منتدى الأرانب للجميع
خبرات خاصة نقاش مفتوح فى تربية الأرانب  - صفحة 4 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

خبرات خاصة نقاش مفتوح فى تربية الأرانب  - صفحة 4 Rabbit10


منتدى الأرانب للجميع
خبرات خاصة نقاش مفتوح فى تربية الأرانب  - صفحة 4 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

خبرات خاصة نقاش مفتوح فى تربية الأرانب  - صفحة 4 Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

خبرات خاصة نقاش مفتوح فى تربية الأرانب

17042011
خبرات خاصة نقاش مفتوح فى تربية الأرانب

الإخوه الأفاضل
يمتلك البعض من رواد المنتدى خبرة ليست بالقليله فى مجال التربيه
والمقصود من هذا الموضوع هو اتاحة لفرصه لكل صاحب خبره أي يستفيد الآخرون من خبراته
فى كل مجال يتعلق بالتربيه
وليس المقصود هنا هو الخبرات العاديه
ولكن الخبرات الخاصة التى نادرا ما توجد مثل موضوعى عن تربيه وتدريب ذكور الأرانب
هذه ليست دعاية للموضوع ولا تفاخر به أو بنفسى
ولكن هذه هى الحقيقة لأنى فعلا لم أجد موضوع مماثل فى أيا من الكتب أو المراجع العلميه أو حتى عند المهندسين أو البيطريين المتخصصين وده رابط الموضوع
[ندعوك للتسجيل في المنتدى أو التعريف بنفسك لمعاينة هذا الرابط]
المهم أرجو أن من لديه أى خبرات خاصة إفادة الجميع بها
لأننا جميعا ـ وانا قبل الجميع ـ نحتاج إلى مثل هذه الخبرات
وهذا الموضوع لتعم الفائدة

أخوكم محمد طويله


عدل سابقا من قبل a.abdelghani في السبت نوفمبر 05, 2011 9:43 pm عدل 2 مرات (السبب : التثبيت وتعديل العنوان)

تعاليق

محمد طويله
والله يا دكتور أنا أعتقد ان مفيش حد ابدا يتم دعوته لإجتماع أو مقابله
من واحد بوزن د/ ابراهيم ويرفض الدعوة

احمد عرابي
والله يا دكتور أنا أعتقد ان مفيش حد ابدا يتم دعوته لإجتماع أو مقابله
من واحد بوزن د/ ابراهيم ويرفض الدعوة


مين جاب سيرة الرفض ده احنا نتمنى
seco
مارأيكم فى علف الأرانب( رده ) مضاف للطن 10% فول صويا او فول بلدى ولو فى تجربه لشخص يرجى ذكرها
وجزاكم الله خيرا
avatar
بارك الله فيك اخى محمد وانت كلك اخى احمد وبإذن الله سيتم اللقاء بس شوية لأن قنطرة العربية عندى اتكسرت ولسة ابحث عن اخرى ...اخلص وبإذن الله نلتقى فورا ....دعواتكم
avatar
الأخ سيكو ....العلفة بهذا الشكل غير متوازنة وستكون دهون بنسبة كبيرة وفقيرة فى البروتين
oso
تنفع مع كسر العيش وشوية برسيم تأكل بيها الغنم تبقي ممتازة
أبــو أدهــم
M.Tawela كتب:
كل شيخ وليه طريقه يا ابو ادهم
المهم ان كل واحد يوصل بطريقته للنتيجه اللى هو عايزها
ومن ناحيه رفض الأنثى للتلقيح راجع على موضوعى ده

[ندعوك للتسجيل في المنتدى أو التعريف بنفسك لمعاينة هذا الرابط]
مفيش أنثى اسمها ترفض التلقيح


صحيح يا أخى الكريم ... كل شيخ وله طريقة.

بس أنا بعترض على آخر جملة كتبتها !!!

مفيش أنثى فى الدنيا يتم تلقيحها غصب عنها.
محمد طويله
أبــو أدهــم كتب:
M.Tawela كتب:
كل شيخ وليه طريقه يا ابو ادهم
المهم ان كل واحد يوصل بطريقته للنتيجه اللى هو عايزها
ومن ناحيه رفض الأنثى للتلقيح راجع على موضوعى ده

[ندعوك للتسجيل في المنتدى أو التعريف بنفسك لمعاينة هذا الرابط]
مفيش أنثى اسمها ترفض التلقيح


صحيح يا أخى الكريم ... كل شيخ وله طريقة.

بس أنا بعترض على آخر جملة كتبتها !!!

مفيش أنثى فى الدنيا يتم تلقيحها غصب عنها.



طيب وضحلى أكتر سبب اعتراضك
هل هو اسلوب المعامله يعنى انت بتعترض على التلقيح الإجبارى بشكل عام
وتفضل العمل بالتلقيح الطبيعى ( انت عندك كل الحق فى كده )
وأنا أوافقك تماما لأن التلقيح الطبيعى أفضل طبعا من الإجبارى
أما إذا كان اعتراضك على الفكره سببه ان الأنثى لن تقبل التلقيح
فأقول لك وعن تجربه إن الأنثى دائما تقبل التلقيح ( ده حصل معايا على الأقل )
سواء طبيعى أو بالأستك زى ما انا كاتب
وأكرر مره اخرى أن التلقيح الإجبارى هو فقط فى حاله رفض الأنثى للتلقيح
رغم عدم وجود مانع يجعلها ترفض
لا يوجد التهابات ولا اورام ولا جروح مثلا أو عامل نفسى خارجى زى الخوف او صغر السن
كل العوامل الواضحه غير موجوده يبقى نلقح اجبارى على طول
أما لو أحد هذه العوامل موجود يبقى طبعا نزيل العامل وبعدها نقدمها للذكر

احمد عرابي
بسم الله الرحمن الرحيم
نصيحة قالها لي صديق في بداية مشواري
اسباب نجاح مشروع الارانب بتنقسم نصفين الاول هو النظافة والمداومة عليها والنصف الثاني هو المتابعة "فن التعامل" والعلافة او العليقة الكويسة و التحصينات الدورية وقالي سيب موضوع العلاجات لاكتسابه واحدة بواحدة مع الزمن
اسلوب تعاملي مع الارانب ---------(انا اتقبل النصح والتوجيه وكل حاجة قابلة للتعديل وليس منا من يصل للكمال)
اولا مع دخولي العنبر تغيير المياه وتنظيف خط المياه كل 10 ايام
ثانيا المرور على قطيع التسمين و ملاحظة الجروح او تخفيف العين وخلافه
ثالثا المرور على الامهات ومتابعة العشاير والمرضعات منن حيث الارضاع او الجس او التلقيح ولي في العملية دي استراتيجية وهي-------> في الغالب الامهات بتكون عشاير ومرضعة في الوقت نفسه واقبل ما اعمل اي حاجة بفصل بين الام والخلفة وباقوم بفحص الام اولا فحص الحلمات والارجل والعيون والاذن والجس ان كان ميعاد جس واعطائها اي ادوية ان كان في سبب يستدعي ادوية او حاجة محتاجة علاج و ييجي دور الخلفة "من بعد عمر 5 ايام قبل كدة كشفهم بحساب" افتح عليهم واغير الفرشة ان كانت محتاجة لتغيير وازالة اي مخلفات واتحسس حرارتهم "المفروض يكونوا دافيين"وبعد الاطمئنان عليهم اسوي كل حاجة زي ما كانت وافتح الحاجز اللي كنت عملته الا ان كان في ارضاع اجباري بافتح للام تدخل وبعدين اقفل عليها مع الخلفة واسيبها 5 دقايق وافتح لها بعد كدة.
رابعا وده ميعاد تقديم العليقة حسب ملاحظتي ففي امهات محتاجة زيادة لكمية العلف وامهات محتاجة تقليل وعلافات عاوزة تنظيف
اللفة دي بتكون من بعد الساعة 6 صباحا وبعد ما اخلص بيكون الجو معقول صيف او شتاء افتح الشبابيك حسب ظروف المكان
خامسا وده ميعاد التنظيف وكسح المشمعات و التخلص من الزبل والبول خارج العنبر وتشغيل الشفاطات
ملاحظة في فصل الصيف في رشة مية كل يوم بالخرطوم خارج العنبر وحوله من جميع الاتجاهات ورشة ع السقف ودي بتكون من بعد الفجر --- الرش في ساعات الحر بيعمل رطوبة زيادة وصهد يعني اكون دهولت الدنيا زيادة
وفي الشتاء بعمل تغطية لقطيع التسمين مساءً علشان البرد والنزلات المعوية وكشفه الغطاء في الصباح بصورة تدريجية
خلاص كدة انا خلصت ومستني توجيهات اهل الخبرة وكل صاحب تجربة لتعديل اسلوبي مع القطيع القادم ان شاء الله
شكراً
محمد طويله
بارك الله لك يا أحمد
ايهاب الحلبونى
خبرات خاصة نقاش مفتوح فى تربية الأرانب  - صفحة 4 386261
[b]أخي العزيز أحمد عرابي أسلوبك ممتاز و استمر عليه بنفس الطريقة ولا تغير شيء و أهم نقطة أؤيدك فيها موعد رش المياه خارج العنبر و السقف
في الصيف لأن هذه النقطة يقع فيها كثير من المربين دون أن يدري
ملحوظة أخرى أخي الكريم و هي أنك لم تذكر سجلات فلابد من الاهتمام بالسجلات جدا بحيث يكون هناك سجل لكل أم و سجل خاص بالتلقيح و آخر خاص بالذكور و سجل خاص بالرصيد في العنبر و ذلك يكون مفيد جدا لأنه يجعلك تقف على حالة القطيع من حيث الإنتاج و الحالة الصحية و حالة الذكور و كل شيء
ولا أنسى أن أشكر فاتح الموضوع على هذا الموضوع المتميز جعله الله في ميزان حسناتك و شكر أيضا لكل من ساهم في هذا الموضوع للفائدة و خاصة أخي و حبيبي دكتور إبراهيم الذي أوحشني كثير جدا
خبرات خاصة نقاش مفتوح فى تربية الأرانب  - صفحة 4 770947
[/b]
احمد عرابي
استاذ محمد ---------- ربنا يبارك لنا جميعا
مهندس ايهاب متشكر جدا ليك فعلا نسيت ذكر السجلات في كلامي"جل من لا يسهو" بس ملحوقة
^
^
^ بالرجوع لكلامي في اسلوب التعامل بالاعلى
ممكن نضيف جملة "و تسجيل الملاحظات في جداول المتابعة" قبل الخطوة الرابعة
الجدول بيكون في ايدي من بداية متابعتي لقطيع التسمين والامهات لتسجيل كل ملاحظة انا شفتها وخاصة ان ذاكرتي بعافية شوية"الحمد لله
وحاجة كمان كان في نيتي اقولها
ممكن نستعين باجندة نسجل فيها الاحداث العادية لكل يوم بيومه في الاجندة ودي مع الوقت بتكون مرجع شديد الاهمية لاي معلومة ممكن تقع منك في الطريقة او اسم علاج يتوه في السكة وتكون الملاحظات دي باسلوب ما قل ودل علشان سهولة استرجاعها------>شخصيا بعمل كدة كل يوم مساء و بسميها "مذكرات ارنوبية"
محمد طويله
ألف شكر لك يا باشمهندس ايهاب
على وصفك لموضوعى بالمتميز
وأسأل الله أن يتقبل منك
أبــو أدهــم
M.Tawela كتب:
أبــو أدهــم كتب:
M.Tawela كتب:
كل شيخ وليه طريقه يا ابو ادهم
المهم ان كل واحد يوصل بطريقته للنتيجه اللى هو عايزها
ومن ناحيه رفض الأنثى للتلقيح راجع على موضوعى ده

[ندعوك للتسجيل في المنتدى أو التعريف بنفسك لمعاينة هذا الرابط]
مفيش أنثى اسمها ترفض التلقيح


صحيح يا أخى الكريم ... كل شيخ وله طريقة.

بس أنا بعترض على آخر جملة كتبتها !!!

مفيش أنثى فى الدنيا يتم تلقيحها غصب عنها.



طيب وضحلى أكتر سبب اعتراضك
هل هو اسلوب المعامله يعنى انت بتعترض على التلقيح الإجبارى بشكل عام
وتفضل العمل بالتلقيح الطبيعى ( انت عندك كل الحق فى كده )
وأنا أوافقك تماما لأن التلقيح الطبيعى أفضل طبعا من الإجبارى
أما إذا كان اعتراضك على الفكره سببه ان الأنثى لن تقبل التلقيح
فأقول لك وعن تجربه إن الأنثى دائما تقبل التلقيح ( ده حصل معايا على الأقل )
سواء طبيعى أو بالأستك زى ما انا كاتب
وأكرر مره اخرى أن التلقيح الإجبارى هو فقط فى حاله رفض الأنثى للتلقيح
رغم عدم وجود مانع يجعلها ترفض
لا يوجد التهابات ولا اورام ولا جروح مثلا أو عامل نفسى خارجى زى الخوف او صغر السن
كل العوامل الواضحه غير موجوده يبقى نلقح اجبارى على طول
أما لو أحد هذه العوامل موجود يبقى طبعا نزيل العامل وبعدها نقدمها للذكر



سبب اعتراضى الأساسى كما ذكرت هو أفضلية التلقيح الطبيعى

والسبب الآخر عو أننى جربت التلقيح الإجبارى ولم يفلح سوى ثلاث مرات من محاولات عديدة وفى المرات الثلاثة لم يحدث إخصاب إلا فى مرة واحده منهم

تقبل التحية
محمد طويله
وانت معاك كل الحق فى اعتراضك ده يا أبو ادهم
وفعلا التلقيح الطبيعى أفضل من الإجبارى
ولكن ايه هو التصرف المفروض مع أنثى مافيهاش أى مشاكل
ولا تقبل التلقيح ؟!
إحنا ممكن نرتب الأمر فى خطوات بخصوص الأنثى الرافضه للتلقيح
1ـ يتم المراجعه على الأنثى وعلى الظروف المحيطه
للتأكد من عدم وجود مانع مرضى أو خارجى يمنعها من قبول الذكر
2ـ بعد التأكد من عدم وجود مانع مرضى او خارجى يتم التلقيح اجبارى
3ـ لو حصل نتيجه ايجابيه يبقى خير وبركه ولو النتيجه سلبيه والأم فاضيه
يبقى تستبعد على طول

ولا انت ايه رأيك ؟
أبــو أدهــم
M.Tawela كتب:
وانت معاك كل الحق فى اعتراضك ده يا أبو ادهم
وفعلا التلقيح الطبيعى أفضل من الإجبارى
ولكن ايه هو التصرف المفروض مع أنثى مافيهاش أى مشاكل
ولا تقبل التلقيح ؟!
إحنا ممكن نرتب الأمر فى خطوات بخصوص الأنثى الرافضه للتلقيح
1ـ يتم المراجعه على الأنثى وعلى الظروف المحيطه
للتأكد من عدم وجود مانع مرضى أو خارجى يمنعها من قبول الذكر
2ـ بعد التأكد من عدم وجود مانع مرضى او خارجى يتم التلقيح اجبارى
3ـ لو حصل نتيجه ايجابيه يبقى خير وبركه ولو النتيجه سلبيه والأم فاضيه
يبقى تستبعد على طول

ولا انت ايه رأيك ؟


يا محمد لو تم المراجعة على الأنثى من جهة كل الأمراض والظروف المحيطة من تهوية وإضائة ونظافة وخلافهمع مراعاة أن بعض الإناث تحتاج لفطام أولادها لقبول التلقيح ... فإن الأنثى ستقبل التلقيح بشكل طبيعى و ذلك عن تجارب
محمد طويله
رأيك من الواجب أن يُحترم يا أبو أدهم
mrdemous
موضع متميز يا اخ محمد وان شاء الله قدام نحاول نقدم تجارب لينا احنا كمان
نسأل الله أن يجعله في ميزان حسناتك
وكمان يسد دينك علشان تربي من جديد
تقبل مروري
محمد طويله
mrdemous كتب:
موضع متميز يا اخ محمد وان شاء الله قدام نحاول نقدم تجارب لينا احنا كمان
نسأل الله أن يجعله في ميزان حسناتك
وكمان يسد دينك علشان تربي من جديد
تقبل مروري


شكرا لك أخى الكريم
وإن شاء الله عن قريب أبدأ التربيه مره أخرى
وشكرا لك مره أخرى على على دعواتدك بسداد الدين
احمد عرابي
عتاب للاستاذ محمد طويلة .......................
الموضوع ده وقف ليه ....كدة احنا خسرنا كتير
انا اول ما فضيت رجعت ودورت على الموضوع واتمنيت الاقيه مستمر لكن للاسف لقيته راكن
سؤال .. هل في مكان اقدر احضر فيه دورات عن تربية الارانب يكون فعلا بيقدم معلومة مفيدة.؟؟؟
محمد طويله
الله يكرمك على ذوقك يا احمد يا رب
الموضوع مش واقف ولا حاجه
بس مفيش أسئله أو استفسارات للرد عليها أو لعمل مناقشات فيها
وفى نفس الوقت مفيش حد بيفيدنا بخبراته أو تجاربه الشخصيه

احمد عرابي
خلاص احنا ممكن نطلب من كل عضو باسمه انه يكتب لنا بيعمل ايه من ساعة ما بيدخل للارانب لحد ما بيخلص شغل
mrehab.aboziad
احمد عرابي كتب:
خلاص احنا ممكن نطلب من كل عضو باسمه انه يكتب لنا بيعمل ايه من ساعة ما بيدخل للارانب لحد ما بيخلص شغل
فكرة جميلة جدا يا أستاذ أحمد إن كل مربي يكتب بيعمل ايه بالترتيب من بداية العمل المزرعي إلى النهاية
ولا الأفضل دا يكون في موضوع مستقل
أبو شبل
موضوع ممتاز جدا ياأستاذ طويله ومجهود اكثر من رائع وانا للأسف ماشفتش الموضوع ده غير النهارده وبشكرك لأنك تعطى ولا تنتظر الثناء وللأسف فى كتير جدا هنا فى المنتدى اصحاب خبرات كبيييييييره ولكن يقتنوها لانفسهم ياخوانا خيركم من تعلم العلم وعلمه
بالنسبه لموضوع الصرف انا عندى البطاريات هرمى دورين فى الدور اللى فوق كلمعتاد حاطط فايبر مع فتحة فى طولية فى النص بتنزل الصرف على صرف الدور الارضى
الدور الارضى مالوش صرف ولا مشمع ولكنى مبلط سراميك وله ميل بسيط لصرف العنبر
وكل يوم بنظف مرتين وبمسح ارضية العنبر كله بالمياه وعليها برنامج اضافات بمعنى ان يوم الاحد ليلا النظافه بالفنيك ويوم الثلاثاء ليلا النظافة باليود ويوم الجمعه وهو ما اسميه عيد الارانب ( لانى اقضى معهم اليوم كله ويعاملون فيه معاملة خاصة ) النظافة بالديتول ويوم الجمعه نهارا من كل اسبوع فحص كامل للأرانب وتنظيف العلافات وخطوط المياه و رش كامل للعنبر بالديزانون
محمد طويله
فعلا أفضل أرضيه للأرانب هى السيراميك
بتسهل معاك عمليه التنظيف بنسبه 90% والنسبه الباقيه
هى لرفع الزبل عن المكان
إن شاء الله يوم ما ربنا يكرمنى بمزرعه تمليك وليس إيجار هاتكون أرضيتها سيراميك
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى