استخدام عليقة الفراخ للارانب!!

شوف ياسيدى علف الفراخ بيكون نسبة البروتين فيه عاليه عن المسموح بيه للارانب
احنا بنحتاج للمرضعات علف 18% وللنتاج16%وبنحط للكل علف مرضعات ال هو18%على اساس انه مابيوصلش لل18% لكن لو حطينا علف فراخ ال هو بيوصل ل30%واكتر شوف ايه ال هايحصل وكمان شيكارة الارانب ب120جنيه وعلف الفراخ ب170جنيه يعنى هايبقى موت ارانمب وخراب جيوب سيادتك واختار انت بقى

طبعا ما ينفعش اخي الفاضل ده اهدار كبير للعلف و يؤدي لنتائج عكسيه و مشاكل كتيره الفراخ مختلفه تماما عن الارانب استعمل علف ارانب جيد اخي الفاضل لا يصح الا الصحيح

كلام الاخ عمارة نصة صح ونشكرة عالمساهمات الجميلة
اخي العزيز عمر
الفرق الجوهري بين علف الدواجن وعلف الارانب هو قلة نسبة الالياف في علف الدواجن
ودة ممكن يسبب اسهال للارانب علي الرغم انة ممتاز جدا ومتكامل
طب الحل؟؟؟
انا بحط نسبة واحد لواحد من علف الارانب وعلف الدواجن
النتايج كويسة جدا جدا..ومفيش اي مشاكل
او تحط نسبة دريس عالية مع الاكل
انا بكلمك علي اساس التجربة
اخويا عمارة
نسبة البروتين لاتتعدي نسبتها 25% بكافة الاحوال في الدواجن
الملاحظ من التجارب والتحليلات:
علف الارانب بيزيد في الالياف نسبتة 12%
الطاقة تقريبا 2000.......في الدواجن 3000
دة فرق كبير طبعا مرة ونص
عشان كدة بيبدأ الارنب يخزن الاكل في جسمة علي شكل بروتين ودهون
مع التجربة
لا يمكن التغذية علي علف الدواجن منفردا
يمكن التغذية علية مخلوطا مع علف الارانب للدفع الغذائي او لعلاج بعض حالات الهزال او الاعياء والضعف


التغذية لمدة طويلة بتؤدي للسمنة المفرطة وفي الصيف للموت المفاجئ بسبب ارتفاع الطاقة


دي الخلاصة

يعنى تفتكر يا سمسم أجرب على كام أرنب اليومين دوول (الجو معتدل) أضيف ليهم على العلف عليقة فراخ وانتظر النتائج.. طالما أنك مجرب وبتقول بتساعد فى الدفع الغذائى.. أصل أرانبى محتاجه بصراحه دفع رباعى مش دفع غذائى بس!!!

مش حتخسر حاجة
واسأل مجرب وكمان خبير

اضافه الى كلام الاخوه علف الدواجن روافع البروتينغالبا ماتكون مسحوق الدم اومحوق عظم وريش والارنب حيوان عشبى غير ذللك علف الارانب يتم كبسه تحت ضغط ودرجة حراره بخار ممايجعله علف معقم وكذللكمسحوق الدم والعظام مصدر لكثير من الامراض مثل السلمونيلا

قم بالتغذية علي علف نباتي خاص بالدواجن

الأخوه الأفاضل..

قمت بتجربة تقديم عليقة الفراخ (23 بروتين) مع العلف لعدد 2 أرنب كان وزنهم 1350 جرام وبعد 11 يوم صار وزنهم 2100 جرام وهو ما يعنى أن كلا منهم زاد بمقدار 350 جرام فى 11 يوم وقد كانت العليقه تقدم بما يعادل حوالى ثلث الكميه المقدمه الاجماليه.. واعتقد أن هذا المعدل مرضى جدا بل ممتاز وهو ما يعنى أنه فى 44 يوم يكون قد حقق الارنب 1400 جرام تضاف الى وزنه عند الفطام وليكن مثلا 500 جرام وهو ما يعنى بعد 74 يوم صار الوزن 1900 جرام وهو معدل ممتاز بل وخيالى لو حدث عندى لأن عند هذا السن يكون وزن الارنب عندى من 1100 الى 1300 جرام.

هذه كانت تجربتى فى تقديم عليقة الفراخ الى الارانب نقلتها لكم لعلها تفيد أحدكم

اشرف عماره كتب:

شوف ياسيدى علف الفراخ بيكون نسبة البروتين فيه عاليه عن المسموح بيه للارانب
احنا بنحتاج للمرضعات علف 18% وللنتاج16%وبنحط للكل علف مرضعات ال هو18%على اساس انه مابيوصلش لل18% لكن لو حطينا علف فراخ ال هو بيوصل ل30%واكتر شوف ايه ال هايحصل وكمان شيكارة الارانب ب120جنيه وعلف الفراخ ب170جنيه يعنى هايبقى موت ارانمب وخراب جيوب سيادتك واختار انت بقى

لما حطيت تركيبه علف تسمين
طلع واحد وراح حاسب نسبه البروتين طلعت 17 وراح قايل ديه متنفعش لان نسبه البروتين قليله
وحسب الالياف وكانت14 قال ان الالياف كتير ايه رايكم

الاخوة الاعزاء احد اصحاب المزارع نصحني بتحميص الخبز بفرن البوتاجاز ثم طحنة و اضافتة للعلف بس بنسبه بسيطة عشان ميعملش اسهال للارانب يريت حضرتكم تفيدوني ده هيكون كويس ولا لاء

كميات قليله مرتين اسبوعيا