منتدى الأرانب للجميع
هل السياسه لعبه قذره فعلا؟ 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

هل السياسه لعبه قذره فعلا؟ Rabbit10


منتدى الأرانب للجميع
هل السياسه لعبه قذره فعلا؟ 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

هل السياسه لعبه قذره فعلا؟ Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


هل السياسه لعبه قذره فعلا؟

power_settings_newقم بتسجيل الدخول للرد

26112011
هل السياسه لعبه قذره فعلا؟

السلام عليكم
يقول العلمانين والليبرالين
ومن علي شاكلتهم من اصحاب الفكر المغاير للامه الاسلاميه
ان السياسه لعبه قذره ويجب فصل الدين عنها
هذا حوار مفتوح بيني وبين الاعضاء للمناقشه حول
هل السياسه قذره فعلا؟
ام ان القائمين عليها الان من الليبرالين والعلمانين هم القذرين ؟
لقد علمنا رسول الله وصحابته الكرام سياسه الاسلام والمسلمين وهي بعيده كل البعد عن (قذاره السياسه العلمانيه واللييبراليه)
ليقول كل واحد رأيه في فصل الدين عن السياسه
علما بان الاسلام لم يترك شيء الا وتحدث فيه
لا كبيره ولا صغيره في علوم الحياه والتصرفات اليوميه الا وذكرها وذكر كيف نفعلها وذكر ايضا كيفيه معامله الكفار وغير المسلمين
وذكر ايضا حقوق اهل الكتاب علينا وحقوق الدول المجاوره
الاسلام منهج حياه هذا هوه مبدئي
ليقل كل منكم رأيه

تعاليق

بليغ حمدى
بسم الله
لا اعرف كيف لمسلم يعرف دينه جيدا ويعتقد ان هناك فصل بين الدين والسياسة او اى منحى من مناحى الحياه

الاسلام هو دين نحيا به وليس فقط نتعبد به (المقصود بالتعبد هنا الصوم والصلاة وغيرها من العبادات لكن طبعا هناك نية فعل كل شىء بغرض التعبد لله عز وجل )

لكنى اظن هنا ان اغلب المعارضين لتلك التيارات الدينية هو نبذ استغلال الدين وشتان بين فصل الدين وبين استغلاله
Heavy equipment
بليغ حمدى كتب:
بسم الله
لا اعرف كيف لمسلم يعرف دينه جيدا ويعتقد ان هناك فصل بين الدين والسياسة او اى منحى من مناحى الحياه

الاسلام هو دين نحيا به وليس فقط نتعبد به (المقصود بالتعبد هنا الصوم والصلاة وغيرها من العبادات لكن طبعا هناك نية فعل كل شىء بغرض التعبد لله عز وجل )

لكنى اظن هنا ان اغلب المعارضين لتلك التيارات الدينية هو نبذ استغلال الدين وشتان بين فصل الدين وبين استغلاله

طيب تمام
بس احب افكرك ان الراجل الي حضرتك حاطط صورته ليبرالي وبيؤيد فصل الدين عن الدوله
HOUSAMMI
بس احب افكرك ان الراجل الي حضرتك حاطط صورته ليبرالي وبيؤيد فصل الدين عن الدوله



ممكن تقولى يعنى ايه فصل الدين عن الدولة ؟؟
بليغ حمدى
بسم الله
حسب فهمى فصل الدين عن الدولة هو العلمانية وهى مرفوضة من جموع المصريين

شكرا على محاولة تذكيرى بأمر صحيح انه خطأ لكن شكرا على اى حال
لمعلومات حضرتك البرادعى قال انه لا يصنف نفسه وهو ليس ليبرالى ولا علمانى هو يريد دولة يعيش الشعب فيها بحرية وعدالة وكرامة لذا لا يمكنك الادعاء انه ليبرالى الا لو تعرف نيته او ما فى قلبه غير كدا يبقى ليس لك الا ما قاله الرجل عن نفسه وبخصوص الليبرالية فالكلام بشأنه ليس مكانه هنا

اما تأييد فصل الدولة عن الدين فهو لم يدعوا لذلك كما انه ليس من المنطقى ان يقبل المادة الثانية من الدستور ويعارض تغييرها ويتهم بهذا الاتهام
من الواضح ان المادة الثانية تقول ان الشريعة الاسلامية هى المصدر الرئيسى للقوانين وطبيعى اى علمانى او من يرغب فى فصل الدين عن الدولة يرفض هذه المادة والا يكون بيهرج ومتناقض
لذا كالعادة تلك الاتهامات هى افتراء على الرجل وان كان ممكن افهم ان نظام مبارك يردد هذا الكلام دون بينة فكيف بالسلفيين الذين يعلمون ان اتهام الناس دون بينة امر حرام شرعا وهم اولى بتجنب هذا لذا يا اخى ادعوك اصلحك الله بالاستغفار ولا تتعرض لاحد الا بعد معرفة الدليل

دعنى اطرح عليك سؤال لما لم نسمع اى اعتراض من اغلب السلفيين والاخوان على الجنزورى وهو ليس لديه خلفية اسلامية بل ايضا متهم بانه كان ضمن نظام فاسد واحد اركان نظام مبارك وكان تحته وزراء مثل ابراهيم سليمات وحبيب العادلى وعاطف عبيد وصفوت الشريف فهل البرادعى فقط هو الذى ترفضوه مع ان الجنزورى على اى حال اسوأ هذا بافتراض ان البرادعى سىء فأكيد الجنزورى ليس من سيعلى راية الاسلام
منتظر الرد
oso
نعم السياسة لعبة قذرة
فيما روي عن البخاري في تجهيزغزوة بدر
عند نزول الرسول صلى الله عليه وسلم بالجيش عند أدنى ماء من مياه بدر قام الحباب بن المنذر وقال يا رسول الله أرأيت هذا المنزل أمنزلا أنزلكه الله ليس لنا أن نتقدمه ولا نتأخر عنه ؟؟أم هو الرأى والحرب والمكيدة ؟؟؟….

قال صلى الله عليه وسلم إنما هى الحرب والمكيدة قال يا رسول الله فإن هذا ليس بمنزل فأنهض يا رسول الله بالناس حتى تأتى أدنى ماء من القوم فننزله ونغور ما وراءه من الأبار ثم نبنى عليه حوضا من الماء فنشرب ولا يشربون….فأخذ النبى صلى الله عليه وسلم برأيه
Heavy equipment
oso كتب:
نعم السياسة لعبة قذرة
فيما روي عن البخاري في تجهيزغزوة بدر
عند نزول الرسول صلى الله عليه وسلم بالجيش عند أدنى ماء من مياه بدر قام الحباب بن المنذر وقال يا رسول الله أرأيت هذا المنزل أمنزلا أنزلكه الله ليس لنا أن نتقدمه ولا نتأخر عنه ؟؟أم هو الرأى والحرب والمكيدة ؟؟؟….

قال صلى الله عليه وسلم إنما هى الحرب والمكيدة قال يا رسول الله فإن هذا ليس بمنزل فأنهض يا رسول الله بالناس حتى تأتى أدنى ماء من القوم فننزله ونغور ما وراءه من الأبار ثم نبنى عليه حوضا من الماء فنشرب ولا يشربون….فأخذ النبى صلى الله عليه وسلم برأيه

الحديث الي حضرتك ذكرته ملهوش علاقه بالسياسه!
دي حرب والحرب طالما في ميدان القتال يبقه يا قاتل يا مقتول
انما بعد الانتصار بقه تظهر اخلاق المسلمين في التسامح والعفو عن الاسري وتمريض المصابين
oso
السياسة دلوقت بقت حرببين الدول
حرب باردة
زي اللي كانت بين روسيا وامريكا
Heavy equipment
oso كتب:
السياسة دلوقت بقت حرببين الدول
حرب باردة
زي اللي كانت بين روسيا وامريكا

ايوه بس في الاسلام مفيش حرب بارده Sad
في
وأعدوا لهم ما استطعتم من قوة ومن رباط الخيل ترهبون به عدو الله وعدوكم وأخرين من دونهم لا تعلمونهم الله يعلمهم
يعني لما نطور اسلحتنا والتكنولوجيا احنا مش بنطورها بهدف ان احنا ننافس الدول الاخري ونتصدرها
الهدف منها اننا نحافظ علي بلدنا ويكون عندنا سلاح متطور وكافي للدفاع عن بلدنا وارضنا
ونرهب بيه اي دوله تحاول انها تفكر انها تحتلنا او تحاربنا
شفت بقه الاسلام محدد حتي كيفيه استخدام القوه والسلاح
شمس الاصيل
السلام عليكم
.السياسه هى اقذر لعبه ممكن ان يلعبها احد ولكن هل اداره شئون بلاد ذاقت من الظلم ما ذاقت ةمحاوله كشف الظلم عنها فيه قذاره ؟
لقد شاهدت برنامج مصر الحره على قناة الحكمه وهى تذيع برنامج خرج من امريكا وهو يصف البرادعى بأنه رجل امريكما للوقت الحالى وقال بالحرف ان امركا لم تحب مبارك لانه لم يكره شعبه بالدرجه الكافيه وان البرادعى يمكن ان ينفذ كل المطلوب منه فى هذه الفتره والبرمامج على النت لمن يحب ان يشاهدة فهل هناك افظع من ذلك
الان زوار التحرير الكرام يريدون فرض البرادعى رئيسا لحكومه انتقاليه ؟؟؟؟؟؟
هل هذه هى الديمقراطيه الحقه ؟ ولقد رأيت الاعجب فى مفس البرنامج
نجيب ساريرس يقول ان التيارات الاسلاميه ستصاب بصدمه لان الانتخابات لن تكون فى صالحهم واذا كانت فى صالحهم نحن نرفضها ؟؟ من نحن الذبن يتحدث عنهم ؟ لا أدرى ؟
ارحموا مصر الله يهديكم
Heavy equipment
قولوا الي انتوا عايزينه
دي ارائكم
وكل واحد حر في رأيه
للكن في الاخر السياسه القذره مش بتاعتنا
السياسه القذره بتاعت الليبرالين العلمانين الشيعوين الخ الخ
انما المسلمين لا
والي يقول كده بصراحه يبقه هوه الي قذر
لانه بيحاول يفرض رأي علي حساب دينه
وبيتهم الرسول وصحابته الكرام بانهم كانوا يلعبون هذه اللعبه ال .....
يمكن انتوا علي حق لانكم متربتوش في حكم اسلامي
انتوا اتربيتوا في اقذر حكم واقذر سياسه
والسلام
شمس الاصيل
السلام عليكم ورحمه الله وبركاته
يقول الله تعالى (وجادلهم بالتى هى احسن ) ويقول ايضا ( ادفع بالتى هى احسن )
ارجوك ولدى الحبيب ان تخفض قليلا من اللهجه التى تتحدث بها ويجب عليك مراعاه فرق السن مع من تتحدث
فكلنا فى هذا المنتدى اعمارنا اكير بكثير منك وانا شخصيا اصغر بناتى اكبر منك
فارجوك ان تتحدث معنا بأسلوب يليق بالالتزام الذى استشعره فيك فقد قال رسو ل الله صلى الله عليه وسلم
(ليس منا من لم يرحم صغيرنا ويوقر كبيرنا) وقال ايضا( اعطوا الناس منازلهم )
فهذا الاسلوب الذى تتحدث به يعطى صوره سيئه جدا عن الملتزمين
لا تغضب منى فأنا مثل والدتك ولا يليق بأبنى ان تكون صورته هكذا ولا حظ ان الكل يستطيع ببساطه ان يقول مثلك فأجبر الاخرين على احترامك باحترامك لهم والسلام عليكم ورحمه الله وبركاته
a.abdelghani
حج هيفى
هدى اللعب شويه
الاخت شمس سبقتنى وقالتلك
فيه ناس اكبر منك سنا هنا فى المنتدى ما ينفعش طريقة الحوار تبقى كده
اندفاع الشباب ما ينفعش فى الحوار لانه بيغلطك
وبيخلى الرف التان يمسك عليك غلطات مش غلطه واحده

السياسه قذره بشتى اشكالها
ده شيئ لا خلاف عليه

بكره تكبر وتعرف ان اللى انت بتقوله ده غلط
وبكره تقول انا كنت كده ازاى
اللى انت فيه ده طبيعى لانه اندفاع الشباب
لسه فيه تهور فى ابداء الرأى
حاول انك تفكر قبل ما تقول الكلمه وما تمسكش حد غلطه عليك

كلنا مسلمين
والحمد لله
وكلنا هنا بنحترم بعض وبنحب بعض وما بنحاولش نجرح بعض
ده اساس من اساسيات منتدانا والحمد لله
دمت بود وتقبل مرورى
Heavy equipment
انا مازلت عند موقفي وان السياسه القذره هي بتاعت الليبرالين والعلمانين والشيوعين وكل الفصائل دي
لكن احنا ربنا مدينا منهج نمشي عليه والمنهج ده مش قذر زي باقي المناهج لانه منهج رباني مش زي المناهج الاخري
والي يقول ان الاسلام سياسته قذره يبقه كافر
او منافق
او انسان معندوش دين اصلا
او واحد عايز يقول حريه حريه ليبراليه ليبراليه ويعمل الي هوه عايزه من المحرمات علي حساب دينه
انا مش ملتزم جدا زي ما حضرتك تخيلت وبتقول متشدد ومش متشدد ووهابين ومش وهابين
اولا الامام محمد بن عبد الوهاب ده راجل كان قائد ثوره التطهير ضد الفكر الشيعي والبدع
علشان كده كلمه وهابين دي مبسمعهاش عن السلفين الا من الشيعه والليبرالين واول من اطلقها علي اتباع الامام محمد بن عبد الوهاب كانوا الانكليز ومن بعدها نسمع اتباع افكار الانكليز من السياسات القذره والفكر الاستعماري والليبرالي بيرددوها زي البغبغاوات وهما مش فاهمينها ومش فاهمين ان السلفين اصلا ضد هذه الكلمه
علي كده بقه انا هتقول عليا شعراوي علشان بحب الشيخ الشعراوي مش كده ؟
انا مش ملتزم وحاسس اني مقصر في ديني بس مهما حصل انا لا اقف في طريق الدعوه الي الاسلام او قيام دوله علي اسس اسلاميه لمجرد انها هتمنع شهوه من شهواتي او متعه من متع الحياه
وعلي فكره مهما كان الصراع شرس علي البرلمان او علي السلطه بشكل عام فانت هتعرف كويس جدا ايه هي اخلاق المسلمين لما تكون اديهم هي العليا وايدك انت السفلي
وان الاعتراض والنقد في دوله الاسلام شيء متاح لكل الناس مسيحين ومسلمين
لو متخيل انهم هيقولولك مفيش تليفزيون مفيش دش مفيش كمبيوتر مفيش عربيه مفيش مفيش مفيش مفيش مفيش مفيش مفيش مفيش مفيش تبرج وعدم لبس للحجاب
تبقه حضرتك فعلا مش فاهم حاجه عن الاسلام وانك مجرد اسما بس
الاسلام هوه دين الحريه وبيديك حريه اكتر من الليبراليه الي حضرتك متمسك بيها
لكن الصراع شرس مبينا الان لانكم تملكون كل شيء
اعلام صحافه تليفزيون راديو امريكا الغرب كلوا
كل ده معاكم واحنا معناش حد غير ربنا سبحانه وتعالي
ومع ذلك برضوا انتوا دائما خايفين ودائما مرعوبين ودائما باسبورتاتكم جاهزه علشان تهربوا علي امريكا
سمعت نجيب ساويرس وهوه بيقول لن نسمح لوصول الاسلامين للسلطه ؟كان بيتكلم من امريكا
بزمتك يا اخ بليغ الذي لا يملك اي شيء سوي تعاطف الناس وحب الناس له ولمنهجه يقدر يعمل كل ده
وانتوا خايفين من الانتخابات وقاعدين في التحرير علشان الانتخابات متتعملش
طيب روحو انتخبوا وقولوا رايكم واتوا الي يمثلكم ويمثل رأيكم في البرلمان
واتطمن كويس جدا ان البرلمان مش هيكون كله تيار اسلامي
هيكون فيه شويه من اصحاب السياسه القذره
يعني هيكون برلمان مختلط مبين كل فئات الشعب وده الي انا بتمناه علشان كل واحد صوته يوصل ويكون ليه حد بيمثله في الجهه التي تمثل رأي الشعب
وفي النهايه تتهمونا بالجهل والرجعيه وفهم الدين غلط لما نعترض علي الخمور او علي الكباريهات او اي شيء يمس متعتكم الدنيويه
ولما تلاقوا نفسكم بقيتوا في موقف حرج او مش عارفين تردوا
تقولوا قال الله وقال الرسول وتتمسكوا بمنهج الاسلام اكتر من شيوخ الازهر حتي
بالمناسبه الازهر الي ماسكينه صوفين والافتاء برضوا الي ماسكينه صوفين
وده من ايام جمال عبد الناصر علشان الصوفين ملهمش دخل في السياسه وبتوع(اله حي اله حي اله حي)
مع ان الشعراوي كان صوفي رحمه الله لكن انا ضد المنهج الصوفي لان فيه بدع كتير تعارض الاسلام والعقل ايضا
لان الاسلام دين العقل
والسلام حسن ختام
واحب اعتزر لو كلامي جارح لكن انا لا اشخصن الكلام انا بنقد فكر وليس شخص Sad


عدل سابقا من قبل Heavy equipment في الإثنين نوفمبر 28, 2011 7:36 pm عدل 1 مرات (السبب : غلطات كتابيه)
a.abdelghani
ردى بالأحمر
Heavy equipment كتب:
انا مازلت عند موقفي وان السياسه القذره هي بتاعت الليبرالين والعلمانين والشيوعين وكل الفصائل دي
لكن احنا ربنا مدينا منهج نمشي عليه والمنهج ده مش قذر زي باقي المناهج لانه منهج رباني مش زي المناهج الاخري
والي يقول ان الاسلام سياسته قذره يبقه كافر
او منافق
او انسان معندوش دين اصلا
او واحد عايز يقول حريه حريه ليبراليه ليبراليه ويعمل الي هوه عايزه من المحرمات علي حساب دينه
انا مش ملتزم جدا زي ما حضرتك تخيلت وبتقول متشدد ومش متشدد ووهابين ومش وهابين

دى تعليقاتى على ردك
اولا ما حدش قال لك غير رأيك بنقول فكر قبل ما ترد واقرا المكتوب كويس
أولا ما حدش قال ان الاسلام سياسته قذره
ثانيا محدش قال انك متشدد او وهابى
راجع كل المداخلات السابقه لن تد ما قلته
وهذا دليل على أنك لا تقرأ ما يكتب أو على الأقل تقرأ اول سطر وترد دون أن تمهل نفسك للتفكير والتمعن
أنا عن نفسى
مسلم سنى عارف ينى كويس جدا وفوق ما انت تتخيل بمراحل
على فكره محدش فينا قال انه ليبرالى او انه عايز المحرمات برضه
وللعلم انا انتخبت حزب النور لانه احسن الموجودين لدينا فى بورسعيد

اولا الامام محمد بن عبد الوهاب ده راجل كان قائد ثوره التطهير ضد الفكر الشيعي والبدع
علشان كده كلمه وهابين دي مبسمعهاش عن السلفين الا من الشيعه والليبرالين واول من اطلقها علي اتباع الامام محمد بن عبد الوهاب كانوا الانكليز ومن بعدها نسمع اتباع افكار الانكليز من السياسات القذره والفكر الاستعماري والليبرالي بيرددوها زي البغبغاوات وهما مش فاهمينها ومش فاهمين ان السلفين اصلا ضد هذه الكلمه
علي كده بقه انا هتقول عليا شعراوي علشان بحب الشيخ الشعراوي مش كده ؟
انا مش ملتزم وحاسس اني مقصر في ديني بس مهما حصل انا لا اقف في طريق الدعوه الي الاسلام او قيام دوله علي اسس اسلاميه لمجرد انها هتمنع شهوه من شهواتي او متعه من متع الحياه
وعلي فكره مهما كان الصراع شرس علي البرلمان او علي السلطه بشكل عام فانت هتعرف كويس جدا ايه هي اخلاق المسلمين لما تكون اديهم هي العليا وايدك انت السفلي
وان الاعتراض والنقد في دوله الاسلام شيء متاح لكل الناس مسيحين ومسلمين
لو متخيل انهم هيقولولك مفيش تليفزيون مفيش دش مفيش كمبيوتر مفيش عربيه مفيش مفيش مفيش مفيش مفيش مفيش مفيش مفيش مفيش تبرج وعدم لبس للحجاب
تبقه حضرتك فعلا مش فاهم حاجه عن الاسلام وانك مجرد اسما بس

اعذرنى هكررهالك انا عارف الاسلام اكتر منك بكتير وأسف انت اللى ما تعرفش حاجه انت مسير
أو بالبلدى زى ما بنقول حافظ مش فاهم
بلاش أحكام مسبقه
مفيش حد فينا ضد الحجاب كلنا معاه وعائلاتنا كلها نساؤهم محجبات
هقولهالك زى ما قلتها قبل كده
اعتراضنا على الأشخاص وليس الفكر والمبدأ خوفنا من الاشخاص فقط
هذه الفاتحه ولكن أين عمر ( الفاتحه هى الفاتحه ولكن أين يدى عمر )
لو تعرف هذه المقوله لأدركت ما أعنى
فالالام منهج حياه متكامل لم يغفل شيئ الا وعلمنا اياه
ولكن المشكله فيمن يطبقه طبقا لمصالحه الشخصيه
نحن لا نريد دوله علمانيه او ليبراليه
وانا ضد من يطالب بهذا

الاسلام هوه دين الحريه وبيديك حريه اكتر من الليبراليه الي حضرتك متمسك بيها
لكن الصراع شرس مبينا الان لانكم تملكون كل شيء
اعلام صحافه تليفزيون راديو امريكا الغرب كلوا
كل ده معاكم واحنا معناش حد غير ربنا سبحانه وتعالي
ومع ذلك برضوا انتوا دائما خايفين ودائما مرعوبين ودائما باسبورتاتكم جاهزه علشان تهربوا علي امريكا
سمعت نجيب ساويرس وهوه بيقول لن نسمح لوصول الاسلامين للسلطه ؟كان بيتكلم من امريكا
بزمتك يا اخ بليغ الذي لا يملك اي شيء سوي تعاطف الناس وحب الناس له ولمنهجه يقدر يعمل كل ده
وانتوا خايفين من الانتخابات وقاعدين في التحرير علشان الانتخابات متتعملش
طيب روحو انتخبوا وقولوا رايكم واتوا الي يمثلكم ويمثل رأيكم في البرلمان
واتطمن كويس جدا ان البرلمان مش هيكون كله تيار اسلامي
هيكون فيه شويه من اصحاب السياسه القذره
يعني هيكون برلمان مختلط مبين كل فئات الشعب وده الي انا بتمناه علشان كل واحد صوته يوصل ويكون ليه حد بيمثله في الجهه التي تمثل رأي الشعب
وفي النهايه تتهمونا بالجهل والرجعيه وفهم الدين غلط لما نعترض علي الخمور او علي الكباريهات او اي شيء يمس متعتكم الدنيويه
ولما تلاقوا نفسكم بقيتوا في موقف حرج او مش عارفين تردوا
تقولوا قال الله وقال الرسول وتتمسكوا بمنهج الاسلام اكتر من شيوخ الازهر حتي
بالمناسبه الازهر الي ماسكينه صوفين والافتاء برضوا الي ماسكينه صوفين
وده من ايام جمال عبد الناصر علشان الصوفين ملهمش دخل في السياسه وبتوع(اله حي اله حي اله حي)
مع ان الشعراوي كان صوفي رحمه الله لكن انا ضد المنهج الصوفي لان فيه بدع كتير تعارض الاسلام والعقل ايضا
لان الاسلام دين العقل
والسلام حسن ختام
واحب اعتزر لو كلامي جارح لكن انا لا اشخصن الكلام انا بنقد فكر وليس شخص
لو انت كنت قريت رد بليغ عليك فى البدايه كنتسترى
انه يستعجب كيف لمسلم عاقل ان يفصل الدين على السياسه
ما حدش قال اننا عايزين لا كباريهات ولا خمور
كلنا ناس عاديين مش حاطيين باسبوراتنا فى جيوبنا
ولا الطيارات مستنيانا
محدش اتهم حد بالجهل ولا حد قال اننا عايزين متع دنيويه
محدش قال اننا مع ساويرس بالعكس انا ضده واعتق ان الاخوه ضده
لانه شحخص لا كلمة له ولا عهد
بالاضافه لمساوئه الأخرى
على فكره احنا برضه مش صوفيين




Sad


نهاية كلامى
مش عارف انا حاسس ان الرد ده منقول وكان رد على حد تانى فى حته تانيه وانت نقلته
لان كل الاتهامات الموجوده فيه هى محض افتراء ولم تذكر فى اى مداخله فى الموضوع
واللى بياكدلى ظنى
كلمة الانكليز
وليس الانجليز اللى مكتوبه

برجاء القراءة جيدا قبل الرد
وعدم التسرع واتهام الاخرين ورميهم بالكفر وووووو
فهى مردوده عليك ان لم يكن كذلك وانت لا تعلم سريرته الله وحده هو الذى يعلم السرائر

هدانا الله جميعا للحق
Heavy equipment
انا بتلغبط مبينك ومبين استاز بليغ
وكمان كلمه الانكليز دي عادي مش عارف ايه المشكله فيها
وكمان انا ردودي كلها يمكن تكون مستفزه لاصحاب الافكار الليبراليه لكن ردودي موضوعيه
ومش بنقل كلام من حته لحته Sad

Laughing سلام بقه الارنبه اهم دلوقتي ولدت ارنب واحد بس ومكملتش قاعد جنبها مستني الفرج
بليغ حمدى
بسم الله
انا شايف الردود كافية ومع ذلك هرد على ما يخصنى
مشكلتنا فى التيارات الوهابية او التى تسمى سلفية مش مهم الاسماء المهم المنهج ان طابعهم ساعة الجد تكفيرى لمن يعارضهم وهذا لا يصلح للسياسة وانا متفق مع هيفى انه ليس شرط ان تكون السياسة قذرة فعلى الحاكم المسلم ان يراعى الله فى حكمه وليس اى حسابات اخرى لكنى اختلف معاه انه بيحدد ان التيار الاسلامى هم فقط المسلمون او على الاقل هم فقط الحريصون على الاسلام وهذا كان واضح فى ردوده وطبعا هذا غير صحيح واكبر دليل ان معظم من يؤيد البرادعى مثلا الرجل الثانى الذى يختارونه عبد المنعم ابو الفتوح ودا كان اخوان لكن الناس بتحكم على قدراته وفكره وليس اسلامه
المشكلة اننا بنتعتقد ان معظم السلفيين يفكرون مثل هيفى وبالتالى لا يصلحون لتولى حكم مسلمين اغلبهم لا ينمى لجماعاتهم
اعرف ان كلامى هذا لن يلقى صدى لهيفى لكن هقول له عدة امور اتوقع حدوثها فى المستقبل وان حدثت ارجوا وقتها ان يعترف بخطأ تفكيره ومن مثله هقولها فى اخر ارد

انت بتقول احنا قاعدين فى التحرير علشان الانتخابات متتعملش وخللى بالك يوجد معنا سلفيين واخوان طيب انت كمسلم ممكن تقول ايه دليلك على كدا ؟؟
لان الناس هناك قالت انها مع الانتخابات فى موعدها ودا اتأكد عدة مرات ومطالبها لا علاقة لها بالانتخابات والامر الثانى كيف لاعتصام فى التحرير يعطل الانتخابات والدليل اليوم محصلش حاجة فهذا خطأ ومش موضوعى والاحداث الحالية تؤكد ذلك
الناس اللى فى التحرير هى التى الزمت العسكر بتحديد نهاية لحكمهم اخر مايو ودا بسببنا واعتقد ان دا شىء كويس يحسب لنا .... الناس اللى فى التحرير رفضت الجنزورى وانتم وافقتم عليه وهذا دليل اخر لعدم صدق موقفكم لانكم اذا كنت بتعارضوا حكم واحد مش اسلامى فهل الجنزورى اسلامى ؟؟ طبعا لن تجاوب لان الاجابة تحمل تعريف واضح لمن هو المنافق الذى يرفض شخص لم يثبت فساده ويرضى بشخص ثابت فساده ولا ارى صفة اهون من هذا
الناس اللى فى التحرير بينهم مرشحكم للرئاسة ابو اسماعيل فاخبرنا انتم مع الراجل ولا انتم ضده علشان مش عارف مرشح مين دا اللى مش عاجبكم قراراته وبرضه بتأيدوه
احنا بنطالب بحكومة فيها البرادعى وابو الفتوح وصباحى واحد المستشارين لا اتذكره وفى المقابل حكومة الجنزورى ... حكومتنا فى ابو الفتوح وهو اسلامى فهل هو سيقبل حكومة علمانية كما تتدعون ؟
انتم وقفتم مع الجنزورى فأى قرار فاسد هذا واى باطل انتم تساندونه وبعد ذلك تتحدثوا عن الاسلام؟ ... يا اخى الاسلام برىء من هذه التصرفات
عاوز تانى ؟ .... طيب يوم السبت لما مجموعة مصابين معتصمين دون اى عطلة للمرور حتى تم سحلهم وضربهم فهل تحركت فيكم نخوة او مروءة ؟؟ بلاااااش اصل دول مصابى الثورة اللى مش عجباكم وحلال سحلهم
طيب الجثث اللى الجيش والشرطة كانوا بيرموهم فى الزبالة والوحشية فى ضرب ناس ميتة او فاقد الوعى على دماغها وهما ممدين على الارض هل هذا يرضى الاسلام يا مسلم ؟ ودول كانوا فى الميدان حتى لا تتهمهم انهم كانوا بيهاجموا الداخلية والشرطى اللى كان بينشن على العيون واللى جنبه بيحيه على كدا وكله متصور واتعرض فى الفضائيات .... افلا تستحون الحديث عن الاسلام ولا تعملون به
سنشارك فى الانتخابات وحلال عليكم الكراسى لان نضالنا ليس من اجل ذلك

اخيرا اليك توقعاتى ايها المسلمون سوف تتقاتلون انتم والاخوان قريبا لان المصالح ستتعارض وسوف نرى الاسلام الذى تمثلونه او المجلس العسكرى عندما يتبين تفوق التيار الاسلامى فى المرحلة الاولى اتوقع افتعال اى مشاكل لالغاء الانتخابات ووقتها سنرى ماذا انتم فاعلون مع الخط الاحمر بعد تبينكم اننا من الاول كنا على حق وانتم كنتم مغيبين تدافعون عن فاسدين هم اول من سينقلب عليكم
وصدقنى لن تجدوا غيرنا لكى تنضموا لنا لمجابهة الظلم لكن وقتها ان حدث ما اقول اعلم اننا سنكون اعلى شأن منكم لاننا ثابتون على الحق ونستخدم عقولنا التى خلقها الله لنستعملها فى التفكير وليس فقط الحفظ
HOUSAMMI
اولا الامام محمد بن عبد الوهاب ده راجل كان قائد ثوره التطهير ضد الفكر الشيعي والبدع




هههه


أخيرا حد قالها انا كنت منتظر الكلمة دى من زمان حاولت اطلعها من عمرو عقبة بس للاسف ماقلهاش وطالما انت قلتها يبقى انتظر ردى

على الحركة الوهابية ايها الهيفى ،،،
a.abdelghani
Heavy equipment كتب:
انا بتلغبط مبينك ومبين استاز بليغ
وكمان كلمه الانكليز دي عادي مش عارف ايه المشكله فيها
وكمان انا ردودي كلها يمكن تكون مستفزه لاصحاب الافكار الليبراليه لكن ردودي موضوعيه
ومش بنقل كلام من حته لحته Sad

Laughing سلام بقه الارنبه اهم دلوقتي ولدت ارنب واحد بس ومكملتش قاعد جنبها مستني الفرج


النص الأول من ردك ابلغ رد على انى صح
انت ما بتركزش فى المكتوب

النص التانى بقى مش عايز اعلق عليه لان تعليقى ...... ولا بلاش

power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى