منتدى الأرانب للجميع
مين عنده أرنب جبلى ؟ 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

مين عنده أرنب جبلى ؟ Rabbit10


منتدى الأرانب للجميع
مين عنده أرنب جبلى ؟ 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

مين عنده أرنب جبلى ؟ Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


مين عنده أرنب جبلى ؟

power_settings_newقم بتسجيل الدخول للرد

11042012
مين عنده أرنب جبلى ؟

السلام عليكم إخوانى الكرام
محتاج أرنب جبلى ذكر ياريت لو حد عنده أرنب جبلى أو يعرف بيتباع فين يعرفنى
لأنى فعلا محتاج ذكر أرنب جبلى للتربيه


ودى صوره للأرنب الجبلى البالغ
مين عنده أرنب جبلى ؟ 707068096

واللى ما يعرفش الأرنب ده هو أرنب بيعيش فى ظروف بيئيه قاسيه جدا
وعلشان كده الموجود منه قليل وأقصى عدد خلفات بيخرج من تحت الأم بيكون 5 خلفات
وأكيد اللى بيمر بالظروف البيئيه دى لازم تكون مناعته فوق الممتازه بشويه
ولو اتوفرت ليه الظروف الجيده للتربيه ممكن ناخد منه أرانب ممتازه وسلالات قويه وأوزانها خياليه

عموما أنا محتاج ذكر من النوع ده أو ذكرين أو تربيه كامله ذكور وامهات
المهم اللى عنده منه ياريت يقول لى ولو حد يعرف بيتباع فين يعرفنى
وشكرا ليكم جميعا

تعاليق

محمد أبوعيله
استاذي العزيز الارنب دا جبلي فعلن بس للأسف هذا النوع غير مستأنس
محمد أبوعيله
الارانب الجبلي المسأنس الموجود في مصر شكل الفلندر بالظبط وهو بيتباع في كليه زراعه الاسكندريه
محمد طويله
شكرا لك أخى الكريم
بس على حد علمى إن الفلاندر سلاله مختلفه عن الجبلى
حتى وان كانت السمات الرئيسيه فى السلالتين بها الكثير من التشابه ولكنها فى النهايه سلاله مختلفه
ومن ناحيه الجبلى فأنا فعليا كان عندنا أرانب جبليه وكنا شاريينها من كليه الزراعه فى الزقازيق
بس ده كان فى الثمانينات ودلوقت الكليه مافيهاش حاجه زى دى للأسف
على العموم أنا أملى فى وجه الله سبحانه وتعالى إنى هلاقى اللى أنا عايزه
dr hussam h
في ارنب اسمه اسكندريه خليط بين الفيلاين و الجبلي عندي منه في المزرعه
محمد طويله
dr hussam h كتب:
في ارنب اسمه اسكندريه خليط بين الفيلاين و الجبلي عندي منه في المزرعه


إن شاء الله على دربك سائرون يا دكتور
محمد الروبي
تتوقع لو شوفت منه عند بتاع فراخ هاتشتريه وتاكله وبعدين مش موجود في مصر
ولو لقيت يبقي هجين بعدين 5 خلفات تخسر ولاايه
محمد طويله
محمد الروبي كتب:
تتوقع لو شوفت منه عند بتاع فراخ هاتشتريه وتاكله وبعدين مش موجود في مصر
ولو لقيت يبقي هجين بعدين 5 خلفات تخسر ولاايه


أخى العزيز محمد الروبى
الأرنب ده عند بتاع الفراخ شكله مش هايكون كده خالص
لأنه هايكون مليان ومربى لحم فالشكل هايخلتف طبعا
ومن ناحيه الأرنب مش موجود فى مصر فهو موجود فى شمال سيناء ولكن اصطياده وهو حى شئ صعب
أما عن الخمس خلفات فالأم بتعطى خمس خلفات لسوء التغذيه ولسوء الأحوال الجويه فى الصحراء
أما لو اتوفر ليها التعذيه المناسبه إن شاء الله ـ وده توقع شخصى ـ إنها هاتكون أفضل من أفضل أمهات
فى العنايه والرعايه بالصغار
Ahmed-elswirky
السلاله الجبلى موجوده عندى وعدد خلفتها ياامحمد بيوصل 12 وعندى بتولد فى البطن 10 شيى طبيعى ورعايتها للصغار عاليه لكن العيب ان العدد بيبقى كتير عليها ولارنب دا بيووورر مش هيرضيك فى نتايجه الا لما تهجنه وانت استاذ فى التهجين.........ومن وجه نظرى لزم يترى ارضى
ابو علوه
ياريت صوره للأرنب‎ ‎الجبلي ألي عندك ‏AHMED ELSWERKY
محمد طويله
Ahmed-elswirky كتب:
السلاله الجبلى موجوده عندى وعدد خلفتها ياامحمد بيوصل 12 وعندى بتولد فى البطن 10 شيى طبيعى ورعايتها للصغار عاليه لكن العيب ان العدد بيبقى كتير عليها ولارنب دا بيووورر مش هيرضيك فى نتايجه الا لما تهجنه وانت استاذ فى التهجين.........ومن وجه نظرى لزم يترى ارضى


أخى الكريم
مش فاهم إزاى الأرنبه رعايتها للصغار عاليه وفى نفس الوقت العدد كتير عليها
من المعروف عند تقييم الأرنبه إن عدد الخلفات الكافى للتقييم هو 8 خلفات
لو الأرنبة طلعت من تحتها 8 خلفات كويسين حتى لو كانت والده أكتر من كده تبقى أم ممتازه
لو زاد العدد عن 8 خلفات والأم حافظت عليهم تبقى أم فوق الممتازة
غير حاجه تانيه
لو الأمهات رعايتها للصغار عاليه والأرانب بتموت منها يبقى من نقص اللبن
ويبقى لازم نظبط ليها العلف علشان إنتاج اللبن
وعلشان كده أنا مش عارف أربط بين إن الأمهات رعايتها للصغار عاليه وبين إن العدد كتير عليها
ولو سمحت لنا أنا برضه بطلب منك صوره للأرنب زى ما طلب أبو علوه
ابو بدر
دكتور حسام اهلين
كيسفك صحتك
هلا لو عمالت تزواج من الجبلى مع اى انثى شنشيلا او كلفونى ينج او لا
انتظر ردك او رد اى من الاخوان الى عمال الخليط
محمد طويله
أنا عندى الخليط
اشتريته من عند د/ حسام
سلاله مستنبطه فى جامعه اسكندريه وإسمه على إسم الجامعه أرنب اسكندريه
مزيج بين الجبلى والهيلا وبسم الله ما شاء الله ممتااااااااااااز
طبعا المعلومات دى انا عرفتها من د/ حسام
وحكمى عليه من تجربه شخصيه هو لسه ما طلعش إنتاج عندى
بس فى المناعه والمقاومه للأمراض كويس جدا
محمد طويله
ودى صور للأرنب كنت باعتها لعلاء (أبو علوه) على الفيس
[ندعوك للتسجيل في المنتدى أو التعريف بنفسك لمعاينة هذا الرابط]

وآسف على عدم وضوح الصور
احمد المقدم
M.Tawela كتب:
ودى صور للأرنب كنت باعتها لعلاء (أبو علوه) على الفيس
[ندعوك للتسجيل في المنتدى أو التعريف بنفسك لمعاينة هذا الرابط]

وآسف على عدم وضوح الصور


الصور مش موجودة استاذ محمد؟؟؟؟؟؟؟؟؟
عادل حميده
صديقي الغالي محمد الحمد لله انك قدرت تجد ما يرضيك من عند الاخ الفاضل د حسام

فقط لي تعقيب اخي الفاضل

الارنب الذي قمت انت بعرض صورته في مشاركتك الاولي ليس الارنب الجبلي السيناوي و انما هو سلاله بريه امريكيه اسمها الدارج هو Black-tailed jackrabbit و اسمها تصنيفيا هو Lepus californicus

يعتبر هذا الارنب هو الاخ الاصغر من عائله الـ jackrabbit او الارانب البريه حيث الاخ الاكبر في هذه العائله هو white-tailed jackrabbit او علميا Lepus townsendi

هذا الارنب يتميز بالمقاومه الخارقه للامراض و في العديد من التجارب التي اجريت اثبت انه منيع تماما ضد الاصابه بمرض التسمم الدموي الفيروسي و يتميز بوفره الانتاج و سرعة النمو الا ان الوزن النهائي له يتراوح بين 2700 الي 3000 جرام كحد اقصي و قد استنبط في الولايات المتحده موطنه الاصلي عدة سلالات بتهجينه مع سلالات اخري لرفع كفائتها المناعيه

هذا الارنب غير موجود في مصر ..

_______________________________________________

اما بخصوص مكان توافر الارانب الجبليه النقيه (100%) و حسب اخر معلومه عرفتها و انا اعلم انك الحمد لله اشتريت خلاص و لكن لمن يريد من الاخوه فهي متوفره في كلية الزراعه بمشتهر مركز طوخ محافظة القليوبيه

_______________________________________________

بس سيبك انت .. الحاجه اللي تاخدها من عند دكتور حسام تاخدها و انت مغمض ..
تقبل تحياتي
محمد طويله
احمد المقدم كتب:
M.Tawela كتب:
ودى صور للأرنب كنت باعتها لعلاء (أبو علوه) على الفيس
[ندعوك للتسجيل في المنتدى أو التعريف بنفسك لمعاينة هذا الرابط]

وآسف على عدم وضوح الصور


الصور مش موجودة استاذ محمد؟؟؟؟؟؟؟؟؟


هحاول أصوره وتانى وأرفع الصور
محمد طويله
أخى الكريم عادل حميده
لو حضرتك روحت لكليه الزراعه بمشتهر وسألتهم على الأرنب ده
وهو موجود فين هايقولوا ليك ده أرنب اسكندريه وإن من بين الناس اللى عندهم الأرنب ده
هو د/ حسام فى الزقازيق وفى كل الأحوال أنا مقتنع بكلام الأطباء
وشكرا ليك على معلومه الأرنب الأمريكى
محمد طويله
دى صور أرانب (اسكندريه) اللى عندى ومصدرها طبعا د/ حسام
مين عنده أرنب جبلى ؟ 948382266

مين عنده أرنب جبلى ؟ 563096821

مين عنده أرنب جبلى ؟ 505975778
اشرف غيث
مش هو خالص ياأستاذ محمد
اشرف غيث
فلتت منك دى ياعم محمد
Heavy equipment
محمد أبوعيله كتب:
الارانب الجبلي المسأنس الموجود في مصر شكل الفلندر بالظبط وهو بيتباع في كليه زراعه الاسكندريه

ازاي اشتري ارانب من كليه الزراعه ؟
محمد طويله
اشرف غيث كتب:
فلتت منك دى ياعم محمد



ولا فلتتت ولا حاجه
أنا كاتب إنه هجين بين سلاله الهيلا وسلاله الجبلى
على حسب المعلومات التى وصلتنى من د/حسام
وإن الأرنب إسمه أرنب اسكندريه مش جبلى يبقى فلتت إزاى
عموما هو أرنب ما شاء الله ممتاز
إدعولى يكفى معدل تحويله الممتاز رغم الحر اللى احنا فيه ده
dr hussam h
عفوا محمد ارنب اسكندريه خليط ما بين الجبلي و الفي لاين وعن تجربه انا ادركت ان الارنب الفي لاين و الاسكندريه افضل الانواع للتربيه من حيث المناعه و الخصوبه و معدل التحويل في راي افضل من الهاي بلس كمان
أبو شبل
بعد اذنكو ياجماعه
اسعار الامهات سلاله اسكندرية والفى لاين كام ؟
وانا من المنصورة وعايز اخد حته او اتنين
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى