منتدى الأرانب للجميع
تربيه وتدريب ذكور الأرانب  حصريا على منتدى الأرانب للجميع 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

تربيه وتدريب ذكور الأرانب  حصريا على منتدى الأرانب للجميع Rabbit10


منتدى الأرانب للجميع
تربيه وتدريب ذكور الأرانب  حصريا على منتدى الأرانب للجميع 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

تربيه وتدريب ذكور الأرانب  حصريا على منتدى الأرانب للجميع Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

تربيه وتدريب ذكور الأرانب حصريا على منتدى الأرانب للجميع

23012011
تربيه وتدريب ذكور الأرانب حصريا على منتدى الأرانب للجميع

الحمد لله الطريقه دى فعلا حصريه وما أظنش أبدا ان حد عملها قبل كده
ازاى أدرب أرنب دكر
والتدريب هنا مش معناه انه يمشى على الحبل مثلا
التدريب هنا معناه تربيه الأرنب من صغره على النشاط والحيويه والقوه علشان يكون عندى فى النهايه أرنب ملوش حل
أول حاجه / انت بتختار الأرنب الذكر عادى جدا زى ما بتختار أى أرنب للإحلال العيون بتلمع والقوام سليم والودان مرفوعه والشعر متماسك والأنف نظيف ومفيش جرب ولا عرقوب وكل اللى انت عارفه
تانى حاجه / تفصل الأرنب فى عين لوحده لحد عمر شهرين أو شهرين ونصف
تالت حاجه / تشيل الأرنب من البطاريه وتوفر ليه مكان على الأرض مساحه متر فى مترين مثلا
وطبعا الأرنب لما يجرى على الأرض حيويته بتزيد ووزنه بيقل لأنه بيتحرك بقدر أكبر مما كان عليه فى البطاريه مع ملاحظه وجود العلف أمامه بشكل دائم
رابع وأهم حاجه / تقديم الخضار للذكر بإنك ترفع الخضار أيا كان برسيم أو خس أو حتى جرجير ـ وعلى فكره الجرجير مفيد لخصوبه ذكور الأرانب ـ عن طريق انك تربط الخضار فى خيط أو دوباره وتعلقها فى أى حاجه أعلى من مستوى الارنب
بحيث انك تجبر الأرنب انه يقف على الأرجل الخفيه فقط لكى يستطيع الوصول للخضار المعلق وبشرط يكون الخضار متعلق فى الهوا يعنى الأرنب لازم علشان يوصل للخضار يقف على رجليه الخلفيه من غير ما يسند على أى حاجه ( رجليه وبس )
خامس حاجه / قبل بلوغ الأرنب لسن البلوغ بحوالى اسبوعين ترجعه للبطاريه تانى وبعدها بأسبوعين عند سن البلوغ تبدأ تشغله هاتشوف أسد مش أرنب ومفيش أنثى بتاخد معاه دقيقتين
طيب الفكره ايه فى الشغلانه دى
الفكره دى انا أخدتها من أرنب كنت بربيه عندى
الأرنب ده كانت رجليه نوعا ما طويله و وكانت الأنثى اللى تعصى عليه كان يلزق فيها ويرفعها من ورا برجليه وبعد كده يقوم بالتلقيح
فحاولت أربى أرنب من صغره على قوه الأرجل الخلفيه والحمد لله كانت النتيجه فوق الممتازه بشويه
وغير كده كان أرنب سريع جدا يعنى لو الأنثى مش قابله كان كفايه عليه جدا انه يخبط برجليه على أرضيه البطاريه علشان تتحرك من مكان لمكان وهى خطوه واحده بس وانتوا عارفين ان الأرنب بيتحرك بخطوات قافزه وأول ما كانت تتحرك خطوه واحده بس كان بيتحرك بسرعه كبيره جدا ويعمل الواجب اللى عليه ولو ما اتحركتش من مكانها يرفعها برجليه ويتصرف
من غير استعمال أستك ولا غيره

ملاحظات الطريقه دى
1ـ تربيه الأرنب فتره شهرين او شهرين ونص من عمره داخل القفص بتساعد انه لما يرجع القفص تانى مايتأثرش تأثير سلبى لأنه اتحبس فى قفص ما هو مولود فى فقص ومتربى فى قفص
2ـ كثره الحركه للأرنب تمنع تكوين أى دهون فيه وخصوصا على الخصيتين وده تأثيره إيجابى جدا على الخصوبه
3ـ قله شراسه الأرنب على الأنثى لأنه مش محتاج يكون شرس هو بيصل لهدفه سواء هى رافضه أو قابله
4ـ زياده خصوبه الأرنب ورغبته الزياده فى الإناث
إيه رأى أهل الخبره وأهل العلم فى المسأله دى


عدل سابقا من قبل a.abdelghani في الجمعة نوفمبر 04, 2011 9:28 pm عدل 1 مرات (السبب : التثبيت)

تعاليق

محمد طويله
سبحان الله
هو مفيش آراء ليه يا جماعه
الموضوع مطروح لمناقشه أهل الخبره وأهل العلم
وللآن مفيش رأى أبدا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المتحدة للتجارة
موضوع شيق بس صراحتا هناك بعض الالفاظ الغريبه Basketball
محمد طويله
المتحدة للتجارة كتب:
موضوع شيق بس صراحتا هناك بعض الالفاظ الغريبه Basketball



شكرا أخى الفاضل على التوضيح بخصوص عدم وضوح بعض الألفاظ
ربما لأنى كتبت الموضوع بالعاميه المصريه
عموما إن شاء الله سيتم إعاده صياغه الموضوع باللغه العربيه الواضحه
محمد طويله

إعاده عرض
لكيفيه تدريب ذكور الأر
انب

من المعروف أن الذكر فى الأرانب يمثل العامل الأكثر أهميه فى المزرعه
فكل ذكر يكون مسئول عن تلقيح حوالى 5 أو 6 إناث ومع إفتراض وجود مشروع تربيه مكون من 20 أم مثلا سنجد أن الذكر الواحد مسئول عن تلقيح 25% من الأمهات وبالتالى مسئول عن الحجم وسرعه النمو و عدد 25% من الإنتاج وعلى ذلك يكون الحصول على ذكر جيد من أفضل الأشياء التى يحصل عليها المربى وصاحب المزرعه ــ ومن مواصفات الذكر الجيد الخصوبه العاليه و الحيويه والنشاط الزائدين
والحمد لله توصلت عن طريق خبرتى المتواضعه فى التربيه إلى طريقه لتربيه الذكور فى الأرانب بحيث نستطيع الحصول على ذكر ارنب قوى وذو خصوبه عاليه وهذه الطريقه حصريه وخاصه بصاحب الموضوع وأتحدى من يذكر أن هناك طرق مماثله سواء فى الكتب أو أى من المصادر العلميه
أسلوب التدريب
أولا / إنتخاب أرنب ذكر بالطريقه المتعارف عليها ( العيون اللامعه الخاليه من الدموع ـ الأنف النظيف ـ الآذان المرفوعه والغير مرتخيه للأسفل ـ عدم وجود إلهابات عرقوب ـ عدم وجود جرب و إلى آخر الشروط الواجب توافرها )
ثانيا / عزل الذكر المنتخب بقفص أو عين من البطاريه منذ بدايه تربيته حتى عمر 3 شهور مثلا
ثالثا / عند عمر الـ 3 شهور يتم إخراج الذكر من قفص التربيه وتوفير مكان له على الأرض بمساحه 1×2 متر مربع مثلا ويقدم له العلف بلا إنقطاع أى تظل العلافه مملوءه دائما
رابعا / تقديم الأعلاف الخضراء مثل البرسيم والخس والتركيز على الجرجير فهو مهم جدا بالنسبه لخصوبه الأرانب وتقدم الأعلاف الخضراء وطريقه تقديم الأعالاف الخضراء مهمه جدا حيث تقدم بالطريقه التاليه :-
بأن يتم ربط الخضار المقدم للأرنب وتعليقه فى الهواء بمستوى أعلى من الأرنب بحيث يضطر الأرنب إلى رفع نفسه عاليا للحصول على الخضار المعلق فى الهواء ويجب اختيارمكان التعليق بحيث يضطر الأرنب أن يقف على أطراف قدميه الخلفيتين فقط دون الإستناد إلى أى شئ آخر وذلك للوصول إلى الخضار المعلق
وذلك بهدف تقويه أرجله الخلفيه
خامسا / يجب عوده الأرنب إلى القفص قبل وصوله لسن البلوغ بأسبوعين تقريبا
ملاحظات تلك الطريقه على الأرنب :-
تربيه الأرنب فتره كبيره من عمره على الأرض تؤدى إلى
1ـ زياده حيويه الأرنب بشكل ملحوظ وواضح
2ـ قله الدهون فى جسم الأرنب وخصوصا على وحول منطقه الخصيتين مما يعطى نتيجه إيجابيه واضحه وكبيره فى خصوبه الأرنب
3ـ سرعه وكفاءه الأرنب العاليه فى التعامل مع الإناث
4ـ قله شراسه الأرنب مع الإناث لأنه غير متحاج لهذه الشراسه فهو يصل لهدفه ( وهدف المربى طبعا ) وهو تلقيح الأنثى بطرق بسيطه وسهله
ملاحظات تلك الطريقه على أسلوب تعامل الأرنب مع الإناث فى حاله رفض الأنثى للتلقيح
1ـ إما أن يقوم بضرب أرضيه البطاريه بقدميه فتتحرك الأنثى والكل يعلم أن الأرانب عموما تتحرك بخطوات قافزه ومع أرنب ذو حيويه عاليه وسريع الحركه مثل الذكر المدرب تكون خطوه واحده كافيه ليقوم بالوثوب على الأنثى والقيام بعمليه التلقيح
2ـ فى حاله جلوس الأنثى وعدم تحركها يقوم الذكر المدرب على الوقوف على أطراف أقدامه الخلفيه بالضغط على مؤخره الأنثى بكعبيه ورفع كعبيه لأعلى مع الإبقاء على أطراف أقدامه فقط على أرضيه البطاريه مثل ما كان يفعل ليصل إلى الخضار المعلق ولكن هذه المره يكون بين كعبيه أنثى ليرفع مؤخرتها ويقوم بالتلقيح


وأى إستفسار أنا فى الخدمه
محمد طويله
على الرغم أنه حتى الآن لم يذكر لى أيا من الأعضاء رأيه فى الموضوع
سواء كان رأى علمى أو عملى مكتسب بالخبره
فاسمحوا لى أن أسأل السؤال الذى توقعته من الكثير من الأعضاء
أو على الأقل من الأطباء وأصحاب العلم
وللأسف لم يسأله لى أحد
ولأن الموضوع عن تدريب ذكر لديه من القدرات على التعامل مع أى أنثى
فالسؤال هنا عن الأنثى التى تقوم بإلصاق مؤخرتها بأحد أركان البطاريه وترفض الحركه تماما مهما حاول الذكر
كيف يتم التعامل مع هذه الأنثى
ولا ننسى أن الهدف هنا أن يصل الذكر إلى هدفه ( وهدف المربى طبعا ) وهو إتمام عمليه التلقيح
كيف للذكر أن يتعامل مع هذه الحاله ؟

منتظر الردود ( هل من مجيب )
VIP
يعطيك الف الف عافيه

في ميزان حسناتك ان شاء الله
محمد طويله
VIP كتب:
يعطيك الف الف عافيه

في ميزان حسناتك ان شاء الله


شكرا جزيلا
phantom101010



تسلم ايدك على المجهود الرائع و المتميز
تحياتي





ابراهيم70
جزاك الله خيرا وحبدأ ان شاء الله فى تطبيق فكرتك
ahmeed
فكرة جامدة بس حكاية رجليه ديه مش فهمها بس مش مهم الفكرة دخلت دماغى
والارنب فعلا لما بتسيبوا فى مكان واسع بعد ما كنت حبسه بيفرح وبيجرى وبيتنطط
بس فى بعض الارانب بتروح توقف جمب البطريه وتحاول ترجعلها تانى مش عارف ليه
بس عامتا فكرتك محتاجه مكان واسع ومفيهوش رطوبه على ما اعتقد علشان الارنب يبتعد عن الذبل ويجلوش امراض وخاصة الجرب وعلشان تسيب ارنب على الارض لازم تكون محصنه كويس وعنده المناعه الكافيه واعتقد ان ده كله موجود فى البلدى + الخصوبه العاليه ومع ذلك انا لا انصح بالبدى الا لمن ليست عنده الخبرة الكافيه لان مع كفائته العاليه حجمه صغير
بالنسبه لسؤالك عن الانثى فبرأي انها غير قابله للتلقيح اما لسه صغييره لم تنضج جنسيا
او عشار
والله اعلم
وشكرا Wink Very Happy
محمد طويله
ahmeed كتب:
فكرة جامدة بس حكاية رجليه ديه مش فهمها بس مش مهم الفكرة دخلت دماغى
والارنب فعلا لما بتسيبوا فى مكان واسع بعد ما كنت حبسه بيفرح وبيجرى وبيتنطط
بس فى بعض الارانب بتروح توقف جمب البطريه وتحاول ترجعلها تانى مش عارف ليه
بس عامتا فكرتك محتاجه مكان واسع ومفيهوش رطوبه على ما اعتقد علشان الارنب يبتعد عن الذبل ويجلوش امراض وخاصة الجرب وعلشان تسيب ارنب على الارض لازم تكون محصنه كويس وعنده المناعه الكافيه واعتقد ان ده كله موجود فى البلدى + الخصوبه العاليه ومع ذلك انا لا انصح بالبدى الا لمن ليست عنده الخبرة الكافيه لان مع كفائته العاليه حجمه صغير
بالنسبه لسؤالك عن الانثى فبرأي انها غير قابله للتلقيح اما لسه صغييره لم تنضج جنسيا
او عشار
والله اعلم
وشكرا Wink Very Happy


أولا / شكرا على الإطراء على الفكره
ثانيا / أنا من رأيك فى مسأله الأرانب البلدى
لأنها رغم كفاءه الذكور العاليه فى التلقيح إلا أن الخلفات تكبر ببطء واضح جدا
ثالثا / بخصوص الإناث التى تلصق مؤخرتها بالقفص وترفض الحركه
العلاج فى القفص نفسه وليس فى الذكر ولا الأنثى
وهو عباره عن استخدام قفص مستدير
وبذلك لن تجد الأنثى ركن تلصق مؤخرتها فيه

وان شاء الله سأرفع صور للقفص قريبا
احمدعبدالحي
جزاك الله خيرا وبارك فيك على هذا المجهود الرائع
Halawanigroup
ساجرب هذه الفكرة واعتقد انها منطقية
ومشكور على مشاركة خبرتك معنا
وبالتوفيق ان شاء الله
ابى مصطفى
سلام عليكم

فكره جيده لاكن المشكله فى عدم توافر مساحات بهذا الشكل فلو قلنا مزرعه بقوة مثلا 50 ام يعنى محتاجين اقل شى 8 ذكور لو كل ذكر عايز 1*2 م لمدة حولى 4 شهور لعمل البرنامج التدريبى هيكون صعب
محمد طويله
ابى مصطفى كتب:
سلام عليكم

فكره جيده لاكن المشكله فى عدم توافر مساحات بهذا الشكل فلو قلنا مزرعه بقوة مثلا 50 ام يعنى محتاجين اقل شى 8 ذكور لو كل ذكر عايز 1*2 م لمدة حولى 4 شهور لعمل البرنامج التدريبى هيكون صعب


أتفق معك فى الرأى بخصوص المساحه
ولكن المزارع الكبيره الموتاجده وحولها مساحه من الأرض ستكون قادره على تنفيذ الفكره
لأن الأرض موجوده
أنا شخصيا كنت انفذ هذه الطريقه عندما كان عندى 10 أمهات فقط
وبعد الزياده لم أجد مساحه كافيه لذلك
فكنت أكتفى بتدريب ذكرين فقط
مجدى فهر
1000 1013
tigger
شكرا لك اخى الكريم على موضوعك الجميل والجديد
أبــو أدهــم
موضوع متميز ... بالنسبة للعيون المستديرة ألاقيها فين
oso
موضوع جامد...والمفروض ان عيون الطلوقة تبقي مستديرة
بس اللي متواجد حاليا المستطيلة ..وامرنا لله
بالنسبة للتدريب ممتاز
بس منتاش محتاج تعلق له حاجة زي الجرجير
كفاية علية المساحة اللي هوا فيها..ويفضل تربية ارنبين ولا تلاتة صغيرين معاه...عشان يتحركوا ويلعبو
بالنسبة للمزارع
اعتقد الموضوع صعب
محمد طويله
oso كتب:
موضوع جامد...والمفروض ان عيون الطلوقة تبقي مستديرة
بس اللي متواجد حاليا المستطيلة ..وامرنا لله
بالنسبة للتدريب ممتاز
بس منتاش محتاج تعلق له حاجة زي الجرجير
كفاية علية المساحة اللي هوا فيها..ويفضل تربية ارنبين ولا تلاتة صغيرين معاه...عشان يتحركوا ويلعبو
بالنسبة للمزارع
اعتقد الموضوع صعب


شكرا ليك على رأيك فى الموضوع ويا رب يكون مفيد
بالنسبه للعيون فهمنى إيه الفكره فى إن العيون تكون مستديره
وبالنسبه للجرجير الفكره هى تقويه أرجل الأرنب لأقصى ما يمكن
لأنى أجبره على الوقوف على قدميه الخلفيه فقط حتى من غير ما يسند على حاجه
وحكايه أرنبين أو تلاته مع الذكر أنا أرها مسأله خاطئه
لأن الذكر يتم تربيته حتى قبل أسبوعين من تشغيله
ولو حطيت معاه ذكور هاتحصل مجازر بين الذكور وبعضها
ولو حطيت معاه إناث يبقى هاتخليه يشتغل قبل ميعاده وده بيعمل إجهاد للذكر
وماتنساش تفهمنى إيه الفكره فى مسأله العيون دى
[/size]
محب الفلندر
الفصل للذكر لوحده يكفي من عمر شهر ونصف
لإنتاج ذكر في كامل القوى وفي بالغ التميز في الأداء
الطرقة غير عملية في المزارع الكبرى
ولكن فعلاً الفكرة جيدة
بوركت على جهودك
عمرو عقبه
مرة تلو الأخرى أشكرك وأحيك على حب الخير للغير وعرض تجاربك للجميع للاستفادة منها..
أنا شخصيا عندى دكر دوتش لسه بادىء أستخدمه بس بصراحه بعزه جدا..
لدرجة أنى باخده وأحطه على رجلى وأمشى ايدى على شعره الجميل..
وان شاء الله أدلعه وأظبطه وأدربه على الحاجات اللى حضرتك ذكرتها..
لكن فى موضوع الاناث.. فى مشكله أنها أحيانا كمان تلصق مؤخرتها بالأرضيه وليس بالأركان فقط..
وأكيد حضرتك عارف ان السبب قد يكون..
1- أنها عشراء اصلا.. دا لمن لا يجيد الجس.
2- صغر سنها.
3- أنها بكر ولأول مره تلقح فلديها خوف الى حد ما.
4- لديها ورم بالرحم.
5- لديها التهاب عرقوب ولا يمكنها حمل الذكر.
6- يحدث عندى أحيانا أن بعض الاناث تقبل بعض الذكور دون الأخرى.. فقد وضعتها لذكر رفضته تماما وكانت (تزوم) ووضعتها لأخر فكانت هى التى تعتليه..

جزيت خيرا أخيا وفى انتظار المزيد ولك خالص الشكر على إثراءك لثقافتنا العمليه فى التربيه
13
oso
المزارع الاوربية بتكون عيون الطلوقة فيها مستديرة عشان عملية التلقيح بتكون علطول دوران حول الانثي
دي حاجة معروفة
بس المتواجد سوقيا العيون المستطيلة!!
محمد طويله
محب الفلندر كتب:
الفصل للذكر لوحده يكفي من عمر شهر ونصف
لإنتاج ذكر في كامل القوى وفي بالغ التميز في الأداء
الطرقة غير عملية في المزارع الكبرى
ولكن فعلاً الفكرة جيدة
بوركت على جهودك


كلامك سليم
بس أنا بتكلم عن طريقه خاصه من ابتكارى الشخصى
غير ان الكلام اللى حضرتك بتقوله متداول ومعروف
المهم هو الأسلوب الغير معروف والمبتكر
غير إن عزل الذكر غير كافى لتقويه الأرجل الخلفيه بالقدر الكافى
لجعل الذكر يرفع مؤخره الأنثى بأرجله على النحو المشروح
بس طريقتى مشكلتها إنها صعبه التطبيق مع المزارع الكبيره
إلا إذا كان صاحب المزرعه عنده مساحه أرضيه خاليه تصلح للتطبيق
شكرا على إطرائك و
على مرورك
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى