منتدى الأرانب للجميع
 فكره لتدفئه عشش الولاده فى مزارع الأرانب  حصرياًعلى منتدى الأرانب للجميع  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 فكره لتدفئه عشش الولاده فى مزارع الأرانب  حصرياًعلى منتدى الأرانب للجميع  Rabbit10


منتدى الأرانب للجميع
 فكره لتدفئه عشش الولاده فى مزارع الأرانب  حصرياًعلى منتدى الأرانب للجميع  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 فكره لتدفئه عشش الولاده فى مزارع الأرانب  حصرياًعلى منتدى الأرانب للجميع  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


فكره لتدفئه عشش الولاده فى مزارع الأرانب حصرياًعلى منتدى الأرانب للجميع

power_settings_newقم بتسجيل الدخول للرد

19012012
فكره لتدفئه عشش الولاده فى مزارع الأرانب حصرياًعلى منتدى الأرانب للجميع

السلام عليكم ورحمه الله وبركاته

جاءتنى فكره لتدفئه بيوت الولاده وخصوصا إن الأيام دى الوفيات كتيره جدا بسبب البرد
والمربى بيكون محتار أقفل على الأرانب وأزود نسبه الأمونيا وثانى أكسيد الكاربون
ولا أقفل العنبر علشان أدفى المكان والخلفات مش تموت
أنا كنت سمعت مره من واحد إنى ممكن أحط فى عشه الولاده زجاجه مياه ساخنه
بس طبعا دى بتبرد فى ظرف 10 دقائق وبيفضل البرد زى ما هو
الفكره اللى أعتقد انها ممكن تحل المعادله دى كلآتى

الخامات المطلوبه
1ـ مضخه مياه صغيره ـ من النوع المستخدم فى نافورات المياه وفى أحواض السمك
2ـ عدد زجاجات المياه الغازيه البلاسيتك من الحجم الصغير 200 مم بنفس عدد عشش الولاده عندك
3ـ خرطوم مقاسه ربع بوصه وده موجود فى محلات فلاتر المياه
4ـ سخان كهربائى سعه 10 لتر

التجميع
1ـ بعد ما تشرب المياه الغازيه احتفظ بالزجاجات
2ـ قم بعمل فتحتين فى غطاء كل زجاجه بحيث تكون الفتحه متوافقه تماما مع الخرطوم
يعنى الخرطوم يدخل ويكون محبوك تماما فى الفتحه
ولضمان ذلك ممكن تزود سيليكون أو شمع لاصق حول الخرطوم لضمان عدم التسريب
3ـ يتم وضع زجاجات المياه كل زجاجه فى عشه ولاده ـ وركز فى اللى جاى ـ
وتكون كل زجاجه متصله بالزجاجه التى قبلها بخرطوم ومتصله بالزجاجه التى بعدها بخرطوم
حتى نصل فى النهايه إلى خرطوم مياه موصل بزجاجات الماء كلها
بحيث لو تم دفع الماء فى أول الخرطوم فستمتلئ الزجاجات بالماء حتى تخرج المياه من الطرف الآخر للخرطوم

ده شكل تقريبى للمسأله

 فكره لتدفئه عشش الولاده فى مزارع الأرانب  حصرياًعلى منتدى الأرانب للجميع  852056062

طريقه التركيب
يتم ضبط درجه حراره السخان على 30 درجه مئويه بواسطه الترموستات الخاص بالسخان
وبهذه الدرجه مع سخان سعه 10 لتر فقط سيكون استهلاك الكهرباء يكاد لا يذكر
يتم توصيل مضخه المياه بالسخان مباشره بحيث تأخذ المياه من السخان وتدفعها داخل الخرطوم
تثبت الزجاجات داخل عشه الولاده لكل عشه زجاجه بحيث تصبح جزء من العشه ولا تستطيع الأنثى تحريكها من مكانها
الطرف الآخر للخرطوم يتم توصيله إلى مكان الصرف فى العنبر
يتم توصيل الكهرباء للمضخه عن طريق تايمر موجود فى السوق اسمه ( تايمر سخان فريش )
تقدر من خلاله انك تجعل المضخه تشتغل لمده ربع ساعه وتفصل لمده ربع ساعه وبشكل أوتوماتيكى
وبهذه الطريقه سيتم تغيير المياه الموجوده داخل الزجاجات اوتوماتيكيا كل ربع ساعه
وبهذا الطريقه ستظل عشش الولاده دافئه دائما ونتحاشى كميه الوفيات الكبيره فى برد الشتاء القارص

ملاحظات
@هذه الطريقه كى تكون مجديه إقتصاديا لابد من تنفيذها فى عنبر كبير
أو مزرعه حتى يكون العائد المادى من ورائها كبير ايضا
@وجود جسم دافئ ملتصق بعشه الولاده يجعل العشه دافئه للخلفات ولأن جسم العشه معدنى
فستكون عشش الولاده مصادر للتدفئه فى العنبر بالكامل

أرجو أن تكون فكره مفيده


عدل سابقا من قبل a.abdelghani في الخميس يناير 19, 2012 9:01 pm عدل 1 مرات (السبب : التثبيت وتعديل العنوان)

تعاليق

أسيرة الأقصى
دمت للأبداع M.Tawela
ابو علوه
ربنا يحفظك
والله مبدع
تسلم
جزاك الله خير
عمرو عقبه
تسلم يا كبييييييييييييييييييييييييييير
نور الدين53
مشكور اخ محمد على الفكره الرائعة بس اعتقد انها سيشوبها عند التنفيذالكثير من العيوب بالأضافه انها مكلفه اقتصاديا اعتقد لو الامر مستدعي تبقى دفايه صغيره مع الحرص تفي بالغرض
oso
الي الامام
حفظك الله
محمد طويله
أسيرة الأقصى كتب:
دمت للأبداع M.Tawela


ألف شكر يا أسيره القصى
محمد طويله
ابو علوه كتب:
ربنا يحفظك
والله مبدع
تسلم
جزاك الله خير


ألف شكر يا علاء
ربنا يديم الموده
محمد طويله
عمرو عقبه كتب:
تسلم يا كبييييييييييييييييييييييييييير


الله يكرمك يا عمرو
ابقى طمنى عملت ايه فى موضوع المبانى
محمد طويله
نور الدين53 كتب:
مشكور اخ محمد على الفكره الرائعة بس اعتقد انها سيشوبها عند التنفيذالكثير من العيوب بالأضافه انها مكلفه اقتصاديا اعتقد لو الامر مستدعي تبقى دفايه صغيره مع الحرص تفي بالغرض


العفو يا أخى الكريم
من ناحيه التكلفه الإقتصاديه أنا ذكرت فى موضوعى ان هذه الفكره كى تكون ذات عائد اقتصادى قوى
لابد من تنفيذها فى المزارع الكبيره
إنما لو واحد بيربى فى غرفه 3×4 متر مثلا هاتكون مكلفه جدا غير ان المكان مش محتاج التكاليف دى كلها
وبشكل عام البديل العملى لهذه الفكره هو جهاز تكييف هايظبط الجو تماما
مع مراعاه إن أى نظام تدفئه أو تبريد لابد أن يتوافر فيه شيئين
الأول / مراعاة التجديد الدائم للهواء مع عدم وجود تيارات هواء
الثانى / الحفاظ على درجه الحراره داخل المكان او العنبر
أما من ناحيه العيوب عند التنفيذ فأنا فعلا أتمنى انك تعرض أفكارك للمناقشه
حتى نتلافى مثل هذه العيوب
محمد طويله
oso كتب:
الي الامام
حفظك الله


متشكر ليك جدا يا اسامه
الوفاء
مشكور على الفكار الرائعة بس هما الخرطومين الداخل والخارج هيكونو فى غطاء الزجاجة مش صغير
محمد طويله
الوفاء كتب:
مشكور على الفكار الرائعة بس هما الخرطومين الداخل والخارج هيكونو فى غطاء الزجاجة مش صغير


لا أبدا مش صغير ولا حاجه
لاحظ ان الخرطوم قطره ربع بوصه فقط
الوفاء
شكرا لاهتمامك هجرب وجزاك اللة خيرا
ahmedgamal
موضوع رائع
تسلم ايدك
ايمن حمدي
طيب ايه رايك لو استبدلنا الزجاجات بمواسير نحاس ربع بوصة و ممكن تكون علي شكل قاعدة تحت بيوت الولادة وتلف حول البطارية يكون تقريبا 3 خطوط مواسير مع استكمال نفس فكرتك هي هتكون مكلفه بس اعتقد اكتر فائدة و يارب نتابع مع بعض للافضل
oso
ممكن تبطين البيت الخاص بالولدة بالفيبر
عازل حراري وتدفئة عالية
يمكن الحصول علية بسعر زهيد من مخلفات مصانع البطاطين والالحفة وغيرة
محمد طويله
الوفاء كتب:
شكرا لاهتمامك هجرب وجزاك الله خيرا


أنا اللى متشكر ليك
وفى انتظار النتيجه
محمد طويله
ahmedgamal كتب:
موضوع رائع
تسلم ايدك


ألف شكر أخى الكريم
محمد طويله
ايمن حمدي كتب:
طيب ايه رايك لو استبدلنا الزجاجات بمواسير نحاس ربع بوصة و ممكن تكون علي شكل قاعدة تحت بيوت الولادة وتلف حول البطارية يكون تقريبا 3 خطوط مواسير مع استكمال نفس فكرتك هي هتكون مكلفه بس اعتقد اكتر فائدة و يارب نتابع مع بعض للافضل


بشكل عام النحاس من أفضل المعادن للبث الحراره أو البروده فى المكان المتواجد فيه
لأنه يعتبر المعدن الوحيد الذى يكتسب الحراره ببطء ويفقدها ببطء
ولكن استخدامه فى هذه الفكره به مشكلتان
الأولى / إقتصاديه
أنا سألت علي المواسير النحاس وجدت المتر منها بـ 10 جنيه
الثانيه / مشكله عمليه
@ تثبيت المواسير عن طريق الربط خارج عشه الولاده سيكون كفيل بتشتيت الحراره المنبعثه
عن المواسير إلى حو العنبر وليس إلى داخل عشه الولاده
@ لتلافى النقطه الأولى لابد من عمل لحام المواسير على عشه الولاده وبعد لحامها يتم كسوتها
بالصاج مره أخرى حتى تتوزع الحراره فى كامل الجانب الموجود به المواسير
يعنى تكاليف على تكاليف
@ ممكن يكون الأمر كويس لو ثبتنا المواسير داخل عشه الولاده وليس خارجها
ومكن كمان نوصل بين مواسير العشه والتانيه بخرطوم بلاستيك لتوفير المرونه وسهوله الفك والتركيب
بس مش عارف هل طول المواسير الموجود داخل عشه الولاده
هايحقق نفس النتيجه اللى هاتحققها كتله مياه ساخنه ( الزجاجه البلاستيك)
فى كل الأحوال المواسير النحاس ممتازه بس غاليه

والأكتر من كده كمان اننا ممكن نعمل شبكه نحاس على مدخل الهواء فى العنبر
ونلحم فيها زعانف ألومنيوم زى المكثف بتاع التلاجه أو زى رادياتير العربيه
والفكره دى ان شاء الله هانفذها فى العنبر بتاعى أول ما أبدأ التربيه مره تانيه

وفى الشتاء يتم ضخ مياه ساخنه وفى الصيف يتم ضخ مياه بارده
ومع تجديد الهواء فى العنبر سيقوم الشفاط باستبدال الهواء الموجود داخل العنبر
بهواء آخر يمر على محتوى ساخن أو بارد حسب الموسم
فيتم ضبط درجه الحرحه حسب ما هو مطلوب





محمد طويله
oso كتب:
ممكن تبطين البيت الخاص بالولدة بالفيبر
عازل حراري وتدفئة عالية
يمكن الحصول علية بسعر زهيد من مخلفات مصانع البطاطين والالحفة وغيرة


فكرتك ممتازه ممتازه ممتازه يا أسامه
وإن كنت أفضل لصق العازل من خارج عشه الولاده وليس التبطين من الداخل



محمد طويله
M.Tawela كتب:
oso كتب:
ممكن تبطين البيت الخاص بالولدة بالفيبر
عازل حراري وتدفئة عالية
يمكن الحصول علية بسعر زهيد من مخلفات مصانع البطاطين والالحفة وغيرة


فكرتك ممتازه ممتازه ممتازه يا أسامه
وإن كنت أفضل لصق العازل من خارج عشه الولاده وليس التبطين من الداخل





بس فى مشكله يا اسامه
فى الصيف إن شاء الله عشه الولاده هاتكون أشبه بالفرن بالنسه للخلفات
مع وجود هذا العازل والحل هو اما تغيير عشش الولاده بعشش أخرى لا يوجد بها عازل
وده شئ مكلف طبعا
أو تركيب عازل حرارى ممكن يتخلع ويتركب بسهوله
ودى أنا مش عارف ممكن تتعمل ازاى
avatar
besm
اخى الحبيب محمد طويلة ......الفكرة ممتازة ولكن الزجاجة البلاستيك معرضة للقطع عن طريق الأم لذلك ففكرة كل من ايمن حمدى واسامة جيدة ومفيدة ويمكن تطبيقها بشكل عملى .....اولا استعمال العزل الخارجى مع التدفئة عن طرىق المواسير النحاسية يساعد على الإحتفاظ بالتدفئة لفترة اطول فيوفر استهلاك الكهرباء بس ده محتاج عنبر كبير علشان يكون اقتصادى وعملى
وممكن ايضا عمل شبكة من المواسير النحاسية التى يمر بها الماء السخن وموزعة فى العنبر ويتم تشغيل مروحة توزيع للهواء الساخن لتدفئة العنبر بشكل كامل بس دى محتاجة ان العنبر يكون محكم الغلق ( السقف والأبواب ) للحفاظ على الحرارة لفترة اطول وتقليل الهلك الكهربائى واحكام الغلق هنا لايعنى عدم التهوية ولكن اقصد الا يكون هناك فتحات كبيرة فى سقف العنبر ان لم يكن خرسانى تهدر الطاقة الناتجة
محمد طويله
hamada2001 كتب:
besm
اخى الحبيب محمد طويلة ......الفكرة ممتازة ولكن الزجاجة البلاستيك معرضة للقطع عن طريق الأم لذلك ففكرة كل من ايمن حمدى واسامة جيدة ومفيدة ويمكن تطبيقها بشكل عملى .....اولا استعمال العزل الخارجى مع التدفئة عن طرىق المواسير النحاسية يساعد على الإحتفاظ بالتدفئة لفترة اطول فيوفر استهلاك الكهرباء بس ده محتاج عنبر كبير علشان يكون اقتصادى وعملى
وممكن ايضا عمل شبكة من المواسير النحاسية التى يمر بها الماء السخن وموزعة فى العنبر ويتم تشغيل مروحة توزيع للهواء الساخن لتدفئة العنبر بشكل كامل بس دى محتاجة ان العنبر يكون محكم الغلق ( السقف والأبواب ) للحفاظ على الحرارة لفترة اطول وتقليل الهلك الكهربائى واحكام الغلق هنا لايعنى عدم التهوية ولكن اقصد الا يكون هناك فتحات كبيرة فى سقف العنبر ان لم يكن خرسانى تهدر الطاقة الناتجة



شكرا لك يا دكتور على وصفك لى بـ (أخى الحبيب)
وشكرا لك أيضا على إطرائك على الفكره

ولكن بخصوص قطع الأم للزجاجه البلاستيك فهو أمر قد يكون بعيد الحدوث لقوه الزجاجه من ناحيه
ومن ناحيه أخرى أننى اشترطت لتطبيق هذه الفكره لابد من تثبيت الزجاجه جيدا جدا

من ناحيه اخرى

أنا قبل ما أبنى الدور الرابع فكرت كتير جدا فى كيفيه تنظيم درجه الحراره فيه بدون مكيفات
وكل النتائج كانت مكلفه جدا لدرجه إنى لم أنفذ من أى الأفكار غير فكره واحده وهى عزل السطح عزل حرارى
بتثبيت فوم بسمك 10 سم لمنع وصول حراره الشمس الى السقف فى الصيف وفوق الفوم عملت سيراميك
المهم إنى من ضمن الأفكار دى فكرت إنى أقوم بتثبيت خراطيم مياه بقطر ربع بوصه داخل الجدران وعمل
المحاره فوق الخراطيم لأنى عرفت من المهندس الإستشارى إن الحراره تصل لداخل المكان عن طريق الجدران والسقف
وفكره وجود المواسير هى ضخ الماء البارد صيفا والماء الدافئ شتاء داخل هذه المواسير لمنح الجدران البروده أو الحراره
حسب حاله الجو وعرضت الفكره على المهندس وأكد لى انها فكره ممتازه ولكن تكاليفها كبيره جدا
ولكن على المدى البعيد هى فكره رخيصه جدا
لأننا لو قارنا تكلفه التكييفات بتكلفه المواسير المدفونه ستكون تكلفه المواسير هى الضعف تقريبا
ولكن مع الزمن و ومدى استهلاك المكيفات وتكاليف الصيانه والكهرباء ستكون المواسير هى الأرخص
لأنها لا تحتاج سوى مضخه زهيده الثمن و خزان معزول حراريا

ولكن فى كل الأحوال اللى عرفته من الهندس
أن 60% من الحراره المتسربه من الخارج إلى الداخل تكون عن طريق السقف
يعنى برضه عزل السقف يعتبر هو الجانب المميز فى الموضوع
avatar
الى ان يجمعنا لقاء لك منى خالص الدعاء بكل النجاح والتوفيق لأخ احببته قبل ان اراه ...وفقك الله لكل الخير اخى الحبيب
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى