التكيف الصحراوى

ارجو من السادة مسئولى المنتددى الرد على موضوع التكيف الصحراوى للاهمية وشكرا

بيركب زي الشفاط بالظبط مفيش اختلاف


لا تأثير علي نسبة الرطوبة لان الحرارة الزيادة مع الرطوبة هيا الضرر بس

كلام استاز oso تمام بس احب اضيف ان التكيفات الصحراوية في منها احجام ولزم يتعملها شيالاات حديد ولزم يكون في توصلة مياة مستمرة 24 ساعة علي حسب الشغل واعتقد انة بيعمل نسبة رطوبة في المكان
وربنا يوفقك

شكرا لمايكل وosoعلى الردلكن انتو مركبين عندكم التكيفات دى والا بتعملوا اية فى الحر انا عايزرد بناء على تجربة شخصية ولكم تحياتى

والله هو مش بطال بس فعلا زي مايكل ما قال بزود نسبه الرطوبه في العنير ممكن يؤدي الي التهابات رؤيه مزمنه انا راي الشفاطات جيده جدا لو شفاط قوي يظبط التهويه يبقي ممتاز

شكرا د /حسام على الرد بس درجة الحرارة عندى بتسببلى خساير وبوقف الانتاج لمدة 3شهور وعندى شفاطات فعلا بس مش بتقلل درجة الحرارة بتعمل تهوية وبتسحب الامونيا بس واعتقد ان ةالتكيف هيقلل درجة الحرارة بس مش متاكد من دة وخايف من موضوع الرطوبة لو حد مجربة يفدنى يكون مشكورا

من تجربتى الشخصية ... المكيفات الصحراوية مش هتحل مشكلة الحر ... وفى نفس الوقت بتزود الرطوبة

آخر حل توصلت له للتغلب على الحرارة الشديدة هو مكيفات الفريون فى العنبر ... بيظبطوا درجة الحرارة وبيسحبوا الرطوبة من العنبر للخارج ... هتقولولى مكلفة ... هقولكم لا ... كفاية انى شغال فى الصيف زى الشتاء ويمكن أحسن .

بالنسبة لما قاله الأخ أسامة بأنها بتركب زى الشفاط ... فقد جانبه الصواب فى ذلك ... فالشفاط يثبت فى الجدار ولا يعتمد على الماء ... أما المكيف الصحراوى فهو جهاز أرضى له أحجام وقوى متعددة ويعتمد على الماء البارد أو الثلج .

شكرا استاذ ابو ادهم على اهتمامك بس فريون طب 150م مربع يحتاج ادية تكيف واستهلاك كام كهرباء طب يعنى الصحراوى بيتزل الحرارة لكام

استاذ ابو ادهم انا من طنطا يا ترى انتى منين من الغربية

محمد طنطاوى كتب:

شكرا استاذ ابو ادهم على اهتمامك بس فريون طب 150م مربع يحتاج ادية تكيف واستهلاك كام كهرباء طب يعنى الصحراوى بيتزل الحرارة لكام

<P align=right>شوف يا عزيزى 6 خطوط إنتاج طول الخط 20 متر من الجدار للجدار وعرضه 4 متر واخدين 12 مكيف شباك بقوة 2 حصان ... طبعا مع الفصل بين كل خط والآخر بمشمعات بلاستيك بتوصل درجة الحرارة فى الصيف الى 24 : 25 فى الوقت اللى بتكون الحرارة خارج العنبر 34 : 35 سقف العنبر مسلح والأرضية بلاط ... فاتورة الكهرباء الشهرية من 480 : 520 جنيه لمدة 3 شهور : 4 شهور .

محمد طنطاوى كتب:

استاذ ابو ادهم انا من طنطا يا ترى انتى منين من الغربية

من زفتى

المكيف الصحراوى بيبرد بس مع استعمال الثلج فى ماء المكيف مع استعمال شفاطات لسحب الرطوبة الزائدة
المكيف الصحراوى يركب خارج الجدار ويمتد منه جزء داخل العنبر وليس كالشفاط
المكيف الفريون ممكن يسبب مشاكل لأنه بيسحب الرطوبة بشكل شبه كامل وهذا ضار للأرنب وكذلك مكلف لأن المكيف الفريون فى الصيف مع هذه المساحة لايفصل كثيرا واستهلاكه يزيد للكهرباء بشكل كبير فتزيد التكلفة

شكرا للجميع

ممكن لو حد عنده صور للمكيف الصحراوي يرفقها بعد اذنكم

المكيف الصحراوي