اجمل موقف حصلى

من من حوالى 9 سنين كنت لسه يادوب بفكر انى اربى ارانب وطبعا ماكنتش اعرف اى حاجه عنهم فرحت اشتريت ارنبين بلدى من واحد صاحبى هو اللى مشجعنى بصراحه فاشتريت ارنبين صغيرين وقلت اربيهم وطبعا صاحبى عملى فيها الخبير وقالى دول ماتربيهمش على الارض اشتريلهم بوكسه خشب وافصل الدكر اللى لونه ابيض على اسمر عن الانثى اللى لونها ابيض على احمر عشان تعرف معاد ولادتها ولما ولادتها تقرب تحطلها صفيحة سمنه من الكبيرة جوه العين بتاعتها وكمان قالى الارنبه بتولد كل شهر وبتولدلها 12 فى البطن الواحده وانا بصراحه اتشجعت قوى للموضوع ده قلت لازم اربيهم واكترهم كمان وبعد شهرين كده الارانب اصبحت بالغه طبعا فدخلت الانثى للدكر ولعدم خبرتى طبعا كنت اسيبها يومين معاه واطلعها من عنده وهما مبهدلين بعض وجايبين دم من كل حته اروح اقول للواد صاحبى على اللى حصل يقولى لا ماتقلقش الدكر بتاعك جامد شويه وبعدها بكام يوم اوديهاله يجسها يقولى ارنبتك عشر يامعلم وفيها على الاقل 10 اقول اللحمد لله اروح استناها تولد بعد شهر .. مفيش .. اوديهاله تانى يقولى دى باينها طرحت وانت ماأخدتش بالك جرب تدخلها تانى واعيد نفس القصه واستناها تولد برده مفيش فسياده المفتى قالى تلاقى الدكر بتاعك شديد عليها وعشان كده بتطرح هاته وخدلك دكر تانى صغير قلت طيب مابدل ماغيره خدها انت دخلها للدكر اللى بتقول عليه قالى اوك وخدها تانى يوم جانى وجايبهالى فى شكاره بيقولى خد ياعم ارنبتك دى بهدلت الدكر بتاعى فاتفقنا انى هغيرها منه بأنثى تانيه وجبت انثى تانيه والامور مشت تمام معايا بس اكتشفت بعد كده ان هو كان معطينى دكرين ولما اخد الدكر اللى كنا مفكرينه انثى موت له دكرين تانيين من الضرب وماعرفش الا لما وداه لدكتور بيطرى لانه كان فاكر انه سعران ولكن الدكتور قاله دا دكر