منتدى الأرانب للجميع
ساعدوني ارجوكم  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

ساعدوني ارجوكم  Rabbit10


منتدى الأرانب للجميع
ساعدوني ارجوكم  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

ساعدوني ارجوكم  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

ساعدوني ارجوكم

15122015
ساعدوني ارجوكم

السلام عليكم علي فكرة انا صديقة معاكم من زمان وكان اسمي داليا حمدي بس الاميل ضاع مني وعملت واحد جديد بس معرفتش اضيف المواضيع القديمة للاسم الحالي
المهم الموضوع اللي عايزاكم تساعدوني فية هو من مدة ارنبة عندي ولدت ارنب واحد وكان حجمة كبييير بس ولدتة خارج المكان المخصص للولادة ولقيت رجلية اللي ورا متاكلين والديل كمان  ودي اول مرة تحصل عندي مع ان الارنبة دي ولدت عندي كذا مرة قبل كدا  ومن شهر ولدت الارنبة دي 5 ارانب  والحمد لله كويسين وعايشين والمفروض انها تولد النهاردة طلعت النهاردة الظهر لقيتها والدة ارنب برة ونفس الحكاية فية اجزاء متاكلة  ولما شفتها لقيت ان لسة فية في بطنها اجنة  وبعدين طلعت المغرب ما لقيتش جديد ورجعت طلعت الساعة 11 لقيت ارنب برا مكان الولادة ومتاكل منة حتة من الرقبة طبقة خفيفة ولقيت واحد تاني برا بس مش متاكل بس ميت وواحد في قفص الولادة وعايش ولسه فية جنين جواها لسة ما اتولدش  معليش انا عارفة اني طولت عليكم بس مش عارفة اعمل اية  وجزاكم الله كل الخير  


هى عندها مشكله فى الولاده فى اجنه ميته بداخلها على شان كده عدى ميعاد الولاده
اديها نصف سم فولون ونصف سم طلق
هى كبيره فى السن ولا عمرها قد ايه

تعاليق

أم نورا
1006 1006
hananeas.hananeas
وعليكم السلام ورحمة الله وبركاته
حجم الأجنة كبير فى بطنها أثناء الولادة وهى بتشدهم بيحصل كدة بس متخافيش هتكمل ولادة عادى بس خلى اللى فى عش الولادة زى مهو لمة تخلص خذى الأرانب الصغار وحطيهم لأم ولادة معها علشان العدد قليل ولقحيها علطول وخدى بالك قللى أكلها شوية ممكن يكونى بتحطى أكل كتير أوى أنا بكلمك عن تجربتى وفى أنتظار رائى الخبرة
أم نورا
شكرا جدا علي اهتمام حضرتك هوا فعلا حجم الاجنة كبير عن المعتاد بس دا بيحصل لما يكون عدد الخلفة قليل ولا اية؟
أم نورا
علي فكرة انا لما طلعت للارانب النهادة لقيت اللي كان لسة في بطنها امبارح لقيتة برا القفص ومش موجود منة غير الراس لوحدها ونصف الحسم الخلفي فقط اعمل اية ؟؟؟؟؟؟؟؟؟؟؟؟؟؟؟؟؟؟؟
dreem500
السلام عليكم ورحمة الله وبركاتة
الاخت الفاضلة /ام نورا
فى البداية هذة ولادة متعثرة وذلك لكبر حجم الاجنة داخل رحم الام
لذلك تقوم الام بالولادة فى اوقات متفرقة واغلب الاجنة هيتم ولادتهم ميتين
لازم حضرتك تقومى بحقن الام واحد سم اوكسى توسن فى العضل فورا وذلك لتنضيف الرحم
وانزال باقى الاجنة من الام سواء عايشين او ميتين والغالب هيكونوا ميتين
ثم اعطاء الام واحد سم جنتاميسين فى العضل عشان التهابات الرحم
ملحوظة
من الاسباب التى تساعد فى كبر حجم الاجنة بشكل غريب جدا داخل رحم الام هو حقن أد3هـ اثناء الحمل
تحياتى
hananeas.hananeas
كلام الأستاذ Dreem500 مظبوط أختى العزيزة لو فى بطنها أى حاجة تانى أحقنى ولو متأكدة أن الخلفة خلصت مفيش داعى لأوكسى توسن لأن تأثيره بعد كدة سيئ يعطى فى الحالات اللزمة فقط ولكن أعطيها جنتاميسين لأى التهاب ولو لازم حاجة تساعدها لتنظيف الرحم أعطيها قطعة صغيرة قرفة خشب مكسرة مع العلف عن تجربة ولقحى مفيش داعى انك تستنى
أم نورا
1000 متشكرة لاهتمام حضراتكم جميعا بس هل هيا ممكن تاكل اولادها تاني ولا اية علي فكرة انا جايباها في شهر 10 السنة اللي فاتت وكانت حامل هل هيا كبرت في السن ولا اية لان جوزي بيقولي ادبحيها وري
حي دماغك منها ويارب يجازيكم كل الخير
أم نورا
متشكرة لاهتمام حضراتكم جميعا بس هل هيا ممكن تاكل اولادها تاني ولا اية علي فكرة انا جايباها في شهر 10 السنة اللي فاتت وكانت حامل  هل هيا كبرت في السن وعلي فكرة انا من يوم ما جبت الارانب دي مديتهاش اي علاج خالص والحمد لله كانت الارانب شغالة معايا في الصيف كويس جداااا حتي ايام الموجة الحارة اللي كانت في الصيف لاكن من اول ما الشتاء دخل بدا انتاجهم يقل بشكل غريب يعني واحدة تولد وتسيب اولادها لما يموتو  من البرد والتانية اكلت اولادها والتالتة جالها التهاب رحم ودبحتها  ا  ويارب يجازيكم كل الخير
hananeas.hananeas
طول ما الأرنبة بتولد تبقى كويسة وبعدين ده مش أكل ولادها دا كان تعثر فى الولادة لكبر حجم الأجنة اديها فرصة تانية ولاقحيها أرجوكى كسارة ومتئلئيش دا تغير الجو هو اللى بيعمل كدة وعلى فكرة مش لازم الأرنبة تديكى كل اللى أنت عايزه يعنى لازم تتعب مرة ومش معنى أنها تتعب شوية او يجلها التهاب رحم انك تذبحيها وأى حاجة تسألى عليها هنا فى المنتدى بتلاقى الحل على ايد الخبراء فى المنتدى أرجوكى لا تجعلى الحل دائما الذبح علشان الحلول والعلاج موجود
dr hussam h
اهلا وسهلا بيكي مره تانيه في المنتدي اخت داليا او ام نورا الحاله دي ممكن افتراس وده يكون عيب وراثي في الام او ازعاج مثل ضوضاء او نور زياده مثلا لو بتسيبي النور علي الارانب علي طول ده غلط طبعا او فيران او نتيجه نقص بروتين اواملاح في العلف اولا تاكدي من استبعاد الاشياء دي قبل ما تحكمب علي الارنبه واديها فرصه تانيه هياي لها جو مناسب وعلف كويس
hananeas.hananeas
أهلاً د : حسام / كلام علمى مظبوط مستنين رأى حضرتك جزاك الله خيراً ربنا يوفقكم جميعاً
أم نورا
1014
a.abdelghani
مدام داليا لو عايزه العضويه القديمه برجاء ابلاغى
لعمل كلمة مرور جديده لك
كاوبوى
اعتقد ان فار هو سبب المشكلة
dr hussam h
ممكن يكون فار سبب المشكله ةتاكدي برضه انك بتاكلي علف كويس واهتمي بالسجلات
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى