منتدى الأرانب للجميع
خبرات خاصة نقاش مفتوح فى تربية الأرانب  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

خبرات خاصة نقاش مفتوح فى تربية الأرانب  Rabbit10


منتدى الأرانب للجميع
خبرات خاصة نقاش مفتوح فى تربية الأرانب  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

خبرات خاصة نقاش مفتوح فى تربية الأرانب  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

خبرات خاصة نقاش مفتوح فى تربية الأرانب

17042011
خبرات خاصة نقاش مفتوح فى تربية الأرانب

الإخوه الأفاضل
يمتلك البعض من رواد المنتدى خبرة ليست بالقليله فى مجال التربيه
والمقصود من هذا الموضوع هو اتاحة لفرصه لكل صاحب خبره أي يستفيد الآخرون من خبراته
فى كل مجال يتعلق بالتربيه
وليس المقصود هنا هو الخبرات العاديه
ولكن الخبرات الخاصة التى نادرا ما توجد مثل موضوعى عن تربيه وتدريب ذكور الأرانب
هذه ليست دعاية للموضوع ولا تفاخر به أو بنفسى
ولكن هذه هى الحقيقة لأنى فعلا لم أجد موضوع مماثل فى أيا من الكتب أو المراجع العلميه أو حتى عند المهندسين أو البيطريين المتخصصين وده رابط الموضوع
[ندعوك للتسجيل في المنتدى أو التعريف بنفسك لمعاينة هذا الرابط]
المهم أرجو أن من لديه أى خبرات خاصة إفادة الجميع بها
لأننا جميعا ـ وانا قبل الجميع ـ نحتاج إلى مثل هذه الخبرات
وهذا الموضوع لتعم الفائدة

أخوكم محمد طويله


عدل سابقا من قبل a.abdelghani في السبت نوفمبر 05, 2011 9:43 pm عدل 2 مرات (السبب : التثبيت وتعديل العنوان)

تعاليق

عمور
1012
محمد طويله
أول فكره ويا رب تكون مفيده للكل
بالنسبه لتجهيز المكان
التهويه لا غنى عنها فى التربيه من أجل الحصول على أرانب صحتها جيده
بالنسبه للتهويه أنا رأيت عدد غير قليل من المربين يقومون بتركيب شفاط للتهويه
وده هو المطلوب ولكن طريقه التركيب التى رأيتها بها كثير من المغالطات
مثلا وجدت عند أحد المربين انه قام بتركيب شفاط على شباك وباقى الشباك مفتوح
بمعنى أن الشفاط مثبت فى ركن الشباك وده معناه ان حوالى 40% من قدره الشفاط على تجديد الهواء معدمه وغير موجوده ولتلافى ذلك يجب عند تثبيت أى شفاط فى مكان التربيه أن يكون المكان خالى من أى فتحات عدا فتحتين
الأولى هى فتحه الشفاط نفسه ويجب أن تكون محكمه على الشفاط حتى لو أضطررت الى سد أى فتحات جانبيه حول الشفاط بألواح خشبيه أو مشمعات المهم ألا تكون هناك أى فتحه غير فتحه الشفاط والفتحه الثانيه
أما الفتحه الثانيه يجب أن تكون فى الإتجاه المعاكس لإتجاه الشفاط
ولازم تكون موجوده علشان الشفاط يجيب نتيجه
وبالطريقه دى تتم التهويه بشكل كبير جدا للمكان
المشاركه القادمه إن شاء الله سأعرض كيفيه تشغيل الشفاط بشكل دائم دون أن يحترق موتور الشفاط أو حتى يسخن
عمور
خبرات خاصة نقاش مفتوح فى تربية الأرانب  967314 ونحن فى الانتظار
محمد طويله
استكمالا لموضوع التهويه


على اعتبار ان المربى قد اتخذ كل التدابير اللازمه للتهويه الجيده للمكان
بالنسبه للشفاط أنا ذكرت فى المشاركه السابقه أننى لدى طريقه فعاله لتشغيل الشفاط لمده طويله دون أن يسخن أو يحترق والمقصود بالمده الطويله ليست يوم أو يومين ولمن متوسط من 21 يوم إلى شهر
بالنسبه للشفاط
يتم توصيله بالكهرباء بأحد طريقتين
الأولى /
أن يتم توصيله من خلال تايمر موجود فى السوق اسمه (تايمر لسخان فريش)
وكل واحد عنده سخان فريش حديث يعرف التايمر المقصود
وده مهمته انه يعطيك القدره على تشغيل السخان فى وقت محدد مثلا من الساعه 6 للساعه 8 يوميا فقط
دون أن يتم تشغيل السخان باقى اليوم
إحنا هانستعمل التايمر بأسلوب مختلف نوعا ما
التايمر به دائره شبيهه بعض الشئ بالساعه الشمسيه مقسمه إلى 24 ساعه
وبداخل تقسيم كل ساعه (فى الدائره) عدد 4 قطع بلاستيك صغيره فى سمك عود الكبريت
إذا القطعه مرفوعه لفوق ومر عليه الوقت لا تعمل الآله الموصله على التايمر وهى الشفاط فى موضوعنا هذا
ولو مضغوط للأسفل تعمل الآله
وباستخدام هذه الميكنه نستطيع أن نتحكم فى الشفاط انه يشتغل ربع ساعه ويفصل ربع ساعه
وممكن يستمر على الطريقه دى لمده اسبوعين بعدها لازم تفصله 10 ساعات متواصله لتحفيف الجهد عن ملفات
موتور الشفاط وممكن المربى يضبط التايمر على الأوقات التى يراها مناسبه لمشروعه
الطريقه التانيه /
ممكن تصنعها بنفسك أو تلجأ لكهربائى
وهى فى كل الأحوال بسيطه وهى انك توصل الشفاط بالكهرباء عن طريق حاجه اسمها (سيريا)
وهى توصيله بأسلوب محدد لتخفيض الجهد الكهربى على الآله المراد تشغيلها
والسيريا عباره عن توصيل لمبه كهربائيه عاديه جدا على طرف واحد من أطراف الكهرباء
الفكره دى أنا رأيتها عند واحد كهربائى كان بيستعملها لتخفيض حجم التيار الكهربى لإكتشاف اذا كان الموتور الذى يعمل عليه محروق أم لا وبتكون اللمبه نورها خافت
فكرتها ان الموتور لو محروق الكهربه هاترجع مكانها تانى وهو كابلات المنزل الرئيسيه (هاتعمل قفله)
إنما وجود اللمبه فى طرف واحد من أطراف التشغيل يجعل الكهرباء ترجع على اللمبه وبدل ما يكون نورها خافت بيكون نور عادى ونحافظ على البيت من القفله
أنا طبقت الفكره دى عندى وأضفت عليها مفتاح مروحه سقف
وتخيل معى الوضع مَخرج الكهرباء خارج منه سلكين
واحد فيهم بيدخل على الشفاط مباشره
السلك التانى بيتوصل عليه لمبه + مفتاح مروحه سقف ويكون المفتاح على اقل درجه تشغيل لتخفيض الجد على الشفاط إلى أقصى حد
ومع نظام تهويه محكم مثل ما وصفنا فى المشاركه السابقه
يكون أقل دوران للشفاط منتج وفعال وآثاره إيجابيه جدا جدا
والطريقه الثانيه بالخصوص أقل تكلفه من الأولى وأكثر فاعليه
لأن الوقت الوحيد اللى هاتكون محتاج تقفل الشفاط فيه هو الوقت اللى يكون النور مقطوع
لأن الموتور لا يسخن أبدا
لأنك بالطريقه دى قتلت الجهد الكهربى الداخل على الشفاط
وانس حكايه سخونه الشفاط
يارب تكون المسأله مفيده لكل من يقرأها
أخوكم / محمد طويله
محمد الروبي
lمشكور علي مجهودك
محمد طويله
أنا مش عايز كلمه شكر يا جماعه
أنا محتاج من كل واحد انه يفيدنا بخبراته
محمد طويله
السلام عليكم
لكل واحد شاف الموضوع ده

[ندعوك للتسجيل في المنتدى أو التعريف بنفسك لمعاينة هذا الرابط]
ولكل واحد لسه هايشوفه أغلب الناس ممكن تفكر وتقول أجيب أرنب زى ده منين ؟
طيب محدش سأل نفسه إزاى أقدر أنتج أرنب زى ده ؟
المسأله محتاجه
@ دقه ملاحظه @ صبر @ تصميم على الوصول للنتيجه
كثير من المربين بيعملوا حاجه اسمها تركيز السلاله
بمعنى إنه لو عايز ينتج سلاله بيور أو صافيه بابيون مثلا
يقوم بعمليه التلقيح من أنثى وذكر بابيون
وبعد كده ياخد الخلفات التى تحمل نفس صفات الأب والأم
ويربيها ولما تكبر يلقحها برضه من بابيون أو يدخلها فى خط انتاج تانى لنفس النوع
إحنا هانعمل نفس الطريقه بس مع الوزن هانعمل ( تركيز وزن ) بالخطوات التاليه
أول حاجه ـ ملاحظه الخلفات أثناء فتره الرضاعه واختيار أكبر الخلفات الذكور حجما
واختيار الذكور له حكمه فى أن الذكر يستطيع تلقيح أكثر من أنثى
وبالتالى الوصول لنتيجه أسرع فى مسأله تركيز الوزن
تانى حاجه طبعا الصبر ـ ودى مطلوبه وبشده فى مسأله تربيه الأرانب عموما
تالت شئ ـ هو التصميم على الوصول لنتيجه إيجابيه
لأنك بتتعامل مع حيوان يمتلك عدد مهول من الجينات الوراثيه
وممكن طبعا صفتين الوزن الكبير وسرعه النمو يظهروا معاك من أول خلفات
وممكن تتأخر لحد ما تظهر بعد سنه ( وده حصل معايا شخصيا)
وطبعا كل ما يكون الأرنب سريع النمو وبيحمل وزن كويس يكون عنده
استعداد كبير لظهور نفس الصفتين ( سرعه النمو وزياده الوزن) فى الأجيال المنتجه
من نفس الأرنب ـ ظهر عندى أنثى من أب فلاندر (وزن 4 كيلو ) وأم بابيون ( وزن 4.25 كيلو )
ظهرت أنثى 4.625 كيلوا وعمرها 5 شهور وبتتلقح وتولد
وفيها كل صفات الأنثى المثاليه بما فيها طول الجذع ووجود 10 حلمات ظاهره رضاعه
يا رب تكون الفكره مفيده
oso
مشكور اخي الكريم
احب اضيف ان انا بركب خيش بتاع الشكاير الغله علي الشبابيك المقابلة للشفاط
وبوصل خط مياة اعلي الشباك بماسورة بها فتحات تنقيط
بحيث تبلل الخيش بمعدل متوسط
ومع دخول الهواء يصطدم بالخيش ويدخل هواء ساقع..........نفس فكرة المبرد الصحراوي
بس علي قدي طريقة يدوية
عمرو عقبه
الأخ الفاضل محمد الطويله..
السلام عليكم..
أعجبتنى جدا مشاركاتك وفى الحقيقه قليل هم من يجودون بتجاربهم (اللى فى الجون)..
ولذا أحى فيك حب الخير للغير..
أنت والأخ محمد الروبى والأخ أسامه..
المهم..
كنت عاوز أستفسر منك..
أنا كل اللى عندى 10 أمهات.. ودكرين.. تمام.
وأقصى وزن ممكن يحصل ويكون طفره 3 كيلو وشوية جرامات..
طيب لو هتتبع طريقة حضرتك فى انتاج سلاله جيده..
هتواجهنى مشكله..
هى أنى قد أحصل على ذكر كويس وأنثى كويسه.. بس يكون مثلا هم من نتاج نفس الأم أو نفس الذكر.. يعنى اخوات من ذكر أو من أم..
فهل لو تم التلقيح بينهم يؤثر سلبا على السلاله؟؟؟؟؟؟؟؟
رجاء الافاده.. ولك خالص الشكر
oso
اتوقع بنسبة كبيرة ان يكون في مشكله
طب لية مدخلش ام او دكر من بكرة يكون افضل شويه في الوزن؟؟
محمد طويله
عمرو عقبه كتب:
الأخ الفاضل محمد الطويله..
السلام عليكم..
أعجبتنى جدا مشاركاتك وفى الحقيقه قليل هم من يجودون بتجاربهم (اللى فى الجون)..
ولذا أحى فيك حب الخير للغير..
أنت والأخ محمد الروبى والأخ أسامه..
المهم..
كنت عاوز أستفسر منك..
أنا كل اللى عندى 10 أمهات.. ودكرين.. تمام.
وأقصى وزن ممكن يحصل ويكون طفره 3 كيلو وشوية جرامات..
طيب لو هتتبع طريقة حضرتك فى انتاج سلاله جيده..
هتواجهنى مشكله..
هى أنى قد أحصل على ذكر كويس وأنثى كويسه.. بس يكون مثلا هم من نتاج نفس الأم أو نفس الذكر.. يعنى اخوات من ذكر أو من أم..
فهل لو تم التلقيح بينهم يؤثر سلبا على السلاله؟؟؟؟؟؟؟؟
رجاء الافاده.. ولك خالص الشكر



قال الرسول عليه الصلاةوالسلام
خيركم من تعلم العلم وعلمه ـ صدق رسول الله
وبناء عليه من الواجب على كل انسان ألا يكتم علما أعطاه الله إياه
ودى خبره ربنا أعطاها لينا ولو منعناها عن الناس ربنا هايمنعها عننا
بالنسبه للأرانب التزاوج من نفس الأسره يعنى من نتاج نفس الأم ونفس الذكر
أو بين أنثى وخلفتها أو ذكر وخلفته بيكون كله مشاكل
عدد خلفات قليل وأجنه مشوهه وخلفات معوقه
ولو طلعت خلفات سليمه بتكون ضعيفة المقاومه للأمراض
إلا أن يشاء الله غير ذلك
فطبعا إبعد عن التزاوج من نفس الأسره
بالنسبه للأرانب عندك هات ذكر ثالث وهايكون عندك 10 أمهات و 3 ذكور
قسمهم إلى 3 مجموعات
مجموعه أ / (ذكر و3أمهات)
مجموعه ب/ (ذكر و3 أمهات)
مجموعه ج / (ذكر و4 أمهات)
وتشغل كل مجموعه لوحدها بعيد عن الثانيه يعنى ذكر المجموعه ( أ )
لا يقوم إلا بتلقيح إناث المجموعه ( أ ) ونفس الشئ ينطبق على باقى المجموعات
هاتختار أفضل ذكر من نتاج المجموعه ( ب ) وتعمل تزاوج بينها وبين أفضل إناث فى نتاج المجموعه ( أ )
ومن ناتج التزاوج (أفضل نتاج طبعا) اعمل تزاوج بين الإناث وبين أفضل ذكر فى المجموعه ( ج )
بمعنى أفضل ذكر فى ناتج المجموعه ( ج ) اعمل تزاوج بينه وبين أفضل 3 إناث من نتاج تزاوج المجموعتين ( أ,ب )
وأفضل إناث فى التزاوج ده هات ليهم أفضل ذكر من المجموعه ( أ ) لأنك أخدت منها الإناث قبل كده
(((((وتعكس العمليه كل مره
المجموعه اللى أخدت منها الذكر آخر مره خد منها الإناث المره اللى بعدها
واللى أخدت منها الإناث آخر مره هتاخد الذكر المره اللى بعدها )))))
واختار أفضل إناث فى نتاج آخر تزاوج ولقحهم بأفضل ذكر من المجموعه ( أ ) اللى انت أخدت منها الإناث قبل كده
يعنى تاخد من المجموعه الواحده مره إناث ومره ذكر وتفضل ماشى على كده
تعدد المجموعات والتباعد بين أجيال الأرانب بيبعدك كل البعد عن مشكلات تزاوج الأقارب
يا رب أكون قدرت أوصل ليك المعلومه والطريقه لأن الأمر متداخل وأشبه بالجديله أو الضفيره بتاعه البنات


أبــو أدهــم
M.Tawela كتب:
عمرو عقبه كتب:
الأخ الفاضل محمد الطويله..
السلام عليكم..
أعجبتنى جدا مشاركاتك وفى الحقيقه قليل هم من يجودون بتجاربهم (اللى فى الجون)..
ولذا أحى فيك حب الخير للغير..
أنت والأخ محمد الروبى والأخ أسامه..
المهم..
كنت عاوز أستفسر منك..
أنا كل اللى عندى 10 أمهات.. ودكرين.. تمام.
وأقصى وزن ممكن يحصل ويكون طفره 3 كيلو وشوية جرامات..
طيب لو هتتبع طريقة حضرتك فى انتاج سلاله جيده..
هتواجهنى مشكله..
هى أنى قد أحصل على ذكر كويس وأنثى كويسه.. بس يكون مثلا هم من نتاج نفس الأم أو نفس الذكر.. يعنى اخوات من ذكر أو من أم..
فهل لو تم التلقيح بينهم يؤثر سلبا على السلاله؟؟؟؟؟؟؟؟
رجاء الافاده.. ولك خالص الشكر



قال الرسول عليه الصلاةوالسلام
خيركم من تعلم العلم وعلمه ـ صدق رسول الله
وبناء عليه من الواجب على كل انسان ألا يكتم علما أعطاه الله إياه
ودى خبره ربنا أعطاها لينا ولو منعناها عن الناس ربنا هايمنعها عننا
بالنسبه للأرانب التزاوج من نفس الأسره يعنى من نتاج نفس الأم ونفس الذكر
أو بين أنثى وخلفتها أو ذكر وخلفته بيكون كله مشاكل
عدد خلفات قليل وأجنه مشوهه وخلفات معوقه
ولو طلعت خلفات سليمه بتكون ضعيفة المقاومه للأمراض
إلا أن يشاء الله غير ذلك
فطبعا إبعد عن التزاوج من نفس الأسره
بالنسبه للأرانب عندك هات ذكر ثالث وهايكون عندك 10 أمهات و 3 ذكور
قسمهم إلى 3 مجموعات
مجموعه أ / (ذكر و3أمهات)
مجموعه ب/ (ذكر و3 أمهات)
مجموعه ج / (ذكر و4 أمهات)
وتشغل كل مجموعه لوحدها بعيد عن الثانيه يعنى ذكر المجموعه ( أ )
لا يقوم إلا بتلقيح إناث المجموعه ( أ ) ونفس الشئ ينطبق على باقى المجموعات
هاتختار أفضل ذكر من نتاج المجموعه ( ب ) وتعمل تزاوج بينها وبين أفضل إناث فى نتاج المجموعه ( أ )
ومن ناتج التزاوج (أفضل نتاج طبعا) اعمل تزاوج بين الإناث وبين أفضل ذكر فى المجموعه ( ج )
بمعنى أفضل ذكر فى ناتج المجموعه ( ج ) اعمل تزاوج بينه وبين أفضل 3 إناث من نتاج تزاوج المجموعتين ( أ,ب )
وأفضل إناث فى التزاوج ده هات ليهم أفضل ذكر من المجموعه ( أ ) لأنك أخدت منها الإناث قبل كده
(((((وتعكس العمليه كل مره
المجموعه اللى أخدت منها الذكر آخر مره خد منها الإناث المره اللى بعدها
واللى أخدت منها الإناث آخر مره هتاخد الذكر المره اللى بعدها )))))
واختار أفضل إناث فى نتاج آخر تزاوج ولقحهم بأفضل ذكر من المجموعه ( أ ) اللى انت أخدت منها الإناث قبل كده
يعنى تاخد من المجموعه الواحده مره إناث ومره ذكر وتفضل ماشى على كده
تعدد المجموعات والتباعد بين أجيال الأرانب بيبعدك كل البعد عن مشكلات تزاوج الأقارب
يا رب أكون قدرت أوصل ليك المعلومه والطريقه لأن الأمر متداخل وأشبه بالجديله أو الضفيره بتاعه البنات




الفكرة دى جميلة ومجربة ... المزرعة عندى خطين وشغالين بالأسلوب ده

بارك الله فيك
oso
مش قلتلكو....محمد ابو طويلة مشكله لوحدة
انت المفروض تبقي مكان زويل
عمرو عقبه
لا حرمنى الله صائب رأيك

1014
محمد طويله
oso كتب:
مش قلتلكو....محمد ابو طويلة مشكله لوحدة
انت المفروض تبقي مكان زويل


يا راجل حرام عليك
ماتظلمش د/ أحمد ز
ويل
محمد طويله
عمرو عقبه كتب:
لا حرمنى الله صائب رأيك

1014


ربنا يستجيب منك
ويا رب أكون قدرت أوصل ليك
المعلومه
شيتوس
جزاك
rabbit2012
فكرة ممتازة
محمد طويله
السلام عليكم ورحمه الله وبركاته
(مازلت أذكر أننى فى حاجه إلى مشاركه أصحاب الخبرات الخاصه)

أعرض عليكم اليوم أسلوبى الشخصى فى إعدام الأمهات
ومحدش يستغرب من العنوان
كل البيطريين والمهندسين متفقين على مبدأ واحد بالنسبه للأمهات
@@ عدم تربيه الأم أكثر من موسم واحد @@
لأسباب منها إنها فى الموسم الثانى تبدأ خصوبتها تقل تدريجيا
وإنها بتكون مجهده من كثره الحمل والولاده وإنه من الأفضل إنك تسبدلها فى نهايه الموسم
بأنثى أخرى تبدأ العمل معك مع أول الموسم الجديد أو إنك تجيب أنثى أخرى جاهزه مع بدايه الموسم الجديد
وممكن تشغل الأنثى موسم تانى لو انت شايف إنها أثنى كويسه وممكن تمشى معاك لموسم كمان
ده رأى الأطباء والمهندسين وأنا متفق معهم تماما فى هذا الشأن
ولكن أثناء هذا الموسم الوحيد الذى نستعمل فيه الأنثى كيف نستعملها
الأنثى فى مشروع الأرانب هى وحده الإنتاج التى يقوم عليها المشروع
أنا أتعامل مع وحده الإنتاج هذه أنه إما أن أستفيد أقصى استفاده منها وإما لا
أسلوبى الشخصى فى هذا الشأن ( مع مراعاه كافه الشروط الصحيه للأنثى )
أقوم بتلقيح الأنثى بعد الولاده بأسبوع كامل مهما كان عدد الخلفات
وبالنسبه للفطام أقوم بالفطام على عمر 35 يوم
الأسلوب ده زى ما هو مجهد جدا للأنثى بيكون مفيد جدا للمشروع بالكامل
1ـ فطام الصغار على عمر 35 يوم بيجنبك تماما 95% من مشكلات الفطام
2ـ الخلفات بتكون سريعه النمو وبتتأقلم مع عدم وجود الأم بسرعه شديده
3ـ النتاج بيكون خلفات قويه تستطيع أن تقاوم الكثير من الأمراض
4ـ إنك بتاخد خلفات قويه تستطيع أن تنتقى منها أمهات وذكور قويه لمواصله
مشروعك وخصوصا انك هتاخد إناث تقدر تستحمل
اسلوبك الصعب فى التلقيح والفطام (ودى هى الفايده الكبيره )
وسبب الفايده الكبيره دى هو ان لبن الأم هو أفضل غذاء ودواء للأرانب بإجماع الجميع
وفيه كل العناصر المؤثره تأثير إيجابى فى إنشاء أرنب بجسد قوى وصحه ممتازه
فأنا بسمح للأرنب بأطول فتره ممكنه ياخد منها من الغذاء الربانى من صنع الخالق عز وجل
اللى هو أكيد أفضل من أى علف وأفضل من اى محسنات غذائيه ودوائيه
النتيجه العمليه
لو كان تحت الأم مثلا عدد 5 أو 6 خلفات كنت أجد أوزان فى أرانب الفطام أوزانها كيلوا كامل
وطبعا كان وزنه بيوصل 2 كيلوا قبل ما يتم الشهرين

وبالنسبه للأمهات على ما بتوصل لأخر الموسم بتكون أجهدت تماما
وفى كل الأحوال انت بتستبدلها على حسب نصائح الأطباء والمهندسين

الإستثناءات
الإستثناء الوحيد هو مرض الأم بمرضه يمنعها من الحمل أو من الرضاعه
عمرو عقبه
تعرف انا لضيق المكان تركت الضغار مع الام اكتر من 40 يوم وفعلا كان تقدمهم ممتاز مقارنه بالذين يتم فطامهم على سن أصغر
a.abdelghani
الأخ محمد طويله
نظرا لتميز الموضوع وثراءه
تم تثبيته وتعديل عنوانه قليلا
تقبل مرورى
محمد الروبي
لو كان تحت الأم مثلا عدد 5 أو 6 خلفات كنت أجد أوزان فى أرانب الفطام أوزانها كيلوا كامل
وطبعا كان وزنه بيوصل 2 كيلوا قبل ما يتم الشهرين

قصدك بعض منهم بيوصل كيلو والبعض اقل صح
محمد طويله
محمد الروبي كتب:
لو كان تحت الأم مثلا عدد 5 أو 6 خلفات كنت أجد أوزان فى أرانب الفطام أوزانها كيلوا كامل
وطبعا كان وزنه بيوصل 2 كيلوا قبل ما يتم الشهرين

قصدك بعض منهم بيوصل كيلو والبعض اقل صح


أيوه طبعا
أرنب واحد أو بالكتير أوى اتنين
مشوفتش أبدا أكتر من كده
حتى لما كان عندى أرنبه تحتيها واحد بس
وزنه عند الفطام كان كيلو و 100 جرام فطام عن عمر 30 يوم
وأفضل نتيجه حصلت عندى كانوا أرنبين من ضمن 5 خلفات
أب فلاندر وأم نيوزيلاندى واحد فيهم كيلو كامل والتانى كان 950 جرام
وأقلهم كان 500 جرام
غير كده وزن الفطام اللى بيوصل كيلوا كامل كان يعتبر قليل
بس موجود
محمد طويله
عمرو عقبه كتب:
تعرف انا لضيق المكان تركت الضغار مع الام اكتر من 40 يوم وفعلا كان تقدمهم ممتاز مقارنه بالذين يتم فطامهم على سن أصغر



ورد أخى عمرو هو مثال واضح على ايجابيه الفكره
وتأثيرها القوى فى عمليه الإنتاج
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى