منتدى الأرانب للجميع
طريقة لسقاية الأرانب أوتوماتيكياً حصريا وفقط على منتدى الأرانب للجميع  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

طريقة لسقاية الأرانب أوتوماتيكياً حصريا وفقط على منتدى الأرانب للجميع  Rabbit10


منتدى الأرانب للجميع
طريقة لسقاية الأرانب أوتوماتيكياً حصريا وفقط على منتدى الأرانب للجميع  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

طريقة لسقاية الأرانب أوتوماتيكياً حصريا وفقط على منتدى الأرانب للجميع  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

طريقة لسقاية الأرانب أوتوماتيكياً حصريا وفقط على منتدى الأرانب للجميع

19042012
طريقة لسقاية الأرانب أوتوماتيكياً حصريا وفقط على منتدى الأرانب للجميع

السلام عليكم ورحمه الله وبركاته

أكرمنى الله بتنفيذ سقايه مياه للأرانب لا تحتاج إلى إعاده الملئ
يتم توصيلها إلى مصدر المياه زى أى حنفيه وتسيبها مع نفسها
وكل ما تفضى تتملى تانى لوحدها من غير ما تتدخل فى أى شئ
والفكره بسيطه جدا وأى واحد ممكن يعملها فى البيت
المطلوب
جردل مياه ـ محبس شطاف ـ لىّ ـ ماكينه سيفون من النوع الجانبى
جردل المياه بيكون عندك وباقى الخامات بتشتريها من أى محل أدوات صحيه
بيتم تركيب محبس الشطاف مكان الحنفيه وبيخرج منه اللّى ويتوصل مباشره فى ماكينه السيفون
والفكره هى نفسها فكره السيفون أو صندوق الطرد بتاع الحمامات الأفرنجى
صندوق الطرد كل ما المياه تفضى منه بترجع تتملى تانى لوحدها من غير ما حد يملاها
ودى مهمه الماكينه اللى بتحتفظ بمستوى مياه ثابت وانت موصل الماكينه على خط المياه مباشره عن طريق محبس الشطاف

وفى السقايه بتاعتنا كل ما الأرانب تستهلك ميه وتنقص من الجردل ترجع تتملى تانى
ولما توصل لمستوى ثابت فى الجردل ماكينه السيفون هاتقفل المياه لحد ما تستهلك الأرانب المياه مره تانيه وهكذا
ودى صور موضحه الفكره على الطبيعه
دى صوره محبس الشطاف متوصل بالماكينه عن طريق اللّى والماكينه بتتركب عن طريق عمل فتحه
فى جانب الجردل وتتربط بصاموله بتيجى مع الماكينه

طريقة لسقاية الأرانب أوتوماتيكياً حصريا وفقط على منتدى الأرانب للجميع  392272404

ودى صوره الجردل وهو متركب فيه الماكينه من جوه
طريقة لسقاية الأرانب أوتوماتيكياً حصريا وفقط على منتدى الأرانب للجميع  624116520

التكلفه العامه
الماكينه بـ 10 جنيه
المحبس بـ 6 جنيه
اللّى بـ 10 جنيه تقريبا
يعنى تقريبا 26 جنيه
فوائد الفكره
1ـ أكبر وأقرب فايده من الفكره هى تحقيق عنصر مهم جدا من عناصر المشروع التجارى
وهو تحقيق أكبر قدر من الأرباح بأقل قدر من المجهود
طبعا ملئ السقايه مش مجهود كبير بس هو برضه مجهود ووقت اتوفروا .
2ـ امكانيه تشغيل كل البطاريات على سقايه واحده حتى لو عندك مزرعه كبيره
وده برضه فيه توفير للتكاليف وللمجهود .
3ـ من الفوايد الجميله للسقايه دى إنك هاتشرب الأرانب من ماء جارى متجدد
على عكس السقايات التقليديه اللى ممكن يفضل فيها الماء 3 ايام على ما تفضى وتملاها مره تانيه

ملاحظات
* إحنا بنستعمل ماكينه السيفون اللى بتتركب من الجنب مش من أسفل لأنك ممكن تستعملها مع أى عبوه
وتعملها سقايه حتى لو كانت 1000 لتر أما اللى بتتركب فى السيفون من تحت هاتكون محكوم بكميه مياه محدده
لحد ارتفاع الماكينه فقط
* المحبس ليه مهمتين
الأولى / إن لو الماكينه عطلت لا قدر الله هاتقدر تقفل المحبس وتعالج العطل أو حتى تغير الماكينه
الثانيه / لو احتجت انك تنزل أملاح أو أدويه فى المياه مفيش أى مشكله اقفل المحبس والسقايه مليانه ونزل الدوا فى المياه
وبعد ما السقايه تفضى اغسلها من مكان الدوا وافتح المحبس تانى

يارب أكون قدرت أوصل الفكره
ويارب وتكون مفيده لكل اللى يجربها


ان يصلح الراعى ويتقى ربه ــ تخشى الذئاب ربوعه وحماه

خبرات خاصه فى تربيه الأرانب
كيفيه التعامل مع الإناث الرافضه للتلقيح
تدريب ذكور الأرانب للحصول على ذكر مثالى للتلقيح
معرفه الأنثى العشار من اليوم الثالث للتلقيح
ليس كل تساقط مع قشور يكون جرب
سقايه الأرانب الأوتوماتيك
كلمتين فى العلف
إصنع علفتك بنفسك
01111766393
[ندعوك للتسجيل في المنتدى أو التعريف بنفسك لمعاينة هذا الرابط]









شكرا لكل من رمانى بحجر

تعاليق

محمد الصاوى
فكره كويسه جدا يامحمد
ربنا يوفقك وتكثر من هذ ه الافكار
a.abdelghani
استاذ
موضوع حلو جدا
ملاحظتى الوحيده هى ازاى لما هنحط اى اضافه على المياه
هنحافظ على التركيز لان مع استمرار تدفق المياه للجردل مع سحب الارانب للمياه
نسبة التركيز هتقل
انا بتكلم عن املاح و فيتامينات و..........الخ
دى لو اتحلت تبقى ضربة معلم
محمد الصاوى
انت لوقريت اخر سطرين يا استاذاحمد هتلاقى عبقرى المنتدى كاتب انك تقفل محبس المياه لغايه لما يشربو الميه
وبعدين اغسل الجردل وافتح المحبس
a.abdelghani
غلطه واسف يا حج محمد يا طويله
عندى المره دى
انا اللى فلت الحته دى
تثبييييييييييييييييييييييت
مع تعديل للعنوان يا حج

a.abdelghani
وقابل الهديتين تحت اسمك
ابو علوه
مقدرش أقول غير ربنا يحفظك
بجد عقليه ممتازه ربنا يحفظك مبدع والله
محمد طويله
بارك الله لكم اجمعين

إيه الكلام الجميل ده كله اخوانى محمد الصاوى وا/ أحمد عبد الغنى وعلاء
متشكر ليكم
جدا جدا جدا جدا جدا جداجدا جدا جدا جدا
ويارب أكون فعلا استاهل كل الكلام الحلو ده
ولا الأوسمه واللقب اجديد ده مضوع تانى يا استاذ احمد
بجد متشكر جدا
أبــو أدهــم
فكرة رائعة يا محمد ... وأنا فكرت فيها من شهرين بس بصراحة معرفتش انفذها ... لكن الصورة اللى انت منزلها هتساعدنى كتير فى التنفيذ.

مع بعض التعديلات نظراً لتباعد براميل السقايات فى مزرعتى حيث أن المزرعة عبارة عن خطوط وكل خط شغال عليه برميلين 30 لتر واحد للفطام وواحد للأمهات ، ولذلك فسوف أستخدم بدلا من اللى خرطوم مياه بـ 8 محابس.

فكر معايا كده وقولى رأيك
ابو علوه
بالتوفيق أبو أدهم
بس معلش سؤال بعيد شويه عن الموضوع
حضرتك مواليد كام؟ بسم الله ماشاء الله 100سنه ربنا يطول في عمرك ههههه
a.abdelghani
?????????????
شيتوس
بسم الله
ماشاء الله عليك انت فعلا عبقري المنتدي ربنا يبارك فيك ويحفظك.
1003
محمد طويله
أبــو أدهــم كتب:
فكرة رائعة يا محمد ... وأنا فكرت فيها من شهرين بس بصراحة معرفتش انفذها ... لكن الصورة اللى انت منزلها هتساعدنى كتير فى التنفيذ.

مع بعض التعديلات نظراً لتباعد براميل السقايات فى مزرعتى حيث أن المزرعة عبارة عن خطوط وكل خط شغال عليه برميلين 30 لتر واحد للفطام وواحد للأمهات ، ولذلك فسوف أستخدم بدلا من اللى خرطوم مياه بـ 8 محابس.

فكر معايا كده وقولى رأيك


شكرا لك على الإطراء على الفكره
بالنسبه لخطوط المياه فالتصرف فيها كالتالى
فى محلات الأدوات الصحيه مواسير رخيصه سعر المتر 3 جنيه مقاسها نصف بوصه
وده هو نفسه مقاس ماسوره المياه اللى فيها حلمات السقايه بتاعه البطاريه
حضرتك ممكن تشترى من المواسير دى وتشترى معاها أكواع وجلب ومشتركات بحيث تقدر تكون خط
مياه على حسب إحتياجك لها ويكون الربط بين المواسير بخراطيم مقاس 4/3 بوصه ده كفيل بتوصيل المياه لكل
الخطوط فى المزرعه
ولو الأمر مش ماشى معاك أو أنا مش عارف أوصل المعلومه ممكن آجى أعملهالك بنفسى

ام عمار ياسر
1018
محمد طويله
شكرا لكى أختنا شيتوس

أما باقى الردود تخص أخونا أبو أدهم
محمد طويله
ام عمار ياسر كتب:
1018


شكرا لكى اختنا الكريمه
عادل حميده
يا حج محمد يا جامد .. يارب تحج يا شيخ cheers
محمد طويله
عادل حميده كتب:
يا حج محمد يا جامد .. يارب تحج يا شيخ cheers


ربنا يسمع منك يا عادل يا رب
أبــو أدهــم
ابو علوه كتب:
بالتوفيق أبو أدهم
بس معلش سؤال بعيد شويه عن الموضوع
حضرتك مواليد كام؟ بسم الله ماشاء الله 100سنه ربنا يطول في عمرك ههههه


شيل منهم 60 يا ابو علوة
أبــو أدهــم
M.Tawela كتب:
أبــو أدهــم كتب:
فكرة رائعة يا محمد ... وأنا فكرت فيها من شهرين بس بصراحة معرفتش انفذها ... لكن الصورة اللى انت منزلها هتساعدنى كتير فى التنفيذ.

مع بعض التعديلات نظراً لتباعد براميل السقايات فى مزرعتى حيث أن المزرعة عبارة عن خطوط وكل خط شغال عليه برميلين 30 لتر واحد للفطام وواحد للأمهات ، ولذلك فسوف أستخدم بدلا من اللى خرطوم مياه بـ 8 محابس.

فكر معايا كده وقولى رأيك


شكرا لك على الإطراء على الفكره
بالنسبه لخطوط المياه فالتصرف فيها كالتالى
فى محلات الأدوات الصحيه مواسير رخيصه سعر المتر 3 جنيه مقاسها نصف بوصه
وده هو نفسه مقاس ماسوره المياه اللى فيها حلمات السقايه بتاعه البطاريه
حضرتك ممكن تشترى من المواسير دى وتشترى معاها أكواع وجلب ومشتركات بحيث تقدر تكون خط
مياه على حسب إحتياجك لها ويكون الربط بين المواسير بخراطيم مقاس 4/3 بوصه ده كفيل بتوصيل المياه لكل
الخطوط فى المزرعه
ولو الأمر مش ماشى معاك أو أنا مش عارف أوصل المعلومه ممكن آجى أعملهالك بنفسى



شكرا ليك يا محمد وإن شاء الله بكره أبدأ فى رسم مسار المواسير فى العنبر لتحديد المطلوب من الخامات وتجهيزة.

مع التحية لك
محمد طويله
توضيح واجب

عند التنفيذ العملى للفكره أنا استعملت جردل صغير سعه 20 لتر
وقمت بتوصيله على مصدر المياه ووصلته بخط مياه البطاريات بخرطوم طوله 4 متر
وكانت النتيجه غير مشجعه لأن وزن المياه داخل الجردل كان يعادل وزن المياه داخل الخرطوم
وبالتالى ضغط المياه عندما وصلت داخل مواسير الشرب للأرانب يساوى صفر
والمياه طبعا مانزلتش من الجردل بسبب عدم وجود ضغط للمياه داخل المواسير
وتم علاج الأمر بأسلوب بسيط وهو رفع السقايه للأعلى عن موضعها السابق بـ 30 سم
ولما عملت كده أصبح وزن المياه داخل الجردل أكبر من وزن المياه داخل المواسير (بفعل الجاذبيه طبعا)
والمياه نزلت فى المواسير عادى جدا
والمسأله دى أكيد مش هاتظهر فى العنابر الكبيره لأن كلها فيها مصدر المياه داخل العنبر نفسه
هى ظهرت عندى لأنى بدأت التربيه فى الدور الأرضى عندى فمصدر المياه بعيد عن مكان التربيه
وعلشان كده استعملت الخرطوم اللى طوله 4 متر علشان أوصل المياه
حبيت بس أوضح أمر عملى ظهر لى أثناء التركيب
احمد عرابي
الله ينور يا محمد باشا
محمد طويله
الله يصلح حالك يا رب
شكرا يا احمد
MHSH
فكرة ممتازة

بارك الله فيك
محمد طويله
شكرا لك على الإطراء
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى