منتدى الأرانب للجميع
أسعارارانب التسمين بالمحافظات - صفحة 34 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

أسعارارانب التسمين بالمحافظات - صفحة 34 Rabbit10


منتدى الأرانب للجميع
أسعارارانب التسمين بالمحافظات - صفحة 34 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

أسعارارانب التسمين بالمحافظات - صفحة 34 Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

أسعارارانب التسمين بالمحافظات

25072008
أسعارارانب التسمين بالمحافظات

السلام عليكم ورحمة اللة وبركاتة

اولا
احب ان اهنئ السادة الاعضاء بالقسم الجديد والذى انشاناة لمناقشة اسعار اى
شئ يتعلق بالارانب واتمنى من الجميع المساهمة باخر ما يتوصل الية من اسعار
ارانب التسمين وكتابتة فى هذا الموضوع وايضا كتابة التاريخ الذى تم فية
عملية البيع او الشراء وعنوان البلد وهل البيع لتاجر الجملة او التجزئة او
للمستهلك وبذلك يتوفر لدينا الاسعار اليومية للارانب

تم دمج موضوع السعراليومى لارنب التسمين
وموضوع الاسعاربالمحافظات
وذلك لعدم تشتيت الاعضاء
والله الموفق.


عدل سابقا من قبل ماريو في الأربعاء أغسطس 13, 2008 10:24 pm عدل 1 مرات

تعاليق

رامى عطيه
انا بعت النهارده ب 18 ج اااه ..... بس هوا نزل شوية فكه فصفت على 17.70 ج هههههه
elshinawy
18.5 للتاجر
ولو الكميه كانت اكبر شويه كنت بيعت ب 19
moso2030
يا جماعه الي انتو بتقلوه ده تهريج ازاي ابيع ب 18 ولا حتى ب 19- ده بالنسبه للتاجر- ازاي يوصل لمحل البيع ب 25 وازاي اصلا يبقى كيلو الفراخ البلدي ب24 والارانب ب 25 ده ميتسماش الا تهريج والي بيبع بالاسعار دي مش هو الي بيخصر لوحده ده بيخسر كل الموجودين في المجال لان كل واحد بيدور على ارخص سعر علشان يطلعلو اكبر مكسب ولسززاجه كل الي شغلين في المجال بتساعد التجار انهم يتلعبو بينا كما يشاؤن احنا بجد لازم ناخد موقف من الموضوع ده لان مش معقول ساعه لما يكون طن العلف ب 2000 جنيه يبقى الكيلو ب21 ولما طن العلف يبقى ب2600 ده لو لقيتو بالسعر ده يبقى كيلو الارانب ب19
رامى عطيه
انا بعت ب 18 ج
احمد المقدم
بسم الله الرحمن الرحيم

ياجماعه اللى من طنطا او قريب منها وبيطلع بأقل من 19 يجيلى وانا اطلعله ب 19
مهندس فتحي محمد
السلام عليكم ورحمه الله اخواني الاعزاء في المنتدي الكريم ياريت يا جماعه نتمسك بسعر مناسب للارانب يعني 19 سعر مناسب جدا لانه بيتباع في المحلات ب22 او 23 وطبعا كلكم عارفين تكاليف التربية خصوصا في الفترة دي ومدي مخاطرها علي المربيين يعني مهما كان المربي عنده كميه او حتي مبيخسرش تكاليف ايجار علي اعتبار انه مالك المكان لازم يكون في سعر ادني مش اننا كمربيين نضرب في بعض والارزاق علي الله صح اتمني اعرف اراء حضراتكم ولكم جزيل الشكر علي فكرة السعر في الزقازيق بعت ب 19 والحمد لله
مهندس أبو مريم
ممكن مهندس فتحى رقم التاجر اللى حضرتك بعتله
عبدالسلام عزت
ياجماعة كيلو اللحمة ال كان 55 عندنا الان ب 50 و ب 48 لان العلف غالى والتربية مكلفة والناس بتطلع كل ال عندها عشان مش ملاحقة على العلف
انا نفسى كيلو الارانب يبقى 25
بس انا بقول كدة بحب اوضح الصورة كاملة بمنظور اخر
ومحدش ياجماعة يزعل منى
علاء عبد الرازق
كنا سمعنا من حوالي شهر عن الغاء الرسوم الجمركيه عن كل المواد الداخله في مكونات العلف يعني المفروض الاسعار تقل .... بس احنا في مصر مافيش حاجه سعرها بيقل ابداااااا ... الاتجاه لفوق و بسسسس
ياسر العزبي
بسم الله الرحمن الرحيم
أخر سعر سلمت بيه كان 18 جنية بس من شهر يعني شهر مارس 2013 ده لمحل فرارجي ولكن برده و للامانة بعت للمستهلك مني له علي طول بسعر 20 ده في الزقازيق ولكني انا انتاجي بسيط لاني لسه علي قدي وشكرا لجميع اعضاء هذا المنتدي الرائع والمحترم
محمد طويله
آخر سعر وصلت ليه 18 جنيه
atef.alsaeed.1
السلام عليكم

السعر اليوم فى المنصورة 19 جنية للكيلو

أخوكم / عاطف
رامى عطيه
هوا فعلا اخر سعر 18 والتاجر كماان بيقول انا عاوز 2 كيلو او 2 الا ربع
ahmad hafiz
19 للفرارجى فى ميت غمر
ابو حمودى
[quote="محمد صقر"]الاسكندريه عند القرارجى بياخد اى كميه غلى 21 جنيه للكيلو ويفضل وزن كيلو ونصف[/quot
'طيب فين الكلام ده علشان انا عندى انتاج ومش لقى سعر كويس ياريت تدلنى او اى احد معاه ارقام تاجر فى الاسكندريه يدلنى
الادكاوي
انا ببيع ب 20 للفرارجيه وجيران حوالليه بس عايز ارفع السعر التكلفه عاليه دلوقت
ايمان المليجى
انا ببيع فى المحله الكبرى ب18 ونص للفراحجيه وببيع للمستهلك مباشر ب20
amiradel
السعر للتاجر ثابت على 18 ونازل كمان والعلف الطن وصل 2900ج وطالع بقت حاجه تقرف
ايمان المليجى
احناعاوزين نحط سعر محدد ندى بيه للتجار ومحدش فينا ينزل عنه فى كل المحافظات لان سعر العلف فى الطالع للكل عاوزين نسعر ان كيلو اللحم بكزا والام بكزا والزكر بكزا والعشار بكزا ومحدش فينا ينزل عن السعر دة والجدع الى يبيع ازيد من كده لكن مشينزل عن السعر الى هنحددة بس يكون كلامكم باءمانه
ايمان المليجى
علما بان احنا بندى للتاجر ب18 او 18 ونص وهوة بيبيع ب24 او 25 يعنى بيكسب فى الكيلو على الاقل 6 جنيه واحنا الى بنبيع بيه بنجيب بيه علف معدش فيه مكسب لينا خالص وهوة بيكسب فى الحته لو وزنها 2 كيلو 12 جنيه اقل واجب واحنا الى تعبانين فى التربيه ونهيين نفسنا على الفاضى ينفع الى بيحصل دة
محمد طويله
الدلوعه555 كتب:
علما بان احنا بندى للتاجر ب18 او 18 ونص وهوة بيبيع ب24 او 25 يعنى بيكسب فى الكيلو على الاقل 6 جنيه واحنا الى بنبيع بيه بنجيب بيه علف معدش فيه مكسب لينا خالص وهوة بيكسب فى الحته لو وزنها 2 كيلو 12 جنيه اقل واجب واحنا الى تعبانين فى التربيه ونهيين نفسنا على الفاضى ينفع الى بيحصل دة


متوسط مكسب لالتاجر فى الكيلوا بيكون 2 ـ 2.5 جنيه فى الكيلوا
يعنى الأرنب من المزرعه بـ 18 والفرارجى يشيل بـ 20 أو 2.5 جنيه ويبيع بـ 24 ـ 25 جنيه للزبون

ده غير إن الأرنب وزنه بينزل فى الطريق من المزرعه للفرارجى
وكمان وزنه بينزل عند الفرارجى بسبب تغيير الجو والعلف
وكله بيحمل على بعضه التاجر بيحمل على الوسيط والوسيط بيحمل على صاحب المزرعه
رامى عطيه
اتفق مع الاستاذ محمد وكمااان السعر نزل تاني ل 17 في الشرقيه كمااان
ايمان المليجى
انت بتتكلم عن الشرقيه فقط لان المزارع فى الشرقيه كتير والحمد لله لكن الغربيه والدقهليه وباقى المحافظات قليل فيها المزارع وبعدين احنا عندنا غير عندكم لان الفراخجى عندنا احنا بنوديله مباشر بدون وسيط فبياخد مننا ب18 ونص وبيبيع ب24 الكيلو يعنى لو حاجه جرلها حاجه فى الطريق احنا الى بنشلها غير عندكم هما الى بيجم يشيلو فهمت يا استاز محمد يعنى مكسبه صافى فى الكيلو 5 جنيه علما ان اللحم مبيعدش لتانى يوم بيخلص فى ساعتها لقله المزارع عندنا يعنى لابيلحق وزنه ينزل ولايطلع
محمد طويله
يبقى اشترى دماغك وافتحى محل فراخ
لو ربك أراد بـ 5 ارانب يتم بيعهم يوميا ( وده افتراض متواضع جدا طبعا)
ولو افترضنا ان وزنهم 1.75 كيلوا وكمان هانضرب سعر السوق ونبيع بـ 22 جنيه بس
يعنى متوسط سعرهم حوالى 192.5 جنيه فى اليوم
بمعدل 5775 جنيه فى الشهر
هانشيل منهم بالتقريب مبلغ 2000 جنيه أجره العامل وأجره المحل والماء والكهرباء
يكون صافى الربح 3775 جنيه
حلال عليكى
بس السؤال المهم جدا هنا واللى أنا متأكد إنك هاتسأليه
أيهم افضل أبيع بـ 18 فى مكانى ولا بـ 22 فى المحل ؟!!!!!!!!!!

احنا افترضنا انه هايتم بيع 5 أرانب يوميا بمتوسط وزن 1.75 كيلو
إجمالى وزن الأرانب المباعه 8.75 كيلوا فى اليوم
بإجمالى 262.5 كيلوا فى الشهر
بعد تثبيت الإفتراض ده نحسب حسبه تانيه
262.5 ×18 = 4725 جنيه (سعر الأرانب فى حاله البيع بـ 18 جنيه)
يعنى لو بعتهم بـ 18 هايكون أكثر ربحيه ـ الكلام سليم
بس الرد المنطقى على سؤالك
إنه مش معقول هافضل عمرى كله ببيع 5 ارانب فى اليوم فقط !!!
وكمان مش هاجيب عامل معايا علشان يدبح 5 أرانب بس طيب ما ادبحهم انا
ومش هاخد محل فى منطقه حيويه علشان ابيع أرانب بس
يبقى الكلام المظبوط
شويه أرانب على معلبات على مجمدات والمحل يجيب على الأقل 5 اضعاف المبلغ المفترض
بس ابقى ابعتى لينا دعوه فى يوم افتتاح المحل
وأنا أول واحد هايحضر إن شاء الله
علاء عبد الرازق
والله يا استاذ محمد هي فكرة فتح محل لبيع انتاج المزرعه دي حاجه كويسه مش وحشه وانا بنصح اي حد بيربي ويكون عنده الوقت والامكانية انه يفتح ولو كل يوم 5 او 6 ساعات صباحا ربنا هيرزقه ان شاء الله ولا الحوجه للتجار وجشعهم Twisted Evil
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى