مشكله وبجد موش عارف اعمل ايه؟؟؟

اخى الفاضل محمود النمر
السلام عليكم
فى البداية مبروك على الشراء
ثانيا بالنسبة للمدة التى ذكرتها 43 يوم صعب انهم يكونوا عشار
بالنسبة لمدة 34 يوم عشر من يوم الشراء ممكن يكونوا عشار ( احتمال )
انت ذكرت انك لا تعرف تجس الانثى اوك
بس لو الارنبه عشار عمر 34 يوم فعلا يظهر حملها بالكامل
بمعنى تكون بطنها كبيرة لوجودة الاجنة مكتملة النمو داحل رحم الآم
حاول بكل هدوء تمسك الآنثى بأيدك الشمال من ودانها وجلد الرقبة وبالآيد اليمين تتحسس بطن الآنثى
مع الضغط بأصابع يدك الاربعة والابهام بحنان( بكل حنان ولا تضغط بقوة تحذير ) على بطن الانثى وتحريك الاصابع سوف تجد اجنة داخل تجويف الرحم والبطن ان وجدت هذا يدل على وجود حمل وان شاء الله تلد غدا
وان لم تجد فهذا معناه ان الذى باعك الارنبتين خدعك
تقبل تحياتى
فى امان الله

محمود النمر كتب:

اولا شكررررر جدا منك على الرد الجميل وجزاك الله خيرا
كل كلامك تمام جداااااااااااااااااا
لو المفروض ان البائع الاباع الارنبتين خدعنى المفروض انها تولد
طيب ماولتديش ...موش المفروض انها تعشر
لما بدخلها على الدكر موش عايزه تعشر خالص وبتصوت جداااااااااااااا
اى حكايه الصوت دى موش

السلام عليكم أخى الكريم
بالنسبه لمشكلتك فليس هناك رد أبلغ من رد أخى dreem500
ولكنى فقط أود ان أقول لك لا تخلط بين غش صاحب المزرعه وبين عدم قابليه الإناث للتلقيح
بالنسبه لصاحب المزرعه لو كان غشك فعلا يبقى ربنا ياخده هو وأمثاله عن قريب ان شاء الله
ومتضايقش نفسك لأن كلنا انضحك علينا فى الأول وأخدنا مده على ما تعلمنا
وبالنسبه للأنثى الرافضه التلقيح فبنسبه كبيره السبب هايكون انها لسه صغيره
او اعرضها على حد قديم فى التربيه يفحصها ويفهمك هو بيعمل ايه

الاناث مش عشار....هما سنهم اد اية؟؟

اخى محمود النمر
السلام عليكم
اقطع الشك باليقين وشوف حد بيعرف يجس يشوفهم لك عشار ولا فاضيين
وبالنسبة للصوت هل هو صوت صراخ عالى ولا صوت انين وزوم
تحياتى
فى امان الله

اخونا م/ محمود النمر..
السلام عليكم..
لو فرضنا ان حضرتك مهندس فى شركه..
وأنك ترغب فى التقدم لشغل منصب فى شركة ما..
وهى تشترط فى المتقدم مهاره معينه..
وهذه المهاره ليست متوفره لديك..
لذا..
فإنك ستسعى جاهدا لتعلم تلك المهاره..
وبعدها.. ستكون انت ممن يتقنون هذا المهاره التى لك تكن تعرفها من قبل..
هكذا جس الارانب..
لابد لك أن تتعلمه طالما انك دخلت مجال الارانب سواء هوايه او تجاره..
والحاجه أم الاختراع كما يقال..
أنا مثلا لم يعلمنى أحد جس الارانب..
فقط مات والدى وترك لى الارانب..
كل ما عليك فعله..
ان تتصور ان هذه الارنبه ابتلعت لؤلؤه وانت تتحسس بطنها..
لتعلم هل هى فى بطنها أم لا..
تكون الاجنه فى الثلث الاخير فى بطن الارنبه..
يكون حجم الصغار بعد العشر ب 8 ايام بحجم البليه التى يلعب بها الاطفال..
ويزداد الحجم تدريجيا بزيادة عمر الحمل..
حتى انك مع الخيره يمكنك جس ارنبه لا تعرف متى عشرت وتحدد عمر هذا الحمل من حجم الاجنه..
وبعد العشر ب 25 يوم يمكنك الشعور بحركة الاجنه فى البطن..
وبعد العشر باكثر من 35 يوم يمكنك الشعور بالاجنه ميته فى بطن الام..
وهو ما يقال عنه ان الام (ليست) بفتح اللام وتشديد الياء وكسر السين..
واذا حدث ذلك لا قدر الله فهو ما يعنى ان عليك التخلص من الام لانه لا جدوى منها..
فلن تلد الصغار ولن تحمل ان ولدتهم..
توكل على الله وافحص الارنبه واخبرنا ماذا وجدت وبعدها نتكلم..
اسف للاطاله لكنى اردت ان اسهل عليك عملية الجس..

الافضل تف تشوف حد يجسهم لك ببساطه

كلام الاخ عمرو مظبوط
لازم تتأكد من وجود الاجنة من عدمة

لازم تتعلم الجس اخي الكريم ده شيء ضروري جدا

السلام عليكم اخى الكريم وزن الانثى تقريبا كام ثانيا امسك الزكر وتفحص البطن جيدا مفيش مشكلة على الزكر وان ان تتعلم فحص الزكر امسك الانثى ولكن تفحص برفق ان وجت شيا مثل الخيار الصغر جدا فهد اجنى وان لم تجد شيا اعرضهم على الزكر مرة ومرتان وعشرة الى ان يتم التعشير

انت بتقول ان عمرهم كبير ... مين اللى قالك ؟

الأرانب 100% مش عشار ، وسبب الصراخ هو ان الأرنبة رافضة التلقيح والدكر بيعضها أو بيضربها

شوف حد يكون عنده خبره يبصلك عليهم ويعلمك الجس عملى ، والعملية بسيطة وهتتعلم واحدة واحدة ان شاء الله