يلا بينا على المطبخ
المقادير :
نص كيلو صدور متقطعة صغير
2 بصلة متوسطة
2 فلفل رومى والوان
علبة زبادى
ملح وفلفل وزعتر وكارى
معلقة صويا صوص
الطريقة :
1-قطعى البصل حلقات وشوحيه فى طاسة تيفال كبيرة بمعلقتين سمنة
2-اضيفى التوابل وقلبى لحد ما البصل يبقى لونه ذهبى
3-ارمى االفراخ طبعا بعد ماتكونى غسلتيها وقطعتيها هتلاقيه بتعمل تش نتيجة سخونية الطاسة والحركة دى بتخليها تحتفظ بفايدتها الغذائية جواها
4-ضيفى عليها الزبادى مع الصويا صوص
5-غطيها وخلى النار هادية لحد ما تنزل ميتها وهى هتستوى فيها بدون مية ولو احتجنا حبة مية نضيف حاجة بسيطة
6-اول ما تقرب تستوى نحط الفلفل الرومى والالوان اللى متقطع حلقات رفيعة
7-ممكن اضافة طماطم للى يحب بس فى الاخر خالص بعد ما تستوى
تقدم مع مكرونة او ارز بالكارى
وبالهنا والشفا
eman mohamedالأربعاء يونيو 03, 2015 1:25 am