منتدى الأرانب للجميع
اخيرا عرفت اعشر - طريقه ناجحه لللى بيواجه مشاكل فى التعشير - 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

اخيرا عرفت اعشر - طريقه ناجحه لللى بيواجه مشاكل فى التعشير - Rabbit10


منتدى الأرانب للجميع
اخيرا عرفت اعشر - طريقه ناجحه لللى بيواجه مشاكل فى التعشير - 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

اخيرا عرفت اعشر - طريقه ناجحه لللى بيواجه مشاكل فى التعشير - Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

اخيرا عرفت اعشر - طريقه ناجحه لللى بيواجه مشاكل فى التعشير -

29122011
اخيرا عرفت اعشر - طريقه ناجحه لللى بيواجه مشاكل فى التعشير -

انا يا جماعه كنت خلاص هطق من انى مش عارف اعشر الامهات اللى عندى

وكنت كاتب الموضوع ده

[ندعوك للتسجيل في المنتدى أو التعريف بنفسك لمعاينة هذا الرابط]

وجربت حاجات كتير وبرضه مفيش فايده

وربنا يجازى كل الناس والاعضاء اللى ساعدونى كل خير


النهاره واحد فلاح قالى طريقه قولت اجربها مع انى كنت متأكد انها مش هتجيب نتيجه بس جربتها

والحمد لله فعلا نجحت

وعشرت 3 امهات النهارده اكيد ان شاء الله

وفاضل 2 ان شاء الله هشرهم بعد بكره


************الطريقه هى ::::::::::::

انى جبت فص ثوم وقسمته اتنين
ودعكت فرج الام بيه برفق دقيقتين لحد ما احمر وقمت حطتها للدكر
والحمد لله الدكر صرخ وفضح الدنيا

وكان فيه امهات الفرج بتاعها ابيض واحمر من الثوم اوى

انا قولت اساعد الناس اللى بتواجه مشاكل فى العشار


وبرضه فيه واحد قالى طريقه بس مش جربتها
وهى حقن طلق صناعى بشرى
فهل دى صحيحه ؟؟؟؟؟؟؟؟؟؟؟؟؟؟

تعاليق

arnoub
ياريت اللأعضاء يؤكدولنا هذه التجربة
نور الدين53
انا اول مره اسمع حكاية التوم دي
نور الدين53
انا اعتقد والله اعلم ان السر مش في الثوم ولكن السرفي تدليك فتحة الحيا عند الانثى ، والتدليك ده عملها استثاره فوقفت بعد كده للدكر،والله اعلم
mahmoud.nada
على فكره الطريقه انا كنت مستغربه برضه فى الاول
وكنت بجربها وانا بقول على الراجل انه بيألف
وفعلا الفرق كان ساشع فعلا

والفلاح ده اللى كان قايله موضوع الثوم ده دكتور بيطرى وكان بيقوله هقولك بقى على السر لانه هو برضه كان عندك ارانب مش راضيه تعشر

وهو برضه كان بيحقنها جمب الثوم 1 سم فيتامين بس مش فاكر نوعه ايه


وبالنسبه للاستاذ نور :

المووضع مش تدليك لانى جربت قبل كده ادلك بريشه ومره بايدى وماكنش فيه فايده
وانا مش بدلك جامد فى الثوم ده مجرد ان الثوم يلامس الفرج بس تدليك خفيف يعنى


عموما ياريت حد من اهل الخبره يرد علينا ويأكلنا المعلومات دى
وهل فيه خطر على الام او الذكر من كده

وبرضه عاوزين نتاكد من موضوع الطلق الصناعى ده
عشان انا مش جربته
محمد طويله
ممكن يكون والله أعلم إن الفكره هى فى الحرقان اللى بيعمله الثوم
إنت لو كسرت فص توم فى فمك ستشعر بحرقان كبير أوى فى لسانك وفى الفم من الداخل
والحرقان ده هو اللى جعل الأم تقف وترفع ذيلها وتنتظر أى شئ لمعالجته
مش عارف الكلام ده ليه أصول علميه ولا لأ بس هى استنتاج
mahmoud.nada
هو فعلا زى مانت استنتجت كده
دى وصلت لدرجه هى اللى كانت بتنط عليه كمان وتشتغل

الحمد لله الطريقه دى كانت ناجحه معايا جداً
وربنا يجازى الراجل اللى قالهالى كل خير يارب

عمرو عقبه
والله فعلا فكره فى الجون..
وكتر خيرك اخونا صاحب المشاركه انك مبخلتش علينا بتجربتك دى..
انا سعات بحس انى هنفجر من الغيظ لما الارنبه تعاكس معايا وما ترضاش تقف للذكر..
لدرجه انها ممكن تفطم اولادها ويعدى على فطامهم يمكن اسبوع وهى لسه معشرتش..
لانها بدون مبررات مش عاوزه تقف للذكر..
وسواء كان للامر تفسير علمى او لا المهم انه وصلك لما تريد..
ولا اعتقد ان مثل الثوم يكون له اضرار..
لان استخدام الاشياء الطبيعيه يفرق كتير عن الكيماويات..
عموما..
هجرب وأدعيلك..
1012
someone
هااااااااااااااااااااااايل .. طريقه رائعه cheers
مايكل المنياوي
موضوع كويس وجديد ومعلومة كويسة ربنا يعوضك خير استاز mahmoud.nada
redaatia
السلام عليكم اخوانى محدش يجرب الثوم لانى جربت على حسب كلام الاخ محمود ولكن لم يحدث تلقيح فى اثنان انثى المشكلة ان الثوم عمل التهاب جامد فى الفتحة التنسلية عند الانثتان اخ محمود انتى عايز تجرب فينى الاول ولا اية
dr hussam h
اللي حصل ان الانثي حصل لها استثاره من الحك في المهبل و ده طبيعي و ليس من الثوم بالعكس الثوم ممكن يسبب التهاب شديد للانثي و اثار جانبيه غير مرغوب فيها ولا اعتقد ان الام اللي عشرت بالطريقه دي ممكن تطلع عشار الفضل انكت تضع الام اللي مش طالبه مع الذطر شويه لتسخينها و تشيلها و بعد شويه تضعها للذكر ثاني وممكن تضعها تاني يوم و تكرر العمليه
أم بودى ولوكا
redaatia كتب:
السلام عليكم اخوانى محدش يجرب الثوم لانى جربت على حسب كلام الاخ محمود ولكن لم يحدث تلقيح فى اثنان انثى المشكلة ان الثوم عمل التهاب جامد فى الفتحة التنسلية عند الانثتان اخ محمود انتى عايز تجرب فينى الاول ولا اية


كلام الاخ الفاضل صحيح

لانى جربته مع أنثى عندى

وحصل لها ألتهاب شديد

غير إن نزل منها قطعتين صُغيرين يشبهو مخ الفرخه وفيهم دم بسيط


dr hussam h
فعلا ممكن يعمل التهاب و الم شديد للام و ده حرام و ايذاء للحيوان الاخرس
نور الدين53
مع ااحترامي ولكن الثوم فكره مش كويسه خالص انا جربت وماعملش حاجه خالص والدكر ما ضربهاش الا اجباري
mahmoud.nada
ايه يا جماعه الهجوم ده

اجرب فيكوا الاول ايه والكلام ده

انا بنقلكم طريقه سمعتها وجربتها بالفعل عندى على 3 امهات قبل ما اكتب الموضوع وماحصلش عندى لحد دلوقتى اى مشاكل

وانا برضه حطيت الموضوع عشان اتأكد بس انا ما حصلش عندى اى التهابات اى اى اعراض

وما اظنش ان الثوم يعمل حاجه مضرده غير انه بيحرقها شويه وخلاص

ممكن الألتهاب جه من كتر الحك بفص الثوم
انا حكيت عندى حاجات بسيطه لحد ما بدأ يحمر وحط سطحى لمس بمعنى اصح

dr hussam h
يا اخ محمد لا هجوم ولا حاجه ياريت تجربتك تكون ناجحه انشاء الله بس لنا كل اللي باقزله ان انا باحب ان يكون لها اساس علمي بس التوم فعلا ممكن يسبب التهابات و يالم الام
oso
بيسبب التهابات في الحيا ولو شاكك في عشرها بيسقطها
تدليك الفتحة احسن من غير توم ولا حاجة
dr hussam h
يا جماعه و لو تركت الارنبه مع الذكر شويه و شيلتها ده ح يحفزها علي التعشير بعد شويه او تاني يوم لان التبويض في الارنبه بالتحفيذ induced ovulation لا توم و لا غيره
oso
صح
لو سبت الارنبة معاه لتاني يوم لازم تتعشر
الا اذا التبويض في مشاكل اساسية..زي اللي حصلت معايا
dr hussam h
دي افضل طريقه لتحفيذ الانثي و طبيعيه
أبــو أدهــم
احمرار فتحة الحيا بيكون نتيجة التدليك بأى شىء مش شرط التوم ، عموما هجربها على أم عندى واوافيكم بالنتيجة بإذن الله
dr hussam h
انا لا انصح بها نهائيا دي نصيحه و كل واحد حر بس كده ممكن تاذي الام و تالمها
أبــو أدهــم
تجربة ليست جيدة ... لم يتم التلقيح
avatar

مبروك على النجاح فى التعشير
الإحمرار الناتج لأن الثوم يهيج الأنسجة وينشط الدورة الدموية فحدث هذا الإحتقان
اما عن التعشير فممكن يكون حك هذه المنطقة حفز الأنثى للتعشير

عموما ربنا يوفقك ويوفق الجميع
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى