منتدى الأرانب للجميع
تربيه وتدريب ذكور الأرانب  حصريا على منتدى الأرانب للجميع - صفحة 3 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

تربيه وتدريب ذكور الأرانب  حصريا على منتدى الأرانب للجميع - صفحة 3 Rabbit10


منتدى الأرانب للجميع
تربيه وتدريب ذكور الأرانب  حصريا على منتدى الأرانب للجميع - صفحة 3 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

تربيه وتدريب ذكور الأرانب  حصريا على منتدى الأرانب للجميع - صفحة 3 Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية

تربيه وتدريب ذكور الأرانب حصريا على منتدى الأرانب للجميع

23012011
تربيه وتدريب ذكور الأرانب حصريا على منتدى الأرانب للجميع

الحمد لله الطريقه دى فعلا حصريه وما أظنش أبدا ان حد عملها قبل كده
ازاى أدرب أرنب دكر
والتدريب هنا مش معناه انه يمشى على الحبل مثلا
التدريب هنا معناه تربيه الأرنب من صغره على النشاط والحيويه والقوه علشان يكون عندى فى النهايه أرنب ملوش حل
أول حاجه / انت بتختار الأرنب الذكر عادى جدا زى ما بتختار أى أرنب للإحلال العيون بتلمع والقوام سليم والودان مرفوعه والشعر متماسك والأنف نظيف ومفيش جرب ولا عرقوب وكل اللى انت عارفه
تانى حاجه / تفصل الأرنب فى عين لوحده لحد عمر شهرين أو شهرين ونصف
تالت حاجه / تشيل الأرنب من البطاريه وتوفر ليه مكان على الأرض مساحه متر فى مترين مثلا
وطبعا الأرنب لما يجرى على الأرض حيويته بتزيد ووزنه بيقل لأنه بيتحرك بقدر أكبر مما كان عليه فى البطاريه مع ملاحظه وجود العلف أمامه بشكل دائم
رابع وأهم حاجه / تقديم الخضار للذكر بإنك ترفع الخضار أيا كان برسيم أو خس أو حتى جرجير ـ وعلى فكره الجرجير مفيد لخصوبه ذكور الأرانب ـ عن طريق انك تربط الخضار فى خيط أو دوباره وتعلقها فى أى حاجه أعلى من مستوى الارنب
بحيث انك تجبر الأرنب انه يقف على الأرجل الخفيه فقط لكى يستطيع الوصول للخضار المعلق وبشرط يكون الخضار متعلق فى الهوا يعنى الأرنب لازم علشان يوصل للخضار يقف على رجليه الخلفيه من غير ما يسند على أى حاجه ( رجليه وبس )
خامس حاجه / قبل بلوغ الأرنب لسن البلوغ بحوالى اسبوعين ترجعه للبطاريه تانى وبعدها بأسبوعين عند سن البلوغ تبدأ تشغله هاتشوف أسد مش أرنب ومفيش أنثى بتاخد معاه دقيقتين
طيب الفكره ايه فى الشغلانه دى
الفكره دى انا أخدتها من أرنب كنت بربيه عندى
الأرنب ده كانت رجليه نوعا ما طويله و وكانت الأنثى اللى تعصى عليه كان يلزق فيها ويرفعها من ورا برجليه وبعد كده يقوم بالتلقيح
فحاولت أربى أرنب من صغره على قوه الأرجل الخلفيه والحمد لله كانت النتيجه فوق الممتازه بشويه
وغير كده كان أرنب سريع جدا يعنى لو الأنثى مش قابله كان كفايه عليه جدا انه يخبط برجليه على أرضيه البطاريه علشان تتحرك من مكان لمكان وهى خطوه واحده بس وانتوا عارفين ان الأرنب بيتحرك بخطوات قافزه وأول ما كانت تتحرك خطوه واحده بس كان بيتحرك بسرعه كبيره جدا ويعمل الواجب اللى عليه ولو ما اتحركتش من مكانها يرفعها برجليه ويتصرف
من غير استعمال أستك ولا غيره

ملاحظات الطريقه دى
1ـ تربيه الأرنب فتره شهرين او شهرين ونص من عمره داخل القفص بتساعد انه لما يرجع القفص تانى مايتأثرش تأثير سلبى لأنه اتحبس فى قفص ما هو مولود فى فقص ومتربى فى قفص
2ـ كثره الحركه للأرنب تمنع تكوين أى دهون فيه وخصوصا على الخصيتين وده تأثيره إيجابى جدا على الخصوبه
3ـ قله شراسه الأرنب على الأنثى لأنه مش محتاج يكون شرس هو بيصل لهدفه سواء هى رافضه أو قابله
4ـ زياده خصوبه الأرنب ورغبته الزياده فى الإناث
إيه رأى أهل الخبره وأهل العلم فى المسأله دى


عدل سابقا من قبل a.abdelghani في الجمعة نوفمبر 04, 2011 9:28 pm عدل 1 مرات (السبب : التثبيت)

تعاليق

محمد عبدالله محمد عبدالله
M.Tawela كتب:
على الرغم أنه حتى الآن لم يذكر لى أيا من الأعضاء رأيه فى الموضوع
سواء كان رأى علمى أو عملى مكتسب بالخبره
فاسمحوا لى أن أسأل السؤال الذى توقعته من الكثير من الأعضاء
أو على الأقل من الأطباء وأصحاب العلم
وللأسف لم يسأله لى أحد
ولأن الموضوع عن تدريب ذكر لديه من القدرات على التعامل مع أى أنثى
فالسؤال هنا عن الأنثى التى تقوم بإلصاق مؤخرتها بأحد أركان البطاريه وترفض الحركه تماما مهما حاول الذكر
كيف يتم التعامل مع هذه الأنثى
ولا ننسى أن الهدف هنا أن يصل الذكر إلى هدفه ( وهدف المربى طبعا ) وهو إتمام عمليه التلقيح
كيف للذكر أن يتعامل مع هذه الحاله ؟

منتظر الردود ( هل من مجيب )


هذا اول ردودى فى منتداكم المحترم
عموما أنا باتدخل واعدل الانثى امام الذكر وتتم عملية التلقيح لأن عندى أم رخمة جدا وعنده مزاج تعمل الحركة دية Laughing
محمد طويله
نورت المنتدى والله
شكرا لك اخينا الفاضل محمد عبد الله
بخصوص الأم حلها هو القفص المستدير الذى لا يوجد ركن فيه
وهو موجود له صوره فى الصفحه الثانيه للموضوع
oso
قريبا سأقوم بتصنيع القفص يدويا
محمد جمال عبيد
موضوع مميز cheers
منذر
اول شغلة مشكور على طولة الروح

وبعديد للمرة المليون انت مكسب المنتدى

وصراحة كل موضوع تكتبوا فيه استفادة للجميع

تقبل مرورى
محمد طويله
ألف شكر ابو محمود
والف شكر محمد جمال
لكنى أظن انك تبالغ بعض الشئ ابو محمود
عبدالسلام عزت
دائما تبهرنا بمواضيعك استاذ محمد
محمد طويله
العفو يا استاذ عبد السلام
ده بس من ذوقك
صقر المودة
طب والله ان المنتدي دي جميل جدا ومفيد للغايه
ramyharon
M.Tawela كتب:
ahmeed كتب:
فكرة جامدة بس حكاية رجليه ديه مش فهمها بس مش مهم الفكرة دخلت دماغى
والارنب فعلا لما بتسيبوا فى مكان واسع بعد ما كنت حبسه بيفرح وبيجرى وبيتنطط
بس فى بعض الارانب بتروح توقف جمب البطريه وتحاول ترجعلها تانى مش عارف ليه
بس عامتا فكرتك محتاجه مكان واسع ومفيهوش رطوبه على ما اعتقد علشان الارنب يبتعد عن الذبل ويجلوش امراض وخاصة الجرب وعلشان تسيب ارنب على الارض لازم تكون محصنه كويس وعنده المناعه الكافيه واعتقد ان ده كله موجود فى البلدى + الخصوبه العاليه ومع ذلك انا لا انصح بالبدى الا لمن ليست عنده الخبرة الكافيه لان مع كفائته العاليه حجمه صغير
بالنسبه لسؤالك عن الانثى فبرأي انها غير قابله للتلقيح اما لسه صغييره لم تنضج جنسيا
او عشار
والله اعلم
وشكرا Wink Very Happy


أولا / شكرا على الإطراء على الفكره
ثانيا / أنا من رأيك فى مسأله الأرانب البلدى
لأنها رغم كفاءه الذكور العاليه فى التلقيح إلا أن الخلفات تكبر ببطء واضح جدا
ثالثا / بخصوص الإناث التى تلصق مؤخرتها بالقفص وترفض الحركه
العلاج فى القفص نفسه وليس فى الذكر ولا الأنثى
وهو عباره عن استخدام قفص مستدير
وبذلك لن تجد الأنثى ركن تلصق مؤخرتها فيه

وان شاء الله سأرفع صور للقفص قريبا


السلام عليكم

انا مربي جديد يعني داخل ع الكار بس من شهر وكانت الاناث رافضين التلقيح

كنت بدور ع حل لهذة المشكلة والحمدلله جائت فكرة الغرفة المدورة وطبقتها ع القفص

الامور تمام عشر ت اربع اناث خلال عشرة ايام

والحمد لله

ان شاء الله حبقى ارفع الصور للقفص المدور
بليغ حمدى
بسم الله
مجهود مشكور وتجربة تستحق التطبيق ومثل هذه الافكار قادرة على اخراج تربية الارانب من كبوتها
محمد طويله
شكرا ليك ياباشمهندس
lapino25
يعطيك الف الف عافيه

في ميزان حسناتك ان شاء الله
abdane
شكرا على الموضوع النادر
محمد طويله
أعزك الله يا أخى
شكرا لك
arabian horse
انا بعمل الموضوع ده مع الإناث والذكور وبعمل صوت كده زى ما تنادى على الكلب فبيعرفوا انى جايبه الأكل ويشبوا على رجليهم ويقفوا عليها ويشمشموا وهما دلوقتى اتعودوا اول ما بيشوفونى بيقفوا على رجليهم ويشمشموا من غير ما \اعمل صوت بس انا بعمل كده بلعب معاهم كمان لما بيبقى فى ارنب فى بدايه المرض ومش لسه فى حاجه ظاهره عليه بعرفه بسهوله بالطريقه دى علشان لما بجيب الأكل مش بيبقى قادر يقف على رجليه زى باقى الأرانب فبعرف انو مش فى نشاطه المعتاد بفحصه واديله الدوا والحمد لله وبفضله بلحقهم بدرى :)
محمد طويله
فكره ممتازه
انا فكرت اعملها مع التلقيح
كنوع من التحفيز للذكر
بس ربنا يكفيك شر الكسل
amr.von
والله انت برنس والموضوع ده شيق وفوق الممتاذ ربنا يوفقك
محمد طويله
amr.von كتب:
والله انت برنس والموضوع ده شيق وفوق الممتاذ ربنا يوفقك

شكرا ليك
وأنا سعيد جدا ان أول مشاركه ليك فى المنتدى تكون بالرد على موضوعى
نورت المنتدى ونورت الموضوع
محمدغبدالحق
عايز افهم موضوع الاستيك وشكراا
محمد طويله
محمدغبدالحق كتب:
عايز افهم موضوع الاستيك وشكراا

متأسف جدا على اتأخير فى الرد
أنا شايف السؤال النهارده بس
بتسأل عن استك ايه ؟
amer.ali.9212
موضوع جميل تسلم ايديك بس ليا استفسار الارنب عمر شهرين او شهرين ونص بيكون وزنة كام وهل من الممكن تطبيق الفكرة دى على الذكور الشغالة اللى بتكون كفائتها متوسطة وبالنسبة للانثى اللى بتلصق فى جنب القفص كان عندى دكر بيجيبها وسط القفص برجلية الامامية وبعدين يلقح ياترى فى طريقة ندرب عليها الدكر انة يعرف يتعامل مع الانثى دى ولك كل الشكر والتقدير
محمد طويله
بداية أنا مش مستوعب يعنى ايه يجيبها وسط القفص برجليه
بيضربها مثلا أو ايه ؟!!!
أما مساله تجربه الفكره على الذكور الخامله
فأظن انها قابله للتطبيق وتكون نتيجه ايجابيه إن شاء الله
لأن مجرد نزول الأرنب على الأرض بيرفع من الكفاءه العمليه للأرنب
وبيرفع من معنوياته
amer.ali.9212
لا مش بيضربها بس بيحاول يعدل وضعها عشان يتمم عملية التلقيح شكرا يا باشا
محمد طويله
العفو
تحت امرك
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى