ارجو المساعدة

ممكن اعرف عملية الولادة فالارنب تستغرق كام من الوقت وشكرا

كان المفروض تمنعيها
وتدي عيالها لام تانيه يكون عندها خلفه صغيره في نفس العمر
او تخليها ترضعهم ارضاع اجباري (تمسكي ليهم الارنبه)
او تدبحيها وخلاص وترضعي انتي العيال صناعي

زي ماقال ‏HEAVY‏ باشا اعملي تبني او ترضعيهم اجباري بس بعد كده تجنبي لمس الصغار ف الايام الاولي بعد الولاده وتأكدي ان مفيش فئران وابعدي اي مصدر ازعاج للأرانب

ااولا اهل بيكي انسه gogo في المنتدي هل اللي حصل ده حاله فرديه و لا ظاهره ؟ وهل الام اول بطن و لا ولدت قبل كده؟ هل فب ازعاج او فئران في المكان؟و هل الاضاءه عاليه و باستمرار و لا ايه؟ وهل العلف نوع جيد و لا ايه؟ كل دي عوامل ممكن تؤدي ان الام تاكل عيالها ياريت تجاوبيني علي الاسئله دي علشان نقدر نشخص بالظبط و ربنا يوفقك انشاء الله

تعب نفسي نتيجة ما قال الدكتور حسام

ليه تعب نفسي مش فاهم هو انا قلت حاجه غلط ؟ مش فاهم ياريت توضحلي اخ اوسو لو انا قلت حاجه تضايق علشان انا احترم الجميع و اقدرهم

كلام د /حسام صح جدا جدا

شكرا اخ اشرف كلك ذوق

هى الارنبة كانت اول مرة ليها تولد وللاسف ما عنديش اى امهات غيرها لان دى اول تجربة ليا عشان كده ماجبتش غير واحدة و واحد قلت تجربة لو نفعت هكبر المشروع والاضاءة عادية (النور الابيض بتاع اللمبة البيضاءالفلوروسنت) احنا حطينهم فى حجرة من البيت وبنطمن عليهم كل شوية بس انا ما كنتش بمسك الصغيرين اما العلف فمش متاكدة منه قوى لان الاول كان فى نوع كويس جدا كنت بجيبه وخلص من عند البائع وماجبش منه تانى وجاب نوع تانى لونه رمادى وحاسة ان رحته متغيرة شوية عن النوع الاول وبعدين جبت نوع تانى لونه كمونى بس برضو رحته مش زى الاول ومالاقتش حد بيبيع النوع الاول فبقيت اجيب النوع التالت اللى لونه كمونى وبحط معاه خس وعيش
يارب اكون عرفت اجاوب عن السؤال زى ما حضرتك عايز ومتشكرة جدا للاهتمام

القصد تعب نفسي
نتيجة ازعاج او غيرة زي ما قلت بس

غالبا ما حدث نتيجه ان الام لسه اول بطن و غالبا ده بيحصل في اول بطن و للعلف واضح انه مش مظبوط حاولي تاكلي علف جيد و بلاش اي حاجه تانيه

السلام عليكم
اولا :شكرا لكل اللى ساهم فى الاجابة على سؤالى وربنا يكرمكم للافادة
ثانيا:انا المفروض اعمل معاها ايه لما تيجى تولد تانى ؟انا اقصد اتصرف ازاى مع الام ومع الصغيرين عشان اتجنب اللى حصل قبل كده مثلا انا فى واحدة قالت لى المفروض اشوف الاولاد بعد الولادة بساعة وامسح عليهم بقطنة مبللة ببول الام عشان تشم ريحتها فيهم وما تعملش معاهم حاجة تانى وترضى ترضعهم ............ارجو الافادة من فضلكم

لا ابدا الكلام ده غير صحيح ماتمسحيش بقطنه ولا حاجه ده كده الام ممكن تهجر عيالها انتي بس حضري بيت الولاده بدري شويه علي الاقل 3 ايام قبل الولاده و ضعي قطن فيه ولاحظي الام