السلام عليكم .
بسم الله
اخواني الاعزاء في المنتدي المحترم انطلاقا من هدي الاية الكريمة
(لَئِن شَكَرْتُمْ لأَزِيدَنَّكُمْ) وحبا في زيادة توفيق ربنا لي اقدم لكم ما وفقني الله له كافضل حل عملي من وجهة نظري في التخلص من مخلفات الارانب بل بالاستفادة القصوي منها ليس فقط التخلص منها فلا يخفي عن الجميع ان مشكلة مخلفات الارانب من المشكلات التي تؤرق الجميع وعشان مطولش ارجع تاني للغة العامية بتعتنا.
الحل الاول.
بما ان ذبل الارانب لو تم صرفه مباشرتا علي الصرف العادي هيسد الصرف فانا فكرت في حل يضرب عصفورين بحجر واحد ولو انه 3 عصفير والله بحجر واحد وده بعمل وحدة بيوجاز تتناسب مع حجم الذبل اليومي الفكره في ايه انك هتملي المهضم بتاع البيوجاز بالمخلفات ويتساب مده تتراوح بين 30 ل 45 يوم علي حسب حرارة الجو وبعد كده لما يحصل تخمر بفعل البكتريا اللاهوائية تبتدي كل يوم تضيف كمية المخلفات بتعتك للوحده
العصفور الاول بقي انك هيطلعلك غاز اقل سعة وحدة ممكن تشغلك اكبر عين في البتوجاز ساعة ونص(ده بس باضافة 3كيلو ذبل يومي)
العصفور التاني وده اللي يهمنا ان زي مبتحط من فتحة الوحدة ذبل بيطلع من فتحة اخراج الوحده نفس الكمية ماده سيله لو ودتها علي الصرف عمرها مهتسدوه
العصفور التالت ان المية اللي طالعه ده هي افضل سماد ممكن تستخدمة في الزراعه وممكن تعملها تجفيف لانها مبتكونش سيله اوي وتبعها كافضل نوع سماد ااو توديها علي الصرف بس بجد تبقي خسارة لانه سماد ممتاز.
الحل بقي التاني وهو ده من الاخر انك تعمل حوض تجميع للذبل وتركب تحت الحوض مفرمة حوض وده بتتباع في السلاب
هدخل الذبل من هنا يطلع من الناحية التانية سايل وعمره مهيسد مواسير الصرف برده.
وممكن تدمج الحلين تجيب مفرمه وتوصلها بوحدة البيو جاز تدخل الكمية اللي تخدها الوحده والكمية الزياده عندك بعد الفرم توديها علي الصرف لان المفرمه ليها مخرجين خلي مخرج علي الوحده ومخرج علي الصرف انا ليه بقول كده لان في مزارع كبيره ممكن المخلفات تعدي 200 و500 كيلو وطبعا عاوز وحدة اد بيت عشان يغذيها بكمية المخلفات ده فعشان كده يستخدم المفرمه مع الوحده
وبكده يجماعة تخلصنا من الذبل ووفرنا غاز وطلعنا سماد والتكلفة مش عالية المفرمة في السلاب تقريبا بي 1800 جنية
والوحدة بتتغذي بي 3 كيلو ذبل يومي تعمل بتاع 1400 جنية
ده اللي حبيت اشركم فيه لعل وعسي ربنا يكرم الجميع واكون سهمت في حل مشكله. وانا تحت امر اي حدعاوز يسال عن التفاصيل
منتدى الأرانب للجميع
أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة
attallahالأربعاء مارس 13, 2013 9:26 am