى اى مسافه ادخل منها فرشة التنظيف اسفه انى طولت على حضرتك بس حابه افهم وشكرا
ايمى كمال
وفى حاجه كمان ان عندى ممكن يكون اسهل لو حبيت اغير المشمع بانى استطيع تحريك البطاريه فى اى اتجاه
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى