نتائج علف المؤسسه الاسلاميه

محتاج اعرف النتائج دي كويسه مقارنة بالاعلاف التانيه ولا لا

بص يا باشا انا باكل ايبكس ويعتبر نفس المعدل

ما هو المفروض ان اى علف مظبوط يكون معدل تحويله 35 جم فى اليوم ايا كان اسمه هنا بقى الفيصل يكون السعر

انا عن نفسى ورأيى الشخصى المتواضع
بأكل علف من مزرعه
فى واحد معرفه الله يباركله عنده مزرعه وبيعمل علفه بنفسه
وبيعملى معاه وباخد منه علف
وده بيكون افضل كتيييييير لانه بيضيف عليه كل حاجه من فيتامينات واملاح واديه واعشاب طبيعيه
ده رأيى المتواضع
وبالتوفيق ان شاء الله لجميع

م/بلال كل الاعلاف بتضيف فيتامينات واملاح وادويه واعشاب
انا بفضل الله بستخدم علف خاص بمزرعه وبحول معايا من 250 الى 300 جرام فى الاسبوع بس للاسف فى الشهر ده بالذات تحويله اقل من كده والحقيقه ناس كتير بتشتكى من التحويل فى الشهر ده

فعلا انا عندى نفس المشكله
لكن مش كل الاعلاف اللى بينضاف عليها الحاجات اللى قولناها بتكون كويسه
ولو كده كنت حضرتك اشتريت من بره مش كنت تعمل علفك بنفسك
ده توضيحى فقط للموضوع ان العلف اللى صاحب المزرعه بيعمله لنفسه
بيكون احسن بكتييييييييييييير من الاعلاف التجاريه
وبالتوفيق ان شاء الله للجميع

لو عندك زى عندى زى ما عند كل الناس مشكله فى التحويل الشهر ده رغم ان العلف ثابت
يبقى واضح جدا ان المشكله فى الجو يا جماعه
تقلبات الجو الأيام دى بتخلى اكله الأرنب غير مستقره
واستهلاكه للعلف غير مستقر وزعلانين ان معدل التحويل ضعيف
إحمدوا ربنا إن الأرانب عايشه
الشهر ده أنا أنا لحقت ذكر بالسكينه ورميت 4 امهات من أصل الـ 10 أمهات عندى
ده غير إن فى اتنين كمان استجابوا للعلاج بس أصبحوا ضعاف جدا جدا والإتنين معاهم خلفات
يعنى نصف التربيه اتعدمت

ربنا يعوض عليك يا باشا و هى المشكلة فى التقلبات الجوية بصراحة انها خراب بيوت بالمستعجل

ربنا يعوض عليك ياأبو هاشم وانت معروف عنك الصبر وان شاء الله ازمه وتعدى
وانا دلوقتى مطمئن والله لانى كنت خلاص على وشك تغيير العلف بس الحمد لله طلعت مشكله عامه

بما انها مشكلة عامة فياريت نشوف ليها حل وياريت الناس الخبرة تقولنا نعمل اية

مفيش حل دى ظروف الجو
فى شهر 3 وشهر 8 هتلاقى النمو بطئ انا ملاحظ ده كل سنه

فعلا النمو بطىء اليومين دول بسبب الجو
والله يعوض عليك يا استاذ محمد
وان شاء الله خير

ألف شكر ليكم جميعا على الشعور الطيب ده
سبب اللى حصل عندى ان مع دخول شهر 3 جت موجه حر مش متوقعه
تلاقى الدرجه الصبح 30 درجه وبالليل 14 درجه !!!
ولأن التهويه عندى اوتوماتيك فالشفاطات شغاله وبتجيب هوا بارد من غير مناسبه
رغم ان الأرانب كانت لسه فى جو يعتبر حر
وآدى النتيجه
بس المهم فى الموضوع إن الذكر اللى دبحته كان طعمه حلو فى الأكل

بالهنا والشفا استاذ محمد وربنا يعوض عليك ان شاء الله في اللي مات
وفعلا انا كمان معدل النمو عندي بطئ جدا الشهر ده وفعلا تقلبات الجو هيا السبب وعلي رأيك الحمد لله انها لسه عايشه اصلا

نسيت اقول حاجه مهمه
بالنسبه لضبط درجه الحراره ده أمر مقدور عليه وسهل
فى أنظمه أوتوماتيك بتتكرب للمزارع الكبيره مهمتها انها تحافظ على درحه المكان لو الجو حر بتشغل المراوح مع رزاز مياه ولو برد بتقفل الشفاطات وحاجات من كده علشان تفضل درجه الحراره فى المظبوط دايما
بس ده زى ما قلنا فى المزارع الكبيره
ربنا يعطينا جميعا