ترفض التعشير

والله يا خى دى مشكله عامه عندى..
الاسباب..
1- ان تكون عشراء اصلا
2- ان يكون بها ورم بالرحم تكتشفه بالجس فتجده واضحا فى منطقة الرحم
3- ان تكون صغيرة السن
4- ان تكون أول مره (بكر) ولديها خوف من الذكر
5- ان ترفض التلقيح لانخفاض الخصوبه الناتج عن اعلاف السوق وحرارة الجو
الحلول..
1- تأكد انها ليست عشراء من مرة سابقه.
2- تأكد من خلوها من ورم الرحم وإن وجد احقنها 1سم جنتاميسين تحت الجلد لمدة 5 أيام مع استخدام حقنة بنسلين املأها ماء اكسوجين وضعها فى المهبل وكرر ذلك مع الحقن السابق ان شاء الله بعد اسبوعين تقريبا يزول
3- ان كانت صغيرها اتركها لتصل 5 شهور أو 2500 جرام فأكثر
4- ان كانت بكر ضعها مع ذكر هادى الطبع لمدة اسبوع ثم اعزلها وقم بجسها بعد ذلك ستجدها عشراء ان شاء الله
5- استخدم رافع خصوبه.. احقنها مثلا 1سم فيتاسلين أو 1 سم هـ سيلينيوم وتانى يوم اعرضها على الذكر.
ربنا يوفقك أخى الكريم

معلش نسيت أقولك..
ممكن يكون عندها التهاب عرقوب وهو ما يعنى أن رجلها من اسفل من المنطقة التى تقف عليها دوما (رجلها الخلفيه) مجروحه وهو ما يعنى أنها لا تستطيع حمل الذكر.. وهنا اسنخدم.. التطهير ببيتادين و دهان مرهم كيناكورت او داكتاكورت بشري وضع لها قطعة سيراميك تقف عليها حتى لا يستمر السلك فى جرحها.

بسم الله الرحمن الرحيم .
جزاك الله الف الف خير .
يا استاذ عمرو عقبه

كلام الاخ عمر جد جدا بس لا انصح ابدا بحقن ماء اكسوجين في الرحم ده يؤذي الرحم جدا لانه غشاء مخاطي ممكن يلتهب اكثر ممكن تحقن بيكربونات الصوديوم في الرحم 10% و بعد ذلك بيتادين مهبلي وبعد ذلك عمل قسطره بجنتاميسين مخفف بماء مقطر كل ده لو في التهاب رحم مع صديد بالاضافه الي حقن الجنتاميسين عضل او تحت الجلد مثل ما ذكر الاخ عمر عقبه

وجزيت خيرا اخ خالد
وربنا يجبر بخاطر دكتور حسام

اذا كان التهاب رحم يفضل الاستبعاد

على فكره كان عندى واحده فيها التهاب فى الرحم لدرجة أنك لو شلتها فى ايدك ينزل افرازات من المهبل.. وحقنتها جنتاميسين وكام مره حطيت لها ماء اسوجين فى الرحم بحقنه انسولين وتركتها حوالى اسبوعين لانها النوع الوحيد اللى عندى من سلالتها والحمد لله راح الورم وعشرت وولدت ما شاء الله أرانب أحسن من اللى كانت بتجيبهم قبل كده.. بس طبعا لو فى مشروع كبير (لانى بربى هوايه) كون أم تتعطل عن الانتاج شهر مثلا ويا عالم تتحسن بعد قد ايه بمثابة خساره على المزرعه..
ولان فى المزرعه بيكون فى صفوف انتظار من امهات فى الاحتياط فيسهل استبعاد المصابه بأخرى جديده.. بس طبعا بعضنا بيربى هوايه وعنده صبر للتعامل مع الحالات دى بدل ما يبعها لحم بتراب الفلوس.. واحيانا يكون لآم معينه معزه خاصه عندك ويعز عليك فراقها.. (اصل اللى عندى هيلا الأسد).