منتدى الأرانب للجميع
تعبت جدا 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

تعبت جدا Rabbit10


منتدى الأرانب للجميع
تعبت جدا 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

تعبت جدا Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


تعبت جدا

power_settings_newقم بتسجيل الدخول للرد

03102011
تعبت جدا

بسم الله الرحمن الرحيم

بداية وقبل اى شئ دى اول مشاركه ليا فى المنتدى بس الحمد لله حسيت انه بيتى لانى لقيت فيه كل حاجه كنت بدور عليها

الموضوع باختصار انى على وشك انى ابدأ فى تربية الارانب عدد محدود كتجربه الاول

ولما سألت ودورت طلعلى كتب كتيره -بالمناسبه انا فى الفرقه الخامسه طب بيطرى المنصوره-فيها كلام غريب عن البرامج الوقائيه

رغم انى كل اللى درسته عن الارانب قليل جدا لان الاهتمام دايما فى الكليه بيكون للحيوانات الكبيره

بس انا اول مره اسمع عن برامج وقائيه من المضادات الحيويه للارانب

كل معرفتى ان فيه تحصينات
واحد للتسمم الدموى الفيروسى
والثانى للبكتيرى
والثالث للجرب
ولو فيه للكوكسيديا

ولما لقيت براااااااااااااااااامج كتير جدا بصراحه انا تهت وحسيت انى غلط

فاريت من ذوى الخبره انهم يردوا عليا ايه هو البرنامج الوقائى اللى ممكن امشى عليه؟
يعنى مثلا التحصينات ولو فيه اى اضافات للفيتامينات او الاملاح المعدنيه او غيره اتمنى انى اعرفها
وهل فيه برامج للامهات والذكور والفطام ولا لأ

بس يا ريت اللى يرد يكون عن تجربه مش كلام قرأه فى منتدى تانى او اى مكان

وياريت يكون الرد فى اسرع وقت لان كلها يوم والامهات هتيجى

تعاليق

عمرو عقبه
1- السلام عليكم..
2- نورتنا واهلا بيك..
3- تربيه الارانب دى بمثابة (مدارس) أو وجهات نظر.. وكل مدرسه تعتمد على افكار واساليب معينه قد يراها اصحاب مدرسه اخرى انها خطأ تماما.. والعجيب انه كله فى النهايه بيوصل لنفس الغرض.. بعض الناس مثلا يتبعون برامج دوائيه قد لا يخلو يوم من دواء يضاف على الماء وأكيد أن حضرتك قرأت أحد هذه البرامج (اللى تعقد فى نظرى) والبعض الاخر يقول انا لا استخدم اى ادويه سوى التحصينات أم كل الامراض استخدم علاجات طبيعيه معها كالحلبه والثوم وحبة البركه وما الى ذلك.. ودا بيربى وشغال والتانى بيربى وشغال..
علشان ما تتوهش نفسك.. (مش تتوه بالشرقاوى)..
اولا.. تحصين فيروسى كل سنه او ستة اشهر حسب نوعه ان مستورد او مصرى.
ثانيا.. تحصين بكتيرى كل 3 شهور (وفيها خلاف بين اصحاب المدارس)
ثالثا.. تحصين جرب.. ولو النظافه عندك كويسه وبترش الارانب والبطاريات كل 10 ايام با ستخدام بيوتكس (1سم / لتر) معتقدش انك تحتاج الى تحصين ضد الجرب (ايفوماك بمعدل 2 شرطه يعنى0.2 سم للارنب)
رابعا.. كل 15 يوم تضع لمدة 3 أيام مضاد كوكسيديا (مثل كوكسى كيور) على الماء وفى اليوم الرابع سترات بوتاسيوم (غسيل كلوى).
الاربعه دوول تبقا انت تمام التمام ان شاء الله وهو ما قل وكفى..
لكن ألف باء فى تربية الارانب.. سلاله جيده.. وعلف جيد.. (ويضيف أحد اصدقائى وربنا يكفيك شر الحسد)..
عندك علف سوبر رابت والمصريه وأيبكس كويسين.. وعند تغيير نوع العلف اخلط شويه من القديم على شويه من الجديد حتى لا تحدث صدمه عند التغيير تسبب اسهال.
المفروض أن الارنب بعد شهر من الفطام يوصل وزنه 1500 جرام ومعدل التحويل للعلف الجيد 200 جرام فى الاسبوع..
ومعدل وضع العلف 100 جرام للارنب فى اليوم على وجبتين صباحا ومساءا.. وتزداد الكميات للامهات العشار والمرضعات.
دى نقاط مختصره وربنا يوفقك وان شاء الله أكمل لك بعد النقاط الاخرى..
ومع الوقت ستزداد خبره لكن اقتصر على تلك البرامج الدوائيه منعا للتشتت مبدئيا..
مع ان المفروض احنا نستفيد منك..!!!!!
وبالتوفيق يا دكتووووووووووووووووووووور
santa
شيتوس
بسم الله
ربنا يوفقك يادكتور وبجد كلام استاذ عمرو كلام ماقل ودل وميتهيأليش انك هتكون محتاج اكتر من كده في البدايه والخبره هتيجي مع الوقت بالنسبه بقي للدكاتره البيطريين اللي انا المفروض اتحسب عليهم فدول ربنا ما يوريك يااستاذ عمرو بجد بنكون متخرجين من الكليه لانفقه شئ في الطب البيطري وكأننا كنا بندرس تجاره او حقوق بس طبعا الكلام ده خليه في سرك يااستاذ عمرو مش للنشر Rolling Eyes Rolling Eyes Rolling Eyes



1003
شمس الاصيل
الى الخ ميمو بفبما اننا طلعنا بلديات حيث اننى من اجا فأحب ان اقدم نصيحه بسيطه جدا ولاتستهين بها والله انا أنشأت مشروع بطاريات ارانب وخسرت فيه لسبب واحد ( الحسد) لا تضحك فالمشروع كانت كل بوادره ممتازه والولدات كثيره وعندما دخلت امرأة عليهم ورأتهم شهقت والباقى لن احكيه لك
توكل على الله ولكن لايدخل مكانهم الااقل القليل الثقه لكى يعتاد الارانب على رائحتهم ولا يخافو منهم
وايضا ربنا يكفيك شر الحسد
meemo
شكرا جدا لجميع النصائح

وأخص ذكرا استاذ عمرو
ولكن اعذرنى بسؤال اخر

موضوع الفيتامينات والاملاح المعدنيه ؟

فهل من ايضاح فى النقطه دى وهل لازم اضافتها ام لا؟
oso
شكرا استاذ عمرو علي التوضيح
البرامج الدوائية كتير
المهم ان الواحد يمشي علي برنامج مناسب للحالة
مش كتر دوا والسلام....
ومحدش بيبتدي مشروع الارانب وهوا خبير...حتي لو دكتور...الموضوع بييجي مع الممارسة
والكل بيرحب باي حد عندة اي استفسار للرد علية...واخونا عمر خير مرشد في التربية...ربنا يزيدة ويوفقة..ويبعد عنة الحسود..امين
عمرو عقبه
DFGH
1- أختنا د/ .. (مدرج تحت اسم شيتوس)..
شكرا على ذوقك.. وطبعا مساوىء التعليم المصرى لا حصر لها.. والخبره هى الفيصل..
2- أختنا الفاضله الكبيره.. (مدرج تحت اسم شمس)..
ربنا يعوض عليك ومحدش بيتعلم للاسف ببلاش.. إن شاء الله ربنا يوسع عليك.. وعلى فكره مشاركاتك رائعه.
3- أخونا سمسم.. ( oso)..
العفو ياباشا.. دا احنا تلاميذ عند حضرتك.. والواحد بيرد باستحياء عند وجودك.. ربنا يزيدك..
4- أخونا الجديد د/ .. (meemo)..
نكمل يا عمنا..
طبعا حضرتك هتبتدى بمجموعه صغيره.. ودا كويس جدا.. لأنك فى البدايه هتلخبط كتير (وربنا يصبر الارانب عليك.. مش بعيده يعتصموا فى التحرير من أول جمعه يقضوها معاك) وهتستفيد كتير من أخطاءك.. يعنى مثلا معرض لأنك تدى حقنه غلط أو بسن مش نضيف فيطلع لكام أرنب خراريج وتدخل فى دوامة تنظيفها واللذى منه.. وعلشان كده خليك اقتصادى جدا فى الادويه.. لو علفك كويس هيغنيك عن اضافة الاملاح والفيتامينات.. عموما الفيتامينات.. فيتامين أد3هـ 1سم / لتر فى ماء الشرب لمدة 3 أيام .. والاملاح .. أكمافوس 4سم / لتر على ماء الشرب لمدة 3 أيام.. مع وجود يوم فاصل بين الاملاح والفيتامينات وكرر كل اسبوعين مثلا.. لكن لو تعرف حد فى منطقتك بيصنع علف بنفسه ويعتمد عليه أفضل لك خد منه وريح نفسك.
تماما كده..
وتحط للارنب 50 جرام علف صباحا و50 مساءا.. وظبط الماء حتى لا يحدث لهم امساك اذا لم يكن امامهم ماء باستمرار.. وممكن تضيف على العلف عيش مدشوش يوفر شويه معاك وينصح به للامهات.
معايا انت..
وتعمل كراسه عندك للارانب تكتب فيها مواعيد التحصينات الدوريه ومواعيد عرض الاناث على الذكور.. والمواعيد المرتقبه للولاده.. ويفضل الجس بعد 10 ايام من عرض الانثى على الذكر حتى يسهل عليك تمييز الصغار عن الزبل.. وطبعا تعرف كل أم اي ذكر اللى عشرها عشان لو هتربى من الصغار امهات تتجنب تزاوج الاقارب كى لا تضعف السلاله.. ولا تنسى أن تحقن الام 1 سم تيراميسين طويل المفعول بعد الولاده مباشره.. وبعد الولاده بيومين احقنها 2 سم مثلا كالديماج مدر للبن اذا كانت خلفتها كبيره وممكن تكرره تانى بعد يومين.. ولو الام خلفتها اقل من 6 عشرها بعد الولاده مباشرة ان كانت صحتها جيده.. والا اتركها 10 ايام.. ويتم الفطام على سن 30 يوم (ودى مسألة خلاف) بس خلينا على 30 يوم كويس.. ويوم الفطام صوم الارانب المفطومه لمدة 12 ساعه الا من الماء.. ويتم وضع لهم العلف بكميات صغيره تزداد تدريجيا لتصل الى 100 جرام للارنب فى اليوم.
تمام..
لا تنسى أن تتفقد صغار الارانب فى الايام الاولى للولاده وتأكد أن الام ترضعهم.. غالبا ترضعهم أخر الليل.. ستجد بطن الارنب منتفخه ويظهر اللبن من جلد الارنب الشفاف.. وافحصهم وتفقدهم لان أحيانا يموت احدهم ويتعفن لو لم تتفقدهم او يخرج احدهم وينزلق بين السلك فيموت.. دا فى أول 10 ايام بس.. وعند عمر 17 يوم تقريبا ضع علافه للارانب الصغيره بحيث تتعود على الاكل من العلف.
وطبعا نسيت اقول لك ان تضع قش فى الولاده قبل ميعاد الولاده اللى انت كاتبه عندك فى الكراسه بحوالى 5 ايام حتى تتعود الام على الولاده وتمهد القش استعدادا للولاده.
أخيرا عشان عاوز أنام..
احتمال وارد ان تحصل ليك مشاكل تخليك تتعقد.. وارد طبعا ان ده يحصل.. وبصراحه لفت انتباهى انك تكتب أول مشاركه ليك بعنوان ((تعبت جدا)) كان المفروض حسب تسلسل الاحداث تكون بعد شهرين مثلا.. ما علينا المهم.. خليك صبوووووووووووووور..
حلو الكلام..
scratch scratch scratch
واسمع كلمتين مختصرتين فى العضل قرأتهم لزملاء فى المنتدى الجميل ده..
اولا.. اذا كنت بدأت هذا المشروع بحثا عن أرباح دون أن يكون لديك حب لهذا المخلوق الجميل فابحث عن مشروع أخر أكثر ربحيه.
ثانيا.. كلمة أختنا د/ هدير..
أيوه بحبهم.. بس مش على حساب مكسبى منهم.. الأم اللى شغاله أهلا بيها.. واللى مش شغاله توسع لغيرها.
وازن بين الجملتين.. وربنا يوفقك.. ودمت بخير.
6565 6565 6565 6565
alien alien alien
محمد الروبي
انا ليا تعليق صغير بالنسبه ان التحويل 200جرام اسبوعيا مش مظبوط
اما 4 سم اكما فوس علي التر غلط جدا
النقطه الاولي ان الارنب بتفطم علي 600 جرام ده الي بيربي مظبوط اما اعرف ناس بتفطم 400 جرام
المهم العلف المظبوط جدا يحول 200 جرام اسبوعيا اما الباقي فانت عارف ياعمرو
بالنسبه للاملاح النشره عليها بتقول نصف سم علي التر يعني الزجاجه علي 200 لتر
oso
شكرا علي معلوماتك القيمة مستر عمر عقبة..
بالنسبة لموضوع الجرامات في الفطام عادي
وكذللك بالنسبة لاضافة الاملاح او غيرة ....مسموح حتي 5 اضعاف الجرعة وكمان الدوا معادتش بيتصنع بكفائتة
يعني ايفوماك المفروض ال 1 سم ل 50 كيلو
احنا ممكن ندية لحاجة 3 كيلو
وطويل المفعول 1 سم ل 20 كيلو
وبردو بندية ل 3 كيلو
لازم نعمل كدة عشان نحصل علي نتيجة مرجوة
كلام عمرو صح الصح
اعذروني كان لازم اعقب عالنقط دي لان في ناس بتمشي عالمكتوب في النشرات ومعظمة كلام نظري مش عملي الا فقط في التحصينات..
وتقبلو مروري
محمد الروبي
موضوع الوزن في الفطام مش عادي بتفرق كتييييييييييييييير
انا اتكلمت عن الاملاح فقط لان الزياده في الجرعه الارنب مابشربش وبالتالي مابيكولش وهي
الصح انها تنزل اسبوع متواصل من نصف سم الي واحد سم
عمرو عقبه
الأخ العزيز محمد الروبى..
الأخ اللذيذ سمسم..
ما على إلا أن أحترم رأيكم.. وعذرا إن كنت قد تكلمت بحضرتكم.. لأن العين ما تعلاش على الحاجب.. بس كل الحكايه إن صاحبنا كان متعقد مسبقا وحبيت أبسط له الأمور وأديه فكره مبسطه.. وربنا يوفق الجميع.
ومعلومة الأملاح 4سم/ اللتر.. دى أنا واخدها من المنتدى ومن ناس ثقه واتأكد من الرابط ده..
[ندعوك للتسجيل في المنتدى أو التعريف بنفسك لمعاينة هذا الرابط]
ولكم خالص شكرى وتقديرى
أخوكم الصغير
ttt
محمد الروبي
ياعم عمرو كل واحد بيتكلم براحته انت جربت 4 سم علي التر الارنب مش هيشرب والله
انا علقت لافاده مش موضوع عين وحاجب
meemo
شكرا جزيلا للجميع ومش مشكله نختلف المهم نصل الى الصواب

وان شاء الله انا هجرب واحكم بأذن الله
a.abdelghani
بالنسبه للاملاح
الجرعه حسب الشركه
فيه املاح بتبقى تعبانه فدى بتبقى جرعتها اعلى
اما المحترمه بتبقى جرعتها اقل
بالمناسبه انا بجرع الاملاح خام يا ابو علوه
فى حالات نقص الاملاح لما اكون عايز اعالج حالات فرديه
تقبلوا مرورى

عمرو عقبه
هههههههه طبعا نتقبل مرورك غصب عننا.. مش مديرنا وكبيرنا دا حتى اللى مالوش كبير بيشتر له كبير.. بس معلش يا كبير.. أبو علوه ما كنش فى الحوار..
santa santa santa santa santa santa santa
alien alien alien alien
a.abdelghani
هههههههههههه
صح انا قصدت محمد الروبى
على العموم كلكم معزتكم واحده ما فرقتش كتير
الأرنب البني
وعليكم السلام


انصحك بتربية الأرانب بس حافظ على الشروط العنايه والنظافه
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى