الارانب مابين المكسب والخسارة
الارانب كائن ومخلوق لطيف جدا يحبة الكبار والصغار نظرا لشكلة الجميل وطعمة اللذيذ وفائدتة الصحية الغنية عن التعريف
الارنب ك مشروع هو مثل اى مشروع قابل للمسكب والخسارة ومابينهما
لكن فية بعض النقاط لابد من مراعتها جيدا عند تربية الارانب نظرا لان البعض يقول انة لايكسب منها او مكسبة بالكاد ضعيف
اهم شيئ فى البداية يجب ان يعرفة الجميع هو ان الارنب كائن حى مثل كل الكائنات الحية يفرح ويمرض ويكتئب هو بالتاكيد ليس ماكينة ل الانتاج يتم ضبطها على نظام معين ل الانتاج ومن خلالها نبداء حساب المكسب والخسارة
اذا اردت ان تربى الارانب لابد ان تعرف ان اهم شيئ فى التربية اولا
لابد ان تكون تحب الارانب بصفة عامة لا ان تاخذ الارانب ك مشروع ووفقط لان البعض دخل مشروع الارانب وهو يعتبرة ك مشروع ولايحبة ودة اصلا خطاء
اى مشروع حتى ولو كان محل سوبر ماركت لو لم تكن تحب هذة المهنة وعندك استعداد لتنميتها وتطويرها ف لن تجنى منها اى شيئ
بالضبط هذا ينطبق على الارانب لابد ان تحبها وتحب تربيتها هذا اولا
ثانيا
علف جيد --- تهوية جيدة --- نضافة --- عدد
اربع اشياء لا غنى عنها ولابد ان تكون على ثقة تامة فى انها ممتازة بالنسبة للعلف يجب ان يكون جيد ومن مصدر موثوق ومعدل تحويل ممتاز
التهوية لازم ولابد منها فى اى عنبر سواء عن طريق فتحات للتهوية وتجنب اشعة الشمس ووجود شفاطات ومراوح
النضافة من اهم اساسيات مشروع الارانب لان لو كان تاثيرها سيئ هيزداد غاز الامونيا والحشرات والامراض بين القطيعوافضل حاجة تقضى على الامونيا هى البكتريا النافعة
العدد هى نقطة جديدة وقد يستغرب البعض من طرحها ولكنها اساسية هو الهدف الاساسى من الارانب هو العدد وهى اسمها ارانب بمعنى
انت متجبش 2 امهات او خمسة وتشغلهم وتقول انا مبكسبش ما هو دة طبيعى لان ياجماعة انثى الارنب مش هتولد كل شهر لا لانها زى ماقلت هى كائن حى ممكن يتعب وومكن يمرض وممكن يموت يعنى مش كل ال 5 امهات هتشتغل كل شهر ممكن 3 و 2 يقفوا ل اى سبب من الاسباب ف بالتالى العدد هيبقى قليل
المفروض يبقى عندى عدد كويس عشان لو عدد من الامهات وقف شهر او شهرين يبقى عندى ال يعوض دة ويفضل الانتاج شغال ولا اضطر انى احط فى المشروع من جيبى
العدد الافضل ال ممكن يقدر يقوم نفسة هو 20 ام على الاقل ساعتها ممكن يقدروا يقوموا بالمشروع
النقطة المهمة قوى هى انتخاب السلالات الجيدة ال تقدر تتحمل الجو وكمان الامومة عندها عالية واختار الامهات الهادية واخد من خلفاتها اربى منها سلالات لانها هتبقى زيها
ازاى تحسب المكسب
الارنب من لحظة فطامة الى خروجة للدبح ياكل حوالى 3الى 4 كجم يعنى حوالى شهر ونص بعد الفطام
لكن زى ماقلنا اه حاجة ان العلف يكون كويس عشان يقدر يدى التحويل المطلوب فى الوقت المطلوب
كمان من اساسيات المكسب انك تبيع سلالات يعنى لابد ان فى كل بطن تتولد تختار انثى او انثيين يكونوا حجمهم كويس وتسيبهم للبيع سلالات لان هو دة المكسب الحقيقى السلالة بتتباع من 80 الى 100 ج عكس اللحم ف دى نقطة مهمة جدا محدش واخد بالة منها
الادوية انا مش من انصار الادوية الكتير لانها بتاخد من المكسب بكل تاكيد لكن فية ادوية لاغنى عنها زى طويل المفعول والايفوماك والفيتامين وادوية الاسهال والتحصينات الضرورية فيروسى وبكتيرى والدايزينون لكن اكتر من كدة يفضل بلاش لانها بتاخد من المكسب
انت فى البداية توقع جيدا انك اول 4 شهور هتدفع من جيبك الى ان يبدا المشروع يشتغل ويصرف على نفسة وبعد كدة بعد ال الاربع شهور تقدر تشوف انت بتصرف لسة من جيبك ولا المشروع قام بنفسة بنفسة لو قام بنفسة وغطى يبقى خير والف بركة لو لا يبقى فية حاجة غلط عندك ياريت تقدر تدور عليها
منتدى الأرانب للجميع
أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة
رضامبروكالأربعاء يوليو 22, 2015 10:35 pm