غاوى دوبر مان

ايييييييييييييييييييه
مفيييييييييش حد يعرف معلومات عن كلب الدوبرمان

ل الاسف مليش فى الكلاب اخى بلال ومبحبهاش
ربنا يدلك على طلبك
بالتوفيق

من النت هتلاقى كل الى عايزة

وفى مزارع كلاب كتير فى عرابى عندنا

لو جاهز تعالى شيل

الدوبرمان موجود كتير وسعره رخيص وعلى فكره عن تجربه شخصيه كلب خاين ولو عايز حاجه حنينه فى السعر يبقى تجيب البلاك جاك احسن
ولو مصمم على الدوبرمان اسأل الشناوى معانا على المنتدى او اتصل على الرقم ده 01064995353 دا اكتر واحد يفيدك فى الموضوع ده ومن الزقازيق

عن تجربة شخصية ازاى يا ابوشبل عضك يعنى انت جايب كلب يحرس المزرعة ولا اية

اللى انا اعرف يا ابو شبل
ان الدوبر مان من أوفى الكلاب لصاحبه هو والدونواه

انا عندى دوبرمان دلوقتى لحراسة البيت عندى بس والله خاين لو اعطيته ظهرى ممكن يعض بس عضه خفيفه كده وكمان مش امن على الاطفال

البيع والشراء فى الكلاب حرااااااااام يا بلال يهادى بها فقط
بس انا سمعت ان لو محتاجه ضرورى للحراسه وملاقيتش حده يهديك كلب يبقى ممكن شراؤه والله اعلى واعلم

انا من رايى لو ملوش لازمة حقيقية يبقى بلاشة احسن لان الملائكة لاتدخل البيت ال فية كلب وخاصة وسط المنازل لو البيت وسط المنازل حتى لو فى قرية يبقى ملوش لازمة خالص
كفاية انة مش نظيف دة لو بولة او لعابة جة فى شئ عشان تطهرة لازم تطهرة بالتراب اولا
انما لو مزرعة بعيدة وسط الحقول ماشى ممكن تجيب كلب وتحطة على بابها برة كدة ك حماية غير كدة لا
دة رايى واحترم راى الجميع

معك يا ا/عبدالسلام فى كل كلمة
وعايز اعرف ابوشبل جايب كلب ليه

طبعا انا بحترم رأى الاخوه الاعضاء جدا
لكن انا طارح الموضوع للمناقشه
عشان عاوز اعرف مواصفات الكلب الدوبرمان مش أكتر
وانا مش هضحك عليكم انا فكرت اجيب واحد

عبدالسلام عزت كتب:

انما لو مزرعة بعيدة وسط الحقول ماشى ممكن تجيب كلب وتحطة على بابها برة كدة ك حماية غير كدة لا

ههههههههههههههه والله يااستاذ عبد السلام لو اتعرف ان المزرعه فيها كلب سلاله اللى هيسرق مش هيسرق الارانب دا هيسرق الكلب

احمد احمد سعد كتب:

معك يا ا/عبدالسلام فى كل كلمة
وعايز اعرف ابوشبل جايب كلب ليه

أقولك ياسيدى انا جايب كلب ليه بس استوعب كلامى لانك مش هتفهمه قوى الا لما تيجى عندى
احنا نسكن فى منطقة عائلية فى قريه واخدين منها الركن الجنوبى الغربى ومعنى الركن دى اننا اخر حدود البلد يعنى الاراضى الزراعية خلفنا مباشرة وبطبيعه الحال المنطقة هاديه جدا
تانى حاجه ان المنطقة كلها بتربى اغنام وماشيه بكثرة واللى جالى قبل كده شاف الكلام ده وطبعا اقتناء الكلب بالنسبه لنا مهم جدا حتى لو هو مربوط يكفى نوبه الانذار اللى بيعملها عند اقتراب الغرباء
يعنى نداء للأخوه الاعضاء لو تحبوا زيارتى لا تتأتوا فى الظلام لان الوجوش ستخرج عليك من حيث لا تدرى هههههههههههههههه

اقولك على حاجه ظريفه كمان
من حوالى 10 سنوات وانا فى الثانوى كنا بنخلص مجموعات الدروس احيانا الساعه 11 بالليل وكنت اقف فى موقف البلد عند العوده ( أسكت هس ) مفيش صريخ ابن يومين وانا بين بيتى وبين الموقف حوالى 400 متر بس كنت بضرب صفاره من الموقف الاقى الكلاب جايه زى جيش التتار كأنهم فى مارثون ياخدونى يوصلونى للبيت

ههههههههههههههه
منطقة عائلية يعنى العيلة كلها فى المنطقة دى مع بعض فكرة كويسة والله ان العائلة تبقى جمب بعضها ولكنى اتوقع انها كانت ارض زراعية ملك لكم ووزعتوها على بعض كويس
اية حكاية بتصفر ليهم ييجى كل الكلاب دة لو كدة ميبقوش كلاب حراسة دة الكلب بتاع الحراسة ميعرفش غير صاحبة بس
هو عشان تربية المواشى معاك انهم بيجيبوا كلاب لحراستها
بس انت جايب كمان ل الارانب كلب حراسة دة هيخوف الارانب ياعم وممكن ياكلهم هو ولا ملوش دعوة مبيدخلش عندهم خاصة انهم فى الارضى زى ما انا عارف
بس بردة خلى بالك من الكلب واربطة متسيبوش عشان خطر على الاطفال ولو لقيت ملوش لازمة اتخلص منة دة زمانة هابلك عشان اكلة وشربة ولا الحاجة الوحشة بقى مخلفاتة اعزكم الله تبقى رائحتها كريهة جدا

لا توقعك كده متواضع جدا لان المنطقه العائلية دى مكونه من 50 اسره على الاقل وموجودين من اكثر من 80 سنه من اصول عربيه سيناويه يعنى جينا واشترينا الاراضى كل واحد لوحده بس اخترنا نكون جنب بعض
بالنسبه للكلاب بتعرف تميز صاحبها من الصوت يعنى مش اى حد يصفر الكلاب تروحله وبالنسبه لتربيه المواشى مش محتاجه كلاب لو حاجه بسيطه بس احنا زى ما قلت عرب يعنى احيانا فى ناس ماتعرفش عدد رؤس البقر ولا الغنم اللى عندها ولا عدد الكلاب
والكلب اللى عندى ده مش لحراسه الارانب ولا حاجه الموضوع مش مستاهل يعنى بس انا فعلا هتخلص منه لان النوع دا فعلا مش امن على الاطفال
بس للعلم الكلاب عايشه على بواقى طعام الناس وبالنسبه لعندى عايش على الارانب التعبانه وهو نظيف جدا لدرجه انه بيفحر لروثه ويردم عليه مره تانيه

يعنى تنصحنى اجيب كلب نوعه ايه يا ابو شبل
( ومش تقولى بلاك جاك )
انا عاوز اجيب حاجه غريبه ومش موجوده بكثره زى البلاك جاك
بصراحه انا فكرت اجيب الدونواه
أيه رأيك فيه

بصراحه معرفش الدونواه ده عباره عن ايه بس انا بحب البلاك جاك وربيت منه كتير والولف البلجيكى و البلاك كوت ( ربيته قبل كده) والبيتبول ( ربيته قبل كده وعلى فكره لو مش مدرب احسن تبعد عنه ) والجيرمن ودا النوع الوحيد اللى مش قادر اجيبه عشان البيور منه غالى جدا

بس انت لو معاك فلوس وعايز تجيب حاجه حلوه هات البرنارد او روت وايلر او جريت دان

الدونواه الكلب شكله زى البقره الهولندى ابيض ومنقط اسود
وفى منه بنى واسود خالص
( بمعنى أصح انا عاوز اجيب كلب حجمه كبيييييييييييييير )
تنصحنى بأيه

والبرنارد الجرو منه عمر شهرين يعمل كام
وهل هو فى الحراسه والشراسه كويس
ولا هو شكل وخلاص

وعلى فكره الجريت دان
هو هو الدونواه

الجريت دان انا شفته فى تدريبات وانا فى الجيش وبصراحه انا قلت الواد اللى بيدربه ولابس دراع واقى دا هيموت لان فى حياتى ماشفتش حاجه بالشراسه دى
البرنارد مايغركش انه بيطلع فى الافلام وعامل فيها طيب دا مصنف التاسع على العالم فى الشراسه واللى واخد الاول البيتبول والتانى الروت وايلر والتالت الجيرمن والرابع تقريبا الدوبرمان
بس الانواع دى مش هتنفعك لانها عايزه تدريب عالى قوى وابعتلى حسابك على الفيسبوك وانا هضيفك