انا تعبت من التفكير

انتا متئكد ان الام بتردع وهل في اعراض اي مرض في الام واية نوع العلف بتاعك وهل المكان دافي ولا لا وهل في حشرات او فئران يا ريت توضح عشان اهل الخبرة يعرفو يردو عليك

الام بترضع عيلها
لايوجد اى اعراض لاى امراض
باستخدم علف سوبر رابيت
المكان دافىء جيد التهويه ومشغل شفاطاط
لايوجد اى حشرات او فئران

الموضوع ده سه حاصل معايا اليوم وبالرغم من ان الام كانت بترضعهم الا انهم ماتوا.. كانوا 9 تقريبا.. وكانوا ضعاف جدا.. لكنهم كانوا بيرضعوا مات واحد.. مش مشكله.. لكن تانى يوم مات 3.. قلت مش مشكله بس يعيش الباقيين.. تالت يوم لقيت كله ميت.. وساقعين جدا مع انهم فى شعر كتير.. مش عارف هل هى داست عليهم ولا ايه.. طيب ايه اللى يدفعها لكدا.. دا سلوك غير متوقع منها.. مفيش اى ازعاج وولدت قبل كده.. ايه اللى ممكن يغير سلوك الام اصلا لان سبق ان ام موتت خلفتين فى حين ان كان ليها خلفتين سابقتين كويسين؟؟؟؟ وخايف ان دى كمان تعمل زيها؟؟؟

البرد يا أعزائى

طالما إنهم بيرضعوا يبقى مفيش غير البرد ... شغلوا الدفايات

لو الام كانت ولادتها متعسرة او ولدت قبل او بعد ميعاد الولادة الطبيعي ....بيموت معظم الولدة

انا متشك ليكم جميعا
لكن بالنسبه ليا بعد الفحص والتدقيق وجدت ان انا نسيت احصن التسمم الدموى البكتيرى
فمن الغالب ان يكون هذا السبب
وقابلت احد اصاحب مزرعه كبيره
ونصحنى انى اديهم مضاد سموم لمده 3ايام احصنهم بالفعل بدات

على فكره انا محصنتش دا من زماااااااااااااان بس دا مش مقياس لان الناس اللى بتربى فى البيوت على قدها متعرفش التحصين دا اصلا.. وبناء عليه اعتقد دا سبب مش منطقى ايه رايك؟

هو يا استاذ عمرو القصد ان الارانب اللهى راضعه وبتموت من الممكن ان تكون الامهات بجسمها مجموعه من السموم والبكتري اللى بيموت الارانب فد الهدف من ان ان اعطيهم التحصين والمضاد للسموم

بسم الله
تحسس بطن الارنبة للتأكد من عدم وجود التهاب ضرع ويبقى سبب النفوق اما قلة رضاعة او برد ليلا او تلوث نتيجة استخدام تبن او نشارة او بيت ولادة غير نظيف
هناك اسباب نادرة مثل مرض وراثى او عدوى اسهال من نتاج ام اخرى

متشكر

كلام الباشمهنديس بليغ مظبوط افحص الام كويس و تاكد ان الجو مش برد جدا بالليل بس انا لا انصح ابدا بتشغيل دفايات ابدا لانها تسبب مشاكل كتيره لو ما فيش مرض و الجو كويس بالليل ممكن يكون بسبب تغذيه لان في علف ممكن يمشي في الصيف كويس و يعمل مشاكل في الشتاء و العكس صحيح

اولا احب ان اشكر كل من ساهم فى حل مشكلتى
بالنسبه لدرجه الحراره فانا تبعتها لاتقل ابدا عن 17 اعتقد انها نسبه كويسه
الامهات بصحه جيده لا يجد بها اى امراض
العلف اللى بستخدمه شغال بيه كذا واحد بيجيبوا من نفس العلف من نفس المكان

اعتقد ان المشكله في التغذيه تاكد من الاخوه اللي بيستعملو نفس العلف انت متاكد ان العنبر مش بيبقي سقعه بالليل وحاول تضع قطن في بيت الولاده قبل الولاده خصوصا في الشتاء

الف شكر لكم جميعا
ولكن دكتور حسام انا تاكدت منهم
ولكن يوجد اخبار ساره عندى ارنبتين ولدو والحمد لله عايشين وبصحه جيده و كانت الخلفه اللى قبل كده ميته للامين بهذه بشره خير وربنا يحسن ختامهم

لو المشكلة فى ام واحدة ما تشغلش بالك بيحصل كتير ولام تكون شغالة وتيجى مرة كدة تتهف فى نفخها وتضيع البطن ممكن تكون حطيت ايدك فى بيت الولادة وغيرت ريحتة او الشعر المنتوف منها يقليل او اى سبب نفسى اخر لكن لو فى اكثر من ام بنفس الحالة يبقى هنا فى مشكلة

هى بالفعل حصلت فى اكثر من ام فاعتقد ان انا بدات امشى فى الطريق الصح بدليل ان المين اللى ولدو خلفتهم حيه و كويسه لان الخلفات الجديده كانت بتمت

ربنا يوفقك

شكرا لكل من ساهم

الذكور مش من عندى من بره

مش ممكن تكون الام بتتبول عليهم انا حصل معايانفس الحاله ودي كان السبب.

طيب بتقول بدأت تمشى فى الطريق الصحيح يا صاوى..
اللى هوه ايه؟؟؟؟؟
تحصين بكتيرى؟؟؟
مضاد سموم؟؟؟
تظبيط الجو؟؟؟
عموما الله يبارك لك فيهم بس قلنا عملت ايه عشان نستفيد

التهويه مكنش فيها مشكله
انا اديتهم 3 ايام مضاد سمم
وحصنت تسمم دموى بكتيرى
وانا لما قلت ان انا ماشى فى الطريق الصح كان بناء على الامين اللى ولدو وخلفتهم الحمد لله كويسه
على الرغم من ان اللى كان بيتولد جديد كان يولد حى وبعد دقيقه يموت