منتدى الأرانب للجميع
خبرات خاصة نقاش مفتوح فى تربية الأرانب  - صفحة 3 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

خبرات خاصة نقاش مفتوح فى تربية الأرانب  - صفحة 3 Rabbit10


منتدى الأرانب للجميع
خبرات خاصة نقاش مفتوح فى تربية الأرانب  - صفحة 3 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

خبرات خاصة نقاش مفتوح فى تربية الأرانب  - صفحة 3 Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

خبرات خاصة نقاش مفتوح فى تربية الأرانب

17042011
خبرات خاصة نقاش مفتوح فى تربية الأرانب

الإخوه الأفاضل
يمتلك البعض من رواد المنتدى خبرة ليست بالقليله فى مجال التربيه
والمقصود من هذا الموضوع هو اتاحة لفرصه لكل صاحب خبره أي يستفيد الآخرون من خبراته
فى كل مجال يتعلق بالتربيه
وليس المقصود هنا هو الخبرات العاديه
ولكن الخبرات الخاصة التى نادرا ما توجد مثل موضوعى عن تربيه وتدريب ذكور الأرانب
هذه ليست دعاية للموضوع ولا تفاخر به أو بنفسى
ولكن هذه هى الحقيقة لأنى فعلا لم أجد موضوع مماثل فى أيا من الكتب أو المراجع العلميه أو حتى عند المهندسين أو البيطريين المتخصصين وده رابط الموضوع
[ندعوك للتسجيل في المنتدى أو التعريف بنفسك لمعاينة هذا الرابط]
المهم أرجو أن من لديه أى خبرات خاصة إفادة الجميع بها
لأننا جميعا ـ وانا قبل الجميع ـ نحتاج إلى مثل هذه الخبرات
وهذا الموضوع لتعم الفائدة

أخوكم محمد طويله


عدل سابقا من قبل a.abdelghani في السبت نوفمبر 05, 2011 9:43 pm عدل 2 مرات (السبب : التثبيت وتعديل العنوان)

تعاليق

محمد طويله
oso كتب:
عشان صدمة الفطام اولا
ثانيا عشان اي امراض اخري...لانة مضاد حيوي عام وبيشتغل عالكوكسيديا اللي تبدأ نشاطها في العمر دة
وميحصلش لا انتفاخات ولا اسهالات..ولا برد


ماهو علشان كل المشكلات دى أنا بفطم على عمر 35 يوم
ونتيجه ده زى ما كتبت قبل كده
1ـ بيجنبك تماما 95% من مشكلات الفطام
2ـ الخلفات بتكون سريعه النمو وبتتأقلم مع عدم وجود الأم بسرعه شديده
3ـ النتاج بيكون خلفات قويه تستطيع أن تقاوم الكثير من الأمراض
4ـ إنك بتاخد خلفات قويه تستطيع أن تنتقى منها أمهات وذكور قويه لمواصله
مشروعك وخصوصا انك هتاخد إناث تقدر تستحمل
اسلوبك الصعب فى التلقيح والفطام (ودى هى الفايده الكبيره )
وسبب الفايده الكبيره دى هو ان لبن الأم هو أفضل غذاء ودواء للأرانب بإجماع الجميع
وفيه كل العناصر المؤثره تأثير إيجابى فى إنشاء أرنب بجسد قوى وصحه ممتازه
فأنا بسمح للأرنب بأطول فتره ممكنه ياخد منها من الغذاء الربانى من صنع الخالق عز وجل
اللى هو أكيد أفضل من أى علف وأفضل من اى محسنات غذائيه ودوائيه

وصدقنى بعد ما اشتغلت بالطريقه دى حالات الكوكسيديا شبه معدومه
وأصبح استخدام السلفا قليل ونادر
oso
انا بتبع نفس الطريقة
بس بديه احتياطيا
تكلفة الدوا ل200 ارنب 10 جنية مش موضوع المهم يعدو بالسلامة
محمد طويله
oso كتب:
انا بتبع نفس الطريقة
بس بديه احتياطيا
تكلفة الدوا ل200 ارنب 10 جنية مش موضوع المهم يعدو بالسلامة


بتتبع نفس الطريقه بتفطم على 35 يوم ؟؟
طيب بالله عليك ايه أخبار النتائج بتاعتها معاك
oso
احيانا بطم علي اكتر من كدة
والحمد لله ممكن مستخدمش دوا طول عمرهم
ولاحظت ان المناعة عالية
وسبت بعضهم بقالهم في العمر 4 سنين والانتاج جيد جدا
ومبياخدوش اي تحصين من اي نوع
ولا حظت المقاومة للجرب عالية
نادرا الاصابة
كلامك مظبوط
محمد طويله
oso كتب:
احيانا بطم علي اكتر من كدة
والحمد لله ممكن مستخدمش دوا طول عمرهم
ولاحظت ان المناعة عالية
وسبت بعضهم بقالهم في العمر 4 سنين والانتاج جيد جدا
ومبياخدوش اي تحصين من اي نوع
ولا حظت المقاومة للجرب عالية
نادرا الاصابة
كلامك مظبوط


ألف مليون شكر على الكلام الممتاز ده
اللى بيأكد إن اسلوبى ممتاز رغم إنه اسلوب قاسى
وما دومت بتربى من 4 سنوات
يبقى أكيد عندك أفكار تفيدنا بيها
إنت مش بتتكلم ليه
محمدحامد
مساء الخير وشكرا علي الكلام اللي كله خبرة
انا عندي ارنبة ولددت النهارده وادتها نص سم مضاد حيوي اسيبها اسبوع قبل ماتعشر ولا اعمل زي معظم الناس واحطها للذكر بكره
محمد طويله
محمدحامد كتب:
مساء الخير وشكرا علي الكلام اللي كله خبرة
انا عندي ارنبة ولددت النهارده وادتها نص سم مضاد حيوي اسيبها اسبوع قبل ماتعشر ولا اعمل زي معظم الناس واحطها للذكر بكره


العفو يا أخى
بالنسبه للتلقيح أنا ذكرت أسلوبى الشخصى ولا يجوز لى أفرضه على أحد
حتى وان كان اسلوب ناجح بتجربتى الشخصيه وبتجربه وشهاده كل
إخوانى عمرو عقبه واسامه ( oso ) ولكنى لا استطيع أن أفرضه على أحد
ـ من خلال قراءتك للموضوع انت تقدر تحدد الأسلوب ده ناجح ولا فاشل
وحتى لو كنت شاكك فى نجاحه عندك ممكن تجربه مع أنثى أو اثنين لحد ما تشوف النتيجه العمليه عندك وقدام عينك
وبعد كده تشوف اذا كنت تمنعه أو تعممه على باقى الإناث
فى النهايه نصيحتى الشخصيه انك تعشر بعد اسبوع من الولاده وتفطم الصغار على سن 35 يوم
ولك كامل الحريه أن تأخذ بها أو لا
seco
فكره جميله لنظافه الفيبر اوتماتيك
seco
ماهى فكره نظافه الفيبر اوتماتيك
محمد طويله
seco كتب:
ماهى فكره نظافه الفيبر اوتماتيك


نحن فى انتظار رد أخى محمد الروبى
احمد عرابي
محمد باشا
للاسف اول مرة افتح الموضوع بتاعك وسائني جدا انه مفيش حد ساعدك في طرح تجاربه الشخصية او خبراته الا بعد سؤاله عنها
- خط المياه الاوتوماتك المنتهي بخرطوم بدل الطبة هو فكرة ممتازة اشتغلت بيها مدة كبيرة .
- التلقيح بعد اسبوع من الولادة حسيت بجودة الاسلوب ده مع اول سلالة اشتغلت منه لانها بتريح يعني مناعة كويسة وقوة بدنية عالية وكفاءة الارضاع ده غير سلالات اللحم وزن الفطام كان متوسط الواحد في البطن 700 جرام وعلي عمر 70 يوم بيكون من 2.25 ك لـ 2.5 وانسى حالات الهزال والضعف اللي بتيجي للامهات من التلقيح المباشر بعد الولادة وضعف الخلفة و رركود النمو في الفطام.
-واستناني ان شاء الله اشارك معاك بحاجات تانية .............. وخير الناس انفعهم للناس
محمد طويله
M.Tawela كتب:
seco كتب:
ماهى فكره نظافه الفيبر اوتماتيك


نحن فى انتظار رد أخى محمد الروبى


نظرا لتأخر رد أخى محمد الروبى فسأطرح اسلوبى

فى بدايه التربيه البسيطه كنت بثبت المشمع فى البطاريه بميل كبير للأسفل
وفى نهايه الميل يتم وضع جردل لتجميع البول و الفضلات
والملاحظ انه لم يكن يتم نزول كل الفضلات أو البول وكان الحل المباشر هو
استخدام أى عبوه مياه أو جركن كبير لدفع الفضلات المتبقيه على المشمع إلى الجردل
وللأسف لم تكن كافيه للنظافه أيضا لأنى ومع مرور الوقت كنت أجد شئ أشبه بالقشور الصفراء متكلسه ومتجمعه على المشمع
وأعتقد ان ده خليط من الإجسان الصلبه الموجوده فى البول + الناعم من العلف المتساقط اثناء الأكل + بعض
الشعيرات المتساقطه من الأرنب نفسه يعنى المحصله هى أوساخ موجوده بشكل دائم على المشمع
يعنى كل أمراض الأرانب الجلديه وارده الحدوث

والحل كان برضه فى استخدام المياه ولكن باسلوب مختلف
قمت بتوصيل خرطوم مياه على خط المياه مباشره مقاسه 3/4 بوصه وينتهى الخرطوم بحنفيه
للتحكم فى فتح وغلق المياه ومن الحنفيه يتم اخراج خرطوم مياه آخر مقاسه 1/2 بوصه
وفى نهايه الخرطوم الـ 1/2 بوصه يتم تثبيت أى شئ حتى ولو قلم جاف مكسور لتضييق فتحه خروج المياه
والنتيجه من هذا
خروج المياه من الخرطوم الواسع إلى الخرطوم الضيق ثم الى فتحه اضيق يؤدى لخروج المياه باندفاع كبير جدا
وعند تنظيف المشمع يتم كسح أى مخلفات متبقيه على المشمع مهما كانت ملتصقه به
وهذا يؤدى الى أمرين
الأول / نظافه دائمه للمشمع مع التأمين التام من حدوث أى حاله من حالات الأمراض الجلديه للأرانب
إلا أن يشاء الله غير ذلك
والثانى / هو التوفير الشديد فى استخدام المطهرات لأنها ستستخدم بشكل وقائى فقط لا غير
وقد لا تستخدم بالمره الا عند اللزوم لأن المكان نظيف أصلا
ولكن لابد من مراعاة نقطتين
1ـ التثبيت الجيد للمشمع حتى لا يؤدى ضغط المياه الزياده الى فصله عن البطاريه
2ـ عند التنظيف لابد من جعل اندفاع المياه بشكل مائل على قدر الإمكان وليس بشكل عمودى على المشمع
حتى لا يشكل ضغط على المشمع فيؤدى الى انفصاله عن البطاريه

يا رب أكون قدرت أوصل المعلومه

محمد طويله
احمد عرابي كتب:
محمد باشا
للاسف اول مرة افتح الموضوع بتاعك وسائني جدا انه مفيش حد ساعدك في طرح تجاربه الشخصية او خبراته الا بعد سؤاله عنها
- خط المياه الاوتوماتك المنتهي بخرطوم بدل الطبة هو فكرة ممتازة اشتغلت بيها مدة كبيرة .
- التلقيح بعد اسبوع من الولادة حسيت بجودة الاسلوب ده مع اول سلالة اشتغلت منه لانها بتريح يعني مناعة كويسة وقوة بدنية عالية وكفاءة الارضاع ده غير سلالات اللحم وزن الفطام كان متوسط الواحد في البطن 700 جرام وعلي عمر 70 يوم بيكون من 2.25 ك لـ 2.5 وانسى حالات الهزال والضعف اللي بتيجي للامهات من التلقيح المباشر بعد الولادة وضعف الخلفة و رركود النمو في الفطام.
-واستناني ان شاء الله اشارك معاك بحاجات تانية .............. وخير الناس انفعهم للناس


شكرا ليك يا احمد على تأكيدك لصحه اسلوبى
وشكرا ليك ايضا على تعاونك معانا
وفى انتظار كل جديد وجميل منك ان شاء الله
شيتوس
بسم الله
استاذ محمدمشكور جداعلي المجهود والمعلومات القيمه بس ممكن استأذن في حاجه انت تعيد موضوع التخلص الفضلات بس بهدوء عشان اعرف اجمعه مع اعتبار ان مفيش عندي نظام صرف في الارض يعني مش عايزه حاجه تنزل علي الارض ياتري دي ينفع؟
1003
محمد طويله
طيب حضرتك ممكن توضحيلى الحاجات اللى أنا قدرت أوصلهالك
والموجوده وثابته فى تفكيرك وأنا بإذن الله أكملك أى شئ مش واضح
شيتوس
بصراحه انا مش متخيله الموضوع من الاول
اللي انا بعمله دلوقتي اني بركب مفرش وبغيره كل يومين تقريبا وبغسله كويس وبرجع اركبه طبعا دي متعب جدا جدا بالنسبه ليا عشان كده بدور علي طريقه تانيه
1003
seco
شكرا ليك يا أستاذ محمد على عرض تجربتك فى تجميع الفضلات
جزاك الله خيرا
محمد طويله
بسم الله نبدأ
أرضيه البطاريه على شكل مستطيل فيها ضلعين أكبر من ضلعين
الضلعين الكبار بيتم تثبيت عودين خشب يتم ربطهم بسلك فى البطاريه
يتم تثبيت مشمع فى عودين الخشب ويتم تثبيه بميل
الجزء المائل من المشمع يوضع أسفله مباشره جردل أو أى عبوه كبيره لتجميع الفضلات
فى الصوره هانعتبر ان متوازى المستطيلات هو البطاريه
وإن الجزء شبيه المثلث المائل أسفلها هو المشمع
وأن الجزء ذو الفتحه الدائريه فى الأسفل هو الجردل الذى يتم تجميع الفضلات فيه

خبرات خاصة نقاش مفتوح فى تربية الأرانب  - صفحة 3 869610331
بخصوص تنظيف المشمع

كل المطلوب هو خرطوم مياه موصل بالحنفيه مباشره ويتم تضييق فتحته لتخرج منه المياه مندفعه
ويتسعمل الماء المندفع لتنظيف المشمع المثبت فى البطاريه والماء مع الفضلات أو أى أوساخ
ستتجمع فى الجردل الموجود أسف البطاريه
وطبعا ده بيتعمل فى كل البطاريات الموجوده فى المكان

بعد تنظيف كل المشمعات هاتكون الجرادل كلها مملوءه بالماء والفضلات والأوساخ ولازم تفضى وتنظف

لتفريغ الجرادل دون التسبب فى أى انسداد لمواسير الصرف
يتم تجهيز جردل مياه مملوء بالثقوب من الأسفل
وبالتعبير الدارج قعر الجردل متخرم من كل ناحيه زى المنخل أو الغربال
ويتوضع الجردل على شئ عالى زى قالبين طوب مثلا
علشان يكون موجود فراغ بين قعر الجردل وبين الأرض للسماح بالمياه بالخروج منه
ويتم وضع الجردل ده فى مكان الصرف عندكم ( حمام أو الجرن أو البلاعه )
ـ مكان تصريف المياه فى البيت عندكم ـ
بعد تنظيف المشمعات بخرطوم المياه يتم حمل الجرادل كلها واحد تلو الآخر وتسكب الجرادل
فى الجردل المخرم المياه الزائده تذهب الى الصرف مباشره والفضلات تظل موجوده فى الجردل
وبيكون سهل بعد كده انك تشيلها وترميها
والجرادل ترجع مكانها تانى تحت البطاريات
وكده هاتكون أرضيه الغرفه محتاجه انها تتكنس وتتمسح مره واحده كل اسبوع
لأنها لا تتلقى إلا القدر اليسير جدا من الفضلات
يا رب أكون قدرت أوصل الأمر بشكل واضح
وأى استفسار تحت امركم
محمد طويله
seco كتب:
شكرا ليك يا أستاذ محمد على عرض تجربتك فى تجميع الفضلات
جزاك الله خيرا


العفو
تحت امرك
شيتوس
بسم الله
بجد ربنا يكرمك ويباركلك
KIFYFU
محمد طويله
شيتوس كتب:
بسم الله
بجد ربنا يكرمك ويباركلك
KIFYFU


تحت امرك
ويارب اكون قدرت اوصل المعلومه بشكل أوضح

أبــو أدهــم
مجهود رائع ومتميز منك يا محمد

بالنسبة للفطام على عمر 35 يوم فهو بلا أدنى شك ممتاز ممتاز ممتاز وعن تجارب، ولكن تلك التجارب كانت إجبارية، فمثلا عندما تسلب الأم كانت تعطينى فرصة 10 أيام زيادة.
ولكن
موضوع التلقيح بعد أسبوع ده فخلينا نكون واقعيين وصريحين شوية، وكذلك لنتفق على معلومة بيطرية موثقة وهى أن أفضل أيام الشياع والتلقيح للإناث بعد الولادة هى اليوم الثانى للولادة ، اليومين الثامن والتاسع من الولادة ، و اليوم الواحد والعشرون من الولادة ، بعد الفطام.
ودعنا نتفق إنه توجد لدى الجميع إناث رخمة وبتتدلع دلع ماسخ ممكن متقبلش التلقيح فى أى وقت من الأوقات دى ، ولكن 95 % منهم بيقبلوا التلقيح ثانى يوم الولادة.
ومن هنا فأرى أن ترك الأم لتلقيحها بعد أسبوع مخاطرة ممكن توصلنى للحصول على 5: 8 أرانب من الأم كل شهرين و نص إلى ثلاثة أشهر، وده طبعاً يعتبر خراب لمشروع اقتصادى.
------------
بالنسبة لفكرة النظافة فأفكارك رائعة جداً ، وأحب أقولك إنى عند التطهير بوصل فعلا مصدر مائى قوى مكان الطبة لتدفع الأوساخ المتعلقة داخ المواسير الى داخل الجردل ( السقاية ) وعملية جداً.
النقطة التانية المتعلقة بالنظافة انى بركب عودين الخشب على الضلعين القصيرين والميل بيكون للأمام ( يعنى تحت بيوت الولادة ) وده أسهل فى تجميع المخلفات مع خط الإنتاج.
النقطة الثالثة والمتعلقة أيضا بالنظافة إنى بستخدم مسدس مياه موصول بكمبريسور هواء بيعطينى ضغط مياه زى اللى فى مغاسل السيارات مع كم مياه ليست بالكثيرة وبيطير المواد المتصلبة على المشمعات ، ولكن للأسف لازم كل شهر ونص نفك المشمعات وندعكها بالفرش لتنظيفها 100 %.

تقبلوا جميعا التحية
محمد طويله
كل شيخ وليه طريقه يا ابو ادهم
المهم ان كل واحد يوصل بطريقته للنتيجه اللى هو عايزها
ومن ناحيه رفض الأنثى للتلقيح راجع على موضوعى ده

[ندعوك للتسجيل في المنتدى أو التعريف بنفسك لمعاينة هذا الرابط]
مفيش أنثى اسمها ترفض التلقيح
احمد عرابي
موضوع التلقيح بالتاكيد مش هنتفق كلنا عليه ولا كل الانهات بتشتغل عليه مثلا كان عندى مجموعة اناث لا تقبل التلقيح نهائيا الا بعد 30 يوم من الولادة وكانت خلفتهم لا تقل عن 10 واوزانهم وقت البيع بتتفوق على غيرهم وعلشان كده كنت بشغلهم طول السنة حر وبرد بلا توقف
بالنسبة لتنظيف المشمع اولا انا بشتغل بالجلد بتاع الاعلانات والدعاية مش بالمشمع العادي وده تنظيفه سهل جدا ولو حد بيقول انه غالي بقوله استنى شوية ومتتعصبش بالتاكيد مش هنحطه جديد لو جنبك مطبعة بتاعة اعلانات ممكن تجيب اللافتات اللي فيها اخطاء او التالفة وهيديهالك في حدود 15 لـ30 جنيه حسب مقاسها وبيركب بنفس الطريقة اللي وضحها ا/ محمد بس في نقطة الجلاد بيركب في كل قفصين ورا بعض عكس عكاس يعني كل قفصين ورا بعض بيرموا في جردل واحد (للي مشغل صفوف فردية) وعلي فكرة الجلاد ده املس جدا ومع اقل ضغط للمياه بتنزل كل العوالق من علية ومفيش مانع لو مسحة كل اسبوع او 10 ايام بالليفة والصابون
ولكم جزيل الشكر
avatar
احمد عرابي كتب:
موضوع التلقيح بالتاكيد مش هنتفق كلنا عليه ولا كل الانهات بتشتغل عليه مثلا كان عندى مجموعة اناث لا تقبل التلقيح نهائيا الا بعد 30 يوم من الولادة وكانت خلفتهم لا تقل عن 10 واوزانهم وقت البيع بتتفوق على غيرهم وعلشان كده كنت بشغلهم طول السنة حر وبرد بلا توقف بالنسبة لتنظيف المشمع اولا انا بشتغل بالجلد بتاع الاعلانات والدعاية مش بالمشمع العادي وده تنظيفه سهل جدا ولو حد بيقول انه غالي بقوله استنى شوية ومتتعصبش بالتاكيد مش هنحطه جديد لو جنبك مطبعة بتاعة اعلانات ممكن تجيب اللافتات اللي فيها اخطاء او التالفة وهيديهالك في حدود 15 لـ30 جنيه حسب مقاسها وبيركب بنفس الطريقة اللي وضحها ا/ محمد بس في نقطة الجلاد بيركب في كل قفصين ورا بعض عكس عكاس يعني كل قفصين ورا بعض بيرموا في جردل واحد (للي مشغل صفوف فردية) وعلي فكرة الجلاد ده املس جدا ومع اقل ضغط للمياه بتنزل كل العوالق من علية ومفيش مانع لو مسحة كل اسبوع او 10 ايام بالليفة والصابون ولكم جزيل الشكر
اولا : انا سعيد بالحوار الرائع وسعيد اكثر للروح الطيبةثانيا :بالنسبة للأم اللى متلقحش إلا بعد 30 يوم دى ام ممتازة وغالبا بتكون امومتها عالية والسبب فى عدم التلقيح هو زيادة هرمون الأمومة عندهاثالثا : دعواتى للجميع بالتوفيق وماتنسوش اتفاقنا ياعرابى انت ومحمد وربنا يوفقنا والجميع للخير
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى