حضرات السادة مربيين الأرانب
فى تربيه الفراخ (ساسو ـ ابيض ـ بياض ـ .......)
لكل نوع اسلوب تغذيه محدد وواضح (بمعنى كتالوج) لازم المربى يمشى عليه علشان ينجح فى التربيه ـ تمام ؟
حد يقدر يقولى فين الكتالوج الخاص بأنواع الأرانب ؟
يعنى لو عندى شانشيلا او نيوزيلاندى او ... أو .... أغذيها ازاى علشان انجح فى تربيتها ؟
فين كتالوجات الأرانب ..........؟ مفيش
ـ طيب وهى فين أصلا الأرانب النقيه ؟!!!!!!!
كلام سليم
يعنى لا فى كتالوج لتغذيه الأرانب ولا فى ارانب نقيه نطبق عليها كتالوجات التغذيه ـ متفقين ـ طيب ايه الحل ؟
الحل بسيط وتنفيذه سهل ـ بس محتاج تركيز وصبر
كل الناس اللى بتربى حاليا عندها انواع هجاين
(ومنهم اللى عنده بيور بس برضه من غير كتالوج)
حضرتك كمربى مشكورا لازم تبحث عن علف محترم وكفاءته ثابته
وبعد الحصول على العلف ؟!!
بعدها تبدأ فى تطبيع القطيع بتاعك على التغذيه المتوفره (الثابته) .
إزاى ؟
انت كمربى تبدأ تتابع القطيع بتاعك وليكن مثلا 100 أم
هاتلاقى منهم (مثلا) 30 أم فقط هم اللى أعطوك نتايج جيده ومبشره بالخير على التغذيه ( العلف ) اللى انت ماشى عليها
الخطوه الثالثه بعد اختيار العلف وبعد ظهور عدد امهات محدد بكفاءه عاليه
تبدأ تنتقى من الأمهات دى جيل الإحلال الجديد تربيه لنفسك
وتترك الأمهات اللى ماجابتش نتايج كويسه تتآكل مع الوقت وانتاجها كله هايطلع لحم ومش هتاخد منها للتربيه
واللى انت اخترتهم مش هايكونوا كلهم ممتازين
هايكون فيهم الممتاز وفيهم اللى محتاج انك تتخلص منه
يعنى من الـ 30 ام هاتختار مثلا 100 ام احلال هايطلع منهم 70 كويسين والباقى تتخلص منه بالتدريج
وتفضل تنقى من الأمهات فقط الأمهات الممتازه المتوافقه مع العلف
لحد ما تحصل على 100% من الأمهات بتاعتك امهات متميزه جدا خلال جيلين او 3 اجيال تربيه فقط ـ و 3 اجيال فى عمر الأرانب كام شهر مش كتير
الشرط الأساسى لتطبيق الفكره
هو الإستقرار فى التغذيه
حفظكم الله
دائما مواضيعك مميزة ومفيدة
كاوبوىالسبت مايو 09, 2015 12:01 am