منتدى الأرانب للجميع
ممكن محصنش تسمم فيروسى واعدى     مناقشة مثمرة 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

ممكن محصنش تسمم فيروسى واعدى     مناقشة مثمرة Rabbit10


منتدى الأرانب للجميع
ممكن محصنش تسمم فيروسى واعدى     مناقشة مثمرة 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

ممكن محصنش تسمم فيروسى واعدى     مناقشة مثمرة Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

ممكن محصنش تسمم فيروسى واعدى مناقشة مثمرة

15102011
ممكن محصنش تسمم فيروسى واعدى مناقشة مثمرة

السلام عليكم ممكن نفتح مناقشة بخصوص التسمم الدموى الفيروسى وكل منا يضع تجربتة لعموم الفائدة
فترة حضانة الفيرس دة من 10 الى15 يوم قبل الضرب بأيد قوية والمشكلة اللى بتخوف الكثير من التحصين ان التحصينات بتكون فاسدة فى كثير من الاحيان بسبب طرق التخزين وأشياء اخرى بيبقى المربي بين نارين ميحصنش ويخاطر ولا يحصن وهو وظروف المصل ففى اخ انا اعرفة بقالة 3 سنين مابيحصنش ولكن بيقوم بحملات تطهير دورى باليود كل اسبوع فالوضع ماشى معاة انتو اية رأيكم فى الموضوع ارجو منكم الاشتراك بالمعلو مات لعموم الفائدة[b]

تعاليق

دمحمد علي
انا لا اقوم بالتحصين ومفيش مشاكل والحمد لله
محمد الروبي
لو الاخوه اتكلمو عن المرض هتلاقي اقوال متضاربه
هتلاقي الي يقول التطهير وده مظبوط
اما عن اسباب المرض او المسببات انا معرفهاش مع انني اربي منذ 3 سنوات
ومحصنتش فيروسي نهائيا وجبت من قبل ارانب مصابه من مزرعه احد الاعضاء ودخلتها
في العنبر عند ومحصلش حاجه نهائ انا اعتقد انه زي انفلونزا الخنازير و الطيور المهم المصل يباع وخلاص
عذرا للاطاله
بليغ حمدى
بسم الله
فى رأيى المزارع التى لا تحصن ولم تتعرض للاصابة هى مزارع فى انتظار الاصابة ولا اعتقد ان هناك مجال للمجازفة مع الفيروسى بالذات والتحصين ان تلف فهو لا يسبب الاصابة بل يصبح كالماء لا فائدة ولا ضرر منه ولا مجال للاصابة بسبب التحصين الا فى حالة واحدة وهى خطأ من المعمل الذى صنع اللقاح وهذا امر نادر فى التحصين المحلى ويكاد يكون مستحيل فى الاسبانى

لقد تعلمت انه يجب التحصين بالطريقة الصعبة ولا احب لغيرى ان يكرر تجربتى
عمرو عقبه
1- سمعت عن التسمم الفيروسى كلام يجعلنى لا أحاول أن أجازف وأترك مجال لأن اعاتب نفسى على أنى لم أقم بالتحصين.. حتى أننى هممت فى بعض الأوقات إلى تحصين النتاج الخاضع للتمسن هو الأخر كى لا أترك مجال لمعاتبة النفس.. لكنى تراجعت إذ كان سبب النفوق العلف وليس التسمم.. حيث أنى قلت لئن أنفق على الأرنب 3.5 جنيه تكلفة التحصين أفضل من أن أتكلف 30 جنيه هى ثمن الأرنب فى حالة نفوقه.
2- تربية الأرانب حساسه جدا وتنطوى على مزيد من الخطوره التى تجعل المرء يحاذر ألف مره.. وكما تقول أمى..
((مكان ما تأمن.. خاف)) .. تى آ مين
3- وجبت أرانب من مزارع مصابه... يا قلبك ياروبى.. مش بعيده المره الجايه تجيب كام فيرس تعلفهم مع الأرانب.. دا أنا لو عرفت أن خالى مثلا اللى بيربى أرانب عنده تسمم مش هدخله هو شخصيا عند أرانبى .. مش أجيب منه أرانب.
4- زرت أحد الأصدقاء فى مزرعته.. فقال لى: أنا لسه طالع من مرحله صعبه.. مات عندى 80 أم بسبب التمسمم!!!
فى حد منكم مستعد يتحمل خسارة 80 أم؟؟؟؟؟؟؟؟؟؟؟؟
من خلال الإجابه تقدر تقرر تحصن ولا ما تحصنششششششششششششش.
scratch scratch scratch scratch
محمد الروبي
يحكيلك القصه ديه حبيبك والاناث الي جبتها عندي حتي الان تفسر ده بايه
م/تامر عزت
لا يمكن التهاون في التحصين الفيروسى واعتبر من لا يحصن انه يلعب بالنار
oso
المفروض التحصين الدوري
في ناس بتقول انها محصنتش والامور زي الفل عندها
انا بالنسبة للي عندي مش بحصن كل اللي اللي عندي
ربعهم بيتحصن والباقي لا
انا شغال كدة من حوالي 7 سنين
وبيحصل عندي حالات اصابة
ومبحرمش
لان الارانب عندي مربيهم هواية وللتجارب الدوائية
الخلاصة بعد مرحلة خسارة


المناعة الذاتية والمناعة المكتسبة...هما الاساس
لان في قطيع حصنتة نصة اتصاب ونصة لا
وفي غيرة محصنتوش محصلوش اي حاجة
لقيت ان تهجين السلالات مع بعض بحيث تحصل علي اعلي مواصفات له دور ايجابي في تكوين سلاللة مقاومة للامراض
دة حتي الجرب والكوكسيديا وغيرة
انا مكنتش مصدق الا لما جربت واخدت بطون من بطون وهجنت
العامل التاني للحصول علي المناعة هيا التهوية الجيدة ودرجة الحرارة المنخفضة
لقيت الانتاجية ومناعة الارنب اقوي
انا عندي الامهات بعد التهجين افضل اخد منها انتاج لحد اخر السنة الرابعة
مع وجود مناعة عالية
علما بان التهجين كان بين(دوتش هولاندي-شنشلا-كاليفورنيا-نيوزلاندي-بوسكات-بابيون-فلندر)
وبالنسبة للاسهالات والكولستريديا والتغيير المفاجئ للاعلاف
مفيش اي مشكلة
ممكن النهاردة بياكلو ايبكس وبكرة عيش ناشف وبعدة برسيم وبعدة خشب
بتكلم بجد..انتو فاكريني بهزر
بجد والله..ممكن اي مربي ينتخب سلالات من عنده ويهجن ..صدقوني حيحصل علي احلي لخبطة
المهم كم كيلو اخر الدورة والمناعة اخبارها اية

الموضوع مفتوح للمناقشة
محمد الروبي
دوتش هولاندي-شنشلا-كاليفورنيا-نيوزلاندي-بوسكات-بابيون-فلندر
دول اساسا مهجنين وعلي فكره في واحد اعرفه عنده نيوزلندي بيور وده الوحيد في مصر حتي الان
rabbit2012
شكرا لكل الاخوة اللى ساهمو ولكن عيزين الموضوع يكون دسم أكثر
rabbit2012
rabbit2012 كتب:
شكرا لكل الاخوة اللى ساهمو ولكن عيزين الموضوع يكون دسم أكثر
mero 5
اياك والفيروسي دة خط احمر
لانك لو مابتحصنش وربنا سترها معاك مرة ممكن المرة الجايه انت عارف يحصل ايه
وحصن اللقاح الاسبانى هايرحك لانه كل سنه وبعدن الاسبانى الطلب عليه كتيير فابيتركنش عند الناس اللي بتبيعه عكس المصري والايطالى

والتحصين المصري والايطالى نسبه احتماليه الاصابه بعد التحصين حوالي 20 %
والتحصين الاسبانى نسبه احتماليه الاصابه بعد التحصين قد تصل 5 %
فاحتماليه الاصابه موجود ة بعد التحصين ولكن بتكون بنسبه ضئيله ولكن افضل من عدم التحصين
تكلفه تحصينات الارنب الواحد :
بكتيري كل 3 شهور يعنى الارنب بيتحصن 4 مرات في السنه بواقع 2 سم لكل مرة اذن يحتاج الى 8 سم قي العام كله بتكلفه قدرها 8 × 0,25 = 2 جنيه

فيروسي كل سنه والارنب يحتاج 0,5 سم فيها بتكلفه 5 جنيه

اذن تكلفه تحصينات الارنب كلها في السنه = 7 جنيهات

يبقى تحصن وتريح دماغك بدل ماتأنب نفسك لو محصتش وجالك المرض
ماتستخصرش 7 جنيه في الارنب في السنه

ونصيحه كان بيقولهالى جدي
ماتستخصرش حاجه في الحيوان عشان الحيوان مايستخصرش حاجه فيك وربنا يباركلك فيه




1005
اشرف عماره
اعزائى انا كنت عامل مزرعه صغيره كهوايه زمان والان عملت مزرعه رسمى كعمل واستثمار وناوى اكتب كل التجارب بكل صدق علشان نتعلم من بعض ممكن اغلط وممكن ابتكر وعارف ان صدقى هايزعل ناس كتير فى المنتدى لان الحق عمره ما يرضى اتنين طبعا الكلام ده لسه ماجاش وقته
اما بخصوص التحصين انا مكنتش باحصن قبل كده وكانت ماشيه فل ولانى حطيت فلوس كتير فى المزرعه بصراحه خفت وقلت مش هاتيجى على التحصين وخصوصا ان معهد البحوث عندنا بيعمل السنتى بجنيه وثابت جوده ونجاح من سنوات فحصنت وحصنت بكتيرى كمان
oso
والله كلامك صح مستر ميرو
انا عندي نظام تجربة
اكيد اللي عندة مزرعة يحسبها كويس
mero 5
متشكر استاذ oso



1006
a.abdelghani
مناقشه مثمره
وأخوه ما شاء الله عليهم
تسجيل متابعه

أخ أشرف عماره فى انتظار تسجيلك لنتائجك
واعلم انه لا يحيد عن الحق الا من هو على باطل أو صاحب مصلحه

دمتم بود وتقبلوا مرورى


عمرو عقبه
إذن الخلاصه بعد النقاش الجميل ده إن اللى بيربى هوايه ما تفرقش معاه كتير وأديه مره يصيب ومره يخطىء.. وكل الموضوع عنده كام أم وغالبا مش بيجيب سلالات من الأخرين بخلاف المزارع التى غالبا تستجلب ذكور من خارج المزرعه او تستجلب باستمرار سلالات جديده وهكذا.. لكن اللى عنده مزرعه حاطط فيها ألاااااااااااف معندوش استعداد يجازف.. ولا مستعد يترك مجال يعاتب نفسه ويقول يا ريتنى..
مش كده ولا رأيكم إيه؟؟؟؟
محمد الروبي
rabbit2012 كتب:
السلام عليكم ممكن نفتح مناقشة بخصوص التسمم الدموى الفيروسى وكل منا يضع تجربتة لعموم الفائدة
فترة حضانة الفيرس دة من 10 الى15 يوم قبل الضرب بأيد قوية والمشكلة اللى بتخوف الكثير من التحصين ان التحصينات بتكون فاسدة فى كثير من الاحيان بسبب طرق التخزين وأشياء اخرى بيبقى المربي بين نارين ميحصنش ويخاطر ولا يحصن وهو وظروف المصل ففى اخ انا اعرفة بقالة 3 سنين مابيحصنش ولكن بيقوم بحملات تطهير دورى باليود كل اسبوع فالوضع ماشى معاة انتو اية رأيكم فى الموضوع ارجو منكم الاشتراك بالمعلو مات لعموم الفائدة[b]

ياريت تقولنا اخبار العشار بعد التحصين اي عند الولاده
Heavy equipment
انا حصنت فيروسي وبكتيري
وكمان جبت دهان ضد الجرب والطفيلات
Laughing مع اني هاوي يعني ومعنديش غير زكر وانسي وبنضف لهم مرتين تلاته في اليوم بس برضو الامر ميسلمش
rabbit2012
اشرف عماره كتب:
اعزائى انا كنت عامل مزرعه صغيره كهوايه زمان والان عملت مزرعه رسمى كعمل واستثمار وناوى اكتب كل التجارب بكل صدق علشان نتعلم من بعض ممكن اغلط وممكن ابتكر وعارف ان صدقى هايزعل ناس كتير فى المنتدى لان الحق عمره ما يرضى اتنين طبعا الكلام ده لسه ماجاش وقته
اما بخصوص التحصين انا مكنتش باحصن قبل كده وكانت ماشيه فل ولانى حطيت فلوس كتير فى المزرعه بصراحه خفت وقلت مش هاتيجى على التحصين وخصوصا ان معهد البحوث عندنا بيعمل السنتى بجنيه وثابت جوده ونجاح من سنوات فحصنت وحصنت بكتيرى كمان
ياريت يا اخى الكريم ترشدنى على مكان السنى ابو جنية دة جزاك الله كل خير
اشرف عماره
التحصين الفيروسى متوفر من مركز بحوث الانتاج الحيوانى بكفر الشيخ عند الدكتور عبد النبى واثبت نجاح من سنوات وممتاز بشهادة كل اصحاب المزارع وتمن السنتى جنيه واحد وتلفون الدكتور عبد النبى
01004563495
rabbit2012
اشرف عماره كتب:
التحصين الفيروسى متوفر من مركز بحوث الانتاج الحيوانى بكفر الشيخ عند الدكتور عبد النبى واثبت نجاح من سنوات وممتاز بشهادة كل اصحاب المزارع وتمن السنتى جنيه واحد وتلفون الدكتور عبد النبى
01004563495
الف شكر أخى الكريم
عمرو عقبه
والله يا روبى دى تبقا ضربة الموسم.. وتفرق كتييييييييييير مش كده
albino albino albino albino albino albino albino albino albino albino
oso
المهم يكون في موزعين في انحاء الجمهورية
عمرو عقبه
فين رأى باقى الاعضاء؟؟؟
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى