اصنع بنفسك مبرد صحراوى

السلام عليكم ورحمه الله وبركاته

بخصوص المبرد اللى كلمتكم عنه امبارح
صوره ـ1ـ
[URL="http://www.up-00.com/"][/URL]
خامات المبرد الموجوده عباره عن الواح فايبر قطعتها على المقاس المطلوب عند ورشه الوميتال
وثبتها فى بعضها بزوايا الوميتال والفكره فى كده انها هاتستحمل الميه بقوه ومش هاتصدى زى الصاج
وطريقه شغلها ان المروحه بتسحب الهواء من خلال الورق
وتخرجه من قدام هواء بارد
صوره ـ 2 ـ
[URL="http://www.up-00.com/"][/URL]

أظن كده الفكره وضحت والأمور تمام
ـ لأ مش تمام
ـ إزاى ؟!!
ـ فايبر ايه وألوميتال ايه انت عارف الحاجات دى بكام ؟
حتى لو متوفره مش كل الناس عندها عدد تشتغل بيها ولاانت ايه رأيك ؟
ـ صح الكلام ـ وخد عندك الحل .
.
.
.
فكره المبرد تعتمد على أمر واحد مفيش غيره
ان الهواء الداخل للعنبر او مكان التربيه يمر من خلال اى محتوى مخرم يقدر ينزل الماء من خلاله .
ـ يعنى ايه ؟
.
يعنى مثلا بص لصوره ـ3ـ
[URL="http://www.up-00.com/"][/URL]

دى ليفه الإستحمام العاديه جدا لاحظ شكلها ولاحظ ازاى بتقدر تحتفظ بالميه وتنزلها ببطئ
ـ وعن تجربه ـ كفاءتها اعلى من كفاءه ورق التربيد
ـ تجربه ؟!! تجربه ايه ؟
ـ أيوه ماهو انا ماقلتش لكم قبل كده ان اول مبرد عملته كان من الليف وكان ناجح نجاح رائع . تجمعه بالطريقه اللى تشوفها مناسبه ليك وتشتغل عليه
ـ طيب ماهو برضه اللوف مش متوفر فى كل المناطق وسعره مش ثابت ـ
ـ ماشى ـ بص كده على
صورة ـ4ـ
[URL="http://www.up-00.com/"][/URL]

أظن كده الرساله وصلت
يعنى لو اشتريت طوب وأظن ان الـ 100 طوبه بـ 40 جنيه تقريبا
هاتقدر ترص الطوب فوق بعضه بالجنب (ربع طوبه) وتقفل عليه كويس وتثبت له شفاط
بحيث ان الشفاط يسحب الهواء من خلال فتحات الطوب
كده انا عرضت لكم كذا صوره للتبريد وكذا طريقه
وانا متأكد ان اللى يفكر فى الموضوع بتعمق هايوصل لنتايج اعلى واحسن
ولكن اسمحوا لى ـ
وبعد كل الكلام ده لو انت كمربى معملتش تبريد
يبقى تبطل تربيه احسن وتريح بالك منها
فكر وشغل دماغك هاتلاقى فكره تناسبك سواء كنت بتربى فى عنبر ضخم أو فى بير السلم
استعمل الطوب ـ القش ـ الكارينا ـ ليف النخل ـ جريد النخل ـ الخيش
أى ماده تكون مخرمه وتقدر تمرر الهواء من خلالها